Print 
PDF
ដោយ វោហារ ជាតិ
2011-10-01
ថ្ងៃទី១ ខែតុលា ជាថ្ងៃបើកបវេសនកាលជាផ្លូវការសម្រាប់ឆ្នាំសិក្សាថ្មី ឆ្នាំ២០១១-២០១២ ក៏ប៉ុន្តែសាលារៀនជាង ៩០០កន្លែងនៅតែបិទទ្វារនៅឡើយ ដោយសារតែគ្រោះទឹកជំនន់។១០-កញ្ញា-២០១១៖ ទឹកជំនន់ជន់លិចដល់សាលារៀនមួយកន្លែង ស្ថិតក្នុងក្រុងក្រចេះ ខេត្តក្រចេះ។
របាយការណ៍របស់ក្រសួងអប់រំយុវជន និងកីឡា ដែលវិទ្យុអាស៊ីសេរី ទទួលបាននៅថ្ងៃទី១ ខែតុលា បង្ហាញថា សាលារៀនចំនួន ៩០៤កន្លែង ស្ថិតនៅតាមខេត្តចំនួន១៥ បានខូចខាត និងនៅលិចទឹកនៅឡើយមកទល់នឹងថ្ងៃទី១ តុលា។ បញ្ហានេះបានធ្វើឲ្យសិស្សចំនួនជាង ១០.៥០០នាក់ ខកខាន មិនអាចចូលរៀនបានក្នុងពេលដែលសិស្សានុសិស្សនៅទូទាំងប្រទេសចាប់ផ្ដើមចូលកងក្នុងឆ្នាំថ្មីវិញ នៅសប្ដាហ៍ក្រោយនេះ។
សាលារៀនដែលខូចខាត និងនៅលិចទឹកនៅឡើយនោះ មានដូចជា រាជធានីភ្នំពេញ មាន ២២កន្លែង ខេត្តកណ្ដាល ១៣៣កន្លែង កំពង់ឆ្នាំង ៣១កន្លែង ខេត្តពោធិ៍សាត់១៤ បាត់ដំបង ២កន្លែង បន្ទាយមានជ័យ១៦ ឧត្តរមានជ័យ២៥ ខេត្តព្រះវិហារ១៤ ខេត្តសៀមរាប ៦៥កន្លែង ខេត្តកំពង់ធំ ១៧៨ ខេត្តកំពង់ចាម ២៣០កន្លែង ព្រៃវែង៨២ ស្ទឹងត្រែង១៩ ក្រចេះ ៧៣កន្លែង។ ខេត្តដែលរងគ្រោះខ្លាំងជាងគេ គឺខេត្តកំពង់ចាម និងកំពង់ធំ។
លោក កឹម វីសុទ្ធ ប្រធានមន្ទីរអប់រំខេត្តកំពង់ធំ មានប្រសាសន៍ថា សាលារៀនដែលបានលិចទឹកជំនន់នោះ សាលាខ្លះទឹកបានស្រកហើយ ហើយសាលាខ្លះដាច់ផ្លូវ ឬនៅមានទឹកដក់ខ្លះដែលមិនមានសុវត្ថិភាពសម្រាប់ឲ្យសិស្សចូលរៀននៅឡើយ ៖ «បញ្ហាគឺ ៤៣កន្លែងហ្នឹងវាទឹកលិចដល់សាបហ្នឹង គឺទឹកវាជ្រៅ ម៉្យាងទៀតកន្លែងខ្លះវាលិចទីធ្លា លិចទីធ្លាវាអាចឲ្យវាលង់ទឹក លេងទឹកលេងអីវាលង់។ លេចត្រឹមជង្គង់ឡើងទៅ យើងមិនហ៊ានឲ្យទៅទេខ្លាចក្មេងវាលង់។ កន្លែងខ្លះសាលាលិចតិចតួចទេ ប៉ុន្តែតាមផ្លូវទៅសាលា វាទឹកដាច់ផ្លូវដាច់អី។ អ៊ីចឹងយើងខ្លាចក្មេងវាប៉ះពាល់។ ក្មេងវាទៅមកឆ្លងទឹកវាអាចលង់ទឹកក្មេង»។
