Print 
PDFសៅរ៍ 08 តុលា 2011 9:28 AM
សេចក្តីរាយការណ៍ពីខេត្តកំពង់ឆ្នាំងបានឲ្យដឹងថា នៅព្រឹកថ្ងៃនេះ ព្រះរាជអាជ្ញា និងចៅហ្វាយខេត្តកំពង់ឆ្នាំង ព្រមទាំងសមត្ថកិច្ចចម្រុះជាច្រើននាក់ បានធ្វើការរារាំងមិនឲ្យក្រុមកម្មកររោងចក្រ M&V ធ្វើកូដកម្មនៅខាងមុខរោងចក្ររបស់ខ្លួនឡើយ ដោយហៅការធ្វើកូដកម្មនេះថា មានលក្ខណៈនយោបាយ។
មន្រ្តីសហជីពបាននិយាយថា ការរារាំងកម្មករមិនឲ្យធ្វើកូដកម្មរបស់ព្រះរាជអាជ្ញា និងចៅហ្វាយខេត្តកំពង់ឆ្នាំងនេះ គឺជាគាំទ្រថៅកែរោងចក្រដែលធ្វើបាបកម្មករ កម្មការិនី ដោយមិនខ្វល់ពីសុខភាពរបស់កម្មករ កម្មការិនីឡើយ។
គួររំលឹកថា ចាប់តាំងពីរសៀលថ្ងៃព្រហស្បតិ៍មក កម្មកររោងចក្រ M&V ដែលស្ថិតនៅខេត្តកំពង់ឆ្នាំង ប្រមាណជាង៤ពាន់នាក់ បាននាំគ្នាធ្វើកូដកម្មនៅខាងមុខរោងចក្ររបស់ខ្លួន ដោយទាមទារឲ្យថៅកែរោងចក្រយល់ព្រមនូវលក្ខខណ្ឌចំនួន៨ចំណុច ដែលក្នុងនោះរួមមាន ការទាមទារឲ្យរោងចក្រទទួលយកកម្មករ២៣នាក់ដែលបានបញ្ឈប់ឲ្យចូលធ្វើការវិញ កែប្រែលក្ខខណ្ឌការងារនៅក្នុងរោងចក្រនេះឲ្យបានប្រសើរឡើងផងដែរ៕
0 comments:
Post a Comment