Print 
PDF
ស្ថានទូតអាមេរិកជូនដំណឹងថាអាចនឹងមានភេរវកម្មប្រឆាំងទេសចរបរទេសនៅក្រុងបាងកក
© Reuters
ស្ថានទូតអាមេរិកប្រចាំទីក្រុងបាងកក បានទាញសញ្ញាអាសន្ននៅថ្ងៃនេះ អំពាវនាវឲ្យជនបរទេស ជាពិសេសទេសចរជនជាតិអាមេរិក ដែលកំពុងស្ថិតនៅក្នុងប្រទេសថៃ ប្រុងប្រយ័ត្ន ពេលទស្សនាតំបន់ និងសង្កាត់ទេសចរណ៍សំខាន់ៗ ក្នុងរាជធានី។
ភេរវជនអ៊ីស្លាមជ្រុលនិយម អាចនឹងបញ្ចេញសកម្មភាពវាយប្រហារប្រឆាំងនឹងតំបន់ទេសចរណ៍ ក្នុងទីក្រុងបាងកក នាពេលឆាប់ៗនេះ ! នេះជាសារបន្ទាន់មួយ ដែលស្ថានទូតអាមេរិកបានចុះផ្សាយក្នុងទំព័រអ៊ីនធឺណែតរបស់ខ្លួន ដោយបានចេញអនុសាសន៍ឲ្យទេសចរ និងបណ្តាជនអាមេរិក ធ្វើការប្រុងប្រយ័ត្ន ពេលធ្វើដំណើរទៅកាន់កន្លែងប្រជុំជនទេសចរ។
មានភេរវជនអ៊ីស្លាមជ្រុលនិយមពីរនាក់ទំនង ជាបានធ្វើដំណើរទៅដល់ប្រទេសថៃ កាលពីល្ងាចមិញ ដើម្បីរៀបចំផែនការធ្វើភេរវកម្មប្រឆាំងនឹងបរទេស។ អាជ្ញាធរអាមេរិក បានផ្តល់ព័ត៌មានដល់រដ្ឋាភិបាលក្រុងបាងកករួចរាល់ហើយ។ នេះបើយោងតាមរដ្ឋមន្ត្រីក្រសួងការពារជាតិថៃ ដែលបានអះអាងបន្ថែមទៀតថា សមត្ថកិច្ចថៃកំពុងសហការយ៉ាងស្អិតល្មួតជាមួយនឹងសហរដ្ឋអាមេរិក និងកំពុងតែតាមដានសកម្មភាពភេរវជនដោយកៀកកិតបំផុត។ អាជ្ញាធរថៃសង្ឃឹមថានឹងអាចចាប់ខ្លួនភេរវជនទាំងពីរនោះបាននៅល្ងាចនេះ។ ដូច្នេះគ្មានហេតុផលអ្វីដែលក្រុងបាងកកត្រូវផ្តល់អនុសាសន៍ ឬប្រកាសអំពាវនាវប្រាប់ប្រជាជនថៃទេ ព្រោះផ្ទុយទៅវិញ វាអាចបង្កជាការភ័យស្លន់ស្លោ និងជ្រួលច្របល់ រំខានដល់សកម្មភាពទេសចរណ៍ជាតិ៕
មានភេរវជនអ៊ីស្លាមជ្រុលនិយមពីរនាក់ទំនង ជាបានធ្វើដំណើរទៅដល់ប្រទេសថៃ កាលពីល្ងាចមិញ ដើម្បីរៀបចំផែនការធ្វើភេរវកម្មប្រឆាំងនឹងបរទេស។ អាជ្ញាធរអាមេរិក បានផ្តល់ព័ត៌មានដល់រដ្ឋាភិបាលក្រុងបាងកករួចរាល់ហើយ។ នេះបើយោងតាមរដ្ឋមន្ត្រីក្រសួងការពារជាតិថៃ ដែលបានអះអាងបន្ថែមទៀតថា សមត្ថកិច្ចថៃកំពុងសហការយ៉ាងស្អិតល្មួតជាមួយនឹងសហរដ្ឋអាមេរិក និងកំពុងតែតាមដានសកម្មភាពភេរវជនដោយកៀកកិតបំផុត។ អាជ្ញាធរថៃសង្ឃឹមថានឹងអាចចាប់ខ្លួនភេរវជនទាំងពីរនោះបាននៅល្ងាចនេះ។ ដូច្នេះគ្មានហេតុផលអ្វីដែលក្រុងបាងកកត្រូវផ្តល់អនុសាសន៍ ឬប្រកាសអំពាវនាវប្រាប់ប្រជាជនថៃទេ ព្រោះផ្ទុយទៅវិញ វាអាចបង្កជាការភ័យស្លន់ស្លោ និងជ្រួលច្របល់ រំខានដល់សកម្មភាពទេសចរណ៍ជាតិ៕
0 comments:
Post a Comment