បើគិតតួលេខសាលាខូចខាតធ្ងន់ធ្ងរជាងគេ គឺខេត្តកំពង់ចាម ស្ថិតនៅកម្រិតលេខមួយ ខណៈខេត្តកំពង់ធំ នៅចំណាត់ថ្នាក់ខូចខាតលេខ២។
លោក ថោង គិមជាន អនុប្រធានមន្ទីរអប់រំខេត្តកំពង់ចាម មានប្រសាសន៍ថា សាលាខ្លះនៅក្នុងខេត្តត្រូវដាច់ផ្លូវ ខ្លះត្រូវដើមឈើរលំលើបាក់ដំបូល ហើយលោករំពឹងថា សាលារៀនចំនួន២៣០ ក្នុងចំនួនសាលារៀនក្នុងខេត្តសរុបជាង ១.០០០សាលានោះ សិស្សនឹងអាចពន្យារពេលចូលរៀន រយៈពេលកន្លះខែទៅមួយខែទៀត។
លោកបន្តថា ៖ «ភាគច្រើនទឹកលិចសាលាយើងនៅតាមមាត់ទន្លេណា ហើយសាលានៅតាមមាត់ទន្លេហ្នឹង ភាគច្រើនមិនសូវយូរទេ។ កាលណាទឹកស្រកទៅ វាចាប់គោកហើយ។ អ៊ីចឹងខ្ញុំគិតថា វាមិនចាំយូរទេ សាលាខ្លះចាំមួយខែ១០ តាមមើលយ៉ាងយូរ។ សាលាខ្លះមិនដល់ទេ ព្រោះតាមមាត់ទន្លេយើងវាមិនរំដោះ (ទឹក) យូរទេ មិនដូចតាមបឹងទេ»។
ទាក់ទងការខកខានចូលរៀនរបស់សិស្សជាងមួយម៉ឺននាក់នេះ រដ្ឋលេខាធិការក្រសួងអប់រំយុវជន និងកីឡា លោក អ៊ុក មឿន មានប្រសាសន៍ថា ក្រសួងអប់រំកំពុងរៀបចំកម្មវិធីសិក្សាដោយឡែកមួយ ដោយកែប្រែកាលវិភាគកម្មវិធីសិក្សាតាមការជាក់ស្ដែងទៅតាមស្ថានភាពសាលាខូចខាតនៃខេត្តនីមួយៗ ដើម្បីឲ្យសិស្សបានរៀនចប់កម្មវិធីប្រចាំឆ្នាំ។
លោកថា កម្មវិធីនោះគឺក្រសួងអប់រំបានរៀបចំគម្រោងថវិកាសម្រាប់ជួយឲ្យលោកគ្រូ អ្នកគ្រូបង្រៀនថែមម៉ោង និងបង្រៀននៅថ្ងៃឈប់សម្រាកចុងសប្ដាហ៍ ធ្វើដូច្នេះទើបសិស្សដែលខកខានមិនបានចូលរៀននៅពេលនេះរៀនចប់កម្មវិធីបាន ៖ «ក្រសួងគឺវាមានកម្មវិធីរបស់គេ គឺចំនួនម៉ោងដែលត្រូវកម្មវិធីប្រចាំឆ្នាំ។ ឧបមាថា អ្នកចូលរៀនមុន ក្នុងមួយឆ្នាំរៀនប៉ុន្មានម៉ោងអ៊ីចឹងទៅ ហើយដល់អ្នកខ្លះយឺតយ៉ាវអ៊ីចឹង គឺអាចរកវិធីមួយទៀត។ ថ្ងៃខ្លះអាចបង្រៀនផ្គួបគ្នាអីខ្លះទៅ ថ្ងៃខ្លះបន្ថែមម៉ោងឲ្យបានគ្រប់ដូចគេដូចឯង។ កន្លែងខ្លះបង្រៀនថែមម៉ោងអ៊ីចឹងទៅឲ្យគ្រប់ម៉ោងមួយឆ្នាំ»។
