Print 
PDF 780 Views |   |
ស្ថិតក្នុងភាពអាម៉ាស នៃ ការច្បាមយកផលប្រយោជន៍ជាតិនៅនឹងមុខ ហើយដែល ជា ស៊ីម ជាអ្នក ទទួលខុសត្រូវសំខាន់ម្នាក់ ចំពោះមុខប្រវត្តិសាស្ត្រនៃកម្ពុជាដែរនោះ ប្រាកដជាមិនសុខចិត្តឲ្យ ហ៊ុន សែន ធ្វើព្យុះភ្លៀងបានតាមអំពើចិត្តឡើយ ។ក្នុងន័យបើស្អុយដៃអាក្រក់ឈ្មោះឲ្យវាបានលិទ្ធខ្លះនិងដើម្បី ការពារផលប្រយោជន៍មនុស្សក្នុងសែរបស់ខ្លួននោះ ម្ដងហើយម្ដងទៀត ជា ស៊ីម បានសាកល្បងជល់នឹង ហ៊ុន សែន ។ មានតួយ៉ាងដូចជាការរៀបចំផែនការ ធ្វើរដ្ឋប្រហារដឹកនាំខ្មោច ស៊ិន សុង,ស៊ិន សេន និងក្រោយមកទៀត ការគេចខ្លួនមិនព្រមចុះហត្ថលេខាបង្កើតរដ្ឋាភិបាលអាណត្តិទី៣ ក្នុងឋានៈជាប្រមុខរដ្ឋស្ដីទី…។ល។និង។ល។ ប៉ុន្តែរាល់ផែនការរបស់ ជា ស៊ីម មិនដែលទទួលបានជោគជ័យឡើយ , ផ្ទុយទៅវិញតែងតែត្រូវទទួលការវាយបកពី ហ៊ុន សែន វិញយ៉ាងដំណំ។ហើយពេលខ្លះ នាពេលកន្លងទៅនាយករដ្ឋមន្ត្រីរូបនេះ បានប្រើប្រាស់ភាសាអ្នកលេងប្រមាថ ជា ស៊ីម ដែលមានវ័យស្មើនឹងឪរបស់ខ្លួន ហៅសុទ្ធតែ “អាកញ្ចាស់” ទៀតផង , ដែលជាពាក្យអសុ រសអាក្រក់ស្ដាប់ក្រៃលែងក្នុងសង្គមខ្មែរ ។
បើតាមកំហឹង ហ៊ុន សែន នឹងកម្ទេច ជា ស៊ីម ដោយដៃខ្លួនផ្ទាល់ , ហើយគាត់នេះក៏ធ្លាប់មានគម្រោងផងដែរថា នឹងបង្កើតបក្សមួយទៀតផ្ទាល់ខ្លួន ដែលមានឈ្មោះ ៧មករា សែនជ័យ។ប៉ុន្តែនេះវាគ្រាន់តែជាគម្រោងប៉ុណ្ណោះ ដែលបើមានការបង្កើតឡើងមែននោះ អ្វីៗសម្រាប់ ហ៊ុន សែន វាជារឿងថ្មីស្រឡាង ដែលពុំមានសេសសល់ជាប់មត៌កអ្វី ពីបក្សប្រជាជនដែលមានប្រវត្តិយូរ អង្វែងនោះឡើយ និងហាក់ដូចជា ធ្វើឲ្យ ជា ស៊ីម មានប្រៀបជាង ។ កត្តានេះហើយ ដែលធ្វើឲ្យ ហ៊ុន សែន ត្រូវតែខាំស្មៅនៅក្នុងបក្សប្រជាជនតទៅទៀត ។ ម្យ៉ាងជាមួយគ្នាក៏មានឱកាសបានសងសឹកផ្គើននឹងមុខ ជា ស៊ីម ផងដែរ តាមរយៈការកាត់ដៃ កាត់ជើងមេដឹកនាំបក្សរូបនេះ ។ ពោលគឺការបដិសេធមិនទទួលមនុស្សរបស់ ជា ស៊ីម ឲ្យចូលក្នុងរដ្ឋាភិបាលឬក៏ផ្នែកផ្សេងៗទៀត រួមទាំងការដកពួកមន្ត្រីរដ្ឋាភិបាលដែលគេដឹងថាជា ប្រភពហិរញ្ញវត្ថុរបស់ ជា ស៊ីម ផងដែរ ។ នៅក្នុងយុទ្ធសាស្ត្រនេះ ជា ស៊ីម ស្ថិតក្នុងស្ថានភាពជាមនុស្សចង់រស់ក៏មិនកើតចង់ស្លាប់ក៏មិនបាន ឬ ការរស់នៅ ដែលមានតម្លៃពិបាកជាងស្លាប់ ។
