Print 
PDFព្រហស្បតិ៍ 08 កញ្ញា 2011 9:08 AM
តាមតំណាងពលរដ្ឋអ្នកបឹងកក់បានឲ្យដឹងថា នៅព្រឹកថ្ព្ងៃទី០៨ កញ្ញានេះ ក្រុមអ្នកភូមិរាប់សិបនាក់ បានប្រមូលផ្តុំគ្នាសាជាថ្មី ដើម្បីធ្វើការតវ៉ាចំពោះការបន្តបូមខ្សាច់លុបផ្ទះអ្នកភូមិ៦ស្ថិតនៅខាងជើងវិហារអ៊ីស្លាម ដោយក្រុមហ៊ុនស៊ូកាគូអ៊ីន។
ផ្ទះអ្នកភូមិបឹងកក់ដែលត្រូវជនលិចដោយភក់ខ្សាច់របស់ក្រុមហ៊ុន ស៊ូកាគូអ៊ីន (រូប៖ជុំ សុខសាន្ត)
លោក ហេង សុវណ្ណ អ្នកភូមិ៦ នៃតំបន់បឹងកក់ ដែលផ្ទះរបស់គាត់ត្រូវក្រុមហ៊ុនបូមខ្សាច់ចាក់ពន្លិចបាននិយាយថា បើទោះបីជាអ្នកភូមិស្រែកយំអង្វរកុំឲ្យក្រុមហ៊ុនបូមខ្សាច់ពន្លិចផ្ទះរបស់ពួកគាត់ក៏ដោយ ក៏ក្រុមហ៊ុននៅតែបញ្ជាគ្រឿងចក្រ និងដាក់ទុយោបូមខ្សាច់ចាក់ពន្លិចផ្ទះអ្នកភូមិចំនួន១៧គ្រួសារដដែល។
បើតាមក្រុមអ្នកភូមិ ដីផ្ទះនៅភូមិ៦ដែលក្រុមហ៊ុនបានចាក់ដីលុបនោះមិនទាន់បានដោះស្រាយដោយអាជ្ញាធរឡើយ។ ពោលគឺដីនោះមិនទាន់ត្រូវបានបែងចែកចេញពីចំណែកដី ១២,៤៤ហិកតាដែលត្រូវកាត់ឲ្យដោយនាយករដ្ឋមន្រ្តីកាលពីថ្ងៃទី១១ សីហា នោះទេ៕
0 comments:
Post a Comment