Print 
PDFដំណើរការបោះឆ្នោតជាតិអាណត្តិទី៥ នាថ្ងៃទី២៨ ខែកក្កដា ឆ្នាំ២០១៣ អាចចាត់ទុកជាដំណាក់កាលសំខាន់បំផុតដែលរាស្ត្រខ្មែរទូទៅ មានកាតព្វកិច្ចសម្រេចជោគវាសនាប្រទេសជាតិនិងអនាគតខ្លួន ឯងប្រកបដោយការទទួលខុសត្រូវ ដែលគ្រប់ៗគ្នាមានការប្រុងប្រយ័ត្នយ៉ាងខ្លាំងព្រោះថាការបោះឆ្នោតខុសជ្រើសរើសមេដឹកនាំមិនបានល្អត្រឹមត្រូវពិតជារងនូវទុក្ខវេទនា ក្រីក្ររហេមរហាម មួយអាណត្តិទៀត។ ប៉ុន្តែប្រសិនបើរាស្ត្រខ្មែរភ្ញាក់ រលឹកដូចសព្វថ្ងៃនេះ ហើយនាំគ្នាទៅ បោះឆ្នោតបញ្ចប់អំណាចដ៏គួរឲ្យខ្ពើម រអើមរបស់លោក ហ៊ុន សែន អាចចាត់ទុកជាការបោះឆ្នោតត្រូវ ហើយពលរដ្ឋខ្មែរអាចមានមេដឹកនាំល្អដែល ជាអ្នកស្នេហាជាតិនិងអ្នកស្រឡាញ់លទ្ធិប្រជាធិបតេយ្យដែលចេះគិតគូរ ពីសុខទុក្ខរបស់រាស្ត្រ ការពារទឹកដី អធិបតេយ្យភាព និងឯករាជ្យជាតិ មិនទន់ជ្រាយឬចុះញ៉មជាមួយបរទេសក្បែរខាង ហើយគេមើលឃើញ កាន់តែច្បាស់ថា វាសនារបស់លោក ហ៊ុនសែន និងអនាគតប្រទេសជាតិ គឺជារឿងដាច់ដោយឡែកពីគ្នា។
ហ៊ុន សែន ប៉ុន្មានលើកចុងក្រោយនេះបានថ្លែងជាសាធារណៈសុំក្តីអាណិត ស្រឡាញ់ ជឿជាក់ និងឲ្យប្រជាពលរដ្ឋបោះឆ្នោតគាំទ្រគាត់ធ្វើជានាយក រដ្ឋមន្ត្រីក្នុងអាណត្តិទី៥ជាបន្តទៀត ដោយលោក ហ៊ុន សែន អួតអាងថា គាត់គឺជាអ្នកធានាឲ្យមានសន្តិភាព ស្ថិរភាពនយោបាយនៅក្នុងប្រទេសកម្ពុជា អស់រយៈពេល៣៤ឆ្នាំមកហើយ ដូច្នេះពលរដ្ឋខ្មែរត្រូវជួយសម្រេចជោគវាសនារបស់គាត់។ លោក ហ៊ុន សែន បានដឹងខ្លួនជាមុនរួចហើយថាដំណើរការបោះឆ្នោត នាខែកក្កដា ឆ្នាំ២០១៣នេះ គឺជាដំណាក់កាលសំខាន់បំផុត សម្រាប់ការស្វែងរកភាពស្របច្បាប់និងការគាំទ្រពីសហគមន៍អន្តរជាតិ ដោយមិនអាចរៀបចំការបោះឆ្នោតតាមរបៀបជិះសេះលែងដៃដូចដែលគាត់ ធ្លាប់បានធ្វើកាលពីប៉ុន្មានអាណត្តិមុននោះទេ នៅពេលដែលមេដឹកនាំពិភពលោកបានដាក់សម្ពាធឲ្យមានការធានារៀបចំការបោះឆ្នោតដោយ សេរី និងយុត្តិធម៌ ស្របតាមគោលការណ៍នៃលទ្ធិប្រជាធិបតេយ្យ។
