Social Icons

Friday, October 14, 2011Print Friendly Version of this pagePrint Get a PDF version of this webpagePDF

កម្មករ​ខ្មែរ​ជិត​៤០០​នាក់​ត្រឡប់​មក​ស្រុក​វិញ​ដោយសារ​ទឹក​ជំនន់​នៅ​ថៃ


2011-10-13
កម្មករ​ខ្មែរ​ចំនួន​ជិត ៤០០​នាក់ ជា​អ្នក​បម្រើ​ការងារ​នៅ​តាម​រោងចក្រ​ក្នុង​ប្រទេស​ថៃ នៅ​ថ្ងៃ​ពុធ ទី​១២ ខែ​តុលា ឆ្នាំ​២០១១​នេះ បាន​នាំ​គ្នា​ធ្វើ​ដំណើរ​ឆ្លង​កាត់​ច្រក​ទ្វារ​អន្តរជាតិ​ប៉ោយប៉ែត មក​ស្រុក​ខ្មែរ​វិញ ក្រោយ​ពី​ទទួល​ការ​គំរាមកំហែង​ដោយ​ទឹក​ជំនន់។
កម្មការិនី​ខ្មែរ​ម្នាក់​ឈ្មោះ លាង ហ៊ី អាយុ ២៥​ឆ្នាំ បាន​និយាយ​ថា កម្មករ​ខ្មែរ​ប្រុស​ស្រី​ចំនួន​ជិត ៤០០​នាក់ ដែល​បម្រើ​ការ​នៅ​រោងចក្រ​ផលិត​អាហារ​ជប៉ុន នៅ​ក្នុង​ខេត្ត​អយុធ្យា ប្រទេស​ថៃ ត្រូវ​បាន​ម្ចាស់​ក្រុមហ៊ុន​អនុញ្ញាត​ឲ្យ​ឈប់​សម្រាក និង​បញ្ជូន​មក​ប្រទេស​កម្ពុជា​វិញ៖ «ទឹក​លិច​រោងចក្រ​ធ្វើការ​អត់​កើត វា​ពិបាក​អត់​មាន​ការងារ​ធ្វើ។ លិច​ចូល​ប្រហែល​ជា​ពីរ​ថ្ងៃ​ទេ តែ​ទឹក​ចេះ​តែ​ឡើង ធ្វើ​មិន​កើត​គេ​ឲ្យ​មក​វិញ។ បើ​ទឹក​ស្រក​គេ​ឲ្យ​ទៅ​វិញ រៀបចំ​
រោងចក្រ​ហ្នឹង​ឲ្យ​រៀបរយ គេ​ឲ្យ​ទៅ​វិញ។ គេ​ឲ្យ​លិខិត​ឆ្លង​ដែន​មក​ពួក​ខ្ញុំ។ មក​សុទ្ធ​តែ​មាន​លិខិត​ឆ្លង​ដែន​អត់​អី​ទេ»
ក្រុម​កម្មករ​កម្មការិនី​ខ្មែរ​ទាំង​នោះ​បាន​ធ្វើ​ដំណើរ​ដោយ​ជិះ​រថយន្ត​ក្រុង​ពី​ប្រទេស​ថៃ ឆ្លង​កាត់​ច្រក​ទ្វារ​អន្តរជាតិ​ប៉ោយប៉ែត ខេត្ត​បន្ទាយមានជ័យ បន្ទាប់​មក​បាន​នាំ​គ្នា​ឡើង​ជិះ​រថយន្ត​ក្រុង​ទៅ​តាម​លំនៅឋាន​រៀងៗ​ខ្លួន៕

0 comments:

 

Total Pageviews

Followers

ផេក សម្លេងខ្មែរជាតិនិយម

សូមស្វាគមន៍មកកាន់គេហទំព័រ សម្លេងខ្មែរជាតិនិយម ។ សម្លេងខ្មែរជាតិនិយម និងផ្សព្វផ្សាយ នូវទស្សនៈនយោបាយពិតនៃសង្គម ដើម្បីជាកញ្ចក់សម្រាប់ប្រជាជាតិខ្មែរ យកទៅសិក្សា ស្វែងយល់អំពីបញ្ហាប្រទេសជាតិ ដែលដឹកនាំដោយជនផ្តាច់ការអាយ៉ងយួន ហ៊ុន សែន និងអាណានិគមយួនឈ្លានពាន ហើយរួបរួមគ្នាដើម្បីរំដោះ ជាតិ សាសនា ប្រជាជាតិខ្មែរ ឱ្យមាន សន្តិភាព ឯករាជ្យភាព និងប្រជាធិបតេយ្យពិតប្រាកដនៅក្នុងប្រទេសកម្ពុជា។