សមត្ថកិច្ច​បង្ហាញ​មុខ​ជន​ចាប់​ជំរិត​កូន​​លោក សូ ផន

Thursday, 24 November 2011 16:07

គឹម យុទ្ធណា

Share 

សមត្ថកិច្ច ​នាំ​ជន​សង្ស័យ ស៊ុត សុភី មក​បង្ហាញ​អត្តសញ្ញាណ​នៅ​ក្នុង​សន្និសីទ​កាសែត​មួយ​នៅ​ការិយាល័យស្រាវជ្រាវ​ បទ​ល្មើស​ព្រហ្មទណ្ឌ នៅ​ខណ្ឌ​ទួលគោក នៅ​ថ្ងៃ​ទី​២៤ ខែ​វិច្ឆិកា ឆ្នាំ​២០១១។ ហេង ជីវ័ន្ត

ភ្នំពេញៈ សមត្ថកិច្ច​​កម្ពុជា នៅ​ថ្ងៃ​ព្រហស្បតិ៍​នេះ បាន​បង្ហាញ​អត្ត​សញ្ញាណ​បុរស​ម្នាក់ ដែល​ត្រូវ​បាន​គេ​សង្ស័យ​ថា បាន​ចាប់​ជំរិត​កូន​លោក សូ ផន អនុ​រដ្ឋ​លេខាធិការ​ក្រសួង​មហាផ្ទៃ ខណៈ​ជន​សង្ស័យ​ចំនួន ៥​នាក់​ទៀត កំពុង​លាក់​ខ្លួន​នៅ​ក្នុង និង​ក្រៅ​ប្រទេស។
ជន​សង្ស័យ ស៊ុត សុភី អាយុ ៣៨​ឆ្នាំ ត្រូវ​បាន​សមត្ថកិច្ច​ចម្រុះ​ចាប់​ខ្លួន​បាន​កាល​ពី​ថ្ងៃ​ទី​២២ ខែ​វិច្ឆកា នៅ​ឯ​ខេត្ត​មណ្ឌលគិរី ក្រោយ​ពេល​សមត្ថកិច្ច​បាន​ចំណាយ​ពេល​វេលា​ចំនួន ៤៤​ថ្ងៃ​ ក្នុង​ការ​ស្រាវ​ជ្រាវ ស៊ើប​អង្កេត មុន​នឹង​ឈាន​ដល់​ការ​ចាប់​ថ្ងៃ​ជន​សង្ស័យ​រូប​នេះ​ នៅ​ក្នុង​ចំណោម​ជន​សង្ស័យ​ចំនួន ៦​នាក់​ទៀត ដែល​កំពុង​រត់​គេច​ខ្លួន។