លោក ហ៊ុន សែន កំពុងស្ថិតនៅលើផ្លូវបំបែកជា៣ មិនដឹងជាទៅច្រកណានោះទេ ហើយបើតាមការវាយតម្លៃរបស់លោកប្រធាន សម រង្ស៊ី បានឲ្យដឹងថាផ្លូវទាំង៣ដែលលោក ហ៊ុន សែន ត្រូវជ្រើសរើសសុទ្ធតែជាផ្លូវឆ្ពោះទៅកាន់ភាពបរា ជ័យ គ្រាន់តែការបរាជ័យនោះមានកិត្តិយសថ្លៃថ្នូរឬក៏អត់តែប៉ុណ្ណោះ ដែលត្រង់ចំណុចនេះលោក ហ៊ុន សែន ត្រូវពិចារណាឲ្យបានគ្រប់ជ្រុង ជ្រោយមុនពេលសម្រេចចិត្តបោះជំហានទៅកាន់ផ្លូវណាមួយ ដោយមិនអាចបកក្រោយវិញបានទេ។ ជាក់ស្តែង ផ្លូវទី១ដែលលោក ហ៊ុន សែន បានបោះជំហានទៅរួចហើយនោះ មានការខាតបង់យ៉ាងសម្បើម គឺមិនអាចបកក្រោយបានទេ ដូច្នេះនៅសល់ផ្លូវចំនួន ២ ទៀត ដែលលោកហ៊ុន សែន ត្រូវដើរបើសម្រេច ចិត្តមិនបានត្រឹមត្រូវទេនោះ អាច ធ្វើឲ្យជោគវាសនារបស់លោក ហ៊ុន សែន កប់យ៉ាងជ្រៅក្នុងភាពស្អប់ខ្ពើមនិងក្តៅក្រហាយរបស់ប្រជារាស្ត្រខ្មែរទូទៅ។ ពោលគឺមានផ្លូវល្អតែមួយគត់ដែលលោក ហ៊ុន សែន ត្រូវធ្វើតាមរយៈការសុំចុះចាញ់ប្រកបដោយកិត្តិយសនិងភាពថ្លៃថ្នូរដូចពាក្យចាស់ធ្លាប់ពោលថាទូកទៅ កំពង់នៅ ត្រូវកសាងកេរ្តិ៍ឈ្មោះក្នុង សង្គមឲ្យបានល្អក្រអូបសុសសាយទើបមិនសាបសូន្យ។
ផ្លូវទាំង៣ដែលហ៊ុនសែន ត្រូវឈានជើងចេញដំណើរសម្រាប់យុទ្ធនាការឃោសនារកសំឡេងឆ្នោតនៅពេលនេះរួមមាន ១. ការបើកយុទ្ធនាការឃោសនា បំភិតបំភ័យនិងគំរាមកំហែងប្រជារាស្ត្រឲ្យទៅបោះឆ្នោតគាំទ្រគាត់សម្រាប់តំណែងនាយករដ្ឋមន្ត្រី ក្នុងអាណត្តិទី៥ ហើយផ្លូវទី១នេះលោក ហ៊ុន សែន បានទទួលបរាជ័យយ៉ាងជូរចត់ ដោយសារពលរដ្ឋមើលឃើញកាន់តែច្បាស់ពីមហិច្ឆតានិងឧបាយកលរបស់លោក ហ៊ុន សែន ដែលធ្វើបាបរាស្ត្រខ្លួនឯងដោយគ្មានក្តីអាណិតអាសូរដើម្បីតែបុព្វហេតុការពារអំណាចរបស់ខ្លួនឲ្យបានស្ថិតស្ថេរគង់វង្ស។ ការលើកឡើងរបស់លោកហ៊ុន សែន ដែលមានលក្ខណៈ បំភិតបំភ័យនិងគំរាមកំហែងទៅលើ ពលរដ្ឋខ្មែរជាម្ចាស់សន្លឹកឆ្នោតគឺមិន