ដោយ ខែ សុណង
2011-10-13
អាជ្ញាធរមូលដ្ឋាន មន្ត្រីជំនាញជលផលពាក់ព័ន្ធ រួមទាំងសហគមន៍នេសាទនៅឯខេត្តព្រះសីហនុ និងខេត្តកោះកុង បានជួបពិភាក្សាគ្នានៅថ្ងៃទី១២ តុលា ឆ្នាំ២០១១ នេះ ដើម្បីរិះរកវិធានការចូលរួមគ្រប់គ្រង និងការពារធនធានជលផលឲ្យមាននិរន្តរភាពនៅក្នុងសហគមន៍។ប្រជានេសាទនៅស្រុកចំនួន៣ ក្នុងខេត្តព្រះសីហនុ និងខេត្តកោះកុង បានជួបជុំគ្នាលើកយកបញ្ហា បទល្មើសនេសាទនៅតំបន់សមុទ្ទមកពិភាក្សា ហើយជំរុញឲ្យមន្ត្រីមានសមត្ថកិច្ចរឹតបន្តឹងផ្នែកច្បាប់ និងផ្ដន្ទាទោសជនខិលខូចដែលប្រើឧបករណ៍ខុសច្បាប់នេសាទផលសមុទ្ទ។
ប្រធានសហគមន៍នេសាទឃុំទឹកថ្លា ស្រុកព្រៃនប់ លោក រីម មូសើ បានថ្លែងថា បទល្មើសទូកមងហោះ ទូកឈិបយន្ត អូសក្រែងឈាម បញ្ហាកាប់បំផ្លាញព្រៃកោងកាង និងការចាក់ដីរំលោភយកតំបន់ព្រៃលិចទឹក ដែលទាំងនេះគឺសុទ្ធសឹងតែជាបញ្ហាចម្បងដែលធ្វើឲ្យបាត់បង់ធនធានសមុទ្ទ និងបានកើតឡើងស្ទើររៀងរាល់ថ្ងៃ៖ «ស្រុកព្រៃនប់បញ្ហាអាទិភាពបទល្មើសទូកឈិបយន្តហ្នឹង អាទូកឌុនហ្នឹង ប្រភេទម៉ាស៊ីន ១៥សេស ទៅដល់ ២០សេស។ គាត់មកអូសទឹករាក់ អាហ្នឹងបានជាលក្ខណៈខុសច្បាប់ រីឯស្រុកស្ទឹងហាវ នេះ គេហៅថា មងហោះ ជាឧបករណ៍ខុសច្បាប់។ ទូកគាត់ធំ ម៉ាស៊ីនគាត់ធំ គាត់មករកទឹករាក់ ហើយអ្នកប្រព្រឹត្តល្មើសនេះគឺអ្នកស្ទឹងហាវ និងអ្នកព្រៃនប់តែម្ដង»។
អ្នកស្រី ស៊ឹម ស៊ុន អនុប្រធានភូមិអំឆ្អើត និងជាប្រជានេសាទឃុំជីខក្រោម ស្រុកស្រែអំបិល បានត្អូញត្អែរថា បទល្មើសនេសាទបានផ្ទុះឡើងជាថ្មីទៀត ពីសំណាក់អ្នកមានប្រាក់មួយចំនួនដែលអាចធ្វើឡើងដោយប្រើឧបករណ៍នេសាទខុសច្បាប់ ក្នុងដែនទឹកតំបន់កោះខ្យង ស្រុកស្រែអំបិល ហាក់មិនខ្លាចញញើតច្បាប់សោះ។ រីឯកិច្ចពិភាក្សាជាមួយមន្ត្រីពាក់ព័ន្ធកន្លងមកក៏ពុំបានទទួលលទ្ធផលអ្វីនោះដែរ។
«ឃើញគេបោះឈើ តែអត់ដឹងថា បុគ្គលណាគេបោះបង្គោលហើយគេក្រឡឹងជុំវិញអ៊ីចឹង ហើយគេចងអាសាច់មងញឹកៗហ្នឹង ដល់គេព័ទ្ធយកអស់អ៊ីចឹងទៅប្រជាជនយើងអ្នកស្រែ អ្នកនេសាទម្ដុំជួរលើយើងហ្នឹង ពេលចង់ទៅរាវវាសុទ្ធតែកន្លែងគេ»។
