Print 
PDFថៃ្ងទី ០៩ វិច្ឆាការ ឆ្នាំ២០១១
ដោយ កុសល ថាច់(ព័ត៌មានភ្នំពេញប៉ុស្តិ៍)
ភ្នំពេញ:ការដំឡើងឋានន្តរស័ក្តិជាមន្ត្រីជាន់ខ្ពស់ក្នុងជួរកងយោធពល ខេមរភូមិន្ទតាមផ្លូវកាត់ដែល ត្រូវបានគេរិះគន់តាំងពីយូរណាស់មក ហើយនោះ លែងមានទៀតហើយ។ក្រសួងការពារជាតិបានសម្រេចផ្អាកជាបណ្តោះអាសន្ន ការដំឡើងឋានន្តរស័ក្តិ មន្ត្រីក្នុងជួរកងកម្លាំងប្រដាប់អាវុធកម្ពុជាដោយសារមូលហេតុដែលក្រសួងនេះទើបតែលើកឡើងថា ធ្វើឲ្យមានគម្លាតរវាងឋានន្តរស័ក្តិរបស់មន្ត្រីមួយចំនួន និងកម្រិតនៃចំណេះដឹង និងបទ ពិសោធពិតប្រាកដរបស់មន្ត្រីទាំងនោះ។
លោក ទៀ បាញ់ រដ្ឋមន្ត្រីក្រសួងការពារជាតិបានមាន ប្រសាសន៍ ក្នុងពិធីប្រារព្ធខួប៥៨ ឆ្នាំនៃថ្ងៃបង្កើតកងយោធពលខេមរភូមិន្ទកាលពីថ្ងៃចន្ទម្សិលមិញថាចំនួន មន្ត្រីត្រូវបានដំឡើងឋានន្តរស័ក្តិជាឧត្តមសេនីយ៍មានច្រើនជ្រុលពេកបើធៀបនឹង
ការដំឡើង ឋានន្តរស័ក្តិ ក្នុងរយៈពេលយ៉ាងខ្លី ដែលធ្វើឡើងក្រោយសមាហរណកម្ម កងកម្លាំងប្រយុទ្ធកាលពីឆ្នាំ១៩៩៣។
ការដំឡើង ឋានន្តរស័ក្តិ ក្នុងរយៈពេលយ៉ាងខ្លី ដែលធ្វើឡើងក្រោយសមាហរណកម្ម កងកម្លាំងប្រយុទ្ធកាលពីឆ្នាំ១៩៩៣។
លោក ទៀ បាញ់ បានមានប្រសាសន៍ទៀតថា៖«ដោយសារឋានៈខ្ពស់ជាងចំណេះដឹងនិងបទ ពិសោធពិតប្រាកដរបស់មន្ត្រីយោធាមួយចំនួន យើងត្រូវផ្អាកការដំឡើងឋានន្តរស័ក្តិជាបណ្តោះ អាសន្នហើយរង់ចាំរហូតដល់ចំណេះដឹងនិងបទពិសោធកើនឡើងតាមទាន់ឋានន្តរស័ក្តិរបស់ ពួកគេ» ។
លោកបានបន្តថា គម្លាតបទពិសោធ ពេលខ្លះធ្វើឲ្យកងយោធពលខេមរភូមិន្ទពិបាកធ្វើការជាមួយមន្ត្រីយោធា មកពីបណ្តាប្រទេសដទៃទៀត ជាពិសេសក្នុងករណីដែលមន្ត្រីទាំងនោះ ចូលរួមជាក្រុម ជាមួយមន្ត្រីសមភាគីបរទេស មានឋានន្តរស័ក្តិស្មើគ្នា ប៉ុន្តែនៅមានកម្រិតបទពិសោធខុសគ្នាខ្លាំង។
លោកបានបន្តទៀតថា៖ «ធ្វើការជាមួយកងកម្លាំងប្រដាប់អាវុធបរទេស ពេលខ្លះ[មន្ត្រីរបស់យើង] ពុំត្រូវបានគេផ្តល់ជំនឿថា មានឋានន្តរស័ក្តិស្មើពួកគេឡើយ»។ លោកបានបន្ថែមថា ពួកគេពេលខ្លះត្រូវបង្ខំឲ្យខិតខំតស៊ូដើម្បីទទួលបាននូវការគោរព។