អាចទទួលបានផលប្រយោជន៍អ្វីទេក្រៅតែពីភាពខឹងសម្បាក្តៅក្រហាយ ធ្វើឲ្យបក្សប្រជាជនកម្ពុជាខាតបង់សន្លឹកឆ្នោតកាន់តែច្រើន ព្រោះពល រដ្ឋខ្មែរមានការយល់ដឹងជ្រៅជ្រះពីសិទ្ធិអំណាចរបស់ខ្លួន ហើយពួកគេមិនចង់ឲ្យកូនចៅខ្មែរជំនាន់ក្រោយបន្តរស់នៅក្នុងភាពក្រីក្ររហេមរ ហាមការជិះជាន់សង្កត់សង្កិនដូចពេលបច្ចុប្បន្ននេះទេ។
ផ្លូវទី២ដែល ហ៊ុន សែន ត្រូវដើរគឺបន្តរៀបចំការបោះឆ្នោតដោយគ្មានការកែទម្រង់និងក្រអឺតក្រ ទមចំពោះសេចក្តីអំពាវនាវរបស់ស ហគមន៍អន្តរជាតិ ដែលត្រង់ចំណុចនេះគេវាយតម្លៃថាលោកហ៊ុន សែន អាចឈ្នះឆ្នោតដោយគ្មានគូប្រជែង ព្រោះតែឧបាយកលទុច្ចរិតមួយចំនួន ដូចជាការរក្សាទុកស្ថាប័នរៀបចំការ បោះឆ្នោតជាឧបករណ៍នយោបាយដើម្បីលួចបន្លំសន្លឹកឆ្នោត តាមរូបមន្តនិងយន្តការផ្សេងៗដូចធ្លាប់កើត មានប៉ុន្មានអាណត្តិមកហើយ។ មាន បញ្ហាជាច្រើនដែលនាំឲ្យពលរដ្ឋខ្មែរ ទូទៅបាត់បង់ឱកាសទៅបោះឆ្នោតសម្រេចជោគវាសនាប្រទេសជាតិឲ្យ បានត្រឹមត្រូវតាមរយៈផលលំបាកផ្សេងៗដូចជាការចុះឈ្មោះការបាត់ ឈ្មោះពីបញ្ជីបោះឆ្នោតក៏ដូចជាភាព ប្រទាំងប្រទើសដែលនាំឲ្យមានការលួចសិទ្ធិ លួចឈ្មោះពលរដ្ឋដែលមានឆន្ទៈទៅបោះឆ្នោតប្តូរមេដឹកនាំ ថ្មី ឬពលរដ្ឋដែលមាននិន្នាការគាំទ្រគណបក្សប្រឆាំង គឺបញ្ហាអស់ទាំងនេះអាចនាំឲ្យលោក ហ៊ុន សែន ឈ្នះឆ្នោត ប៉ុន្តែគ្មានកិត្តិយសនិងថ្លៃថ្នូរនោះទេ ហើយសហគមន៍អន្តរជាតិក៏មិនទទួលស្គាល់លទ្ធផលបោះ ឆ្នោតក្លែងបន្លំនេះដែរ។
ផ្លូវទី៣ដែល ហ៊ុន សែន ត្រូវដើរគឺការសម្របសម្រួលកែទម្រង់ ប្រព័ន្ធបោះឆ្នោតឲ្យស្របតាមការទាមទាររបស់សហគមន៍អន្តរជាតិដែលត្រង់ចំណុចនេះលោក ហ៊ុន សែន ត្រូវធានារៀបចំការបោះឆ្នោតដោយសេរីនិងយុត្តិធម៌ ស្របតាមគោលការណ៍នៃលទ្ធិប្រជាធិបតេយ្យ ដូចមានចែងក្នុងអនុសាសន៍យ៉ាងលម្អិតរបស់លោក សុរិយា ស៊ូប៊ែរឌី ចំនួន១៧ចំណុច ដែលក្នុងនោះមាន ការផ្លាស់ប្តូរសមាសភាព គ.ជ.