Print 
PDF
ភ្នំពេញៈ មន្ត្រីមន្ទីរប្រឆាំងគ្រឿងញៀននៃក្រសួងមហាផ្ទៃបានអះអាងថា លោកវរសេនីយ៍ទោ កែវ សារឿន ជាមន្ត្រីយោធា និងភរិយាឈ្មោះ ពៅ បុផា បុរសជនជាតិវៀតណាមឈ្មោះ ប៊ុន ថា និងជនសង្ស័យបីនាក់ទៀតដែលបានចាប់ខ្លួនដោយកម្លាំងនគរបាល ប្រឆាំងគ្រឿងញៀនកាលពីថ្ងៃទី២៧-២៩ខែធ្នូកន្លងទៅនេះ ត្រូវបានតុលាការចោទប្រកាន់ជាផ្លូវការ និងចាត់បញ្ជូនទៅឃុំនៅពន្ធនាគារព្រៃស កាលពីម្សិលមិញ។
លោកឧត្ដមសេនីយ៍ បានបន្ថែមថា៖«ឥឡូវនេះពួកគេត្រូវបញ្ជូនទៅឃុំខ្លួននៅពន្ធនាគារព្រៃស ដើម្បីរង់ចាំកាត់ទោសនៅពេលខាងមុខ»។
Wednesday, 02 January 2013 ប៊ុត រស្មីគង្គា ភ្នំពេញ ប៉ុស្តិ៍
ជនជាប់ចោទជួញដូរគ្រឿងញៀនមួយសម្បុកនិងវត្ថុតាងដែលសមត្ថកិច្ចរឹបអូសបាន។ រូបថត ន ប.ក ជ
លោក ឧត្ដមសេនីយ៍ទោ សុក ជួរ អនុប្រធានមន្ទីរនគរបាលប្រឆាំងគ្រឿងញៀននៃក្រសួងមហាផ្ទៃ បានប្រាប់ភ្នំពេញប៉ុស្តិ៍ថា ៖ «លោក កែវ សារឿន និង ពៅ បុផា ជាភរិយា ជាមួយជនជាតិវៀតណាមម្នាក់ទៀត ត្រូវសាលាដំបូងរាជធានីភ្នំពេញ ចោទប្រកាន់លើបួនករណី គឺ ពីបទជួញដូរ ផលិត និងប្រើគ្រឿងញៀន និងកាន់អាវុធខុសច្បាប់។ ចំណែកឯជនសង្ស័យបីនាក់ទៀត ត្រូវតុលាការចោទប្រកាន់ពីបទសមគំនិតក្នុងបទជួញដូរ ផលិត និងមានគ្រឿងញៀនខុសច្បាប់»។
លោកបានបញ្ជាក់ថា ក្នុងការចុះឆ្មក់បង្ក្រាបកាលពីថ្ងៃទី២៧-២៩ធ្នូ ឆ្នាំ២០១២ ក្នុងរាជធានីភ្នំពេញនោះ មានជនសង្ស័យ១០នាក់ ដែលត្រូវបានឃាត់ខ្លួន។ ប៉ុន្តែ បន្ទាប់ពីបានសាកសួរហើយ ជនសង្ស័យបួននាក់ត្រូវបានដោះលែង ព្រោះតែមិនមានពាក់ព័ន្ធនឹងបទចោទទាំងនេះទេ។
លោក សុក ជួរ បានថ្លែងថា៖ «យោងតាមការស្រាវជ្រាវរបស់កម្លាំងនគរបាលយើង មានមនុស្សច្រើននាក់ទៀតពាក់ព័ន្ធនឹងសកម្មភាពផលិតគ្រឿងញៀនទាំង នេះនៅក្នុងរាជធានីភ្នំពេញ។ យើងឥឡូវនេះនៅតែកំពុងធ្វើការស៊ើបអង្កេតពួកគេនៅឡើយ»។
លោកឧត្ដម សេនីយ៍ឯក មាស វីរិទ្ធ អគ្គលេខាធិការរងអាជ្ញាធរជាតិប្រឆាំងគ្រឿងញៀន(NACD)បានមាន ប្រសាសន៍ថា លោក កែវ សារឿន និងភរិយាលោកគឺជាមេគំនិត និងអ្នកផលិតគ្រឿងញឿនដ៏ធំមួយនៅកម្ពុជា។ ពួកគេធ្លាប់បានប្រព្រឹត្តការជួញដូរ និងផលិតគ្រឿងញៀនអស់រយៈពេលជាច្រើនឆ្នាំមកហើយ។
លោកឧត្ដម សេនីយ៍បានបន្ថែមថា នគរបាលបានចំណាយពេលជាច្រើនខែនៅក្នុងការតាមដាន និងស៊ើបអង្កេតពួកគេមុនពេលពួកគេអាចឈានដល់ការចុះបង្ក្រាប និងចាប់ខ្លួនពួកគេនេះ។
ពាក់ព័ន្ធនឹងការចាប់ខ្លួនពួកគេ លោកអគ្គលេខាធិការរងបានបញ្ជាក់ថា លោក កែវ សារឿន និងភរិយាលោកឈ្មោះ ពៅ បុផា ជាមួយនឹងមនុស្សបួននាក់ទៀតត្រូវបានចាប់ខ្លួននៅនឹងផ្ទះពួកគេ ស្ថិតនៅក្នុងសង្កាត់ទួលស្វាយព្រៃ ខណ្ឌចំការមន រាជធានីភ្នំពេញកាលពីថ្ងៃទី២៧ ខែធ្នូ។ ផ្អែកតាមចម្លើយពួកគេនគរបាលបានឈានដល់ការចុះបង្រ្កាប និងចាប់ខ្លួនជនសង្ស័យបួននាក់ទៀត នៅកន្លែងផ្សេងគ្នាស្ថិតនៅក្នុងខណ្ឌទួលគោក និងខណ្ឌមានជ័យ ក្នុងរាជធានីភ្នំពេញ កាលពីថ្ងៃទី២៨ និង២៩ ខែធ្នូ ឆ្នាំ២០១២។
លោកអគ្គលេខាធិការរងអាជ្ញាធរជាតិប្រឆាំងគ្រឿងញៀន មាស វីរិទ្ធ បានបន្ថែមថា បន្ទាប់ពីចាប់ខ្លួនពួកគេ នគរបាលបានរឹបអូសគ្រឿងញៀនបានទម្ងន់ជិត៦,៥គីឡូក្រាមដែល ពួកគេបម្រុងនឹងចេញលក់ រួមមាន គ្រឿងញៀនប្រភេទ មេតំហ្វេតាមីនទឹកកក និងហេរ៉ូអ៊ីន និងសារធាតុគីមី ទម្ងន់ជិត៧៥គីឡូក្រាម ព្រមទាំងឧបករណ៍សម្រាប់ផលិតគ្រឿងញៀនផ្សេងទៀត។ នគរបាលបានរឹបអូសយករថយន្តម៉ាកហាំម័រមួយគ្រឿង និងអាវុធ និងគ្រាប់កាំភ្លើងមួយចំនួនពីក្នុងផ្ទះលោក កែវ សារឿន៕ PN
0 comments:
Post a Comment