Social Icons

Monday, April 27, 2015Print Friendly Version of this pagePrint Get a PDF version of this webpagePDF

សមាជិក​រណសិរ្ស​រំដោះ​ជាតិ​ខ្មែរ​​អះ​អាង​ថា ចម្លើយ​សារភាព​ទទួលបាន​តាមរយៈការ​ធ្វើ​ទារុណ​កម្ម​


សមាជិក​រណសិរ្ស​រំដោះ​ជាតិ​ខ្មែរ​ចំនួន​បួន​នាក់ដែល​ជាប់​ពន្ធនាគារ​ ជា​ក្រុម​ដែល​តស៊ូ​មតិ​ទាម​ទារ​ឲ្យបណ្តេញ​លោក​នាយក​រដ្ឋមន្ត្រី ហ៊ុន សែន និង​គណបក្ស​ប្រជាជន​របស់​លោក​ ចេញ កាលពី​ម្សិលមិញ​បាន​ប្រាប់​សាលា​ឧទ្ធរណ៍​​ថា ចម្លើយសារភាពរបស់ពួកគេ​កាលពីឆ្នាំមុន​​ដោយ​សារ​នគរ​បាល​ប្រើ​កម្លាំង​បង្ខំ​។
បន្ទាប់ពី​សវនាការ​ជំនុំជម្រះ​រយៈ​ពេល​១៥​នាទី ដែល​បាន​ធ្វើ​ឡើង​កាលពី​ខែមេសា​ឆ្នាំ​មុន សមាជិក​រណសិរ្ស​រំដោះ​ជាតិ​ខ្មែរ​ចំនួន​ប្រាំពីរ​នាក់​ត្រូវ​បាន​រក​ឃើញ​ពិរុទ្ធភាព​ពីបទ​មាន​ផែន​ការ​ផ្ដួល​រំលំ​រដ្ឋាភិបាល ហើយ​ត្រូវ​បាន​ផ្ដន្ទាទោស​ឲ្យ​ជាប់​ពន្ធនាគារ​ពី​៥ឆ្នាំ​ទៅ​​៩​ឆ្នាំ។

សមាជិក​ប្រាំមួយ​នាក់​ទៀត​ក្នុង​ក្រុម​នេះ​រួម​មាន​លោក សម សេរី ស្ថាបនិករណសិរ្សនេះ​​ដែល​មាន​មូល​ដ្ឋាន​នៅ​ប្រទេស​ដាណឺម៉ាក ត្រូវ​បាន​ផ្ដន្ទាទោស​កំបាំង​មុខ​ផង​ដែរ។

នៅ​សាលា​ឧទ្ធរណ៍​ក្នុង​រាជធានី​ភ្នំពេញ​កាលពី​ម្សិលមិញ​ ពួកគេ​បួន​នាក់​ក្នុង​ចំណោម​ប្រាំពីរ​នាក់​ត្រូវ​បាន​សាកសួរ​រយៈ​ពេល​ជាង​៣ម៉ោង ដោយ​ម្នាក់​ៗ​អះអាង​ថា ត្រូវ​បាន​ធ្វើ​ទារុណ​កម្ម​​ឲ្យ​ផ្ដល់​ចម្លើយ​សារភាព​ក្លែង​ក្លាយ។

លោក សួន​ ផល អាយុ​៥៣​ឆ្នាំ ជា​​ខ្មែរ​ក្រោម​ដែល​ត្រូវ​បាន​ចាប់​ខ្លួន​ក្នុង​ប្រទេស​ថៃ ហើយ​ត្រូវ​បាន​និរទេស​មក​កាន់​ប្រទេស​កម្ពុជា​កាលពី​ខែ​មីនា ឆ្នាំ​២០១៣ ជា​មួយ​សមាជិក​ប្រាំមួយ​នាក់​ទៀត​បាន​និយាយ​ថា ” នគរ​បាល​បាន​ទះកំផ្លៀង​ខ្ញុំ ចាប់​បោច​សក់​ខ្ញុំ ​បាន​ដាក់​ខ្នោះ​ខ្ញុំ និង​វាយ​ដំ​ខ្ញុំ​ឲ្យ​សារភាព​”។

ក៏​ត្រូវ​បាន​សាកសួរ​កាលពី​ម្សិលមិញ​ផង​ដែរ រួមមាន​លោក សួង សិទ្ធិគុណ អាយុ​៥២​ឆ្នាំ ខែម ម៉ា អាយុ​២៩ឆ្នាំ និង​ យិន យ៉ាវ អាយុ​៥៦​ឆ្នាំ​។