ប កែទម្រង់ប្រព័ន្ធច្បាប់និងរូបមន្តបែងចែកអាសនៈរាប់ទាំងការបើកផ្លូវឲ្យលោកប្រធាន សម រង្ស៊ី វិលត្រឡប់មកកាន់ប្រទេសកម្ពុជាវិញដើម្បីចូលរួមប្រកួតប្រជែងក្នុងការបោះឆ្នោតដោយផ្ទាល់និងពេញលេញ។ ផ្លូវដ៏សំខាន់មួយនេះពិតណាស់ដែល ថា លោក ហ៊ុន សែន ត្រូវទទួលបរាជ័យយ៉ាងអាម៉ាស់មុខ ប៉ុន្តែវាជាបរាជ័យប្រកបដោយកិត្តិយសនិងមានសេចក្តីថ្លៃថ្នូរដែលលោក ហ៊ុន សែន ត្រូវធ្វើជាគណបក្សប្រឆាំងមួយអាណត្តិដែលគេអាចចាត់ទុកថាជាការសម្រាកយកពេលទំនេរថែបំប៉នសុខភាពឬធ្វើទេសចរណ៍ បន្ទាប់ពីបំពេញបេសកកម្មដឹកនាំប្រទេសកម្ពុជារយៈពេល ៣៤ឆ្នាំ ប្រកបដោយភាពហត់នឿយ ដើម្បីផ្តល់ឱកាសឲ្យគណបក្សសង្គ្រោះជាតិ ក្រោមការដឹកនាំរបស់លោកប្រធាន សម រង្ស៊ី បង្ហាញសមត្ថភាពកសាងនិងស្តារអភិវឌ្ឍន៍ប្រទេសជាតិវិញម្តង ថាតើមួយណាគ្រាន់បើជាង។
សរុបយ៉ាងខ្លីមក ផ្លូវទាំង៣របស់ ហ៊ុន សែន សុទ្ធតែឆ្ពោះទៅកាន់ភាពបរាជ័យទាំងអស់នៅពេលដែលគណបក្សសង្គ្រោះជាតិទទួលបានឱកាសអំណោយផលជាច្រើន ដូចដែលលោកប្រធាន សម រង្ស៊ី បានបញ្ជាក់ថា ទោះជាទៅច្រកណាក៏គណបក្សសង្គ្រោះជាតិមានដង្ហើមដកនិងទទួលបានជោគជ័យ ពោលគឺយើងមិនស្លាប់ទេ ហើយស្ថានភាពនយោបាយនៅនាពេលបច្ចុប្បន្ននេះខុសគ្នាស្រឡះពីស្ថានភាពកាលពី២០ឆ្នាំមុន ដែលពេលនោះគណបក្សប្រឆាំងគ្មានផ្លូវដើរទាល់តែសោះ។ ប៉ុន្តែពេលនេះការរួបរួមរបស់គណបក្ស សម រង្ស៊ី និងគណបក្សសិទ្ធិមនុស្សទៅជាបក្សសង្គ្រោះជាតិដ៏ធំមួយ មានកម្លាំងកាន់តែរឹងមាំធ្វើឲ្យខ្មែរស្នេហាជាតិនិងអ្នកប្រជាធិបតេយ្យគ្រប់ទិសទីមានក្តីសង្ឃឹមយ៉ាងមុតមាំថា យើងអាចធ្វើឲ្យមានការផ្លាស់ប្តូរដ៏ធំមួយដោយសន្តិវិធីគ្មានការបង្ហូរឈាមនៅ ក្នុងប្រទេសកម្ពុជា។ ស្រដៀងគ្នាផង ដែរ ពលរដ្ឋខ្មែរទូទៅយល់កាន់តែច្បាស់ថា ជោគវាសនារបស់លោក ហ៊ុន សែន គឺជារឿងមួយផ្សេងនៅត្រង់ថាការដឹកនាំរបស់គាត់អស់រយៈពេល៣៤ឆ្នាំ កន្លងមកនេះ ធ្វើឲ្យពលរដ្ឋរងទុក្ខវេទនា ក្រីក្ររហេមរហាមរងការវាយធ្វើបាបការបំបិទសិទ្ធិសេរីភាព ធ្វើឲ្យប្រទេសជាតិលិចលង់គួរឲ្យសោកស្តាយបំផុត ដូច្នេះការបោះឆ្នោតទម្លាក់លោក ហ៊ុន សែន ពីអំណាចគឺជារឿងត្រឹមត្រូវដែលអាចស្រោចស្រង់ប្រទេសកម្ពុជាឲ្យរួចផុតពីគ្រោះថ្នាក់។
