កម្មករកម្មការិនីរោងចក្រ M&V4 ធ្វើកូដកម្មនៅខាងមុខរោងចក្រ
ច័ន្ទ 10 តុលា 2011 10:26 AM |
លោក ជា មុនី ប្រធានសហជីពសេរីកម្មករ នៃព្រះរាជាណាចក្រកម្ពុជានៅថ្ងៃទី១០ តុលានេះ បានផ្ញើលិខិតមួយច្បាប់ទៅកាន់នាយករដ្ឋមន្រ្តីខ្មែរលោក ហ៊ុន សែន ដើម្បីឲ្យជួយអន្តរាគមន៍ទៅម្ចាស់រោងចក្រ M&V4 ដែលមានទីតាំងនៅខេត្តកំពង់ឆ្នាំង ទទួលយកកម្មករ កម្មការិនីចំនួន២០នាក់ដែលបានបញ្ឈប់ឲ្យចូលធ្វើការវិញ។
លិខិតរបស់លោក ជា មុនី ដែលផ្ញើទៅកាន់នាយករដ្ឋមន្រ្តី ហ៊ុន សែន បានលើកឡើងថា កាលពីថ្ងៃទី១៩ ខែកញ្ញា កន្លងទៅ និយោជករោងចក្រ M&V4 ដែលមានទីតាំងនៅសង្កាត់កំពង់ឆ្នាំង ក្រុងកំពង់ឆ្នាំង ខេត្តកំពង់ឆ្នាំង បានបញ្ឈប់កម្មករ កម្មការិនីចំនួន២០នាក់ពីការងារដោយគ្មានមូលហេតុច្បាស់លាស់ និងមិនស្របតាមបញ្ញត្តិនៃច្បាប់ស្តីពីការងាររបស់ប្រទេសកម្ពុជាឡើយ។ ដោយលិខិតបន្តថា ការដែលនិយោជករោងចក្រ M&V4 សម្រេចបញ្ឈប់កម្មករ កម្មការិនីចំនួន២០នាក់នេះ គឺបន្ទាប់ពីកម្មករ កម្មការិនីទាំងនោះ បានរួមគ្នាបង្កើតសហជីពសេរីកម្មករនៅក្នុងរោងចក្រនេះ ក្នុងគោលបំណងដើម្បីធ្វើការតវ៉ាឲ្យមានលក្ខខណ្ឌការងារល្អប្រសើរ ព្រោះរោងចក្រនេះនាពេលកន្លងមកតែងមានកម្មករ កម្មការិនីដួលសន្លប់ពេលបំពេញការងារជារឿយៗ។
លិខិតបានបន្ថែមថា ចំពោះបញ្ហានេះ សហជីពសេរីកម្មករ នៃព្រះរាជាណាចក្រកម្ពុជា ធ្លាប់បានធ្វើលិខិតផ្លូវការទៅកាន់រដ្ឋមន្រ្តីក្រសួងការងារកាលពីថ្ងៃទី២១ ខែកញ្ញា ឆ្នាំ២០១១រួចហើយ ប៉ុន្តែពុំទទួលបានលទ្ធផល នៃការឆ្លើយតប ឬវិធានការអ្វីជាវិជ្ជមានទេ។ នៅទីបំផុតកាលពីថ្ងៃទី០១ ខែតុលា ឆ្នាំ២០១១ សហជីពសេរីកម្មករ នៃព្រះរាជាណាចក្រកម្ពុជាបានសម្រេចកំណត់កាលបរិច្ឆេទជូនដំណឹងធ្វើកូដកម្មទៅនិយោជករោងចក្រ M&V4 តែម្តង ហើយពេលនេះក្រុមកម្មករ កម្មការិនីកំពុងបន្តធ្វើកូដកម្មនៅឡើយ ដើម្បីទាមទារឲ្យនិយោជករោងចក្រទទួលយកកម្មករ កម្មការិនីដែលបានបញ្ឈប់ពីការងារដោយខុសច្បាប់នោះ បានចូលបម្រើការងារជាធម្មតាវិញ ស្របតាមច្បាប់ស្តីពីការងារ នៃព្រះរាជាណាចក្រកម្ពុជា។
