Print 
PDF
1 1
សាលាក្រុងភ្នំពេញនៅថ្ងៃនេះ បានចោទប្រកាន់បណ្តាអង្គការក្រៅរដ្ឋាភិបាល និងគណបក្សមួយចំនួនថា នៅពីក្រោយខ្នង និងញុះញង់ឲ្យអ្នកបុរីកីឡាធ្វើការតវ៉ា។
តាមសេចក្តីប្រកាសព័ត៌មានចុះថ្ងៃទី២០ មិថុនា នេះ សាលាក្រុងភ្នំពេញបានលើកឡើងថា ប្រជាពលរដ្ឋដែលធ្វើការតវ៉ាទាំងនេះ ភាគច្រើនជាអ្នកដែលពុំមានទីលំនៅពិតប្រាកដក្នុងបុរីកីឡា និងពុំមានលក្ខណៈសម្បត្តិក្នុងការទទួលផ្ទះ និងគោលនយោបាយពីរដ្ឋ ព្រោះជាប្រភេទទិញ លក់ផ្ទះក្រោយអង្កេត ម្ចាស់មិនស្នាក់នៅ គ្មានឯកសារ និងជាអ្នកជួលផ្ទះពីគេ។ ហើយមួយចំនួនទៀតបានទទួលគោលនយោបាយរួចហើយ ក៏បានចូលរួមក្នុងសកម្មភាពតវ៉ានេះដែរ។
បើតាមសេចក្តីប្រកាសព័ត៌មានដដែល សាលាក្រុងភ្នំពេញបានប្រគល់ផ្ទះស្នាក់នៅជូនប្រជាពលរដ្ឋដែលមានឯកសារពិតប្រាកដរួចអស់ហើយ គឺនៅសល់តែនគរបាលចំនួន៣១គ្រួសារ និងស៊ីវិលចំនួន០៦គ្រួសារតែប៉ុណ្ណោះដែលពុំទាន់ទទួលយកផ្ទះ។ ហើយថា សាលាក្រុងបានចាត់មន្រ្តីធ្វើការពន្យល់ និងសម្របសម្រួលចំពោះបងប្អូនដែលធ្វើការតវ៉ា ប៉ុន្តែបងប្អូនទាំងនោះមិនព្រមស្តាប់ និងចូលដោះស្រាយដោយសន្តិវិធី ហើយបន្តសកម្មភាពតវ៉ាបែបអនាធិបតេយ្យគ្រប់ទីកន្លែង ក្រោមការញុះញង់ពីបណ្តាអង្គការក្រៅរដ្ឋាភិបាល និងគណបក្សមួយចំនួនដែលនៅពីក្រោយខ្នងឲ្យប្រព្រឹត្តទង្វើខុសច្បាប់នេះ៕
សកម្មភាពអ្នកបុរីកីឡាធ្វើការតវ៉ាកន្លងមក
បើតាមសេចក្តីប្រកាសព័ត៌មានដដែល សាលាក្រុងភ្នំពេញបានប្រគល់ផ្ទះស្នាក់នៅជូនប្រជាពលរដ្ឋដែលមានឯកសារពិតប្រាកដរួចអស់ហើយ គឺនៅសល់តែនគរបាលចំនួន៣១គ្រួសារ និងស៊ីវិលចំនួន០៦គ្រួសារតែប៉ុណ្ណោះដែលពុំទាន់ទទួលយកផ្ទះ។ ហើយថា សាលាក្រុងបានចាត់មន្រ្តីធ្វើការពន្យល់ និងសម្របសម្រួលចំពោះបងប្អូនដែលធ្វើការតវ៉ា ប៉ុន្តែបងប្អូនទាំងនោះមិនព្រមស្តាប់ និងចូលដោះស្រាយដោយសន្តិវិធី ហើយបន្តសកម្មភាពតវ៉ាបែបអនាធិបតេយ្យគ្រប់ទីកន្លែង ក្រោមការញុះញង់ពីបណ្តាអង្គការក្រៅរដ្ឋាភិបាល និងគណបក្សមួយចំនួនដែលនៅពីក្រោយខ្នងឲ្យប្រព្រឹត្តទង្វើខុសច្បាប់នេះ៕
0 comments:
Post a Comment