Print 
PDF
រថយន្តទាហានដឹកឈើ បុកមនុស្សបីនាក់ស្លាប់
(ថ្ងៃទី 22 កញ្ញា 2012, ម៉ោង 04:08:PM) By Borosrath
ខេត្តសៀមរាប:
មនុស្សមួយគ្រួសារបីនាក់ មានឪពុក ម្តាយ និងកូនស្រី
បានដាច់ខ្យល់ស្លាប់ភ្លាមៗនៅកន្លែងកើតហេតុ
ខណៈពេលជិះម៉ូតូឌុបគ្នាចេញពីផ្ទះបម្រុងទៅចម្ការ
ត្រូវរថយន្តទាហានដឹកឈើបុកចំពីមុខ។
ហេតុការណ៍ដ៏ រន្ធត់នេះ បានកើតឡើងនៅម៉ោង ៦ ល្ងាចថ្ងៃទី២១ ខែកញ្ញា ឆ្នាំ២០១២ លើដងផ្លូវជាតិលេខ៦៧ ដែលតភ្ជាប់ពីស្រុកអន្លង់វែង ខេត្តឧត្តរមានជ័យ មកផ្លូវជាតិលេខ៦ ខេត្តសៀមរាប ស្ថិតក្នុងភូមិខ្នារង្វះ ឃុំឃុនរាម ស្រុកបន្ទាយស្រី ខេត្តសៀមរាប ត្រង់ចំណុចខាងត្បូងស្នាក់ការបរិស្ថាន។
ជនរងគ្រោះទី១ ឈ្មោះ ទូច តាញ់ អាយុ ៤០ឆ្នាំ ជាឪពុក ទី២ ឈ្មោះ សែម សៅ អាយុ ៣៨ឆ្នាំ ជាប្រពន្ធ និងទី៣ ឈ្មោះ តាញ់ សុណាន អាយុ ១២ឆ្នាំ ជាកូនស្រី។ អ្នកទាំងបីជិះម៉ូតូម៉ាកសេ១២៥ ពណ៌ខ្មៅ ផលិតឆ្នាំ២០០៤ ពាក់ស្លាក សៀមរាប 1A-8609 ក្នុងដំណើរច្រាសទិសពីត្បូងទៅជើង។ ចំណែករថយន្តទាហានដឹកឈើ ដែលបង្កហេតុ ម៉ាក GMC ពណ៌ត្រេអ៊ី គ្មានស្លាកលេខ ដឹកឈើពេញប្រៀប បើកពីជើងទៅត្បូង ក្នុងទិសដៅចូលមកក្រុងសៀមរាប។
សាក្សីនៅក្បែរ កន្លែងកើតហេតុនិយាយថា កាលពីព្រលប់ថ្ងៃកើតហេតុ គេបានឃើញឡានដឹកឈើពណ៌ទាហានមួយគ្រឿង ដែលធ្លាប់ដឹកឈើជាប្រចាំ បើកបោះពួយយ៉ាងលឿន មកពីទិសខាងជើង ដែលទំនងបើករត់គេចពីមេព្រៃផង។ លុះមកដល់ចំណុចកើតហេតុ ដែលមានផ្លូវរាងកោងផង ក៏ស្រាប់តែឮសំឡេងបុកលាន់ប្រាវ។ លុះពេលអ្នកភូមិនាំគ្នាចេញទៅមើល ក៏ឃើញមនុស្សពីរនាក់ដេកស្លាប់រណូករណែលបន្តគ្នា ឯមនុស្សម្នាក់ទៀត រួមទាំងម៉ូតូមួយគ្រឿងផង ត្រូវឡានកិនហើយអូសទៅយ៉ាងឆ្ងាយ ដោយខ្លួនបានដាច់ជាពីកំណាត់។
ប្រភពបន្តថា ក្រោយហេតុការណ៍ អ្នកភូមិបានទូរស័ព្ទហៅប៉ូលិសមកជួយអន្តរាគមន៍ តែមុនពេលប៉ូលិសមកដល់ គេបានឃើញទាហាន ៥ ទៅ ៦នាក់ ចុះពីលើរថយន្ត រត់គេចខ្លួនអស់។