ចុងបញ្ចប់នៃលិខិត លោក ជា មុនី បានស្នើឲ្យនាយករដ្ឋមន្រ្តីជួយអន្តរាគមន៍ឲ្យនិយោជករោងចក្រ M&V4 ទទួលយកកម្មករ កម្មការិនីដែលបានបញ្ឈប់ពីការងារដោយខុសច្បាប់បានចូលធ្វើការងារវិញ និងសូមឲ្យនិយោជករោងចក្រនេះ បញ្ឈប់ការរើសអើងសិទ្ធិសេរីភាពសហជីព៕
លិខិតរបស់លោក ជា មុនី ដែលផ្ញើទៅកាន់នាយករដ្ឋមន្រ្តី ហ៊ុន សែន បានលើកឡើងថា កាលពីថ្ងៃទី១៩ ខែកញ្ញា កន្លងទៅ និយោជករោងចក្រ M&V4 ដែលមានទីតាំងនៅសង្កាត់កំពង់ឆ្នាំង ក្រុងកំពង់ឆ្នាំង ខេត្តកំពង់ឆ្នាំង បានបញ្ឈប់កម្មករ កម្មការិនីចំនួន២០នាក់ពីការងារដោយគ្មានមូលហេតុច្បាស់លាស់ និងមិនស្របតាមបញ្ញត្តិនៃច្បាប់ស្តីពីការងាររបស់ប្រទេសកម្ពុជាឡើយ។ ដោយលិខិតបន្តថា ការដែលនិយោជករោងចក្រ M&V4 សម្រេចបញ្ឈប់កម្មករ កម្មការិនីចំនួន២០នាក់នេះ គឺបន្ទាប់ពីកម្មករ កម្មការិនីទាំងនោះ បានរួមគ្នាបង្កើតសហជីពសេរីកម្មករនៅក្នុងរោងចក្រនេះ ក្នុងគោលបំណងដើម្បីធ្វើការតវ៉ាឲ្យមានលក្ខខណ្ឌការងារល្អប្រសើរ ព្រោះរោងចក្រនេះនាពេលកន្លងមកតែងមានកម្មករ កម្មការិនីដួលសន្លប់ពេលបំពេញការងារជារឿយៗ។
លិខិតបានបន្ថែមថា ចំពោះបញ្ហានេះ សហជីពសេរីកម្មករ នៃព្រះរាជាណាចក្រកម្ពុជា ធ្លាប់បានធ្វើលិខិតផ្លូវការទៅកាន់រដ្ឋមន្រ្តីក្រសួងការងារកាលពីថ្ងៃទី២១ ខែកញ្ញា ឆ្នាំ២០១១រួចហើយ ប៉ុន្តែពុំទទួលបានលទ្ធផល នៃការឆ្លើយតប ឬវិធានការអ្វីជាវិជ្ជមានទេ។ នៅទីបំផុតកាលពីថ្ងៃទី០១ ខែតុលា ឆ្នាំ២០១១ សហជីពសេរីកម្មករ នៃព្រះរាជាណាចក្រកម្ពុជាបានសម្រេចកំណត់កាលបរិច្ឆេទជូនដំណឹងធ្វើកូដកម្មទៅនិយោជករោងចក្រ M&V4 តែម្តង ហើយពេលនេះក្រុមកម្មករ កម្មការិនីកំពុងបន្តធ្វើកូដកម្មនៅឡើយ ដើម្បីទាមទារឲ្យនិយោជករោងចក្រទទួលយកកម្មករ កម្មការិនីដែលបានបញ្ឈប់ពីការងារដោយខុសច្បាប់នោះ បានចូលបម្រើការងារជាធម្មតាវិញ ស្របតាមច្បាប់ស្តីពីការងារ នៃព្រះរាជាណាចក្រកម្ពុជា។
ចុងបញ្ចប់នៃលិខិត លោក ជា មុនី បានស្នើឲ្យនាយករដ្ឋមន្រ្តីជួយអន្តរាគមន៍ឲ្យនិយោជករោងចក្រ M&V4 ទទួលយកកម្មករ កម្មការិនីដែលបានបញ្ឈប់ពីការងារដោយខុសច្បាប់បានចូលធ្វើការងារវិញ និងសូមឲ្យនិយោជករោងចក្រនេះ បញ្ឈប់ការរើសអើងសិទ្ធិសេរីភាពសហជីព៕
0 comments:
Post a Comment