លោក ម៉ា បាន​និយាយ​ថា ” មន្ត្រី​នគរ​បាល​យុត្តិធម៌​បាន​ធ្វើ​ទារុណកម្ម​ខ្ញុំ បង្ខំខ្ញុំ​ឲ្យ​និយាយ​តាម​អ្វី​ដែល​ពួកគេ​ចង់​ឲ្យ​ខ្ញុំ​និយាយ​”។ លោក​បាន​បន្ថែម​ថា លោក​មិន​ជាប់​ពាក់​ព័ន្ធ​ជាមួយ​ក្រុម​ប្រឆាំង​នេះ​ទេ។

លោក​បាន​និយាយ​ថា ” គេ​បាន​ប្រាប់​ខ្ញុំ​ថា រណសិរ្ស​នេះ​ការ​​ពារ​សិទ្ធិ​មនុស្ស និង​ប្រឆាំង​​ការ​​ប្រើ​អំពើ​ហិង្សា​។ ខ្ញុំ​គិត​ថា រណសិរ្ស​នេះ​ល្អ ប៉ុន្តែ​ខ្ញុំ​មិន​បាន​ចូល​រួម​ទេ”។

ទោះ​ជាយ៉ាង​ណា លោកស្រី ទិត្យសុធី បូរ៉ាលក្ខណ៍ ចៅក្រម​ប្រធាន​ក្រុម​ប្រឹក្សា​ជំនុំជម្រះ​បាន​មាន​ប្រសាសន៍​ថា វា​មិន​ទំនង​ទេ​ដែល​ថា​​នគរ​បាល​បាន​ប្រើ​អំពើ​ហិង្សា​លើ​បុរស​ទាំង​នេះ​នោះ។

លោកស្រី​បាន​មាន​ប្រសាសន៍​ថា ” សូម​កុំចោទ​​នគរ​បាល​ថា​ប្រើ​កម្លាំង​បង្ខំ​ឲ្យ​អ្នក​សារភាព​នោះ ពីព្រោះ​នគរ​បាល​បាន​ស្បថ​នៅ​មុខ​រោង​អ្នកតា​​នៅ​ក្នុង​សាលា​ដំបូង​រាជធានី​ភ្នំពេញ​ហើយ។ តើ​មាន​ប្រយោជន៍​អ្វីទៅ​ដែល​នគរ​បាល​​បង្ខំ​ឲ្យ​អ្នក​សារភាព​នោះ?”។

សវនាការ​ជំនុំជម្រះ​ជន​ទាំង​ប្រាំពីរ​នាក់​នេះ​​គ្រោង​បន្ត​នៅ​សាលា​ឧទ្ធរណ៍​នៅ​ថ្ងៃទី​១៩ ខែ​ឧសភា។

ជាមួយ​សមាជិក​​រណសិរ្ស​រំដោះ​ជាតិ​ខ្មែរ​​១៣​នាក់​ ដែល​ត្រូវ​បាន​ផ្តន្ទាទោស​ពីបទ​មាន​ផែន​ការ​បណ្ដេញ​រដ្ឋាភិបាល​របស់​លោក ហ៊ុន សែន នោះ​ សមាជិក​១០​នាក់​ទៀត​​ត្រូវ​បាន​ចាប់​ខ្លួន​កាល​ពី​ខែ​តុលា ឆ្នាំ​២០១៤ ហើយ​ត្រូវ​បាន​ចោទ​ប្រកាន់​ពីបទ​ប្រើ​អំពើ​ហិង្សា​ជា​ច្រើន​រួម​មាន​​ការ​ចែក​ចាយ​សារ​បែប​អុជ​អាល​ និង​មាន​គម្រោង​តវ៉ា​នៅ​ក្រៅ​ស្ថានទូត​វៀតណាមជាដើម​។

សមាជិក​ទាំង​១០​នាក់​នោះ​ត្រូវ​បាន​សាកសួរ​នៅ​សាលា​ឧទ្ធរណ៍​កាលពី​ថ្ងៃ​ទី​២១ ខែ​មេសា ជុំវិញ​សំណើ​សុំ​​នៅ​ក្រៅឃុំ ហើយ​គ្រោង​​ទទួល​បាន​ការ​ប្រកាស​សាល​ដីកា​នៅ​ថ្ងៃ​នេះ។