ទាក់ទិននឹងហេតុការណ៍នេះ លោកអនុសេនីយ៍ទោ ហឿល សារ៉ែម នាយផ្នែកនគរបាលចរាចរណ៍ស្រុកបន្ទាយស្រី បានឲ្យដឹងថា ក្រោយពេលកើតហេតុ លោកបានទំនាក់ទំនងទៅក្រុមគ្រួសារជនរងគ្រោះ ដោយប្រគល់សាកសពឲ្យទាំងយប់។ ម៉ូតូរងគ្រោះ និងរថយន្តដឹកឈើខាងលើនេះ ត្រូវបានយកមករក្សាទុក នៅប៉ុស្តិ៍នគរបាលឃុនរាម រង់ចាំដោះស្រាយតាមច្បាប់។
លោកអនុសេនីយ៍ទោ បានឲ្យដឹងទៀតថា ឡានដឹកឈើខាងលើនេះ ជារបស់ទាហានភូមិភាគ៤ នៅព្រឹកថ្ងៃទី២២ ខែកញ្ញានេះ មានខាងទាហានទូរស័ព្ទមកទំនាក់ទំនង និយាយពីការដោះស្រាយដែរ។ តែមិនទាន់ឃើញចូលខ្លួនមកទេ ហើយក៏មិនដឹងថា អ្នកទូរស័ព្ទនោះជាទាហានឈ្មោះអ្វីដែរ។ លោកបានបន្ថែមថា បើទោះបីក្រោយពេលកើតហេតុ អ្នកបើកបរ និងអ្នករួមដំណើររត់គេចខ្លួនក៏ដោយ ក៏គេដឹងថា នៅលើឡានដឹកឈើនេះ មានគ្នាមិនតិចជាង ៥ នាក់ឡើយ ព្រោះជារៀងរាល់ថ្ងៃ គេតែងឃើញឡាននេះដឹកឈើជាប្រចាំ ហើយមានទាហានជិះ ៥ ទៅ ៦នាក់ រហូត។
នៅព្រឹកថ្ងៃទី២២ ខែកញ្ញានេះ សាច់ញាតិជនរងគ្រោះ លោក ហ៊ាន គារ អាយុ ៤១ឆ្នាំ បានប្រាប់ថា លោក និងសាច់ញាតិមួយចំនួនទៀត នឹងប្តឹងទាមទារសំណង ៥.០០០ ដុល្លារ សម្រាប់ទាំងមនុស្សស្លាប់ ទាំងម៉ូតូ។ លោកបន្តថា ជំហានមួយ គឺប្តឹងនៅប៉ុស្តិ៍ តែបើភាគីខាងរថយន្តមិនព្រមសងទេ គឺប្តឹងបន្តទៅតុលាការ ពីព្រោះស្គាល់អត្តសញ្ញាណអ្នកបើករថយន្តហើយ។
ទាក់ទងនឹងការដឹកជញ្ជូនឈើខុសច្បាប់ របស់ក្រុមទាហានខាងលើ ដែលគេស្គាល់ថា ជាក្រុមទាហាននៅភូមិភាគ៤នេះ ព័ត៌មានបានទម្លាយថា ឡានមួយគ្រឿងនេះ ធ្លាប់បានមេព្រៃសង្កាត់កន្តួតខ្នារក្រៅ ឃាត់ចាប់ម្តងជាពីរដងរួចមកហើយ។ តែរាល់ពេលឃាត់ចាប់ម្តងៗ គឺតែងតែមានទូរស័ព្ទ លោក ទា គឹមសុទ្ធ នាយខណ្ឌរដ្ឋបាលព្រៃឈើខេត្តសៀមរាប តេមកអន្តរាគមន៍ឲ្យធ្វើការដោះលែងរហូត។ ករណីនេះ មិនមាននណាដឹងថា ដោយសារមូលហេតុអ្វីទេ តែគេដឹងថា ឈើដែលដឹកទៅនេះ មិនបានយកទៅបម្រើឲ្យអង្គភាពឡើយ។
លោក ទា គឹមសុទ្ធ នារសៀលថ្ងៃទី២២ ខែកញ្ញានេះ មិនអាចសុំការពន្យល់ជុំវិញព័ត៌មានថា ធ្លាប់អន្តរាគមន៍ឲ្យដោះលែងឡានដឹកឈើខាងលើនេះ នាពេលកន្លងមកបានទេ ដោយទូរស័ព្ទចូល តែគ្មានអ្នកទទួល៕ .
