Print 
PDFដោយ ដែន អយុធ្យា
2012-01-14
តុលាការខេត្តក្រចេះ ចេញដីកាកោះហៅភ្នាក់ងារយកព័ត៌មានកាសែត "កម្ពុជាថ្មី" ឲ្យចូលខ្លួនបំភ្លឺជុំវិញការចុះផ្សាយព័ត៌មានលើករណីបទល្មើសឈើប្រណិត ដែលបានធ្វើសកម្មភាពក្នុងមូលដ្ឋាននេះ។
កាសែតកម្ពុជាថ្មី
អយ្យការអមសាលាដំបូងខេត្តក្រចេះ បានចេញដីកាកោះឲ្យលោក ម៉េង ហ៊ាង ជាអ្នកកាសែតកម្ពុជាថ្មី ប្រចាំខេត្តក្រចេះ ឲ្យចូលខ្លួនបំភ្លឺលើដំណើររឿងប្រមូលផល និងធ្វើសន្និធិ ឬការសន្សំទុកប្រភេទឈើកម្រ (ឈើបេង) ដោយគ្មានលិខិតអនុញ្ញាត ប្រព្រឹត្តនៅឃុំថ្មគ្រែ ស្រុកចិត្តបុរី ខេត្តក្រចេះ កាលពីថ្ងៃទី២៦ ខែមករា ឆ្នាំ២០១១។
លោកស្រី ចាត សូរស្មី ជាតំណាងអយ្យការអមសាលាដំបូងខេត្តក្រចេះ។ លោកស្រី បានបដិសេធមិនធ្វើអត្ថាធិប្បាយច្រើនទេ នៅថ្ងៃសៅរ៍ ទី១៤ ខែមករា ជុំវិញការចេញដីកាកោះហៅអ្នកកាសែតឲ្យចូលខ្លួនបំភ្លឺលើសំណុំរឿងព្រហ្មទណ្ឌ ចុះថ្ងៃទី២០ ខែធ្នូ ឆ្នាំ២០១១ នេះ ដោយលើកហេតុផលថា កំពុងស៊ើបអង្កេត។
លោកស្រី ចាត សូរស្មី បន្ថែម៖ «ទាក់ទងមានគេប្តឹងជាមួយនឹងគាត់។ ចាំមើលយ៉ាងម៉េចឲ្យច្បាប់ ចាំមើលឲ្យគាត់ឆ្លើយបំភ្លឺថាយ៉ាងម៉េច ព្រោះអីរឿងអត់ទាន់ចាត់ការ ខ្ញុំអត់អាចឆ្លើយយ៉ាងម៉េចនោះទេ»។
កាលពីថ្ងៃទី២៦ ខែវិច្ឆិកា ឆ្នាំ២០១១ អ្នកកាសែតមកពីច្រើនអង្គភាព រួមមានអ្នកកាសែតកម្ពុជាថ្មីផង បានចុះយកព័ត៌មានពីសកម្មភាពរបស់មន្ត្រីរដ្ឋបាលព្រៃឈើក្រចេះ ចុះបង្ក្រាបប្រភេទឈើប្រណិតគ្មានច្បាប់ចំនួន ៣៦ដុំ ដោយបទល្មើសនេះមានជនសង្ស័យឈ្មោះ នួន យ៉ុន មានតួនាទីជានាយប៉ុស្តិ៍ និងលោក ឆេន សាំម៉ា ជានាយរងប៉ុស្តិ៍នគរបាលឃុំថ្មីគ្រែ យកមកលាក់ទុកក្រោយប៉ុស្តិ៍រដ្ឋបាលរបស់ខ្លួន។
ទាក់ទងបទល្មើសនេះ លោក អ៊ឹម សំណាង ជានាយរងផ្នែករដ្ឋបាលព្រៃឈើក្រចេះ ដែលបានដឹកនាំកម្លាំងចម្រុះចុះបង្ក្រាបបទល្មើស។ លោកបានបញ្ជាក់ថា សំណុំរឿងបទល្មើសព្រៃឈើ ដែលមានជនសង្ស័យជាមន្ត្រីប៉ូលិសប៉ុស្តិ៍រដ្ឋបាលឃុំថ្មគ្រែ នៅពីក្រោយខ្នងបទល្មើសនេះ លោកបានបញ្ជូនសំណុំរឿងជូនតុលាការរួចហើយ។
លោកថា ករណីនេះលោកធ្លាប់បានចូលខ្លួនទៅបំភ្លឺនៅតុលាការខេត្តក្រចេះ ម្តងហើយ កាលពីថ្ងៃទី១១ ខែមករា ឆ្នាំ២០១២៖ «ខ្ញុំបានទៅបំភ្លឺនៅតុលាការរួចហើយ។ ប៉ុន្តែរឿងតុលាការចាត់ចែងយ៉ាងម៉េច ខ្ញុំអត់ដឹងដែរ ព្រោះផុតពីដៃខ្ញុំហើយ»។