កាលពី​ខែ​ធ្នូ ​រណសិរ្ស​រំដោះ​ជាតិ​ខ្មែរ​​បាន​ប្រកាស​ថា ខ្លួន​កំពុង​ព្រាង​ផែន​ការ​បង្កើត​រដ្ឋា​ភិបាល​និរទេស​។ កាលពី​មួយ​​ខែ​មុន ​នគរ​បាល​ជាតិ​បាន​ចេញ​សេចក្ដី​ថ្លែងការណ៍​មួយ​​អះ​អាង​ថា ក្រុម​ប្រឆាំង​នេះ​ “​កំពុង​​ហ្វឹក​ហាត់​កម្លាំង​ភេរវកម្ម​​ដើម្បី​បង្កៃ​គ្រាប់​បែក​​ដោយ​សម្ងាត់​នៅ​ជិត​ព្រំដែន​ថៃ ហើយ​មាន​គម្រោង​ផ្ដួល​រំលំ​រដ្ឋាភិបាល​​តាម​រយៈ​ការ​ប្រើ​កម្លាំង​ប្រដាប់​អាវុធ​ខុស​ច្បាប់​”៕ សារុន​​​
អានបន្ថែម »

KNLF Group Claim Confessions Came by Torture


BY BEN SOKHEAN | APRIL 28, 2015
Four imprisoned members of the Khmer National Liberation Front (KNLF)—a group that advocates for the removal of Prime Minister Hun Sen and his ruling CPP—on Monday told the Appeal Court that confessions given to police last year were extracted by force.

Following a 15-minute trial in April last year, seven KNLF members were found guilty of plotting to overthrow the government and sentenced to between five and nine years in prison. Six other members of the group, including its Denmark-based founder Sam Serey, were convicted and sentenced in absentia.

At the Appeal Court in Phnom Penh on Monday, four of the seven were questioned for more than three hours, with each claiming that he had been tortured into giving false confessions.

“Police slapped me, dragged me by the hair, handcuffed me and beat me to confess,” said Suon Phal, a 53-year-old Khmer Krom man who was arrested in Thailand and deported to Cambodia in March 2013 along with his six fellow appellants.

Also questioned Monday were Suong Sithikun, 52; Khem Ma, 29; and Yin Yav, 56.

“The judicial police officers tortured me, forcing me to say what they wanted me to say,” Mr. Ma said, adding that he had no affiliation with the dissident group.

“Someone had told me that the Front protects human rights and opposes violence. I think the Front is good, but I never joined it,” he said.

Presiding Judge Tithsothy Boraleakh, however, said it was unlikely that police had used violence against the men.

“Please don’t accuse police of forcing you to confess, because the police took oaths in front of the spirit house [inside the Phnom Penh Municipal Court],” she said. “What benefit is there for police to force you to confess?”

The trial of the seven is set to resume at the Appeal Court on May 19.

Along with the 13 alleged KNLF members convicted of plotting to oust Mr. Hun Sen’s government, 10 others were arrested in October 2014 and charged with inciting violence over acts including distributing allegedly incendiary literature and planning a protest outside the Vietnamese Embassy.

Those 10 were questioned at the Appeal Court on April 21 over their request to be freed on bail and are due to receive a decision today.

In December, the KNLF announced that it was drafting a plan to form a government-in-exile. A month earlier, the National Police released a statement claiming that the dissident group was “training terrorist forces to secretly plant explosives near the Thai border” and “topple the government through the use of illegal armed force.”

sokhean@cambodiadaily.com
អានបន្ថែម »

Tuesday, February 24, 2015Print Friendly Version of this pagePrint Get a PDF version of this webpagePDF

ពលរដ្ឋ​ប្រមាណ​២០០​គ្រួសារ​នៅ​ពោធិ៍សាត់​បារម្ភ​បាត់​បង់​លំនៅឋាន​ដោយ​គម្រោង​អភិវឌ្ឍន៍

