Print 
PDF
បទវិភាគ, ព័ត៌មាន | 
426 views16 2
យ៉ាងហោចណាស់មានប្រជាពលរដ្ឋ៦នាក់ហើយ ក្នុង ឃុំ ក្រពើពីរ ស្រុក វាលវែង ខេត្ត ពោធិសាត់ ត្រូវបានចាប់ខ្លួនកាលពីសប្ដាហ៏កន្លងទៅ បន្ទាប់ពីផ្ទះ៥រយខ្នងរបស់ពួកគេ ត្រូវបានបំផ្លាញ ក្រោមរបស់ដែលហៅថា មានគម្រោងបង្កើតតំបន់ អបគមន៏ ឬ បំបែកទឹកដី ដែលវាបានក្លាយទៅជាករណីហួសចិត្តប្រកបដោយក្ដីភ័យព្រួយថ្មីមួយទៀត៌បន្ទាប់ពីពាក្យនេះបានផ្ដើមឲ្យមានការបង្រ្កាបយ៉ាងព្រៃផ្សៃ ទៅលើប្រជាពលរដ្ឋក្នុងភូមិ ប្រមា ឃុំ កំពង់ដំរី ស្រុក ឆ្លូង ខេត្ត ក្រចេះ កាលពីអំឡុងខែ ឧសភា នោះ ។ ពាក្យអបគមន៏បានក្លាយទៅជាពាក្យគួរ ឲ្យបារម្ភសម្រាប់សហគមន៏ប្រជាពលរដ្ឋរងគ្រោះពីការរំលោភបំពានយុត្តិធម៌ ពីសំណាក់ពួកអ្នកមានអំណាចមានលុយ ។ព្រោះពាក្យនេះ បានបើកដៃឲ្យអ្នកមានអំណាច ឬ ពួកអ្នកអំណាចនិយមចាប់ខ្លួនពលរដ្ឋដាក់គុក ឬ បាញ់សម្លាប់តាមរបៀបផុយៗបំផុត ។
លោក ម៉ម សូណង់ដូ ពេល បញ្ជូនទៅកាន់ តុលាការ ក្រុងភ្នំពេញ ក្រោម បទ អបគន៏ទឹកដី និង កម្លាំងរដ្ឋាភិបាល ដែលត្រូវ បាន បញ្ជូន ទៅបង្រ្កាបអ្នកភូមិប្រមា ដែលចោទថា មានគម្រោង បង្កើត តំបន់ អបគមន៏
សង្គមខ្មែរកាលគ្រប់គ្រងដោយពួកខ្មែរក្រហម ដែលត្រូវបានគេចាត់ទុកថា ជាសង្គមព្រៃគ្មានច្បាប់ អំណាចរដ្ឋត្រូវប្រមូលផ្ដុំទៅលើដៃរបស់ដែលហៅថា ” អង្គការ ” នោះ ប្រជាពលរដ្ឋខ្មែរទូទៅត្រូវបានគេចាប់ដាក់គុក ឬ យកទៅសម្លាប់ តាមរបៀបឆៅៗ ដោយគ្រាន់តែមានការចោទជាលេសថា ជាគេញអាមេរិកាំង (CIA) ឬ សូវៀត (KGB) ឬក៏បណ្ដាញចារកម្មរបស់យួន ។ល។ និង ។ល។ តែមិនគួរទិដ្ឋភាពដ៏អាក្រក់បែបនេះ កើតមានក្នុងសម័យនេះទៀតឡើយ ។
ការប្រកាសពីផែនការអបគមន៏ទឹកដីនៅត្រើយខាងកើតទន្លេមេគង្គរបស់ ហ៊ុន សែន ដើម្បីប្រឆាំងទៅនឹងលទ្ធផលបោះឆ្នោតមួយ ដែលរៀបចំដោយអង្គការសហប្រជាជាតិ (UNTAC) កាលពីឆ្នាំ ១៩៩៣ គឺបានបង្ហាញឲ្យឃើញពីចេតនា រចនាសម្ព័ន្ធប្រដាប់អាវុធ អាវុធយុទ្ធភ័ណ្ឌ ត្រឹមត្រូវ ដែលបញ្ជាក់បានពីធាតុផ្សំគ្រប់គ្រាន់នៃបទល្មើសស្ដីពី អបគមន៏ , ដែលករណីនេះខុសគ្នាឆ្ងាយណាស់ ពីប្រជាពលរដ្ឋនៅភូមិប្រមា ខេត្ត ក្រចេះ និង ឃុំ ក្រពើពីរ ក្នុងខេត្ត ពោធិសាត់ ដោយពួកគេគ្រាន់តែមកតាំងទីលំនៅ ដោយសារតែពួកគេគ្មានដី ឬ ដីធ្លីត្រូវបានរឹបអូសឆក់ប្លន់យក ដោយពួកអ្នកមានលុយ មានអំណាច ស្និទ្ធនឹងបក្សប្រជាជន ។ ករណីនេះ រដ្ឋាភិបាលអាចធ្វើការដោះស្រាយបានតាមបែបសង្គម ឬ មនុស្សធម៌ តាមរបៀបងាយៗ បំផុត ដោយមិនចាំបាច់ក្ឌូងក្ឌាំងបែបនេះ ឡើយ ។
ត្រង់នេះ ហ៊ុន សែន ខ្លួនឯងប្រាកដជាដឹងច្បាស់ណាស់ , ហើយគួរតែខ្មាស់អៀនមនសិការរបស់ខ្លួន ចំពោះការមួលបង្កាចមនុស្សទៅលើកំហុសដែលគេពុំបានធ្វើ ក្នុងគោលដៅនយោបាយដ៏ស្មោកគ្រោករបស់ខ្លួន , ហើយបើយ៉ាងនេះ តើនឹងមានប្រជាពលរដ្ឋខ្មែរស្លូតត្រង់ប៉ុន្មានាក់ទៀតនឹងក្លាយជាអ្នកទោសដោយសារតែពាក្យអបគមន៏ ? ជាមួយគ្នាពលរដ្ឋខ្មែរខ្លួនឯងក៏ត្រូវតែគិតផងដែរ ថា តើយើងគួរបន្តស្ថិតជាកូនមាន់ ក្នុងទ្រង់រង់ចាំថ្ងៃគេយកទៅអារក ឬ យ៉ាងណា ? ៕
0 comments:
Post a Comment