ពាក់ព័ន្ធបញ្ហានេះ លោក មឿន ឈានណារិទ្ធ ជានាយកវិទ្យាស្ថានកម្ពុជា សំរាប់ការសិក្សាផ្នែកសារព័ត៌មាន។ លោកបានចាត់ទុកការចេញដីកាកោះរបស់អយ្យការអមសាលាដំបូងខេត្តក្រចេះ ជាសញ្ញាបំភិតបំភ័យ និងគំរាមកំហែងទៅលើសិទ្ធិអ្នកសារព័ត៌មាន។
លោក មឿន ឈានណារិទ្ធ ឲ្យដឹងបន្ថែមដូច្នេះ៖ «បើសិនជាតុលាការ ឬអាជ្ញាធរនៅតែបន្តធ្វើទុកបុកម្នេញចំពោះអ្នកសារព័ត៌មាន ដោយគ្រាន់តែធ្វើសេចក្ដីរាយការណ៍ព័ត៌មានទៅតាមវិជ្ជាជីវៈរបស់ខ្លួននោះ វានឹងខាតបង់។ ទី១ ចំពោះរដ្ឋាភិបាលខ្លួនឯង ដោយសារតែអ្នកសារព័ត៌មានលែងហ៊ានផ្សាយអ្វីដែលអាចរងគ្រោះត្រូវគេប្ដឹងផ្ដល់ទៀតហើយ អ៊ីចឹងហើយបញ្ហាអសកម្មនានា គឺរដ្ឋាភិបាលលែងបានដឹងឮ ដោយសារកាសែតឈប់ផ្សាយ ហើយទី២ វានឹងខាតបង់ដល់សង្គមទាំងមូល។ ដូច្នេះបើសិនជាអ្នកសារព័ត៌មានមិនអាចបំពេញតួនាទីរបស់ខ្លួនបានទេ នៅក្នុងសង្គមយើងក៏លែងមានតម្លាភាព ហើយការទទួលខុសត្រូវសង្គមក៏ត្រូវថយចុះ»។
យ៉ាងនេះក្ដី ថ្នាក់ដឹកនាំអង្គភាពកាសែតកម្ពុជាថ្មី បានបដិសេធមិនទាន់ធ្វើអត្ថាធិប្បាយជុំវិញករណីអយ្យការអមសាលាដំបូង ខេត្តក្រចេះ ចេញដីកាកោះឲ្យភ្នាក់ងាររបស់ខ្លួនប្រចាំខេត្តក្រចេះ នោះទេ។ ដីកាកោះបានត្រូវឲ្យសាមីខ្លួនចូលទៅបំភ្លឺ នៅថ្ងៃទី១៨ ខែមករា ឆ្នាំ២០១២ នេះ៕
លោកស្រី ចាត សូរស្មី ជាតំណាងអយ្យការអមសាលាដំបូងខេត្តក្រចេះ។ លោកស្រី បានបដិសេធមិនធ្វើអត្ថាធិប្បាយច្រើនទេ នៅថ្ងៃសៅរ៍ ទី១៤ ខែមករា ជុំវិញការចេញដីកាកោះហៅអ្នកកាសែតឲ្យចូលខ្លួនបំភ្លឺលើសំណុំរឿងព្រហ្មទណ្ឌ ចុះថ្ងៃទី២០ ខែធ្នូ ឆ្នាំ២០១១ នេះ ដោយលើកហេតុផលថា កំពុងស៊ើបអង្កេត។
លោកស្រី ចាត សូរស្មី បន្ថែម៖ «ទាក់ទងមានគេប្តឹងជាមួយនឹងគាត់។ ចាំមើលយ៉ាងម៉េចឲ្យច្បាប់ ចាំមើលឲ្យគាត់ឆ្លើយបំភ្លឺថាយ៉ាងម៉េច ព្រោះអីរឿងអត់ទាន់ចាត់ការ ខ្ញុំអត់អាចឆ្លើយយ៉ាងម៉េចនោះទេ»។