ប្រជាពលរដ្ឋ​ប្រមាណ ២០០​គ្រួសារ​ដែល​សង់​ផ្ទះ និង​ខ្ទម​រស់នៅ​ក្នុង​ព្រៃ​ក្បែរ​ល្អាង​បុរាណ​ធម្មជាតិ​រំលេច ឋិត​នៅ​ឃុំ​ក្រពើពីរ ស្រុក​វាលវែង ខេត្ត​ពោធិ៍សាត់ ព្រួយ​បារម្ភ​ពី​សុវត្ថិភាព​នៃ​ការ​តាំង​ទីលំនៅ​របស់​ខ្លួន ខណៈ​អាជ្ញាធរ និង​មន្ត្រី​ជំនាញ​ទប់ស្កាត់​សកម្មភាព​ទន្ទ្រាន​ដី​ព្រៃ​បន្ថែម ដែល​នាំ​ឲ្យ​ប៉ះពាល់​ដល់​ល្អាង ហើយ​គ្រោង​អភិវឌ្ឍ​តំបន់​នោះ​ទៅ​ជា​តំបន់​ទេសចរណ៍។

មុន​នឹង​ធ្វើ​ដំណើរ​ដល់​លំនៅឋាន​របស់​អ្នក​ភូមិ ឬ​ល្អាង​បុរាណ​ធម្មជាតិ​រំលេច នេះ គេ​ត្រូវ​ធ្វើ​ដំណើរ​កាត់​តាម​ផ្លូវ​ក្រាល​កៅស៊ូ និង​ក្រួស​ក្រហម​ជាង ៦០​គីឡូម៉ែត្រ​ពី​ទី​រួម​ខេត្ត​ពោធិ៍សាត់ មក​ដល់​ចំណុច​ភូមិ​អូរដីកា នៃ​ឃុំ​ក្រពើពីរ ទើប​បន្ត​ដំណើរ​ចូល​ព្រៃ​កាត់​តាម​ជ្រលង​អូរ និង​ឡើង​ភ្នំ​ជិត ៨​គីឡូម៉ែត្រ​ទៀត។

ឋិត​នៅ​កណ្ដាល​ព្រៃ​ដែល​មិន​នឹក​ស្មាន​ថា​មាន​មនុស្ស​រស់នៅ​ច្រើន ដោយសារ​គ្មាន​ហេដ្ឋារចនាសម្ព័ន្ធ​ផ្លូវ​ថ្នល់ មន្ទីរពេទ្យ និង​សាលា​រៀន ជាដើម បែរ​ជា​មាន​ផ្ទះ និង​ខ្ទម​សង់​រកេតរកូត​ជាច្រើន​ខ្នង ដែល​ពេល​ខ្លះ​មាន​ពលរដ្ឋ​ប្រមូល​ផ្ដុំ​គ្នា ដើម្បី​ពិភាក្សា​បញ្ហា​ប្រឈម​នានា​នៅ​ក្នុង​មូលដ្ឋាន។

ក្បាល​ទទូរ​ក្រមា​ទើប​ត្រឡប់​ពី​ចម្ការ មក​អង្គុយ​ត្របោម​ក្បាល​ជង្គង់​ជជែក​ជាមួយ​អ្នក​ភូមិ​ជាង ៥០​នាក់ នៅ​ក្រោម​ផ្ទះ​ប្រក់​ស័ង្កសី​បាំង​ជញ្ជាំង​ក្ដារ​មិន​ទាន់​ហើយ​មួយ​ខ្នង គឺ​អ្នកស្រី ពៅ រ៉ន មាន​ប្រសាសន៍​ថា ពលរដ្ឋ​ភាគ​ច្រើន​បាន​ចូល​កាប់​រាន​ព្រៃ និង​តាំង​ទីលំនៅ​ក្បែរ​ល្អាង​រំលេច ក្នុង​ចន្លោះ​ឆ្នាំ​២០០៧ ដល់​ឆ្នាំ​២០១៣ តាម​រយៈ​ការ​ទិញ​ដូរ​គ្មាន​លិខិត​ស្នាម​ពី​ឆ្មាំ​យាម​ល្អាង គឺ​អ្នកស្រី ទូច សាយ និង​ប្ដី។ អ្នកស្រី​បន្ត​ថា រូប​គាត់ និង​កូន​ចៅ​ចំនួន​បី​គ្រួ​សារ បាន​ចំណាយ​ប្រាក់ ២​ពាន់​ដុល្លារ ដើម្បី​ទិញ​ដី​ចម្ការ​ទំហំ​ទទឹង ២០០​ម៉ែត្រ បណ្ដោយ ១​ពាន់​ម៉ែត្រ ឋិត​នៅ​ខាង​លិច​ល្អាង​ចម្ងាយ ៥០០​ម៉ែត្រ៖ «គាត់ (អ្នកស្រី ទូច សាយ) វាស់វែង​លក់​ឲ្យ​ខ្ញុំ​បាន​ដាំ​ដំណាំ​ខ្នុរ​ខ្ពស់​អស់​ហើយ។ ខ្ញុំ​ខំ​កាប់​ខំ​ឆ្ការ ខ្ញុំ​អត់​ចេញ​ពី​ត្រង់​ហ្នឹង​ទេ បើ​ចេញ​មិន​ដឹង​ជា​ទៅ​នៅ​ឯណា​ទេ?»។

