Print 
PDFAugust 31, 2012 តំណាងរាស្រ្តគណបក្សប្រឆាំងចំនួនពីររូបបានដាក់សំណើរួចហើយ ទៅកាន់ក្រសួងយុត្តិធម៌ តាមរយៈលោក ហេង សំរិន ប្រធានរដ្ឋសភាជាតិ ដើម្បីឲ្យមានការបំភ្លឺអំពីការបង្ខាំងមនុស្សខុសច្បាប់របស់ ក្រុមហ៊ុននាំពលករ T&P ដែលពុំឃើញមានវិធានការជាច្រើនខែមកនោះ។
លិខិតដែលចុះហត្ថលេខាដោយលោកស្រី មូ សុខហួរ និងលោក សុវណ្ណា ពិសាខា តំណាងរាស្រ្តគណបក្សប្រឆាំងសមរង្ស៊ី ដាក់ទៅលោក អង្គ វង្សវឌ្ឍានា រដ្ឋមន្រ្តីក្រសួងយុត្តិធម៌ បានសរសេរថា អស់រយៈពេល៨ខែកន្លងមកហើយ ករណីបង្ខាំងមនុស្សដោយខុសច្បាប់ជាច្រើនខែ ដែលបង្កឡើងពីសំណាក់ក្រុមហ៊ុនជ្រើសរើសពលករ T&P មានអាស័យដ្ឋាននៅក្នុងខណ្ឌសែនសុខ រាជធានីភ្នំពេញ។ ការបង្ខាំងដែលផ្តាច់ទាំងស្រុងមិនឲ្យមានការទំនាក់ទំនងពីខាងក្រៅ ជាពិសេសជាមួយក្រុមគ្រួសារ បានបណ្តាលឲ្យជនរងគ្រោះឈ្មោះ ហេង ហាក់ សម្រេចចិត្តលោតពីបន្ទប់បង្ខាំងជាន់ទី៣របស់អគារក្រុមហ៊ុន ហើយបានក្លាយជាជនពិការ និងបន្តការព្យាបាលជាប្រចាំ។
លិខិតបន្តថា ករណីនេះ ក្រុមហ៊ុន T&P ត្រូវតែទទួលខុសត្រូវទាំងស្រុងចំពោះមុខច្បាប់។ ដែលការអនុវត្តបែបនេះ គឺដើម្បីលើកស្ទួយ ការពារ និងធានាឲ្យជនរងគ្រោះទទួលបានពេញលេញនូវសិទ្ធិមនុស្ស និងសេរីភាពជាសារវន្តទាំងអស់ និងជាការលើកស្ទួយនូវសេចក្តីថ្លែថ្នូររបស់ជនរងគ្រោះ ដែលតម្រូវឲ្យក្រសួងយុត្តិធម៌ ត្រូវចាត់វិធានការចាំបាច់ អំពីការទទួលបានភាពស្មើគ្នាចំពោះមុខច្បាប់ ព្រមទាំងលទ្ធភាពទទួលបាននូវប្រព័ន្ធយុត្តិធម៌សម្រាប់ជនរងគ្រោះផង ដែរ។
ជាមួយគ្នាតំណាងរាស្រ្តគណបក្សប្រឆាំង ក៏បានស្នើសុំរដ្ឋមន្រ្តីក្រសួងយុត្តិធម៌ ឲ្យចាត់វិធានការជំរុញដល់អាជ្ញាធរមានសមត្ថកិច្ច ព្រមទាំងអយ្យការអមសាលាដំបូងរាជធានីភ្នំពេញ ធ្វើការស៊ើបអង្កេតដោយឯករាជ្យ ចំពោះការបង្ខាំងមនុស្សដោយខុសច្បាប់ ដែលបង្កឡើងដោយក្រុមហ៊ុនជ្រើសរើសពលករ T&P ដើម្បីនាំខ្លួនយកមកផ្តន្ទាទោសចំពោះមុខច្បាប់ និងផ្តល់នូវយុត្តិធម៌ពិតប្រាកដសម្រាប់ជនរងគ្រោះ៕
ពលករដែលត្រូវបង្ខាំងនៅក្រុមហ៊ុន T&P កន្លងមក
លិខិតបន្តថា ករណីនេះ ក្រុមហ៊ុន T&P ត្រូវតែទទួលខុសត្រូវទាំងស្រុងចំពោះមុខច្បាប់។ ដែលការអនុវត្តបែបនេះ គឺដើម្បីលើកស្ទួយ ការពារ និងធានាឲ្យជនរងគ្រោះទទួលបានពេញលេញនូវសិទ្ធិមនុស្ស និងសេរីភាពជាសារវន្តទាំងអស់ និងជាការលើកស្ទួយនូវសេចក្តីថ្លែថ្នូររបស់ជនរងគ្រោះ ដែលតម្រូវឲ្យក្រសួងយុត្តិធម៌ ត្រូវចាត់វិធានការចាំបាច់ អំពីការទទួលបានភាពស្មើគ្នាចំពោះមុខច្បាប់ ព្រមទាំងលទ្ធភាពទទួលបាននូវប្រព័ន្ធយុត្តិធម៌សម្រាប់ជនរងគ្រោះផង ដែរ។
ជាមួយគ្នាតំណាងរាស្រ្តគណបក្សប្រឆាំង ក៏បានស្នើសុំរដ្ឋមន្រ្តីក្រសួងយុត្តិធម៌ ឲ្យចាត់វិធានការជំរុញដល់អាជ្ញាធរមានសមត្ថកិច្ច ព្រមទាំងអយ្យការអមសាលាដំបូងរាជធានីភ្នំពេញ ធ្វើការស៊ើបអង្កេតដោយឯករាជ្យ ចំពោះការបង្ខាំងមនុស្សដោយខុសច្បាប់ ដែលបង្កឡើងដោយក្រុមហ៊ុនជ្រើសរើសពលករ T&P ដើម្បីនាំខ្លួនយកមកផ្តន្ទាទោសចំពោះមុខច្បាប់ និងផ្តល់នូវយុត្តិធម៌ពិតប្រាកដសម្រាប់ជនរងគ្រោះ៕
0 comments:
Post a Comment