Print 
PDFSeptember 03, 2012
ក្រសួងធនធានទឹកកម្ពុជាបានធ្វើការអំពាវនាវមួយដល់ពលរដ្ឋទាំងអស់ ដែលរស់នៅតំបន់ភ្នំ តំបន់ទំនាប និងតំបន់ជាប់ផ្លូវទឹក ឲ្យបង្កើនការប្រុងប្រយ័ត្ន ខណៈដែលប្រទេសកម្ពុជាកំពុងទទួលរងសម្ពាធទាប ចាប់ពីថ្ងទី០២ ដល់ថ្ងៃទី០៦ ខែកញ្ញា ឆ្នាំ២០១២នោះ។
តាមសេចក្តីជូនដំណឹងរបស់ក្រសួងធនធានទឹក និងឧតុនិយម ចាប់ពីថ្ងៃទី៣១ ខែសីហា រហូតមកដល់ថ្ងៃទី០១ ខែកញ្ញា មានជ្រលងសម្ពាធទាបមួយបានអូសបន្លាយពីលើអាងទន្លេមេគង្គ រហូតដល់ភាគខាងជើងប្រទេសកម្ពុជា។ ដែលលក្ខណៈ បែបនេះ នឹងធ្វើឲ្យផ្ទៃមេឃមានពពកច្រើនមីរដេរដាស និងមានភ្លៀងធ្លាក់ច្រើនជាបន្តបន្ទាប់ ចាប់ពីថ្ងៃទី០២ ដល់ថ្ងៃទី០៦ ខែកញ្ញា នៅតំបន់វាលទំនាប និងតំបន់ខ្ពង់រាប ដែលអាចបង្កឲ្យមានទឹកជំនន់ទឹកភ្លៀង នៅតាមបណ្តាខេត្តមួយចំនួន ដូចជា ខេត្តឧត្តរមានជ័យ បន្ទាយមានជ័យ បាត់ដំបង ពោធិ៍សាត់ សៀមរាប ព្រះវិហារ ក្រចេះ កំពង់ចាម កំពង់ធំ រតនគិរី មណ្ឌលគិរី កំពង់ស្ពឺ កំពង់ឆ្នាំង តាកែវ កណ្តាល ព្រៃវែង និងស្វាយរៀង។ ទន្ទឹមនឹងនោះ កំពស់ទឹកទន្លេមេគង្គ ទន្លេបាសាក់ និងទន្លេសាប នឹងហក់ឡើងជាបន្តបន្ទាប់ផងដែរ។
ចំពោះលក្ខណៈអាកាសធាតុបែបនេះ ក្រសួងធនធានទឹក និងឧតុនិយម បានអំពាវនាវដល់អាជ្ញាធរដែនដី និងប្រជាពលរដ្ឋទាំងអស់ ដែលរស់នៅតាមតំបន់ និងបណ្តាខេត្តមួយចំនួន ជាពិសេសភូមិសាស្ត្រជាប់តំបន់ភ្នំ តំបន់ខ្ពង់រាប និងតំបន់ជាប់ផ្លូវទឹក ឲ្យបង្កើនការយកចិត្តទុកដាក់ប្រុងប្រយ័ត្នខ្ពស់ ដើម្បីចៀសវាងនូវគ្រោះថ្នាក់ផ្សេងៗ ដែលអាចកើតមានជាយថាហេតុ៕
ស្ថានភាពទឹកជំនន់ក្នុងប្រទេសកម្ពុជាកាលពីឆ្នាំកន្លងទៅ
ចំពោះលក្ខណៈអាកាសធាតុបែបនេះ ក្រសួងធនធានទឹក និងឧតុនិយម បានអំពាវនាវដល់អាជ្ញាធរដែនដី និងប្រជាពលរដ្ឋទាំងអស់ ដែលរស់នៅតាមតំបន់ និងបណ្តាខេត្តមួយចំនួន ជាពិសេសភូមិសាស្ត្រជាប់តំបន់ភ្នំ តំបន់ខ្ពង់រាប និងតំបន់ជាប់ផ្លូវទឹក ឲ្យបង្កើនការយកចិត្តទុកដាក់ប្រុងប្រយ័ត្នខ្ពស់ ដើម្បីចៀសវាងនូវគ្រោះថ្នាក់ផ្សេងៗ ដែលអាចកើតមានជាយថាហេតុ៕
0 comments:
Post a Comment