ដោយ រដ្ឋា វីសាល 2011-10-08
មន្ត្រីមូលដ្ឋានឃុំសែនមនោរម្យ ខេត្តមណ្ឌលគិរី បានចោទប្រកាន់ជនប្រដាប់អាវុធពីរនាក់ដែលគេស្គាល់ម្នាក់ជាអតីតមន្ត្រីកងរាជអាវុធហត្ថស្រុកកែវសីមា ថា បានចូលទៅគំរាមកំហែងមន្ត្រីការិយាល័យចុះឈ្មោះបោះឆ្នោត។
មន្ត្រីការិយាល័យចុះឈ្មោះបោះឆ្នោតឃុំសែនមនោរម្យ ស្រុកដាក់ដាំ ខេត្តមណ្ឌលគិរី នៅថ្ងៃសៅរ៍ ទី៨ ខែតុលា ឆ្នាំ២០១១ អំពាវនាវឲ្យមេបញ្ជាការកងរាជអាវុធហត្ថទូទាំងប្រទេសចាត់វិធានការដាក់វិន័យចំពោះមន្ត្រីកងរាជអាវុធហត្ថម្នាក់ និងបក្សពួកដែលបានប្រើប្រាស់អាវុធបីដើមចូលអុកឡុកការិយាល័យពិនិត្យ និងចុះឈ្មោះបោះឆ្នោត។
ស្មៀនឃុំសែនមនោរម្យ គឺលោក ហុង ទិត្យ។ លោកបានរៀបរាប់ថា កាលពីថ្ងៃសុក្រ ទី៧ ខែតុលា ឆ្នាំ២០១១ ជនឯកសណ្ឋានទាហានប៉ារ៉ាម្នាក់មានឈ្មោះ សួ ម៉ារិទ្ធ ដែលគេស្គាល់ថា ជាអតីតមន្ត្រីកងរាជអាវុធហត្ថស្រុកកែវសីមា ទើបផ្លាស់ចេញ និងបក្សពួកម្នាក់ទៀត ស្លៀកពាក់ជាជនស៊ីវិល មានកាំភ្លើងខ្លីនៅសៀតចង្កេះមួយដើម និងនៅដៃមានអាវុធអាកា ៤៧បត់ (AK47) ម្នាក់មួយដើម បានចូលមកការិយាល័យរៀបចំចុះឈ្មោះឆ្នោតលេខ ០០២២ មានទីតាំងនៅភូមិពូរ៉ាង ហើយស្រែកគំរាមសម្លាប់មន្ត្រីក្នុងការិយាល័យចុះឈ្មោះបោះឆ្នោត ដោយសង្ស័យថា ក្រុមមន្ត្រីមូលដ្ឋាននៅទីនោះរាយការណ៍ពីសកម្មភាពដឹកជញ្ជូនឈើប្រណិតខុសច្បាប់របស់ពួកគេ។
លោកបានបញ្ជាក់ដូច្នេះ ៖ «ជូនដំណឹង ក៏ដូចជម្រាបទៅដល់ឯកឧត្ដម សៅ សុខា តែម្ដង ដែលជាមេ គួរតែចាត់វិធានការយ៉ាងណាអនុវត្តការគំរាមកំហែងមកលើក្រុមគណៈកម្មការយើងខ្ញុំ»។
ប្រជាពលរដ្ឋរស់នៅភូមិពូរ៉ាង អ្នកស្រី ចាន់ សុភ័ន្ត។ អ្នកស្រីបានឃើញហេតុការណ៍ បានរៀបរាប់ពីទិដ្ឋភាពដែលអ្នកស្រីបានឃើញ ៖ «គេនិយាយថា ឡានវាតម្លៃរាប់ម៉ឺន វាយកមកដឹកឈើប្រាំពីរប្រាំបីផ្លានហ្នឹង អាណាហ៊ានកាក់ឡានវា អាហ្នឹងអ្ហែងទៅហៅវាចេញមក អញបាញ់អាហ្នឹងឲ្យបែកសន្ទះក្បាលម្ដងមើល៍។ មកវារលាស់កាំភ្លើងរលាស់អីពេញហ្នឹងតែម្ដងទៅណា»។
គណៈកម្មាធិការជាតិរៀបចំការបោះឆ្នោត ហៅកាត់ថា គ.ជ.ប. បានបើកយុទ្ធនាការពិនិត្យ និងចុះឈ្មោះក្នុងបញ្ជីបោះឆ្នោតនៅទូទាំងប្រទេស សម្រាប់ឆ្នាំ២០១១នេះរយៈពេល ៤៥ថ្ងៃ ចាប់ពីថ្ងៃទី១ ខែកញ្ញា ដល់ថ្ងៃទី១៥ ខែតុលា ឆ្នាំ២០១១។