ប្រជាពលរដ្ឋ​ដែល​ភាគ​ច្រើន​មក​ពី​ខេត្ត​បាត់ដំបង ខេត្ត​ប៉ៃលិន និង​ខេត្ត​តាកែវ បាន​សម្រុក​ចូល​កាប់​រុក​រាន និង​ដុត​បំផ្លាញ​ព្រៃ​ឈើ​ស្រោង និង​ពាក់​កណ្ដាល​ស្រោង​ស្ទើរ​រង្គាល​នៅ​ចំណុច​មួយ​ចំនួន​ក្បែរ​ល្អាង​រំលេច ឋិត​នៅ​ឃុំ​ក្រពើពីរ ស្រុក​វាលវែង។ ក្រុម​ពលរដ្ឋ បាន​ចូល​តាំង​ទីលំនៅ​នៅ​តំបន់​នោះ​ដោយ​ខ្លួន​ឯង និង​ខ្លះ​អះអាង​ថា មាន​មេ​ខ្យល់​អូស​ទាញ​ចំនួន​បី​ក្រុម​ផ្សេង​ទៀត​ក្រៅ​ពី អ្នកស្រី ទូច សាយ។

ទាក់ទង​បញ្ហា​នេះ សមត្ថកិច្ច​ប៉ូលិស​បាន​ចាប់​តំណាង​ពលរដ្ឋ​ម្នាក់​ឈ្មោះ ជួប ឃន បញ្ជូន​ទៅ​តុលាការ​កាល​ពី​ថ្ងៃ​ទី​៤ ខែ​កុម្ភៈ ឆ្នាំ​២០១៥ ដោយ​ចោទ​ពី​បទ​កាប់​រុក​រាន​ដី​ព្រៃ។ តុលាការ​បាន​សម្រេច​ឃុំ​ខ្លួន​ភ្លាមៗ ដើម្បី​បើក​ការ​ស៊ើប​អង្កេត​ករណី​នេះ។ កាល​នោះ អ្នក​ភូមិ​រស់នៅ​ចំណុច​រំលេច បាន​ប្រតិកម្ម និង​តវ៉ា​សុំ​ឲ្យ​ដោះ​លែង​ដោយ​សំអាង​ថា តំណាង​របស់​ខ្លួន​គ្មាន​ទោស​កំហុស​ដូច​ការ​ចោទ​ប្រកាន់​ទេ។ ផ្ទុយ​ទៅ​វិញ អ្នក​មើល​ការ​ខុស​ត្រូវ​ល្អាង​រំលេច គឺ​អ្នកស្រី ទូច សាយ និង​មន្ត្រី​មាន​សមត្ថកិច្ច​ប្រចាំ​ការ​នៅ​តំបន់​នោះ​មួយ​ចំនួន​ទេ ដែល​ជាប់​ពាក់ព័ន្ធ​នឹង​សកម្មភាព​បំផ្លាញ​ព្រៃ​ឈើ​នៅ​ក្បែរ​ល្អាង​នេះ។

វិទ្យុ​អាស៊ីសេរី បាន​ព្យាយាម​ទាក់ទង អ្នកស្រី ទូច សាយ ដើម្បី​ឆ្លើយ​តប​នឹង​ការ​ចោទ​ប្រកាន់​របស់​ក្រុម​ពលរដ្ឋ​នេះ​ដោយ​ផ្ទាល់ និង​តាម​ទូរស័ព្ទ ប៉ុន្តែ​មិន​អាច​ទាក់ទង​បាន​រហូត​មក​ដល់​ថ្ងៃ​ទី​២៣ ខែ​កុម្ភៈ។

