អ្នកស្លាប់ដោយទឹកជំនន់នៅកម្ពុជាឡើងដល់១៤៨នាក់

Home » Unlabelled » អ្នកស្លាប់ដោយទឹកជំនន់នៅកម្ពុជាឡើងដល់១៤៨នាក់

Saturday, October 1, 2011Print PDF

អ្នកស្លាប់ដោយទឹកជំនន់នៅកម្ពុជាឡើងដល់១៤៨នាក់

អ្នកស្លាប់ដោយទឹកជំនន់នៅកម្ពុជាឡើងដល់១៤៨នាក់

អ្នកស្លាប់ដោយទឹកជំនន់នៅកម្ពុជាឡើងដល់១៤៨នាក់

©ចាន់ណា

ដោយ ប៉ែន បូណា
ផលប៉ះពាល់ដោយទឹកជំនន់ក្នុងឆ្នាំ២០១១នេះមានទំហំធំជាងកាលពីឆ្នាំ២០០០។ នេះបើយោងតាមការវាយតម្លៃរបស់លោកនាយករដ្ឋមន្ត្រីហ៊ុន សែនដែលបានប្រកាសឲ្យដឹងនៅថ្ងៃសៅរ៍ ទី១ តុលា ឆ្នំា ២០១១ នេះ។ ចំនួនអ្នកស្លាប់បានឡើងដល់១៤៨នាក់ និងហេដ្ឋារចនាសម្ព័ន្ធជាច្រើនបានទទួលរងការបំផ្លិចបំផ្លាញ។ ភាពធ្ងន់ធ្ងរនេះបានបង្ខំឲ្យរដ្ឋាភិបាលចាត់វិធានការបន្ទាន់ដើម្បីដោះស្រាយ។
គិតត្រឹមថ្ងៃទី៣០កញ្ញា ចំនួនអ្នកស្លាប់ដោយទឹកជំនន់នៅកម្ពុជាបានឡើងដល់១៤៨នាក់ក្នុងនោះមានកុមារចំនួន៥២នាក់។ នេះជាតុល្យការនៃសោកនាដកម្មដោយគ្រោះទឹកជំនន់ក្នុងឆ្នាំ២០១១នេះ ដែលលោកនាយករដ្ឋមន្ត្រី ហ៊ុន សែន បានប្រកាសឲ្យដឹងជាសាធារណៈនៅថ្ងៃសៅរ៍នេះ។ ក្នុងសេចក្តីថ្លែងការណ៍ពិសេសតាមកញ្ចក់ទូរទស្សន៍ស្តីពីបញ្ហាទឹកជំនន់កាលពីព្រឹកមិញ លោកនាយករដ្ឋមន្ត្រីបានវាយតម្លៃថា ទឹកជំនន់ឆ្នាំនេះបានបង្កផលប៉ះពាល់ធ្ងន់ធ្ងរជាងជំនន់សហស្សវត្សរ៍កាលពីឆ្នាំ២០០០ទៅទៀត។

ក្រៅពីផ្តាច់ជីវិតមនុស្សយ៉ាងច្រើន ទឹកជំនន់ក៏បានបំផ្លាញសន្ទូង និងស្រូវជាង២៧ម៉ឺនហិកតា និងធ្វើឲ្យប្រជាពលរដ្ឋចំនួន ១៧ ម៉ឺនគ្រួសារទទួលរងផលប៉ះពាល់។ ផ្លូវជាតិ ផ្លូវលំ ស្ពានសាលារៀន មន្ទីរពេទ្យ និងវត្តអារាម ជាច្រើនត្រូវបានលិចលង់ដោយទឹកជំនន់។ ប្រឈមមុខនឹងបញ្ហាធ្ងន់ធ្ងរនេះ លោកនាយករដ្ឋមន្ត្រី ហ៊ុន សែន បានដាក់ចេញនូវវិធានការមួយចំនួនដើម្បីជួយប្រជាជនដែលខ្វះស្បៀង ជម្រក និងថ្នាំពេទ្យ។ ប្រមុខរដ្ឋាភិបាលកម្ពុជាក៏បានអំពាវនាវដល់កងកម្លាំងប្រដាប់អាវុធ ក៏ដូចជាមន្រ្តីរដ្ឋបាល និង ក្រុមគ្រូពេទ្យឲ្យដាក់កម្លាំងប្រចាំការដើម្បីជួយសង្រ្គោះបន្ទាន់ដល់ប្រជាជនរងគ្រោះ។ យ៉ាងណាក៏ដោយ លោកនាយករដ្ឋមន្ត្រី ហ៊ុន សែន នៅតែបង្ហាញក្តីសង្ឃឹមថា កម្ពុជា នឹងជំនះបាននូវការលំបាកទាំងឡាយដើម្បីធានាឲ្យបាននូវកំណើនសេដ្ឋកិច្ច ៦ ភាគរយដូចការគ្រោងទុក។