ប្រធានសហគមន៍នេសាទស្រុកស្ទឹងហាវ ខេត្តព្រះសីហនុ លោក អ៊ុំ ដេង បានសំណូមពរឲ្យមន្ត្រីសមត្ថកិច្ចជំនាញចាត់វិធានការចំពោះជនប្រព្រឹត្តល្មើសឲ្យបានខ្លាំងក្លាជាងសព្វមួយដង ដើម្បីជំរុញការអនុវត្តច្បាប់ឲ្យមានប្រសិទ្ធភាព៖ «ការចុះបង្ក្រាបក៏ចុះ ប៉ុន្តែបទល្មើសកាន់តែកើន វានៅតែធ្វើដដែល សួរថា មុខរបរវាហ្នឹង វារកបាន ខ្ញុំចង់ឲ្យថា មន្ត្រីជលផលគាត់រឹតបន្តឹងច្បាប់ជាងមុនបន្តិចទៀត កុំឲ្យគាត់ចេះតែចាប់បង់លុយៗ អត់មានករណីផាកពិន័យទ្វេដង និងអត់មានបានបង្កសំណុំរឿងចូលទៅតុលាការ»។
ការលើកឡើងនេះ បន្ទាប់ពីបញ្ចប់កិច្ចពិភាក្សាស្ដីអំពីការចូលរួមគ្រប់គ្រង និងការពារធនធានជលផលតំបន់ឆ្នេរខេត្តព្រះសីហនុ នៅថ្ងៃទី១២ តុលា នៅសាលាស្រុកស្ទឹងហាវ។ កិច្ចជំនួបនេះមានតំណាងសហគមន៍នេសាទ អាជ្ញាធរដែនដី មន្ត្រីជំនាញជលផល ស្ថាប័នពាក់ព័ន្ធ និងសង្គមស៊ីវិលប្រមាណ ៦០នាក់ចូលរួម។
មន្ត្រីគម្រោងសម្ពន្ធភាពដើម្បីអភិរក្សធនធានជលផល ហៅកាត់ថា FACT លោក ជុំ និត បានថ្លែងថា ជាលើកទី៣ហើយដែលអង្គការលោកបានគាំទ្រថវិកាសម្រាប់កិច្ចប្រជុំនេះ។ លោកថា វាជាឱកាសល្អមួយដែលអាចឲ្យសហគមន៍ជួបពិភាក្សា និងបង្ហាញពីកង្វល់ដែលកើតមានពីបទល្មើសនេសាទរបស់ពួកគេដែលបានកើតមានជារៀងរាល់ថ្ងៃ៖ «គោលបំណងទី១ ដើម្បីផ្ដល់ឱកាសឲ្យប្រជានេសាទ និងអ្នកពាក់ព័ន្ធបានជួបពិភាក្សាលើការងារចូលរួមគ្រប់គ្រង និងការពារធនធានជលផលឲ្យមាននិរន្តរភាពនៅក្នុងសហគមន៍»។
មន្ត្រីអង្គការសម្ពន្ធភាពដើម្បីអភិរក្សធនធានជលផលបានឲ្យដឹងថា ធនធានជលផលថយចុះ ដោយការប្រើឧបករណ៍ខុសច្បាប់ ដូចជាប្រើអាគុយឆក់ មងក្រឡាល្អិត ស្បៃមុង ការច្នៃទូកបង្ហោះ អូសត្រីក្នុងតំបន់ទឹករាក់ ការកាប់ព្រៃកោងកាងដើម្បីធ្វើស្រែបង្គា ការលុបព្រៃលិចទឹក ការលុបដៃសមុទ្ទ ធ្វើកំពង់ផែនៅបឹងទូកជាដើម។