យ៉ាង​ណា ប្រធាន​មន្ទីរ​វប្បធម៌ និង​វិចិត្រ​សិល្បៈ​ខេត្ត​ពោធិ៍សាត់ លោក ឡាច ផេងលី បញ្ជាក់​ថា អ្នកស្រី ទូច សាយ ត្រូវ​បាន​អតីត​ប្រធាន​មន្ទីរ​វប្បធម៌ ធ្វើ​លិខិត​ស្នើសុំ​ទៅ​ថ្នាក់​លើ ដើម្បី​ឲ្យ​គាត់​បាន​ធ្វើ​ជា​ឆ្មាំ​យាម​ល្អាង​នៅ​អំឡុង​ឆ្នាំ​២០១២ គឺ​បន្ទាប់​ពី​គាត់​ចូល​ទៅ​រស់នៅ​មុន​គេ​ក្នុង​ឆ្នាំ​២០០៣ ហើយ​បាន​នាំ​ពលរដ្ឋ​ចំនួន ៥៦​គ្រួសារ​ទៀត​ទៅ​កាប់​រាន​ព្រៃ និង​តាំង​ទីលំនៅ​នៅ​តំបន់​នោះ​ដែរ៖ «ពី​មុន​គាត់ (អ្នកស្រី ទូច សាយ) ទៅ​ដល់​កាប់​រាន​ធ្វើ​ចម្ការ ហើយ​ល្អាង​នេះ​ក៏​ដឹង​ដោយសារ​គាត់​ដែរ មាន​តាបស​នៅ​កន្លែង​ហ្នឹង គាត់​មាន​អបិយ​ជំនឿ​គាត់​ឈប់​កាប់​ព្រៃ​ទៅ»។

លោក​បន្ថែម​ថា នៅ​ចំពោះ​មុខ មន្ទីរ​បាន​អភិរក្ស​តួ​ល្អាង និង​ផ្ទៃ​ដី​ព្រៃ​ជុំវិញ​ល្អាង​ទំហំ ១០០​ហិកតារ តែ​វិធានការ​ការពារ​ព្រៃ​ឈើ​ក្រៅ​ពី​នេះ គឺ​ជា​ដែន​សមត្ថកិច្ច​របស់​រដ្ឋបាល​ព្រៃ​ឈើ ឬ​ខាង​មន្ទីរ​បរិស្ថាន។ ចំណែក​វិធានការ​រៀបចំ​ពលរដ្ឋ​រស់នៅ​ក្បែរ​ល្អាង ឬ​បញ្ចៀស​ផល​ប៉ះពាល់​ផ្សេងៗ ប្រសិន​បើ​អភិវឌ្ឍ​តំបន់​នោះ​ទៅ​ជា​តំបន់​ទេសចរណ៍ គឺ​អាស្រ័យ​លើ​អាជ្ញាធរ​ពាក់ព័ន្ធ​នឹង​មាន​វិធានការ​ដោះស្រាយ។

ចំពោះ​បញ្ហា​នេះ មន្ត្រី​នាំ​ពាក្យ​សាលា​ខេត្ត​ពោធិ៍សាត់ លោក កើត ឆែ ធ្លាប់​ប្រាប់​វិទ្យុ​អាស៊ីសេរី ថា ក្នុង​ពេល​ឆាប់ៗ​ខាង​មុខ អាជ្ញាធរ​មាន​វិធានការ​គ្រប់គ្រង និង​ចុះ​ស្រង់​ស្ថិតិ​ពិត​ប្រាកដ​របស់​ប្រជាពលរដ្ឋ​រស់នៅ​តំបន់​ក្បែរ​ល្អាង​រំលេច នោះ។ នៅ​ចំពោះ​មុខ អាជ្ញាធរ​បាន​ទប់ស្កាត់​ដាច់​ខាត​ចំពោះ​ការ​កាប់​រុក​រាន​ដី​ព្រៃ​បន្ថែម ដោយ​រក្សា​ការ​រស់នៅ និង​ផ្ទៃ​ដី​កាប់​រាន​បាន​ទំហំ​ប៉ុណ្ណា គឺ​ផ្អាក​នៅ​ត្រឹម​នោះ​សិន។