ឥឡូវទាំងការអស់ឥទ្ធិពល , ភាពចាស់ជរា និងការបាក់ស្បាតដោយសារតែបរាជ័យញយដងនោះ ជា ស៊ីម គ្រាន់តែជាមនុស្ស អូសកន្ទេលតាមម្លប់តែប៉ុណ្ណោះ ដែល ហ៊ុន សែន ចង់ឲ្យធ្វើអ្វីក៏បាន ។មានន័យថា ពេលនេះសម្រាប់ ហ៊ុន សែន ជា ស៊ីម ឈប់ជាក្ដីកង្វល់ទៀតហើយ ។ នោះគឺជាអ្វីដែលគេមើលឃើញថា ហ៊ុន សែន បានឈរនៅលើប្រៀបឈ្នះទាំងស្រុង ទាំងក្នុងបក្សនិងក្រៅបក្ស ដែលមានការបណ្ដេញមេដឹកនាំបក្សប្រឆាំងគឺលោក សម រង្ស៊ី ចេញក្រៅសង្វៀននយោបាយកម្ពុជាផងដែរ ។ បើយ៉ាងនេះតើបញ្ហារបស់ ហ៊ុន សែន ត្រូវបញ្ចប់ត្រឹមហ្នឹងឬ ? , ទំនងជាមិនមែនទេ។
នៅក្នុងសេចក្ដីថ្លែងកាលពីថ្ងៃចន្ទ គាត់នេះ បានក្អែរចេញពីរឿងរ៉ាវនៃការរំលោភអំណាចនៅក្នុងគណៈរដ្ឋមន្ត្រី ។ ក្នុងនោះមានដូចជាករណីផ្លាស់ប្ដូរនាយកសកលវិទ្យាល័យជាតិគ្រប់គ្រង ជាដើម។ដែលការនេះត្រូវបាន ហ៊ុន សែន លើកឡើងថា ជាការសម្រេចដែលធ្វើឡើង បន្លែបន្លំតែ សុខ អានម្នាក់ឯង ដោយពុំឲ្យខ្លួនជានាយករដ្ឋមន្ត្រីដឹងសូម្បីតែបន្តិចសោះ ។ ដែលជាការបញ្ជាក់បានពីការប្រមាថមាក់ងាយខ្លួនក្នុងឋានៈជានាយក រដ្ឋមន្ត្រី ។
នេះជារឿងមួយដែលគេដឹងថា ស្ថិតក្នុងចំណោមរឿងជាច្រើនទៀត ដែល សុខ អាន ឬ ឈូ យូអាន បានស៊ីដាច់ ហ៊ុន សែន នៅនឹងមុខ ដែលវាជាការប្រមាថកាតទាន ដ៏អាក្រក់បំផុតមួយ ហើយដែលការនេះ ហ៊ុន សែន ខ្លួនឯងក៏បានដឹងយ៉ាងច្បាស់ដែរ ដែលថាទីបំផុតទៅខ្លួន បានត្រឹមតែជាឧបករណ៍របស់ពួកកូនចៅចិន ,យួន ជាន់ក ជាន់ក្បាល ឡើងសោយសុខ លើគំនរទ្រព្យសម្បត្តិ។ដែលក្នុងនោះមានការរកឃើញកន្លងមកថា ទ្រព្យសម្បត្តិដែល ហ៊ុន សែម មាន គឺពុំស្មើ សុខ អាន និង ចម ប្រសិទ្ធ ដែលមានឈ្មោះសែចិន អ៊ឹង យូតឹកហ៊រ រដ្ឋមន្ត្រីក្រសួងពាណិជ្ជកម្ម ឡើយ។
ថែមលើនេះតាមសម្ដីដែលខ្ជាក់ចេញពីមាត់ ហ៊ុន សែន នោះបានបង្ហាញឲ្យឃើញថា ពេលនេះបើទោះបីជាសត្រូវក្នុងការប្រជែងអំណាច ត្រូវបានបំបាក់មែន ប៉ុន្តែសត្រូវនៃការដណ្ដើមផលប្រយោជន៍ដ៏គ្រោះថ្នាក់បានមកជំនួស វិញម្ដងនៅក្នុងបក្សកាន់អំណាច ដែលវានឹងធ្វើឲ្យនាយករដ្ឋមន្ត្រីរូបនេះ ប្រឈមនឹងជំងឺខ្លាចស្រមោលខ្លួនឯង ៕
0 comments:
Post a Comment