អង្គារ 11 តុលា 2011 2:21 PM
លោក មឿង សុន ប្រធានអង្គការមូលនិធិទ្រទ្រង់អរិយធម៌ខ្មែរ កាលពីថ្ងៃម្សិលមិញ បានផ្ញើលិខិតមួយច្បាប់ទៅក្រុមប្រឹក្សាជំនុំជ្រះ នៃតុលាការកំពូល ដោយស្នើឲ្យតុលាការនេះ កាត់ក្តីសំណុំរឿងលោកដែលប្តឹងដោយរដ្ឋាភិបាលឡើងវិញ។
ក្នុងលិខិតចុះថ្ងៃទី១០ ខែតុលា ផ្ញើទៅតុលាការកំពូល លោក មឿង សុន ដែលកំពុងរស់និរទេសនៅក្រៅប្រទេសព្រោះតែបណ្តឹងរបស់រដ្ឋាភិបាល បានស្នើឲ្យតុលាការកំពូលពិចារណា និងកាត់ក្តីសំណុំរឿងលោកឡើងវិញ ប្រកបដោយគតិបណ្ឌិត និងគតិយុត្តិ។
គួររំលឹកថា កាលពីឆ្នាំ២០០៩ លោក មឿង សុន ត្រូវរដ្ឋាភិបាលដាក់ពាក្យបណ្តឹងទៅតុលាការ បន្ទាប់ពីលោកបានថ្លែងនៅក្នុងសន្និសីទកាសែតមួយ ដោយធ្វើការរិះគន់ចំពោះការដាក់អំពូលភ្លើងលើជញ្ជាំងប្រាសាទអង្គរវត្តរបស់ក្រុមហ៊ុនចិនមួយ ដើម្បីទាក់ទាញភ្ញៀវទេសចរនៅពេលយប់ ថា វានឹងនាំឲ្យប៉ះពាល់ដល់ប្រាសាទអង្គរវត្ត។ គ្រានោះ តុលាការក្រុងភ្នំពេញបានសម្រេចផ្តន្ទាទោសរូបលោកឲ្យជាប់ពន្ធនាគាររយៈពេល២ឆ្នាំ និងពិន័យជាប្រាក់១៥លានរៀលពីបទផ្សាយព័ត៌មានមិនពិត។
ក្រោយមកនៅថ្ងៃទី២៤ ខែឧសភា ឆ្នាំ២០១១សាលាឧទ្ធរណ៍ នៃប្រទេសកម្ពុជាបានសម្រេចតម្កល់សាលាក្រមរបស់សាលាដំបូងក្រុងភ្នំពេញឲ្យនៅដដែល ប៉ុន្តែពិន័យជាប្រាក់ត្រឹម៤លានរៀល និងកែបទចោទប្រកាន់ ពីបទផ្សាយព័ត៌មានមិនពិត ទៅជាបទញុះញង់វិញ៕
ក្នុងលិខិតចុះថ្ងៃទី១០ ខែតុលា ផ្ញើទៅតុលាការកំពូល លោក មឿង សុន ដែលកំពុងរស់និរទេសនៅក្រៅប្រទេសព្រោះតែបណ្តឹងរបស់រដ្ឋាភិបាល បានស្នើឲ្យតុលាការកំពូលពិចារណា និងកាត់ក្តីសំណុំរឿងលោកឡើងវិញ ប្រកបដោយគតិបណ្ឌិត និងគតិយុត្តិ។
គួររំលឹកថា កាលពីឆ្នាំ២០០៩ លោក មឿង សុន ត្រូវរដ្ឋាភិបាលដាក់ពាក្យបណ្តឹងទៅតុលាការ បន្ទាប់ពីលោកបានថ្លែងនៅក្នុងសន្និសីទកាសែតមួយ ដោយធ្វើការរិះគន់ចំពោះការដាក់អំពូលភ្លើងលើជញ្ជាំងប្រាសាទអង្គរវត្តរបស់ក្រុមហ៊ុនចិនមួយ ដើម្បីទាក់ទាញភ្ញៀវទេសចរនៅពេលយប់ ថា វានឹងនាំឲ្យប៉ះពាល់ដល់ប្រាសាទអង្គរវត្ត។ គ្រានោះ តុលាការក្រុងភ្នំពេញបានសម្រេចផ្តន្ទាទោសរូបលោកឲ្យជាប់ពន្ធនាគាររយៈពេល២ឆ្នាំ និងពិន័យជាប្រាក់១៥លានរៀលពីបទផ្សាយព័ត៌មានមិនពិត។
ក្រោយមកនៅថ្ងៃទី២៤ ខែឧសភា ឆ្នាំ២០១១សាលាឧទ្ធរណ៍ នៃប្រទេសកម្ពុជាបានសម្រេចតម្កល់សាលាក្រមរបស់សាលាដំបូងក្រុងភ្នំពេញឲ្យនៅដដែល ប៉ុន្តែពិន័យជាប្រាក់ត្រឹម៤លានរៀល និងកែបទចោទប្រកាន់ ពីបទផ្សាយព័ត៌មានមិនពិត ទៅជាបទញុះញង់វិញ៕
0 comments:
Post a Comment