ទាក់ទងនឹងបញ្ហានេះ អភិបាលរងស្រុកព្រៃនប់ អ្នកស្រី យឹម សុឃឿន បានសម្ដែងការគាំទ្រចំពោះក្ដីកង្វល់របស់ប្រជានេសាទនេះ។ អ្នកស្រីប្ដេជ្ញាថា អាជ្ញាធរគាំទ្រជានិច្ចរាល់បណ្ដឹងពីបញ្ហាល្មើសនេសាទដែលកើតមាន និងការផ្ដល់ព័ត៌មានរបស់សហគមន៍នេសាទ៖ «ចូលរួមសហការរាល់ការទូរស័ព្ទ ឬក៏គាត់រៀបចំឯកសារមកជម្រាបមកអាជ្ញាធរដែនដី ដូចជាឃុំភូមិដើម្បីបានជំនាញយើងធ្វើម្នាក់ទេ»។
នាយខណ្ឌរដ្ឋបាលជលផលកំពង់សោម លោក ឌួង សំអាត ដែលបានចូលរួមកិច្ចជំនួបនោះដែរ មានប្រសាសន៍ថា បញ្ហាបទល្មើសនេសាទក្នុងឆ្នាំ២០១១នេះ មានការធូរស្រាលជាងមុនបន្តិចបើធៀបទៅនឹងឆ្នាំមុនៗ៖ «ដើមឆ្នាំ២០១១នេះ យើងធ្វើយុទ្ធនាការនោះជាប់ ជលផលបទល្មើសធំៗដែលយើងដាក់ផែនការឲ្យគាត់ធ្វើចេញធ្វើអស់ហើយ»។
នៅក្នុងទិវាមច្ឆាជាតិដែលប្រារព្ធធ្វើឡើងនៅឯខេត្តព្រះសីហនុនេះ កាលពីខែកក្កដា កន្លងទៅ នាយខណ្ឌរដ្ឋបាលជលផលកំពង់សោម ឲ្យដឹងថា បទល្មើសនេសាទតំបន់ឆ្នេរក្នុងរយៈពេល៦ខែ ដើមឆ្នាំ២០១១នេះ សមត្ថកិច្ចបានឃាត់ចាប់ពិន័យឧបករណ៍អួនអូសបានចំនួន ១៥ករណី ស្មើទឹកប្រាក់ ២៤លាន ៤សែនរៀល បានធ្វើកិច្ចសន្យាឈប់រំលោភច្បាប់ចំនួន ១៥ករណី និងរឹបអូសវត្ថុតាងបានចំនួន ១០ករណី។
មន្ត្រីក្រសួងកសិកម្ម រុក្ខាប្រមាញ់ និងនេសាទ បានឲ្យដឹងថា មកដល់ពេលនេះ ក្នុងចំណោមអត្រាពលរដ្ឋជាង ១៤លាននាក់ទូទាំងប្រទេសកម្ពុជា មានពលរដ្ឋជាង ១លាននាក់បានចាប់យករបរនេសាទដើម្បីចិញ្ចឹមជីវិតគ្រួសារ៕
ប្រធានសហគមន៍នេសាទឃុំទឹកថ្លា ស្រុកព្រៃនប់ លោក រីម មូសើ បានថ្លែងថា បទល្មើសទូកមងហោះ ទូកឈិបយន្ត អូសក្រែងឈាម បញ្ហាកាប់បំផ្លាញព្រៃកោងកាង និងការចាក់ដីរំលោភយកតំបន់ព្រៃលិចទឹក ដែលទាំងនេះគឺសុទ្ធសឹងតែជាបញ្ហាចម្បងដែលធ្វើឲ្យបាត់បង់ធនធានសមុទ្ទ និងបានកើតឡើងស្ទើររៀងរាល់ថ្ងៃ៖ «ស្រុកព្រៃនប់បញ្ហាអាទិភាពបទល្មើសទូកឈិបយន្តហ្នឹង អាទូកឌុនហ្នឹង ប្រភេទម៉ាស៊ីន ១៥សេស ទៅដល់ ២០សេស។ គាត់មកអូសទឹករាក់ អាហ្នឹងបានជាលក្ខណៈខុសច្បាប់ រីឯស្រុកស្ទឹងហាវ នេះ គេហៅថា មងហោះ ជាឧបករណ៍ខុសច្បាប់។ ទូកគាត់ធំ ម៉ាស៊ីនគាត់ធំ គាត់មករកទឹករាក់ ហើយអ្នកប្រព្រឹត្តល្មើសនេះគឺអ្នកស្ទឹងហាវ និងអ្នកព្រៃនប់តែម្ដង»។
