ដោយ មណ្ឌលកែវ 2011-10-07
កម្មកររោងចក្រ អ៊ឹមវ៉េ កាត់ដេរអន្តរជាតិ (M&V International Manufacturing Ltd.) នៅខេត្តកំពង់ឆ្នាំង ប្រមាណ ១ពាន់នាក់ នៅរសៀលថ្ងៃទី៦ តុលា បាននាំគ្នាធ្វើបាតុកម្មដើម្បីសម្ដែងការមិនពេញចិត្តចំពោះថៅកែរោងចក្រដែលបានធ្វើការគាបសង្កត់ និងបណ្ដេញកម្មករចំនួន ២៣នាក់ចេញពីការងារ។កម្មការិនីឈ្មោះ ចាន់ ណេត អាយុ ៣២ឆ្នាំ ដែលកំពុងចូលរួមក្នុងការធ្វើបាតុកម្ម បានឲ្យដឹងថា គោលបំណងក្នុងការធ្វើបាតុកម្មថ្ងៃនេះ គឺដើម្បីទាមទារឲ្យថៅកែរោងចក្រគោរពច្បាប់ការងារ និងគោរពសិទ្ធិកម្មករដែលមានចែងក្នុងច្បាប់ស្ដីពីការបង្កើតសហជីព។
កម្មការិនីរូបនេះបន្តថា ថៅកែរោងចក្រនេះបានកេងប្រវ័ញ្ចលើកម្លាំងញើសឈាមកម្មករ និងប្រើកម្មករដូចសត្វធាតុ ដោយមិនមានការគិតគូរពីសុខភាពរបស់កម្មករឡើយ ៖ «កម្មករគ្នាមានកំហុសអីបន្តិចបន្តួច ដូចគ្រាន់ថា កម្មករអូសម៉ូតូយឺតតែមួយនាទី គឺគេគិតកាត់លុយកម្មករភ្លាម ឬបើយើងមានកំហុសតែបន្តិចបន្តួច ដែលអាចលើកលែងបានសោះ តែគេបែរជាហៅទៅធ្វើការបញ្ឈប់ភ្លាម»។
កម្មការិនីម្នាក់ទៀតឈ្មោះ អុល ចាន់ធាវី អាយុ ២៣ឆ្នាំ បញ្ជាក់ពីគោលបំណងរបស់នាងក្នុងការធ្វើបាតុកម្មនេះថា គឺដើម្បីឲ្យថៅកែរោងចក្រនេះទទួលយកលក្ខខ័ណ្ឌទាំង ៨ចំណុច ដែលសហជីពទាមទារ និងសុំឲ្យថៅកែនេះទទួលយកកម្មករដែលក្រុមហ៊ុនបានបណ្ដេញចេញដោយគ្មានកំហុសនោះ ៖ «ទាមទារឲ្យក្រុមហ៊ុនទទួលយកតំណាងកម្មករ និងសកម្មជនសហជីពចំនួន ២០រូប ដែលក្រុមហ៊ុនបានបញ្ឈប់កាលពីថ្ងៃទី១ តុលា កន្លងទៅ ឲ្យបានចូលធ្វើការវិញ»។
វិទ្យុអាស៊ីសេរីមិនអាចទាក់ទងសុំការបំភ្លឺពីថៅកែរោងចក្រ អ៊ឹមវ៉េ បានទេ នៅល្ងាចថ្ងៃទី៦ តុលា នេះ។
ប្រធានមន្ទីរការងារ និងបណ្ដុះបណ្ដាលវិជ្ជាជីវៈខេត្តកំពង់ឆ្នាំង គឺលោក ពៅ ស៊ីថា មានប្រសាសន៍ថា លោកនឹងធ្វើការសម្របសម្រួលក្នុងបញ្ហានេះ។ ប៉ុន្តែលោកបានបន្ទោសសហជីពសេរីកម្មករកម្ពុជា ថាបានធ្វើបាតុកម្មដោយតក់ក្រហល់ពេក ដោយមិនបានទុកពេលគ្រប់គ្រាន់ក្នុងការធ្វើការសម្របសម្រួល។
លោក ជា មុនី ជាប្រធានសហជីពសេរីកម្មករកម្ពុជា។ លោកបានមានប្រសាសន៍ឲ្យដឹងថា បាតុកម្មនឹងធ្វើជាបន្តទៀតរហូតដល់ថៅកែរោងទទួលយកការទាមទាររបស់កម្មករ ទើបកម្មករព្រមបញ្ឈប់បាតុកម្មនេះ ៖ «យើងអត់មានទាមទារអីទាំងអស់ យើងគ្រាន់តែចង់ឲ្យក្រុមហ៊ុនគោរពច្បាប់ការងារប៉ុណ្ណោះ ហើយឲ្យកម្មករដែលក្រុមហ៊ុនបានបណ្ដេញចេញដោយគ្មានកំហុសនោះបានចូលធ្វើការវិញ»។
