Print 
PDFពុធ 05 តុលា 2011 9:44 AM | សិលាពល
ពេលនេះវាបានបង្ហាញច្បាស់ហើយថា អង្គជំនុំជម្រះវិសាមញ្ញក្នុងតុលាការកម្ពុជា ពុំមានសិទ្ធិអ្វីទាំងអស់ក្នុងការចាត់វិធានការទៅលើអតីតពួកមេដឹកនាំខ្មែរក្រហមដើម្បីរកយុត្តិធម៌ឲ្យដល់ជនរងគ្រោះកម្ពុជា ខណៈប្រមុខការទូតខ្មែរកាលពីម្សិលមិញបានប្រាប់ទូតបារាំងថា ការចោទឬមិនចោទប្រកាន់លើអតីតពួកមេដឹកនាំខ្មែរក្រហមបន្ថែមទៀត គឺជាសិទ្ធិសម្រេចរបស់កម្ពុជា។
ហោ ណាំហុង រដ្ឋមន្ត្រីក្រសួងការបរទេសខ្មែរ
ដោយត្រូវបាននិយាយប្រាប់ក្រុមអ្នកកាសែតជំនួសឪពុករបស់ខ្លួន បន្ទាប់ពីជំនួបរវាង ហោ ណាំហុង រដ្ឋមន្ត្រីក្រសួងការបរទេសខ្មែរនិងឯកអគ្គរដ្ឋទូតបារាំងCristian ConnanនិងCharles-Henri Brosseauអនុប្រធានប្រចាំតំបន់អាស៊ីនៃក្រសួងការបរទេសបារាំងស្តីពីការឧបត្ថម្ភហិរញ្ញវត្ថុសម្រាប់សាលាក្ដីនោះ ហោ សុធន ដែលមានតួនាទីជាលេខាអចិន្ត្រៃយ៍ក្រសួងការបរទេសខ្មែរបានថ្លែងថា ” អំពីបញ្ហាចាប់ខ្លួនមេដឹកនាំខ្មែរក្រហមបន្ថែម នេះគឺជាបញ្ហារបស់កម្ពុជា ។ប្រសិនបើយើងចេះតែចាប់ខ្លួន មេដឹកនាំខ្មែរក្រហមបន្ថែមទៀតនោះ តើយើងអាចបង្រួបបង្រួមនិងអភិវឌ្ឍន៍កម្ពុជាបានដោយរបៀបម៉េច ? បញ្ហានេះត្រូវតែសម្រេចដោយកម្ពុជា។វាធ្វើឲ្យប៉ះពាល់ដល់អនាគតកម្ពុជា ហើយពុំ
អាចមានប្រទេសផ្សេងទៀតប្រាប់កម្ពុជាថាត្រូវធ្វើដូចម្ដេចនោះទេ “។សេចក្ដីថ្លែងនេះ បានធ្វើឡើងរំលងតែមួយថ្ងៃប៉ុណ្ណោះ បន្ទាប់ពីមានការរិះគន់យ៉ាងជូរចត់ពីអង្គការសិទ្ធិមនុស្ស យូមែនរ៉ាយវ៉ច ពីកង្វះខាតឯករាជ្យ ការជ្រៀតជ្រែកពីរដ្ឋាភិបាល និងទាមទារឲ្យដកចៅក្រមពីររូបរបស់សាលាក្ដីនេះចេញ៕
0 comments:
Post a Comment