អ្នកស្រី ស៊ឹម ស៊ុន អនុប្រធានភូមិអំឆ្អើត និងជាប្រជានេសាទឃុំជីខក្រោម ស្រុកស្រែអំបិល បានត្អូញត្អែរថា បទល្មើសនេសាទបានផ្ទុះឡើងជាថ្មីទៀត ពីសំណាក់អ្នកមានប្រាក់មួយចំនួនដែលអាចធ្វើឡើងដោយប្រើឧបករណ៍នេសាទខុសច្បាប់ ក្នុងដែនទឹកតំបន់កោះខ្យង ស្រុកស្រែអំបិល ហាក់មិនខ្លាចញញើតច្បាប់សោះ។ រីឯកិច្ចពិភាក្សាជាមួយមន្ត្រីពាក់ព័ន្ធកន្លងមកក៏ពុំបានទទួលលទ្ធផលអ្វីនោះដែរ។
«ឃើញគេបោះឈើ តែអត់ដឹងថា បុគ្គលណាគេបោះបង្គោលហើយគេក្រឡឹងជុំវិញអ៊ីចឹង ហើយគេចងអាសាច់មងញឹកៗហ្នឹង ដល់គេព័ទ្ធយកអស់អ៊ីចឹងទៅប្រជាជនយើងអ្នកស្រែ អ្នកនេសាទម្ដុំជួរលើយើងហ្នឹង ពេលចង់ទៅរាវវាសុទ្ធតែកន្លែងគេ»។
ប្រធានសហគមន៍នេសាទស្រុកស្ទឹងហាវ ខេត្តព្រះសីហនុ លោក អ៊ុំ ដេង បានសំណូមពរឲ្យមន្ត្រីសមត្ថកិច្ចជំនាញចាត់វិធានការចំពោះជនប្រព្រឹត្តល្មើសឲ្យបានខ្លាំងក្លាជាងសព្វមួយដង ដើម្បីជំរុញការអនុវត្តច្បាប់ឲ្យមានប្រសិទ្ធភាព៖ «ការចុះបង្ក្រាបក៏ចុះ ប៉ុន្តែបទល្មើសកាន់តែកើន វានៅតែធ្វើដដែល សួរថា មុខរបរវាហ្នឹង វារកបាន ខ្ញុំចង់ឲ្យថា មន្ត្រីជលផលគាត់រឹតបន្តឹងច្បាប់ជាងមុនបន្តិចទៀត កុំឲ្យគាត់ចេះតែចាប់បង់លុយៗ អត់មានករណីផាកពិន័យទ្វេដង និងអត់មានបានបង្កសំណុំរឿងចូលទៅតុលាការ»។
ការលើកឡើងនេះ បន្ទាប់ពីបញ្ចប់កិច្ចពិភាក្សាស្ដីអំពីការចូលរួមគ្រប់គ្រង និងការពារធនធានជលផលតំបន់ឆ្នេរខេត្តព្រះសីហនុ នៅថ្ងៃទី១២ តុលា នៅសាលាស្រុកស្ទឹងហាវ។ កិច្ចជំនួបនេះមានតំណាងសហគមន៍នេសាទ អាជ្ញាធរដែនដី មន្ត្រីជំនាញជលផល ស្ថាប័នពាក់ព័ន្ធ និងសង្គមស៊ីវិលប្រមាណ ៦០នាក់ចូលរួម។
មន្ត្រីគម្រោងសម្ពន្ធភាពដើម្បីអភិរក្សធនធានជលផល ហៅកាត់ថា FACT លោក ជុំ និត បានថ្លែងថា ជាលើកទី៣ហើយដែលអង្គការលោកបានគាំទ្រថវិកាសម្រាប់កិច្ចប្រជុំនេះ។ លោកថា វាជាឱកាសល្អមួយដែលអាចឲ្យសហគមន៍ជួបពិភាក្សា និងបង្ហាញពីកង្វល់ដែលកើតមានពីបទល្មើសនេសាទរបស់ពួកគេដែលបានកើតមានជារៀងរាល់ថ្ងៃ៖ «គោលបំណងទី១ ដើម្បីផ្ដល់ឱកាសឲ្យប្រជានេសាទ និងអ្នកពាក់ព័ន្ធបានជួបពិភាក្សាលើការងារចូលរួមគ្រប់គ្រង និងការពារធនធានជលផលឲ្យមាននិរន្តរភាពនៅក្នុងសហគមន៍»។