បើនិយាយពីអនាគតប្រទេសកម្ពុជាវិញ គឺជារឿងសំខាន់និងចាំបាច់បំផុត ដែលពលរដ្ឋខ្មែរគ្រប់រូបមានចំណែកទទួលខុសត្រូវក្នុងការសង្គ្រោះប្រទេសកម្ពុជាឲ្យរួចផុតពីគ្រោះថ្នាក់ និងការដឹកនាំមិនត្រឹមត្រូវរបស់លោក ហ៊ុន សែន ដែលធ្វើឲ្យវិនាសហិនហោចនូវសម្បត្តិធម្មជាតិ ធនធានរ៉ែទាំងលើដីនិងក្រោម ដីមានការហូរចូលជនអន្តោប្រវេសន៍ យួនខុសច្បាប់មកតាំងទីលំនៅយ៉ាង គគ្រឹកគគ្រេងលើទឹកដីខ្មែរ ហើយ ជនជាតិយួនអស់ទាំងនោះមានបុព្វសិទ្ធិធំធេងជាងពលរដ្ឋខ្មែរជាម្ចាស់ទឹកដីទៅទៀត។ បញ្ហាអស់ទាំងនេះបើខ្មែរទាំងអស់មិនរួមគ្នាដោះស្រាយឲ្យបានទាន់ពេលវេលាទេនោះ ជាតិខ្មែរនឹងជួបគ្រោះថ្នាក់ធំ ដោយសារតែយុទ្ធសាស្ត្រយួនក្លែងខ្លួនជាខ្មែរមក កាប់សម្លាប់ធ្វើបាបឆក់ប្លន់ទឹកដីខ្មែរ ឬមកធ្វើជាម្ចាស់លើខ្មែរដែលជាម្ចាស់ ទឹកដីពិតប្រាកដ ហើយរឿងរ៉ាវបែប នេះធ្លាប់ធ្វើឲ្យប្រជាជនចម្ប៉ានិងខ្មែរ កម្ពុជាក្រោមភ្លក្សនូវរសជាតិដ៏សែន ជូរចត់រួចហើយ។ ដើម្បីអនាគតកូន ចៅខ្មែរជំនាន់ក្រោយភ្លឺត្រចះត្រចង់មានការងារធ្វើត្រឹមត្រូវមាន ប្រាក់ចំ ណូលរស់នៅសមរម្យសម្រាប់ទ្រទ្រង់ ជីវភាពប្រចាំថ្ងៃនិងរស់នៅក្នុងសង្គម ខ្មែរមួយដែលមានភាពស្អាតស្អំមាន សាមគ្គីភាពរឹងមាំមានឯករាជ្យ និង បូរណភាពទឹកដីពិតប្រាកដ យើងត្រូវ តែនាំគ្នាទៅបោះឆ្នោតឲ្យលោកប្រធាន សម រង្ស៊ី ឡើងធ្វើជានាយករដ្ឋមន្ត្រី ព្រោះជោគវាសនារបស់លោក ហ៊ុន សែន ស្ថិតក្នុងដៃប្រជារាស្ត្រខ្មែរទូទៅ ដូច្នេះយើងត្រូវសម្រេចចិត្តឲ្យបានត្រឹមត្រូវតាមរយៈការតម្កល់ផលប្រយោជន៍ជាតិជាធំ គឺ បោះឆ្នោតបញ្ចប់អំណាចលោក ហ៊ុន សែន ឱ្យខាងតែបាន៕
0 comments:
Post a Comment