យ៉ាងណាក្ដី លោក សួង យ៉េន ប្រធាននាយកដ្ឋានសំណង់នៃក្រសួងអប់រំយុវជននិងកីឡា មានប្រសាសន៍ថា គ្រោះទឹកជំនន់ឆ្នាំនេះ បានធ្វើឲ្យសាលាខូចខាតតិចជាងពេលព្យុះកេតសាណាឆ្នាំ២០០៩ ដែលកាលនោះបានធ្វើឲ្យខូចសាលារៀន ១.១៦៩កន្លែង៕
សាលារៀនដែលខូចខាត និងនៅលិចទឹកនៅឡើយនោះ មានដូចជា រាជធានីភ្នំពេញ មាន ២២កន្លែង ខេត្តកណ្ដាល ១៣៣កន្លែង កំពង់ឆ្នាំង ៣១កន្លែង ខេត្តពោធិ៍សាត់១៤ បាត់ដំបង ២កន្លែង បន្ទាយមានជ័យ១៦ ឧត្តរមានជ័យ២៥ ខេត្តព្រះវិហារ១៤ ខេត្តសៀមរាប ៦៥កន្លែង ខេត្តកំពង់ធំ ១៧៨ ខេត្តកំពង់ចាម ២៣០កន្លែង ព្រៃវែង៨២ ស្ទឹងត្រែង១៩ ក្រចេះ ៧៣កន្លែង។ ខេត្តដែលរងគ្រោះខ្លាំងជាងគេ គឺខេត្តកំពង់ចាម និងកំពង់ធំ។
លោក កឹម វីសុទ្ធ ប្រធានមន្ទីរអប់រំខេត្តកំពង់ធំ មានប្រសាសន៍ថា សាលារៀនដែលបានលិចទឹកជំនន់នោះ សាលាខ្លះទឹកបានស្រកហើយ ហើយសាលាខ្លះដាច់ផ្លូវ ឬនៅមានទឹកដក់ខ្លះដែលមិនមានសុវត្ថិភាពសម្រាប់ឲ្យសិស្សចូលរៀននៅឡើយ ៖ «បញ្ហាគឺ ៤៣កន្លែងហ្នឹងវាទឹកលិចដល់សាបហ្នឹង គឺទឹកវាជ្រៅ ម៉្យាងទៀតកន្លែងខ្លះវាលិចទីធ្លា លិចទីធ្លាវាអាចឲ្យវាលង់ទឹក លេងទឹកលេងអីវាលង់។ លេចត្រឹមជង្គង់ឡើងទៅ យើងមិនហ៊ានឲ្យទៅទេខ្លាចក្មេងវាលង់។ កន្លែងខ្លះសាលាលិចតិចតួចទេ ប៉ុន្តែតាមផ្លូវទៅសាលា វាទឹកដាច់ផ្លូវដាច់អី។ អ៊ីចឹងយើងខ្លាចក្មេងវាប៉ះពាល់។ ក្មេងវាទៅមកឆ្លងទឹកវាអាចលង់ទឹកក្មេង»។
បើគិតតួលេខសាលាខូចខាតធ្ងន់ធ្ងរជាងគេ គឺខេត្តកំពង់ចាម ស្ថិតនៅកម្រិតលេខមួយ ខណៈខេត្តកំពង់ធំ នៅចំណាត់ថ្នាក់ខូចខាតលេខ២។
លោក ថោង គិមជាន អនុប្រធានមន្ទីរអប់រំខេត្តកំពង់ចាម មានប្រសាសន៍ថា សាលាខ្លះនៅក្នុងខេត្តត្រូវដាច់ផ្លូវ ខ្លះត្រូវដើមឈើរលំលើបាក់ដំបូល ហើយលោករំពឹងថា សាលារៀនចំនួន២៣០ ក្នុងចំនួនសាលារៀនក្នុងខេត្តសរុបជាង ១.០០០សាលានោះ សិស្សនឹងអាចពន្យារពេលចូលរៀន រយៈពេលកន្លះខែទៅមួយខែទៀត។