កាលពីថ្ងៃទី២៦ ខែវិច្ឆិកា ឆ្នាំ២០១១ អ្នកកាសែតមកពីច្រើនអង្គភាព រួមមានអ្នកកាសែតកម្ពុជាថ្មីផង បានចុះយកព័ត៌មានពីសកម្មភាពរបស់មន្ត្រីរដ្ឋបាលព្រៃឈើក្រចេះ ចុះបង្ក្រាបប្រភេទឈើប្រណិតគ្មានច្បាប់ចំនួន ៣៦ដុំ ដោយបទល្មើសនេះមានជនសង្ស័យឈ្មោះ នួន យ៉ុន មានតួនាទីជានាយប៉ុស្តិ៍ និងលោក ឆេន សាំម៉ា ជានាយរងប៉ុស្តិ៍នគរបាលឃុំថ្មីគ្រែ យកមកលាក់ទុកក្រោយប៉ុស្តិ៍រដ្ឋបាលរបស់ខ្លួន។
ទាក់ទងបទល្មើសនេះ លោក អ៊ឹម សំណាង ជានាយរងផ្នែករដ្ឋបាលព្រៃឈើក្រចេះ ដែលបានដឹកនាំកម្លាំងចម្រុះចុះបង្ក្រាបបទល្មើស។ លោកបានបញ្ជាក់ថា សំណុំរឿងបទល្មើសព្រៃឈើ ដែលមានជនសង្ស័យជាមន្ត្រីប៉ូលិសប៉ុស្តិ៍រដ្ឋបាលឃុំថ្មគ្រែ នៅពីក្រោយខ្នងបទល្មើសនេះ លោកបានបញ្ជូនសំណុំរឿងជូនតុលាការរួចហើយ។
លោកថា ករណីនេះលោកធ្លាប់បានចូលខ្លួនទៅបំភ្លឺនៅតុលាការខេត្តក្រចេះ ម្តងហើយ កាលពីថ្ងៃទី១១ ខែមករា ឆ្នាំ២០១២៖ «ខ្ញុំបានទៅបំភ្លឺនៅតុលាការរួចហើយ។ ប៉ុន្តែរឿងតុលាការចាត់ចែងយ៉ាងម៉េច ខ្ញុំអត់ដឹងដែរ ព្រោះផុតពីដៃខ្ញុំហើយ»។
ពាក់ព័ន្ធបញ្ហានេះ លោក មឿន ឈានណារិទ្ធ ជានាយកវិទ្យាស្ថានកម្ពុជា សំរាប់ការសិក្សាផ្នែកសារព័ត៌មាន។ លោកបានចាត់ទុកការចេញដីកាកោះរបស់អយ្យការអមសាលាដំបូងខេត្តក្រចេះ ជាសញ្ញាបំភិតបំភ័យ និងគំរាមកំហែងទៅលើសិទ្ធិអ្នកសារព័ត៌មាន។
លោក មឿន ឈានណារិទ្ធ ឲ្យដឹងបន្ថែមដូច្នេះ៖ «បើសិនជាតុលាការ ឬអាជ្ញាធរនៅតែបន្តធ្វើទុកបុកម្នេញចំពោះអ្នកសារព័ត៌មាន ដោយគ្រាន់តែធ្វើសេចក្ដីរាយការណ៍ព័ត៌មានទៅតាមវិជ្ជាជីវៈរបស់ខ្លួននោះ វានឹងខាតបង់។ ទី១ ចំពោះរដ្ឋាភិបាលខ្លួនឯង ដោយសារតែអ្នកសារព័ត៌មានលែងហ៊ានផ្សាយអ្វីដែលអាចរងគ្រោះត្រូវគេប្ដឹងផ្ដល់ទៀតហើយ អ៊ីចឹងហើយបញ្ហាអសកម្មនានា គឺរដ្ឋាភិបាលលែងបានដឹងឮ ដោយសារកាសែតឈប់ផ្សាយ ហើយទី២ វានឹងខាតបង់ដល់សង្គមទាំងមូល។ ដូច្នេះបើសិនជាអ្នកសារព័ត៌មានមិនអាចបំពេញតួនាទីរបស់ខ្លួនបានទេ នៅក្នុងសង្គមយើងក៏លែងមានតម្លាភាព ហើយការទទួលខុសត្រូវសង្គមក៏ត្រូវថយចុះ»។
យ៉ាងនេះក្ដី ថ្នាក់ដឹកនាំអង្គភាពកាសែតកម្ពុជាថ្មី បានបដិសេធមិនទាន់ធ្វើអត្ថាធិប្បាយជុំវិញករណីអយ្យការអមសាលាដំបូង ខេត្តក្រចេះ ចេញដីកាកោះឲ្យភ្នាក់ងាររបស់ខ្លួនប្រចាំខេត្តក្រចេះ នោះទេ។ ដីកាកោះបានត្រូវឲ្យសាមីខ្លួនចូលទៅបំភ្លឺ នៅថ្ងៃទី១៨ ខែមករា ឆ្នាំ២០១២ នេះ៕
0 comments:
Post a Comment