Print 
PDFភ្នំពេញៈ ក្រុមអ្នកភូមិ ដែលត្រូវបានកាត់ចេញពីគម្រោងទទួលបានប័ណ្ណកម្មសិទ្ធិដីធ្លីលើដីទំហំ ១២,៤៤ហិកតា ក្នុងតំបន់បឹងកក់ នៅថ្ងៃចន្ទនេះ បាននាំគ្នារៀបចំពិធីសែនព្រេនមួយនៅលើទីតាំងដីផ្ទះរបស់ពួកគេដែលត្រូវបានបូមកប់ពន្លិចដោយដីខ្សាច់ ដើម្បីបួងសួងអ្នកតាម្ចាស់ដី ឲ្យជួយដល់ពួកគាត់ក្នុងការទទួលបានកម្មសិទ្ធិដីធ្លី។
អ្នកស្រី សែន ទូច អាយុ ៤២ឆ្នាំ ដែលកាលពី ៩ខែមុន លំនៅដ្ឋាន និងបន្ទប់ជួលចំនួន ១៤បន្ទប់របស់គាត់ ស្ថិតក្នុងភូមិ១ សង្កាត់ស្រះចក ខណ្ឌដូនពេញ ដែលធ្លាប់តែផ្តល់នូវប្រាក់ចំណូលប្រមាណ ៤០០ដុល្លារអាមេរិក ក្នុងមួយខែសម្រាប់ផ្គត់ផ្គង់ជីវភាពគ្រួសារ ត្រូវបានក្រុមហ៊ុនសូកាគូអ៊ីន របស់លោក
ឡាវ ម៉េងឃីន សមាជិកព្រឹទ្ធសភាគណបក្សប្រជាជនកម្ពុជា បូមខ្សាច់កប់ពន្លិច។
អ្នកស្រី សែន ទូច អាយុ ៤២ឆ្នាំ មកពីភូមិ១ សង្កាត់ស្រះចក ខណ្ឌដូនពេញ បានប្រាប់ភ្នំពេញ ប៉ុស្តិ៍ទាំងទឹកភ្នែករលីងរលោងថា៖ «ក្រោយពីពួកគេបូមខ្សាច់កប់ពន្លិចផ្ទះរបស់ខ្ញុំអស់ហើយនោះ ពួកគេហៅខ្ញុំឲ្យទៅទទួលយក
សំណង ៨ពាន់ដុល្លារ និង ២លានរៀល ប៉ុន្តែ ខ្ញុំមិនព្រម ព្រោះដីផ្ទះរបស់ខ្ញុំមិនមែនស្ថិតនៅក្នុងបឹងនោះទេ គឺដីភូមិចាស់»។លំនៅដ្ឋានរបស់អ្នកស្រី សែន ទូច ដែលមានបន្ទប់ជួលចំនួន ១៤ និងផ្តល់ថ្លៃជួលប្រចាំខែប្រមាណ ៤០០ដុល្លារអាមេរិកសម្រាប់ផ្គត់ផ្គង់ជីវភាពគ្រួសារនោះ ត្រូវបានលិចលង់ក្រោមល្បាប់ខ្សាច់ដែលបូមដោយក្រុមហ៊ុនស៊ូកាគូអ៊ីន កម្មសិទិ្ធរបស់លោក ឡាវ ម៉េងឃីន សមាជិកព្រឹទ្ធសភាគណបក្សប្រជាជនកម្ពុជាកំពុងកាន់អំណាច កាលពី ៩ខែមុន។
0 comments:
Post a Comment