មន្ត្រីអង្គការសម្ពន្ធភាពដើម្បីអភិរក្សធនធានជលផលបានឲ្យដឹងថា ធនធានជលផលថយចុះ ដោយការប្រើឧបករណ៍ខុសច្បាប់ ដូចជាប្រើអាគុយឆក់ មងក្រឡាល្អិត ស្បៃមុង ការច្នៃទូកបង្ហោះ អូសត្រីក្នុងតំបន់ទឹករាក់ ការកាប់ព្រៃកោងកាងដើម្បីធ្វើស្រែបង្គា ការលុបព្រៃលិចទឹក ការលុបដៃសមុទ្ទ ធ្វើកំពង់ផែនៅបឹងទូកជាដើម។
ទាក់ទងនឹងបញ្ហានេះ អភិបាលរងស្រុកព្រៃនប់ អ្នកស្រី យឹម សុឃឿន បានសម្ដែងការគាំទ្រចំពោះក្ដីកង្វល់របស់ប្រជានេសាទនេះ។ អ្នកស្រីប្ដេជ្ញាថា អាជ្ញាធរគាំទ្រជានិច្ចរាល់បណ្ដឹងពីបញ្ហាល្មើសនេសាទដែលកើតមាន និងការផ្ដល់ព័ត៌មានរបស់សហគមន៍នេសាទ៖ «ចូលរួមសហការរាល់ការទូរស័ព្ទ ឬក៏គាត់រៀបចំឯកសារមកជម្រាបមកអាជ្ញាធរដែនដី ដូចជាឃុំភូមិដើម្បីបានជំនាញយើងធ្វើម្នាក់ទេ»។
នាយខណ្ឌរដ្ឋបាលជលផលកំពង់សោម លោក ឌួង សំអាត ដែលបានចូលរួមកិច្ចជំនួបនោះដែរ មានប្រសាសន៍ថា បញ្ហាបទល្មើសនេសាទក្នុងឆ្នាំ២០១១នេះ មានការធូរស្រាលជាងមុនបន្តិចបើធៀបទៅនឹងឆ្នាំមុនៗ៖ «ដើមឆ្នាំ២០១១នេះ យើងធ្វើយុទ្ធនាការនោះជាប់ ជលផលបទល្មើសធំៗដែលយើងដាក់ផែនការឲ្យគាត់ធ្វើចេញធ្វើអស់ហើយ»។
នៅក្នុងទិវាមច្ឆាជាតិដែលប្រារព្ធធ្វើឡើងនៅឯខេត្តព្រះសីហនុនេះ កាលពីខែកក្កដា កន្លងទៅ នាយខណ្ឌរដ្ឋបាលជលផលកំពង់សោម ឲ្យដឹងថា បទល្មើសនេសាទតំបន់ឆ្នេរក្នុងរយៈពេល៦ខែ ដើមឆ្នាំ២០១១នេះ សមត្ថកិច្ចបានឃាត់ចាប់ពិន័យឧបករណ៍អួនអូសបានចំនួន ១៥ករណី ស្មើទឹកប្រាក់ ២៤លាន ៤សែនរៀល បានធ្វើកិច្ចសន្យាឈប់រំលោភច្បាប់ចំនួន ១៥ករណី និងរឹបអូសវត្ថុតាងបានចំនួន ១០ករណី។
មន្ត្រីក្រសួងកសិកម្ម រុក្ខាប្រមាញ់ និងនេសាទ បានឲ្យដឹងថា មកដល់ពេលនេះ ក្នុងចំណោមអត្រាពលរដ្ឋជាង ១៤លាននាក់ទូទាំងប្រទេសកម្ពុជា មានពលរដ្ឋជាង ១លាននាក់បានចាប់យករបរនេសាទដើម្បីចិញ្ចឹមជីវិតគ្រួសារ៕
0 comments:
Post a Comment