បាតុករទាំងអស់បានរំសាយការធ្វើបាតុកម្មជាបណ្ដោះអាសន្ននៅវេលាម៉ោងប្រមាណ ៥ល្ងាច ថ្ងៃ៦ តុលា តែបានសន្យាគ្នាថា នឹងនាំគ្នាធ្វើបន្តទៀតនៅថ្ងៃ៧ តុលា៕
កម្មការិនីរូបនេះបន្តថា ថៅកែរោងចក្រនេះបានកេងប្រវ័ញ្ចលើកម្លាំងញើសឈាមកម្មករ និងប្រើកម្មករដូចសត្វធាតុ ដោយមិនមានការគិតគូរពីសុខភាពរបស់កម្មករឡើយ ៖ «កម្មករគ្នាមានកំហុសអីបន្តិចបន្តួច ដូចគ្រាន់ថា កម្មករអូសម៉ូតូយឺតតែមួយនាទី គឺគេគិតកាត់លុយកម្មករភ្លាម ឬបើយើងមានកំហុសតែបន្តិចបន្តួច ដែលអាចលើកលែងបានសោះ តែគេបែរជាហៅទៅធ្វើការបញ្ឈប់ភ្លាម»។
កម្មការិនីម្នាក់ទៀតឈ្មោះ អុល ចាន់ធាវី អាយុ ២៣ឆ្នាំ បញ្ជាក់ពីគោលបំណងរបស់នាងក្នុងការធ្វើបាតុកម្មនេះថា គឺដើម្បីឲ្យថៅកែរោងចក្រនេះទទួលយកលក្ខខ័ណ្ឌទាំង ៨ចំណុច ដែលសហជីពទាមទារ និងសុំឲ្យថៅកែនេះទទួលយកកម្មករដែលក្រុមហ៊ុនបានបណ្ដេញចេញដោយគ្មានកំហុសនោះ ៖ «ទាមទារឲ្យក្រុមហ៊ុនទទួលយកតំណាងកម្មករ និងសកម្មជនសហជីពចំនួន ២០រូប ដែលក្រុមហ៊ុនបានបញ្ឈប់កាលពីថ្ងៃទី១ តុលា កន្លងទៅ ឲ្យបានចូលធ្វើការវិញ»។
វិទ្យុអាស៊ីសេរីមិនអាចទាក់ទងសុំការបំភ្លឺពីថៅកែរោងចក្រ អ៊ឹមវ៉េ បានទេ នៅល្ងាចថ្ងៃទី៦ តុលា នេះ។
ប្រធានមន្ទីរការងារ និងបណ្ដុះបណ្ដាលវិជ្ជាជីវៈខេត្តកំពង់ឆ្នាំង គឺលោក ពៅ ស៊ីថា មានប្រសាសន៍ថា លោកនឹងធ្វើការសម្របសម្រួលក្នុងបញ្ហានេះ។ ប៉ុន្តែលោកបានបន្ទោសសហជីពសេរីកម្មករកម្ពុជា ថាបានធ្វើបាតុកម្មដោយតក់ក្រហល់ពេក ដោយមិនបានទុកពេលគ្រប់គ្រាន់ក្នុងការធ្វើការសម្របសម្រួល។
លោក ជា មុនី ជាប្រធានសហជីពសេរីកម្មករកម្ពុជា។ លោកបានមានប្រសាសន៍ឲ្យដឹងថា បាតុកម្មនឹងធ្វើជាបន្តទៀតរហូតដល់ថៅកែរោងទទួលយកការទាមទាររបស់កម្មករ ទើបកម្មករព្រមបញ្ឈប់បាតុកម្មនេះ ៖ «យើងអត់មានទាមទារអីទាំងអស់ យើងគ្រាន់តែចង់ឲ្យក្រុមហ៊ុនគោរពច្បាប់ការងារប៉ុណ្ណោះ ហើយឲ្យកម្មករដែលក្រុមហ៊ុនបានបណ្ដេញចេញដោយគ្មានកំហុសនោះបានចូលធ្វើការវិញ»។
បាតុករទាំងអស់បានរំសាយការធ្វើបាតុកម្មជាបណ្ដោះអាសន្ននៅវេលាម៉ោងប្រមាណ ៥ល្ងាច ថ្ងៃ៦ តុលា តែបានសន្យាគ្នាថា នឹងនាំគ្នាធ្វើបន្តទៀតនៅថ្ងៃ៧ តុលា៕
0 comments:
Post a Comment