ប្រធានលេខាធិការដ្ឋានរៀបចំការបោះឆ្នោតខេត្តមណ្ឌលគិរី លោក ទី ឈឿន ទទួលស្គាល់ថា មន្ត្រីនៅមូលដ្ឋានបានផ្ដល់សេចក្ដីរាយការណ៍ពីសកម្មភាពអុកឡុកនេះមកលោករួចហើយ កាលពីរសៀលថ្ងៃកើតហេតុនោះ ៖ «ខ្ញុំឲ្យគេស្រាវជ្រាវបញ្ហាអ្នកដែលគំរាមកំហែងកន្លែងការិយាល័យ ហើយយើងបានបញ្ជូនមន្ត្រីទៅកន្លែងកើតហេតុហ្នុង»។
វិទ្យុអាស៊ីសេរីនៅថ្ងៃសៅរ៍ ទី៨ ខែតុលា ឆ្នាំ២០១១នេះ មិនអាចទាក់ទងបុរសឈ្មោះ សួ ម៉ារិទ្ធ ឬមេបញ្ជាការកងរាជអាវុធហត្ថខេត្ត និងអ្នកនាំពាក្យកងរាជអាវុធហត្ថលើផ្ទៃប្រទេស ដើម្បីបញ្ជាក់ពីសេចក្ដីចោទប្រកាន់នេះបានទេ។
យ៉ាងនេះក្ដី អភិបាលរងខេត្តមណ្ឌលគិរី លោក ស្វាយ សំអៀង។ លោកបានប្រតិកម្ម ដោយចាត់ទុកទង្វើអុកឡុក និងរំខានដល់យុទ្ធនាការពិនិត្យ និងចុះបញ្ជីឈ្មោះបោះឆ្នោតថា ជាសកម្មភាពមិនអាចលើកលែងបាន ៖ «ខ្ញុំថា ឲ្យធ្វើរបាយការណ៍កំណត់ហេតុបញ្ជូនមកខេត្តដើម្បីចាត់វិធានការ។ យើងអត់កាន់ជើងទេ ជនដែលទៅបង្កការអាក់ខានអីដល់ដំណើរការពិនិត្យ និងចុះឈ្មោះបោះឆ្នោត»។
ប្រធានកងប្រជាការពារឃុំសែនមនោរម្យ លោក លី ហេង ដែលអះអាងថា លោកធ្លាប់ដឹងពីសកម្មភាពខុសច្បាប់របស់មន្ត្រីអាវុធហត្ថនេះ បានលើកជាសំណួរថា ៖ «តើមន្ត្រីមួយណាដែលការពារលោក សួ ម៉ារិទ្ធ ហ្នឹង ក្រោយពីគាត់មានរឿងផ្ទូនៗគ្នាបែរជាដាក់គាត់មកវិញ។ ឯកឧត្ដម សៅ សុខា គាត់មានផ្កាយបួននេះ ប្រជាជន ប្រជាពលរដ្ឋទុកចិត្ត តើហេតុអ្វីបានជាដាក់មនុស្សអ៊ីចឹងៗមកអុកឡុកធ្វើឲ្យប្រជាការពារមួយចំនួនភ័យខ្លាច»។
ប្រភពមន្ត្រីមូលដ្ឋាន និងប្រជាពលរដ្ឋដែលបានស្គាល់អត្តសញ្ញាណបុរសឈ្មោះ ស៊ួ ម៉ារិទ្ធ ឲ្យដឹងថា បុរសរូបនេះច្រើនឆ្នាំកន្លងទៅបានប្រព្រឹត្តខុសក្រមសីលធម៌កងរាជអាវុធហត្ថជាច្រើនករណី ដូចជាប្រើកាំភ្លើងបាញ់គំរាមមន្ត្រីមូលដ្ឋាន វាយមន្ត្រីអភិរក្សជីវចម្រុះ គំរាមកំហែងប្រជាពលរដ្ឋ និងប្រព្រឹត្តអំពើពុករលួយជំរិតប្រាក់ពីក្រុមដឹកជញ្ជូនឈើខុសច្បាប់ និងជាពិសេសបុរសនេះគឺជាអ្នកធ្វើជំនួញឈើប្រណិតខុសច្បាប់ទៀតផង៕
