ជំងឺគ្រុនឈាមសម្លាប់មនុស្ស៤៨នាក់ក្នុងឆ្នាំ២០១១

Home » Unlabelled » ជំងឺគ្រុនឈាមសម្លាប់មនុស្ស៤៨នាក់ក្នុងឆ្នាំ២០១១

Tuesday, September 27, 2011Print PDF

ជំងឺគ្រុនឈាមសម្លាប់មនុស្ស៤៨នាក់ក្នុងឆ្នាំ២០១១

2011-09-27

ស្ថានការណ៍ជំងឺគ្រុនឈាមនៅកម្ពុជា នៅឆ្នាំ២០១១ នេះ មានសភាពធ្ងន់ធ្ងរជាងឆ្នាំ២០១០។ក្រុមគ្រួសារ និងកុមារដែលកើតជំងឺគ្រុនឈាម សម្រាកព្យាបាលនៅមន្ទីរពេទ្យកុមារជាតិ នារាជធានីភ្នំពេញ ក្នុងអំឡុងឆ្នាំ២០០៨។មន្ត្រីជាន់ខ្ពស់ក្រសួងសុខាភិបាលបានឲ្យដឹងថា ជំងឺគ្រុនឈាមបានសម្លាប់កុមារចំនួន ៤៨នាក់ និងមានអ្នកជំងឺភាគច្រើនជាកុមារកំពុងកើតជំងឺនេះចំនួនជាង ១១.២៥០នាក់ទៀត នៅក្នុងរយៈពេល ៩ខែ ឆ្នាំ២០១១។ ចំនួននេះបានកើនឡើងជាងឆ្នាំ២០១០ កន្លងទៅ នៅក្នុងរយៈពេល ៩ខែដូចគ្នា។មន្ត្រីសុខាភិបាលធ្លាប់បានប្រកាសអាសន្នម្ដងហើយ កាលពីខែឧសភា ឆ្នាំ២០១១ កន្លងទៅនេះ ដោយសារតែសន្ទុះនៃអ្នកកើតជំងឺគ្រុនឈាមបានកើនឡើងទ្វេដង។លោក ង៉ាន់ ចន្ថា ជាប្រធានកម្មវិធីជាតិប្រយុទ្ធប្រឆាំងជំងឺគ្រុនឈាមរបស់ក្រសួងសុខាភិបាល។ លោកបានមានប្រសាសន៍ថា ក្រសួងសុខាភិបាលកំពុងតែបន្តយុទ្ធនាការនៅឡើយ ដើម្បីទប់ទល់និងជំងឺគ្រុនឈាមនេះ ៖ "យើងឃើញថា នៅខេត្តកំពង់ធំមានករណីច្រើនជាងគេ ដែលយើងគិតថា ជាការងារមួយកើតខុសប្រក្រតី។ កាលដើមឡើយ ខេត្តកំពង់ធំមិនដែលមានកើនឡើង ប៉ុន្តែនៅឆ្នាំនេះ កំពង់ធំមានការកើនឡើងខ្ពស់ជាងគេ"។ខេត្តដែលមានអ្នកជំងឺគ្រុនឈាម និងស្លាប់ច្រើនជាងគេ គឺខេត្តកំពង់ធំ កណ្ដាល កំពង់ចាម រាជធានីភ្នំពេញ និងខេត្តមួយចំនួនទៀត ដោយសារតែមានភ្លៀងធ្លាក់ខ្លាំងកន្លងមក ធ្វើឲ្យកើតមូសខ្លាញី។ ចំណែកឯប្រជាពលរដ្ឋរស់នៅខ្វះអនាម័យ និងមានធ្វេសប្រហែសឲ្យមូសខ្លាញីខាំ។លោក ង៉ាន់ ចន្ថា បានមានប្រសាសន៍ថា ក្រសួងសុខាភិបាលបានត្រៀមថ្នាំអាប៊ែតចំនួនរវាង ១៦០តោន ទៅ១៨០តោន ដើម្បីចែកជូនប្រជាពលរដ្ឋ ដោយមិនយកកម្រៃ ដើម្បីដាក់ក្នុងពាងទឹកសម្លាប់ដង្កូវទឹក។ប្រជាពលរដ្ឋឈ្មោះ មាស លី នៅឃុំល្វា ស្រុកកោះសុទិន្ន ខេត្តកំពង់ចាម បានថ្លែងថា ក្មេងៗ ចំនួន៤នាក់ នៅឃុំរបស់លោកកើតជំងឺគ្រុនឈាម ប៉ុន្តែឪពុកម្ដាយបានប្រញាប់ប្រញាល់យកទៅព្យាបាលទាន់ពេលវេលា ៖ "យកទៅព្យាបាលនៅតាមមន្ទីរពេទ្យបង្អែកនៅក្បែរហ្នឹងទាន់។ ប្រហែលជា ១អាទិត្យមុន ៧ថ្ងៃមុន។ លក្ខណៈដែលកំពុងតែភ្ជុំ ដោយមានទឹកលិចហ្នឹង។ ដល់ពេលទឹកលិចហ្នឹង វាធូរមូសខ្លាបន្តិច ព្រោះវាហូររសាត់ទៅតាមទឹក។ ពិសេសដាច់ខាតត្រូវតែមានថ្នាំជ្រលក់មុង"។កាលពីឆ្នាំ២០១០ កន្លងទៅនេះ ជំងឺគ្រុនឈាមបានសម្លាប់កុមារចំនួន ២៨នាក់ និងមានអ្នកកើតជំងឺនេះចំនួន ១២.៥០០នាក់៕

0 comments:

Subscribe to: Post Comments (Atom)

សូមស្វាគមន៍មកកាន់គេហទំព័រ សម្លេងខ្មែរជាតិនិយម ។ សម្លេងខ្មែរជាតិនិយម និងផ្សព្វផ្សាយ នូវទស្សនៈនយោបាយពិតនៃសង្គម ដើម្បីជាកញ្ចក់សម្រាប់ប្រជាជាតិខ្មែរ យកទៅសិក្សា ស្វែងយល់អំពីបញ្ហាប្រទេសជាតិ ដែលដឹកនាំដោយជនផ្តាច់ការអាយ៉ងយួន ហ៊ុន សែន និងអាណានិគមយួនឈ្លានពាន ហើយរួបរួមគ្នាដើម្បីរំដោះ ជាតិ សាសនា ប្រជាជាតិខ្មែរ ឱ្យមាន សន្តិភាព ឯករាជ្យភាព និងប្រជាធិបតេយ្យពិតប្រាកដនៅក្នុងប្រទេសកម្ពុជា។

Home Khmer News Video World News Khmer Book Khmer Poems Sitemaps Login Website