ក្រុម​ពលរដ្ឋ​ដែល​ចូល​ទៅ​រស់នៅ​ក្បែរ​ល្អាង​រំលេច ឋិត​នៅ​ឃុំ​ក្រពើពីរ ស្រុក​វាលវែង កាន់​តែ​ខ្វល់​ចិត្ត ដោយ​ខ្លាច​បាត់​បង់​ទីលំនៅ និង​ដីធ្លី​ដែល​ខ្លួន​ទិញ ឬ​ខំ​កាប់​ឆ្ការ​បាន​នា​ពេល​កន្លង​មក បន្ទាប់​ពី​ប៉ូលិស​ចាប់​តំណាង​ម្នាក់​ដាក់​ពន្ធនាគារ ហើយ​ទទួល​ព័ត៌មាន​ថា អាជ្ញាធរ​មាន​សមត្ថកិច្ច​នឹង​អភិរក្ស​ផ្ទៃ​ដី​ព្រៃ​ជុំវិញ​ល្អាង​រំលេច ទំហំ ៣​ពាន់​ម៉ែត្រ​ការ៉េ ហើយ​ដក​ហូត​ដី​ពី​ពលរដ្ឋ​ណា​ដែល​ឋិត​ក្នុង​ដែន​អភិរក្ស​នេះ។

អ្នកស្រី សុទ្ធ ធួក មាន​វ័យ​ជាង ៥០​ឆ្នាំ ជា​ប្រជាពលរដ្ឋ​ម្នាក់​មក​ពី​ខេត្ត​បាត់ដំបង កំពុង​ឈរ​ផ្អែក​ជញ្ជាំង​ផ្ទះ​ក្នុង​ទឹក​មុខ​ក្រៀមក្រំ​ទំនង​ជា​បារម្ភ​ពី​សុវត្ថិភាព​ដីធ្លី និង​ការ​រស់នៅ​ក្បែរ​ល្អាង​ដូច​អ្នក​ភូមិ​ដទៃ​ទៀត​ដែរ។ គាត់​មាន​ប្រសាសន៍​ថា រូប​គាត់ និង​អ្នក​ភូមិ​ជាច្រើន​ទៀត សុទ្ធតែ​ខ្វះ​ខាត​ដីធ្លី​រស់នៅ ហើយ​ចង់​ឃើញ​ការ​អភិវឌ្ឍ​នៅ​នឹង​កន្លែង ដោយ​មិន​ចាំបាច់​ធ្វើ​បាប​ពលរដ្ឋ ឬ​ដក​ហូត​ដី​នោះ​ទេ៖ «ប្រជាពលរដ្ឋ​រស់នៅ​ត្រង់​នេះ​ខំ​កាប់​ខំ​រាន​បាន​បន្តិចបន្តួច​ប្រកប​អាជីវកម្ម គាត់ (អាជ្ញាធរ) ដេញ​ទៅ ហើយ​ដល់​ពេល​ទៅ​រកេតរកាក​បាន​អី​ទៀត អ៊ីចឹង​វា​កើត​ទុក្ខ​ម្នាក់ៗ»។

មន្ត្រី​របស់​សមាគម​អាដហុក (Adhoc) និង​លីកាដូ (Licadho) ប្រចាំ​ខេត្ត​ពោធិ៍សាត់ បាន​សហការ​គ្នា​ចុះ​អង្កេត​ករណី​នេះ ហើយ​រក​ឃើញ​ថា ផ្ទៃ​ដី​ព្រៃ​នៅ​ចំណុច​ចម្ការ​ចេក ស្រែ​ក្ដី និង​ចំណុច​រំលេច ឋិត​នៅ​ឃុំ​ក្រពើពីរ ស្រុក​វាលវែង រង​ការ​កាប់​បំផ្លាញ​ធ្ងន់ធ្ងរ​ដោយ​ប្រជាពលរដ្ឋ។ មន្ត្រី​សិទ្ធិ​មនុស្ស​មិន​គាំទ្រ​ចំពោះ​សកម្មភាព​នេះ​ឡើយ ហើយ​យល់​ថា អាច​មាន​អ្នក​មាន​លុយ ឬ​អំណាច​នៅ​ពី​ខាង​ក្រោយ​ខ្នង។

