Print 
PDF
ច័ន្ទ 10 តុលា 2011 9:28 AM | សិលាពល
បន្ទាប់ពីការជន់លិច ដែលបណ្ដាលឲ្យមនុស្សយ៉ាងហោចណាស់២០៧នាក់ស្លាប់ រដ្ឋាភិបាល ប្រទេសកម្ពុជាបានប្រកាសអាសន្នពីការអាចបាក់និងស្រុតដី ដែលធ្វើឲ្យពលរដ្ឋខ្មែរ រងគ្រោះជាថ្មីទៀតក្នុងមូលហេតុដដែលនេះ។
ក្រសួងធនធានទឹកនិងឧតុនិយមរបស់រដ្ឋាភិបាល បានបញ្ជាក់នៅក្នុងសេចក្ដីជូនដំណឹងមួយរបស់ ខ្លួនកាលពីថ្ងៃសៅរ៏ ដោយបានប្រាប់ទៅអាជ្ញាធរមូលដ្ឋាន និងប្រជាពលរដ្ឋទាំងអស់ថា ទឹក ទន្លេមេគង្គ ទន្លេសាប និង ទន្លេបាសាក់ បានចាប់ផ្ដើមស្រកចុះពីមួយថ្ងៃ ទៅ មួយថ្ងៃ ហើយ នោះជាមូលហេតុ ដែលបណ្ដាលឲ្យច្រាំងទន្លេងាយបាក់ស្រុត ។ ដោយបានបញ្ជាក់ថា ” ស្ថានភាពច្រាំងទន្លេ បច្ចុប្បន្ន ដែល មានសភាពសើម ទន់ ដោយសារការត្រាំទឹកជំនន់ ជាយូរមកហើយនោះវា អាចងាយធ្វើឲ្យច្រាំងទន្លេ ប្រឈមនិងការបាក់ស្រុតចុះ ក្នុងកម្រិតខ្ពស់ជាងពីពេលទឹកឡើង ។
ញឹម វណ្ណដា ប្រធានគណៈកម្មាធិការគ្រប់គ្រងគ្រោះមហន្តរាយ បានប្រាប់ក្រុមអ្នកកាសែតនៅក្នុងសន្និសីទកាសែតដែលធ្វើនៅទីស្នាក់ការរបស់ខ្លួនក្នុងខណ្ឌទួលគោកនាព្រឹកថ្ងៃចន្ទទី១០តុលានេះថា ទឹកជំនន់បានធ្វើឲ្យប្រជាពលរដ្ឋខ្មែរ២០៧នាក់ស្លាប់ , គ្មានអ្នកបាត់ខ្លួនទេ , ហើយជាង១លាននាក់ទទួលរងផលប៉ះពាល់ ។ ក្នុងនោះអ្នកស្លាប់ ម្នាក់ៗត្រូវបានរដ្ឋាភិបាលផ្តល់ប្រាក់៥០០ដុល្លារ ដល់ក្រុមគ្រួសាររបស់គេ ៕
0 comments:
Post a Comment