Print 
PDFដោយ ខ្មែរ ស្នេហាជាតិ
ច័ន្ទ 05 កញ្ញា 2011 9:27 AM
ច័ន្ទ 05 កញ្ញា 2011 9:27 AM
ព្រះរាជក្រឹត្យដែលឡាយព្រះហស្តលេខាដោយសម្តេច នរោត្តម សីហមុនី ព្រះមហាក្សត្រនៃប្រទេសកម្ពុជា បានបង្គាប់ឲ្យមន្រ្តីថ្នាក់កំពូលៗចំនួន១១រូបនៅក្រសួងមហាផ្ទៃ និងគណៈរដ្ឋមន្រ្តី ដោយក្នុងនោះរួមមានទាំងនាយករដ្ឋមន្រ្តី ហ៊ុន សែន ផង ឲ្យចូលនិវត្តន៍ក្នុងក្របខណ្ឌមុខងារសាធារណៈចាប់តាំងពីថ្ងៃទី០១ ខែសីហា ឆ្នាំ២០១១ ប៉ុន្តែរក្សាតួនាទីនយោបាយនៅដដែល។
លោក ហ៊ុន សែន, លោក សុខ អាន និងលោក វ៉ា គឹមហុង សុទ្ធសឹងតែត្រូវបាន ព្រះរាជក្រឹត្យដាក់ឲ្យចូលនិវត្តន៍
ព្រះរាជក្រឹត្យចុះថ្ងៃទី២០ ខែសីហា ឆ្នាំ២០១១ បានបង្គាប់ឲ្យមន្រ្តីរដ្ឋបាលជាន់ខ្ពស់ចំនួន១១រូប ដែលរួមមានលោក ហ៊ុន សែន មន្រ្តីគ្រប់គ្រងរដ្ឋបាល, លោក ស ខេង មន្រ្តីជាន់ខ្ពស់ក្រសួងមហាផ្ទៃ, លោក សុខ អាន, លោក សាយ ឈុំ, លោក ប៊ិន ឈិន, លោក ញឹម វណ្ណដា, លោក វ៉ា គឹមហុង, លោក អៀង មូលី, លោក មិន ឃិន, លោកជំទាវ សោម គឹម សួគ៌ និងលោក អង្គវង្ស វឌ្ឍានា ឲ្យចូលនិវត្តន៍ក្នុងក្របខណ្ឌមុខងារសាធារណៈចាប់ពីថ្ងៃទី០១ ខែសីហា ឆ្នាំ២០១១ ដោយរក្សាមុខតំណែងនយោបាយឲ្យនៅដដែល រហូតមានការសម្រេចជាថ្មីពីរាជរដ្ឋាភិបាល។
តាមច្បាប់ស្តីពីសហលក្ខន្តិកៈមន្រ្តីរាជការស៊ីវិល បានកំណត់ឲ្យមន្រ្តីរាជការទាំងពីរភេទ ចូលនិវត្តន៍នៅពេលដល់អាយុ៥៥ឆ្នាំ និងកម្មករអាយុ៥០ឆ្នាំ។ ដោយមាត្រាទី៥៤បានចែងថា អ្នករាជការទាំងពីរភេទ ត្រូវដាក់ឲ្យចូលនិវត្តន៍ជាកំហិតនៅពេលដល់អាយុ៥៥ឆ្នាំ។
លោក សុក សំអឿន ប្រធានក្រុមអ្នកច្បាប់ការពារសិទ្ធិកម្ពុជាបានធ្វើការពន្យល់ថា គ្រប់មន្ត្រីមុខងារសាធារណៈ ត្រូវតែ
ចូលនិវត្តន៍ ហើយឈប់ពីតំណែងនៅពេលដែលគ្រប់អាយុចូលនិវត្តន៍ ប៉ុន្តែអ្នកនយោបាយគឺមិនមានប៉ះពាល់នោះទេ គេអាចមានសិទ្ធិឈរឈ្មោះបោះឆ្នោតបាន៕
0 comments:
Post a Comment