មន្ត្រីមូលដ្ឋានឃុំសែនមនោរម្យ ខេត្តមណ្ឌលគិរី បានចោទប្រកាន់ជនប្រដាប់អាវុធពីរនាក់ដែលគេស្គាល់ម្នាក់ជាអតីតមន្ត្រីកងរាជអាវុធហត្ថស្រុកកែវសីមា ថា បានចូលទៅគំរាមកំហែងមន្ត្រីការិយាល័យចុះឈ្មោះបោះឆ្នោត។
មន្ត្រីការិយាល័យចុះឈ្មោះបោះឆ្នោតឃុំសែនមនោរម្យ ស្រុកដាក់ដាំ ខេត្តមណ្ឌលគិរី នៅថ្ងៃសៅរ៍ ទី៨ ខែតុលា ឆ្នាំ២០១១ អំពាវនាវឲ្យមេបញ្ជាការកងរាជអាវុធហត្ថទូទាំងប្រទេសចាត់វិធានការដាក់វិន័យចំពោះមន្ត្រីកងរាជអាវុធហត្ថម្នាក់ និងបក្សពួកដែលបានប្រើប្រាស់អាវុធបីដើមចូលអុកឡុកការិយាល័យពិនិត្យ និងចុះឈ្មោះបោះឆ្នោត។
ស្មៀនឃុំសែនមនោរម្យ គឺលោក ហុង ទិត្យ។ លោកបានរៀបរាប់ថា កាលពីថ្ងៃសុក្រ ទី៧ ខែតុលា ឆ្នាំ២០១១ ជនឯកសណ្ឋានទាហានប៉ារ៉ាម្នាក់មានឈ្មោះ សួ ម៉ារិទ្ធ ដែលគេស្គាល់ថា ជាអតីតមន្ត្រីកងរាជអាវុធហត្ថស្រុកកែវសីមា ទើបផ្លាស់ចេញ និងបក្សពួកម្នាក់ទៀត ស្លៀកពាក់ជាជនស៊ីវិល មានកាំភ្លើងខ្លីនៅសៀតចង្កេះមួយដើម និងនៅដៃមានអាវុធអាកា ៤៧បត់ (AK47) ម្នាក់មួយដើម បានចូលមកការិយាល័យរៀបចំចុះឈ្មោះឆ្នោតលេខ ០០២២ មានទីតាំងនៅភូមិពូរ៉ាង ហើយស្រែកគំរាមសម្លាប់មន្ត្រីក្នុងការិយាល័យចុះឈ្មោះបោះឆ្នោត ដោយសង្ស័យថា ក្រុមមន្ត្រីមូលដ្ឋាននៅទីនោះរាយការណ៍ពីសកម្មភាពដឹកជញ្ជូនឈើប្រណិតខុសច្បាប់របស់ពួកគេ។
លោកបានបញ្ជាក់ដូច្នេះ ៖ «ជូនដំណឹង ក៏ដូចជម្រាបទៅដល់ឯកឧត្ដម សៅ សុខា តែម្ដង ដែលជាមេ គួរតែចាត់វិធានការយ៉ាងណាអនុវត្តការគំរាមកំហែងមកលើក្រុមគណៈកម្មការយើងខ្ញុំ»។
ប្រជាពលរដ្ឋរស់នៅភូមិពូរ៉ាង អ្នកស្រី ចាន់ សុភ័ន្ត។ អ្នកស្រីបានឃើញហេតុការណ៍ បានរៀបរាប់ពីទិដ្ឋភាពដែលអ្នកស្រីបានឃើញ ៖ «គេនិយាយថា ឡានវាតម្លៃរាប់ម៉ឺន វាយកមកដឹកឈើប្រាំពីរប្រាំបីផ្លានហ្នឹង អាណាហ៊ានកាក់ឡានវា អាហ្នឹងអ្ហែងទៅហៅវាចេញមក អញបាញ់អាហ្នឹងឲ្យបែកសន្ទះក្បាលម្ដងមើល៍។ មកវារលាស់កាំភ្លើងរលាស់អីពេញហ្នឹងតែម្ដងទៅណា»។
គណៈកម្មាធិការជាតិរៀបចំការបោះឆ្នោត ហៅកាត់ថា គ.ជ.ប. បានបើកយុទ្ធនាការពិនិត្យ និងចុះឈ្មោះក្នុងបញ្ជីបោះឆ្នោតនៅទូទាំងប្រទេស សម្រាប់ឆ្នាំ២០១១នេះរយៈពេល ៤៥ថ្ងៃ ចាប់ពីថ្ងៃទី១ ខែកញ្ញា ដល់ថ្ងៃទី១៥ ខែតុលា ឆ្នាំ២០១១។
