ដោយ ខែ សុណង 2011-10-15
សមាគមគ្រូបង្រៀនកម្ពុជាឯករាជ្យ បានស្នើសុំឲ្យក្រសួងអប់រំយុវជន និងកីឡា ចាត់វិធានការបំបាត់អំពើពុករលួយ ក្នុងការប្រឡងជ្រើសរើសសិស្សនិស្សិតឲ្យចូលរៀនវគ្គបណ្ដុះបណ្ដាលសម្រាប់គ្រូមធ្យមសិក្សាបឋមភូមិ ដែលនឹងប្រព្រឹត្តទៅនៅថ្ងៃទី១៥ ខែតុលា ឆ្នាំ២០១១ នេះ។
សមាគមគ្រូបង្រៀនកម្ពុជាឯករាជ្យ បានស្នើសុំឲ្យក្រសួងអប់រំយុវជន និងកីឡា ចាត់វិធានការបំបាត់អំពើពុករលួយ ក្នុងការប្រឡងជ្រើសរើសសិស្សនិស្សិតឲ្យចូលរៀនវគ្គបណ្ដុះបណ្ដាលសម្រាប់គ្រូមធ្យមសិក្សាបឋមភូមិ ដែលនឹងប្រព្រឹត្តទៅនៅថ្ងៃទី១៥ ខែតុលា ឆ្នាំ២០១១ នេះ។
នៅក្នុងលិខិតមួយរបស់សមាគមគ្រូបង្រៀនកម្ពុជាឯករាជ្យ ដែលផ្ញើទៅរដ្ឋមន្ត្រីក្រសួងអប់រំយុវជន និងកីឡា លោក អ៊ឹម សិទ្ធី កាលពីថ្ងៃសុក្រ ទី១៤ បានសរសេរថា សមាគមនេះបានទទួលរបាយការណ៍ពីសកម្មជនសិស្ស និស្សិត ជាបេក្ខជន និងអាណាព្យាបាលសិស្សថា ក្នុងការប្រឡងនោះមានករណីប្រកាសជាមុន ទទួលសំណូកចំនួនពី ១ពាន់ដុល្លារ ទៅ ១ពាន់៥រយដុល្លារ ដើម្បីប្រឡងជាប់ និងមានការរៀបចំសិស្សពូកែមកអែបធ្វើចម្លើយឲ្យបេក្ខជនអ្នកផ្ដល់សំណូក ជាពិសេសនៅសាលាគរុកោសល្យភូមិភាគខេត្តព្រៃវែង។
ប្រធានសមាគមគ្រូបង្រៀនកម្ពុជាឯករាជ្យ លោក រ៉ុង ឈុន បញ្ជាក់បន្ថែមពីផលប៉ះពាល់នៃការប្រព្រឹត្តអំពើពុករលួយនេះដូច្នេះ ៖ «វាមានផលប៉ះពាល់ច្រើននៅពេលឲ្យអំពើពុករលួយនៅតែយាយីក្នុងវិស័យអប់រំនៅពេលហ្នឹងហើយ ដែលយើងអាចទទួលបានធនធានមនុស្សពិតប្រាកដ ប្រកបដោយជំនាញទេ។ អ៊ីចឹងហើយវាមានការលើកឡើងជាច្រើនពាក់ព័ន្ធទៅនឹងការធ្លាក់ចុះនូវគុណភាពអប់រំ ពីសំណាក់ធនាគារពិភពលោក អ្នកវិភាគសេដ្ឋកិច្ចថា បើសិនជាចង់ឲ្យសេដ្ឋកិច្ចកម្ពុជា ងើបឡើងលឿនទាល់តែធ្វើកំណែទម្រង់ឲ្យទាន់ពេលជុំវិញការលើកកម្ពស់គុណភាពនៃការអប់រំនោះ»។
គ្រូបង្រៀនមួយចំនួននៅខេត្តព្រៃវែង បានផ្ដល់សម្ភាសន៍ដល់វិទ្យុអាស៊ីសេរី ក្នុងលក្ខខណ្ឌមិនបញ្ចេញឈ្មោះថា បញ្ហានេះបានកើតមានជារៀងរាល់ឆ្នាំ នៅរាល់ពេលប្រឡងជ្រើសរើសសិស្សនិស្សិត ឲ្យចូលរៀនវគ្គបណ្ដុះបណ្ដាលសម្រាប់គ្រូមធ្យមសិក្សាបឋមភូមិ។ ហើយថា សំណូកនោះគឺគេសូកឲ្យមន្ត្រីមន្ទីរអប់រំ និងគ្រូបង្រៀនផ្ទាល់តែម្ដង។ គ្រូបង្រៀនទាំងនោះមានកង្វល់ថា បើមានអំពើសូកប៉ាន់បែបនេះមែន នោះនិស្សិតក្រីក្រគ្មានប្រាក់ឲ្យគេ និងមិនអាចប្រឡងជាប់ឡើយ៕
ប្រធានសមាគមគ្រូបង្រៀនកម្ពុជាឯករាជ្យ លោក រ៉ុង ឈុន បញ្ជាក់បន្ថែមពីផលប៉ះពាល់នៃការប្រព្រឹត្តអំពើពុករលួយនេះដូច្នេះ ៖ «វាមានផលប៉ះពាល់ច្រើននៅពេលឲ្យអំពើពុករលួយនៅតែយាយីក្នុងវិស័យអប់រំនៅពេលហ្នឹងហើយ ដែលយើងអាចទទួលបានធនធានមនុស្សពិតប្រាកដ ប្រកបដោយជំនាញទេ។ អ៊ីចឹងហើយវាមានការលើកឡើងជាច្រើនពាក់ព័ន្ធទៅនឹងការធ្លាក់ចុះនូវគុណភាពអប់រំ ពីសំណាក់ធនាគារពិភពលោក អ្នកវិភាគសេដ្ឋកិច្ចថា បើសិនជាចង់ឲ្យសេដ្ឋកិច្ចកម្ពុជា ងើបឡើងលឿនទាល់តែធ្វើកំណែទម្រង់ឲ្យទាន់ពេលជុំវិញការលើកកម្ពស់គុណភាពនៃការអប់រំនោះ»។
គ្រូបង្រៀនមួយចំនួននៅខេត្តព្រៃវែង បានផ្ដល់សម្ភាសន៍ដល់វិទ្យុអាស៊ីសេរី ក្នុងលក្ខខណ្ឌមិនបញ្ចេញឈ្មោះថា បញ្ហានេះបានកើតមានជារៀងរាល់ឆ្នាំ នៅរាល់ពេលប្រឡងជ្រើសរើសសិស្សនិស្សិត ឲ្យចូលរៀនវគ្គបណ្ដុះបណ្ដាលសម្រាប់គ្រូមធ្យមសិក្សាបឋមភូមិ។ ហើយថា សំណូកនោះគឺគេសូកឲ្យមន្ត្រីមន្ទីរអប់រំ និងគ្រូបង្រៀនផ្ទាល់តែម្ដង។ គ្រូបង្រៀនទាំងនោះមានកង្វល់ថា បើមានអំពើសូកប៉ាន់បែបនេះមែន នោះនិស្សិតក្រីក្រគ្មានប្រាក់ឲ្យគេ និងមិនអាចប្រឡងជាប់ឡើយ៕
0 comments:
Post a Comment