លោកបន្តថា ៖ «ភាគច្រើនទឹកលិចសាលាយើងនៅតាមមាត់ទន្លេណា ហើយសាលានៅតាមមាត់ទន្លេហ្នឹង ភាគច្រើនមិនសូវយូរទេ។ កាលណាទឹកស្រកទៅ វាចាប់គោកហើយ។ អ៊ីចឹងខ្ញុំគិតថា វាមិនចាំយូរទេ សាលាខ្លះចាំមួយខែ១០ តាមមើលយ៉ាងយូរ។ សាលាខ្លះមិនដល់ទេ ព្រោះតាមមាត់ទន្លេយើងវាមិនរំដោះ (ទឹក) យូរទេ មិនដូចតាមបឹងទេ»។
ទាក់ទងការខកខានចូលរៀនរបស់សិស្សជាងមួយម៉ឺននាក់នេះ រដ្ឋលេខាធិការក្រសួងអប់រំយុវជន និងកីឡា លោក អ៊ុក មឿន មានប្រសាសន៍ថា ក្រសួងអប់រំកំពុងរៀបចំកម្មវិធីសិក្សាដោយឡែកមួយ ដោយកែប្រែកាលវិភាគកម្មវិធីសិក្សាតាមការជាក់ស្ដែងទៅតាមស្ថានភាពសាលាខូចខាតនៃខេត្តនីមួយៗ ដើម្បីឲ្យសិស្សបានរៀនចប់កម្មវិធីប្រចាំឆ្នាំ។
លោកថា កម្មវិធីនោះគឺក្រសួងអប់រំបានរៀបចំគម្រោងថវិកាសម្រាប់ជួយឲ្យលោកគ្រូ អ្នកគ្រូបង្រៀនថែមម៉ោង និងបង្រៀននៅថ្ងៃឈប់សម្រាកចុងសប្ដាហ៍ ធ្វើដូច្នេះទើបសិស្សដែលខកខានមិនបានចូលរៀននៅពេលនេះរៀនចប់កម្មវិធីបាន ៖ «ក្រសួងគឺវាមានកម្មវិធីរបស់គេ គឺចំនួនម៉ោងដែលត្រូវកម្មវិធីប្រចាំឆ្នាំ។ ឧបមាថា អ្នកចូលរៀនមុន ក្នុងមួយឆ្នាំរៀនប៉ុន្មានម៉ោងអ៊ីចឹងទៅ ហើយដល់អ្នកខ្លះយឺតយ៉ាវអ៊ីចឹង គឺអាចរកវិធីមួយទៀត។ ថ្ងៃខ្លះអាចបង្រៀនផ្គួបគ្នាអីខ្លះទៅ ថ្ងៃខ្លះបន្ថែមម៉ោងឲ្យបានគ្រប់ដូចគេដូចឯង។ កន្លែងខ្លះបង្រៀនថែមម៉ោងអ៊ីចឹងទៅឲ្យគ្រប់ម៉ោងមួយឆ្នាំ»។
យ៉ាងណាក្ដី លោក សួង យ៉េន ប្រធាននាយកដ្ឋានសំណង់នៃក្រសួងអប់រំយុវជននិងកីឡា មានប្រសាសន៍ថា គ្រោះទឹកជំនន់ឆ្នាំនេះ បានធ្វើឲ្យសាលាខូចខាតតិចជាងពេលព្យុះកេតសាណាឆ្នាំ២០០៩ ដែលកាលនោះបានធ្វើឲ្យខូចសាលារៀន ១.១៦៩កន្លែង៕
0 comments:
Post a Comment