លោក ភួង សុធា ជា​មន្ត្រី​សម្រប​សម្រួល​សមាគម​អាដហុក ខេត្ត​ពោធិ៍សាត់ ថ្លែង​ថា អាជ្ញាធរ​មាន​សមត្ថកិច្ច​អសមត្ថភាព​ទប់ស្កាត់​សកម្មភាព​កាប់​បំផ្លាញ​ព្រៃ​ឈើ និង​ការ​ចូល​រស់នៅ​អនាធិបតេយ្យ​របស់​ពលរដ្ឋ​នៅ​ក្នុង​ព្រៃ ដែល​មិន​មែន​ជា​ភូមិម្ករ​ចាស់​របស់​ពួក​គេ​ធ្លាប់​រស់នៅ​ផង​នោះ។ ប៉ុន្តែ​លោក​ថា បើ​មាន​ការ​អភិវឌ្ឍ​តំបន់​រំលេច នេះ​ទៅ​ជា​តំបន់​ទេសចរណ៍ អាជ្ញាធរ​ត្រូវ​គិតគូរ​រឿង​ពលរដ្ឋ​ជា​មុន៖ «វា​ជា​រូបភាព​ដ៏​សែន​អាក្រក់ ប្រសិន​អាជ្ញាធរ​ជា​អ្នក​បើក​ដៃ​ឲ្យ​ប្រជាពលរដ្ឋ​ចូល​ទៅ​កាប់​ព្រៃ ហើយ​យក​រូបភាព​ប្រជាពលរដ្ឋ​ថា​ពលរដ្ឋ​កាប់​ព្រៃ​ខុស​ច្បាប់ ហើយ​បណ្ដេញ​ពួក​គាត់​ចេញ ដើម្បី​យក​ដី​ចែក​នោះ»។

ល្អាង​បុរាណ​ធម្មជាតិ​រំលេច គឺ​ជា​ទីតាំង​វប្បធម៌​ធម្មជាតិ​វ័យ​ចំណាស់​មួយ។ មន្ត្រី​វប្បធម៌​បាន​សន្និដ្ឋាន​បឋម បន្ទាប់​ពី​ចុះ​សិក្សា​ចំនួន​បី​លើក​ថា ល្អាង​នេះ គឺ​ជា​ទីតាំង​រស់នៅ​របស់​អម្បូរ​មនុស្ស​នា​សម័យ​បុរាណ គឺ​មុន​ពេល​ដែល​មនុស្ស​មាន​ផ្ទះ​សម្បែង​រស់នៅ​ពិត​ប្រាកដ។ តំបន់​រំលេច មាន​ល្អាង​សំខាន់ៗ​ចំនួន​១០ ហើយ​ល្អាង​ទាំង​នោះ​ចូល​ទៅ​ត្រជាក់ មាន​ស្នាម​គូស​វាស និង​រូប​មនុស្ស​នៅ​លើ​ផ្ទាំង​ថ្ម។

យ៉ាង​ណា ប្រធាន​មន្ទីរ​ទេសចរណ៍​ខេត្ត​ពោធិ៍សាត់ លោក សំ ឃីម ថ្លែង​បញ្ជាក់​ថា គម្រោង​អភិវឌ្ឍន៍​តំបន់​រំលេច ទៅ​ជា​តំបន់​ទេសចរណ៍​នោះ គឺ​មិន​ទាន់​មាន​ភាព​ច្បាស់​លាស់​នៅ​ឡើយ។ លោក​ថា នៅ​ស្រុក​វាលវែង មាន​តំបន់​ទេសចរណ៍​ច្រើន​កំពុង​សិក្សា ហើយ​អាច​មាន​សក្ដានុពល​សម្រាប់​ភ្ញៀវ​ទេសចរ​ជាតិ និង​អន្តជាតិ។ ចំពោះ​តំបន់​រំលេច វិញ បើ​អភិវឌ្ឍ​ទៅ​អាច​ទាក់ទាញ​តែ​ភ្ញៀវ​បរទេស​ប៉ុណ្ណោះ៕
ប្រភពដើមៈ RFA
អានបន្ថែម »
 

Total Pageviews

Followers

អ្នកគាំទ្រតាមហ្វេសប៊ុក

លើបណ្តាញ​ហ្វេសបុក

សូមស្វាគមន៍មកកាន់គេហទំព័រ សម្លេងខ្មែរជាតិនិយម ។ សម្លេងខ្មែរជាតិនិយម និងផ្សព្វផ្សាយ នូវទស្សនៈនយោបាយពិតនៃសង្គម ដើម្បីជាកញ្ចក់សម្រាប់ប្រជាជាតិខ្មែរ យកទៅសិក្សា ស្វែងយល់អំពីបញ្ហាប្រទេសជាតិ ដែលដឹកនាំដោយជនផ្តាច់ការអាយ៉ងយួន ហ៊ុន សែន និងអាណានិគមយួនឈ្លានពាន ហើយរួបរួមគ្នាដើម្បីរំដោះ ជាតិ សាសនា ប្រជាជាតិខ្មែរ ឱ្យមាន សន្តិភាព ឯករាជ្យភាព និងប្រជាធិបតេយ្យពិតប្រាកដនៅក្នុងប្រទេសកម្ពុជា។