មកដល់ចុងសប្តាហ៍នេះ ក្រសួងធនធានទឹក និងឧតុនិយមបានប្រកាសថា ទឹកជំនន់បានចាប់ផ្តើមបន្ថយឥទ្ធិពលរបស់ខ្លួនហើយ ប៉ុន្តែ ផលប៉ះពាល់នៅតែមានសភាពធ្ងន់ធ្ងរនៅឡើយ។ ប្រទេសកម្ពុជាបានទទួលរងការជន់លិចទ្រង់ទ្រាយធំសាជាថ្មីនៅឆ្នាំនេះ ដោយសារបញ្ហាអាកាសធាតុដែលបានបង្កអោយមានភ្លៀងធ្លាក់ខ្លាំងនៅក្នុងអាងទន្លេមេគង្គភាគខាងលើ។ ក្រសួងធនធានទឹក និងឧតុនិយមបានប្រកាសឲ្យដឹងថា ខ្យល់ព្យុះទី ១៧ឈ្មោះនេសាទដែលបានបោកបក់នៅក្នុងប្រទេសហ្វីលីពីន ហុងកុង កោះហៃណាន់នៃប្រទេសចិន និងបានទៅដល់ភាគខាងជើងនៃប្រទេសវៀតណាមបានរលាយបាត់ទៅវិញហើយកាលពីយប់ថ្ងៃសុក្រម្សិលមិញនេះ។

លោកនាយករដ្ឋមន្ត្រី ហ៊ុន សែន បានអំពាវនាវដល់មន្រ្តីគណបក្សប្រជាជនកម្ពុជាដែលមានលទ្ធភាពឲ្យជួយដល់ប្រជាជនដែលបាត់បង់ផ្ទះសំបែងតាមរយៈការជួយសាងសង់ផ្ទះ ជូនពួកគេវិញ ក៏ដូចជាជួយដោះស្រាយស្បៀងជូនប្រជាពលរដ្ឋរងគ្រោះ៕

0 comments:

Subscribe to: Post Comments (Atom)

សូមស្វាគមន៍មកកាន់គេហទំព័រ សម្លេងខ្មែរជាតិនិយម ។ សម្លេងខ្មែរជាតិនិយម និងផ្សព្វផ្សាយ នូវទស្សនៈនយោបាយពិតនៃសង្គម ដើម្បីជាកញ្ចក់សម្រាប់ប្រជាជាតិខ្មែរ យកទៅសិក្សា ស្វែងយល់អំពីបញ្ហាប្រទេសជាតិ ដែលដឹកនាំដោយជនផ្តាច់ការអាយ៉ងយួន ហ៊ុន សែន និងអាណានិគមយួនឈ្លានពាន ហើយរួបរួមគ្នាដើម្បីរំដោះ ជាតិ សាសនា ប្រជាជាតិខ្មែរ ឱ្យមាន សន្តិភាព ឯករាជ្យភាព និងប្រជាធិបតេយ្យពិតប្រាកដនៅក្នុងប្រទេសកម្ពុជា។

Home Khmer News Video World News Khmer Book Khmer Poems Sitemaps Login Website