ប្រធានលេខាធិការដ្ឋានរៀបចំការបោះឆ្នោតខេត្តមណ្ឌលគិរី លោក ទី ឈឿន ទទួលស្គាល់ថា មន្ត្រីនៅមូលដ្ឋានបានផ្ដល់សេចក្ដីរាយការណ៍ពីសកម្មភាពអុកឡុកនេះមកលោករួចហើយ កាលពីរសៀលថ្ងៃកើតហេតុនោះ ៖ «ខ្ញុំឲ្យគេស្រាវជ្រាវបញ្ហាអ្នកដែលគំរាមកំហែងកន្លែងការិយាល័យ ហើយយើងបានបញ្ជូនមន្ត្រីទៅកន្លែងកើតហេតុហ្នុង»។
វិទ្យុអាស៊ីសេរីនៅថ្ងៃសៅរ៍ ទី៨ ខែតុលា ឆ្នាំ២០១១នេះ មិនអាចទាក់ទងបុរសឈ្មោះ សួ ម៉ារិទ្ធ ឬមេបញ្ជាការកងរាជអាវុធហត្ថខេត្ត និងអ្នកនាំពាក្យកងរាជអាវុធហត្ថលើផ្ទៃប្រទេស ដើម្បីបញ្ជាក់ពីសេចក្ដីចោទប្រកាន់នេះបានទេ។
យ៉ាងនេះក្ដី អភិបាលរងខេត្តមណ្ឌលគិរី លោក ស្វាយ សំអៀង។ លោកបានប្រតិកម្ម ដោយចាត់ទុកទង្វើអុកឡុក និងរំខានដល់យុទ្ធនាការពិនិត្យ និងចុះបញ្ជីឈ្មោះបោះឆ្នោតថា ជាសកម្មភាពមិនអាចលើកលែងបាន ៖ «ខ្ញុំថា ឲ្យធ្វើរបាយការណ៍កំណត់ហេតុបញ្ជូនមកខេត្តដើម្បីចាត់វិធានការ។ យើងអត់កាន់ជើងទេ ជនដែលទៅបង្កការអាក់ខានអីដល់ដំណើរការពិនិត្យ និងចុះឈ្មោះបោះឆ្នោត»។
ប្រធានកងប្រជាការពារឃុំសែនមនោរម្យ លោក លី ហេង ដែលអះអាងថា លោកធ្លាប់ដឹងពីសកម្មភាពខុសច្បាប់របស់មន្ត្រីអាវុធហត្ថនេះ បានលើកជាសំណួរថា ៖ «តើមន្ត្រីមួយណាដែលការពារលោក សួ ម៉ារិទ្ធ ហ្នឹង ក្រោយពីគាត់មានរឿងផ្ទូនៗគ្នាបែរជាដាក់គាត់មកវិញ។ ឯកឧត្ដម សៅ សុខា គាត់មានផ្កាយបួននេះ ប្រជាជន ប្រជាពលរដ្ឋទុកចិត្ត តើហេតុអ្វីបានជាដាក់មនុស្សអ៊ីចឹងៗមកអុកឡុកធ្វើឲ្យប្រជាការពារមួយចំនួនភ័យខ្លាច»។
ប្រភពមន្ត្រីមូលដ្ឋាន និងប្រជាពលរដ្ឋដែលបានស្គាល់អត្តសញ្ញាណបុរសឈ្មោះ ស៊ួ ម៉ារិទ្ធ ឲ្យដឹងថា បុរសរូបនេះច្រើនឆ្នាំកន្លងទៅបានប្រព្រឹត្តខុសក្រមសីលធម៌កងរាជអាវុធហត្ថជាច្រើនករណី ដូចជាប្រើកាំភ្លើងបាញ់គំរាមមន្ត្រីមូលដ្ឋាន វាយមន្ត្រីអភិរក្សជីវចម្រុះ គំរាមកំហែងប្រជាពលរដ្ឋ និងប្រព្រឹត្តអំពើពុករលួយជំរិតប្រាក់ពីក្រុមដឹកជញ្ជូនឈើខុសច្បាប់ និងជាពិសេសបុរសនេះគឺជាអ្នកធ្វើជំនួញឈើប្រណិតខុសច្បាប់ទៀតផង៕
0 comments:
Post a Comment