លោកទៀ បាញ់ បានបដិសេធ ពុំព្រមប្រាប់ពីចំនួនឧត្តមសេនីយ៍ នៅក្នុងប្រទេសកម្ពុជាបច្ចុប្បន្នឡើយ ប៉ុន្តែបានអះអាងថា វាមានការដំឡើងឋានន្តរស័ក្តិ ដល់មន្ត្រីច្រើនជ្រុល។
គិតតែក្នុងខែមេសាកន្លងមក ឧត្តមសេនីយ៍ត្រី ៤៧ រូប ត្រូវបានដំឡើងឋានន្តរស័ក្តិ ដែលក្នុងនោះរួមមានទាំងលោក ហ៊ុន ម៉ាណែត កូនប្រុសច្បង របស់លោកនាយករដ្ឋមន្ត្រី ហ៊ុន សែន ដែលទើបតែបញ្ចប់ការសិក្សាផ្នែកយោធានៅអាមេរិកផងដែរ។ ក្នុងខែដដែលនោះ មន្ត្រីយោធា ៧ រូបផ្សេងទៀត ត្រូវបានដំឡើងឋានន្តរស័ក្តិជាឧត្តមសេនីយ៍ឯក(ផ្កាយ ៣) ហើយ ១១ រូបទៀត ត្រូវបានដំឡើង ជាឧត្តមសេនីយ៍ទោ(ផ្កាយ ២)។
លោក យឹម សុវណ្ណ អ្នកនាំពាក្យគណបក្ស សម រង្ស៊ី ដែលជាបក្សប្រឆាំងបានមានប្រសាសន៍ថា មានឧត្តមសេនីយ៍ជាច្រើនរូប ដែលត្រូវបានដំឡើងឋានន្តរស័ក្តិ តាមរយៈបក្ខពួកនិយម និងការសូកប៉ាន់។
លោកបានគូសបញ្ជាក់ថា៖«ខ្ញុំគោរពឧត្តមសេនីយ៍ណា ដែលមានបទពិសោធ ក្នុងសមរភូមិប្រយុទ្ធ និងការពារផលប្រយោជន៍ជាតិ ប៉ុន្តែមិនមែនឧត្តមសេនីយ៍ ដែលត្រូវបានដំឡើងឋានៈដោយសារបក្ខពួកនិយមតាមខ្សែគណបក្ស និងការសូកប៉ាន់នោះទេ»។
មានប្រសាសន៍ក្នុងពិធីខួបថ្ងៃបង្កើតកងយោធពលខេមរភូមិន្ទ ម្សិលមិញនេះដែរ លោក ទៀ បាញ់ ក៏បានលើកឡើងអំពីបញ្ហាកងទ័ពមិនទាន់ដោះស្រាយចប់ នៅជុំវិញតំបន់ព្រំដែនប្រាសាទព្រះវិហារផងដែរ ដោយលោកបានមានប្រសាសន៍ថា កិច្ចប្រជុំគណៈកម្មាធិការព្រំដែនទូទៅកម្ពុជា-ថៃ ដើម្បីពិភាក្សាលើ បញ្ហាដកកងទ័ពចេញពីតំបន់គ្មានយោធាតាមបញ្ជារបស់តុលាការយុត្តិធម៌អន្តរជាតិ កាលពីខែកក្កដានោះ ត្រូវបានលើកពេល ដោយសារតែគ្រោះមហន្តរាយទឹកជំនន់ ដែលកំពុងតែលុកលុយទាំងប្រទេសកម្ពុជា និងថៃ។ លោកបានលើកឡើងថា៖ «មកទល់ពេលនេះ ពុំទាន់មានកាលបរិច្ឆេទកំណត់ច្បាស់លាស់ សម្រាប់កិច្ចប្រជុំ GBC ឡើយ»៕
0 comments:
Post a Comment