ហេតុការណ៍ដ៏ រន្ធត់នេះ បានកើតឡើងនៅម៉ោង ៦ ល្ងាចថ្ងៃទី២១ ខែកញ្ញា ឆ្នាំ២០១២ លើដងផ្លូវជាតិលេខ៦៧ ដែលតភ្ជាប់ពីស្រុកអន្លង់វែង ខេត្តឧត្តរមានជ័យ មកផ្លូវជាតិលេខ៦ ខេត្តសៀមរាប ស្ថិតក្នុងភូមិខ្នារង្វះ ឃុំឃុនរាម ស្រុកបន្ទាយស្រី ខេត្តសៀមរាប ត្រង់ចំណុចខាងត្បូងស្នាក់ការបរិស្ថាន។
ជនរងគ្រោះទី១ ឈ្មោះ ទូច តាញ់ អាយុ ៤០ឆ្នាំ ជាឪពុក ទី២ ឈ្មោះ សែម សៅ អាយុ ៣៨ឆ្នាំ ជាប្រពន្ធ និងទី៣ ឈ្មោះ តាញ់ សុណាន អាយុ ១២ឆ្នាំ ជាកូនស្រី។ អ្នកទាំងបីជិះម៉ូតូម៉ាកសេ១២៥ ពណ៌ខ្មៅ ផលិតឆ្នាំ២០០៤ ពាក់ស្លាក សៀមរាប 1A-8609 ក្នុងដំណើរច្រាសទិសពីត្បូងទៅជើង។ ចំណែករថយន្តទាហានដឹកឈើ ដែលបង្កហេតុ ម៉ាក GMC ពណ៌ត្រេអ៊ី គ្មានស្លាកលេខ ដឹកឈើពេញប្រៀប បើកពីជើងទៅត្បូង ក្នុងទិសដៅចូលមកក្រុងសៀមរាប។
សាក្សីនៅក្បែរ កន្លែងកើតហេតុនិយាយថា កាលពីព្រលប់ថ្ងៃកើតហេតុ គេបានឃើញឡានដឹកឈើពណ៌ទាហានមួយគ្រឿង ដែលធ្លាប់ដឹកឈើជាប្រចាំ បើកបោះពួយយ៉ាងលឿន មកពីទិសខាងជើង ដែលទំនងបើករត់គេចពីមេព្រៃផង។ លុះមកដល់ចំណុចកើតហេតុ ដែលមានផ្លូវរាងកោងផង ក៏ស្រាប់តែឮសំឡេងបុកលាន់ប្រាវ។ លុះពេលអ្នកភូមិនាំគ្នាចេញទៅមើល ក៏ឃើញមនុស្សពីរនាក់ដេកស្លាប់រណូករណែលបន្តគ្នា ឯមនុស្សម្នាក់ទៀត រួមទាំងម៉ូតូមួយគ្រឿងផង ត្រូវឡានកិនហើយអូសទៅយ៉ាងឆ្ងាយ ដោយខ្លួនបានដាច់ជាពីកំណាត់។
ប្រភពបន្តថា ក្រោយហេតុការណ៍ អ្នកភូមិបានទូរស័ព្ទហៅប៉ូលិសមកជួយអន្តរាគមន៍ តែមុនពេលប៉ូលិសមកដល់ គេបានឃើញទាហាន ៥ ទៅ ៦នាក់ ចុះពីលើរថយន្ត រត់គេចខ្លួនអស់។
ទាក់ទិននឹងហេតុការណ៍នេះ លោកអនុសេនីយ៍ទោ ហឿល សារ៉ែម នាយផ្នែកនគរបាលចរាចរណ៍ស្រុកបន្ទាយស្រី បានឲ្យដឹងថា ក្រោយពេលកើតហេតុ លោកបានទំនាក់ទំនងទៅក្រុមគ្រួសារជនរងគ្រោះ ដោយប្រគល់សាកសពឲ្យទាំងយប់។ ម៉ូតូរងគ្រោះ និងរថយន្តដឹកឈើខាងលើនេះ ត្រូវបានយកមករក្សាទុក នៅប៉ុស្តិ៍នគរបាលឃុនរាម រង់ចាំដោះស្រាយតាមច្បាប់។
លោកអនុសេនីយ៍ទោ បានឲ្យដឹងទៀតថា ឡានដឹកឈើខាងលើនេះ ជារបស់ទាហានភូមិភាគ៤ នៅព្រឹកថ្ងៃទី២២ ខែកញ្ញានេះ មានខាងទាហានទូរស័ព្ទមកទំនាក់ទំនង និយាយពីការដោះស្រាយដែរ។ តែមិនទាន់ឃើញចូលខ្លួនមកទេ ហើយក៏មិនដឹងថា អ្នកទូរស័ព្ទនោះជាទាហានឈ្មោះអ្វីដែរ។ លោកបានបន្ថែមថា បើទោះបីក្រោយពេលកើតហេតុ អ្នកបើកបរ និងអ្នករួមដំណើររត់គេចខ្លួនក៏ដោយ ក៏គេដឹងថា នៅលើឡានដឹកឈើនេះ មានគ្នាមិនតិចជាង ៥ នាក់ឡើយ ព្រោះជារៀងរាល់ថ្ងៃ គេតែងឃើញឡាននេះដឹកឈើជាប្រចាំ ហើយមានទាហានជិះ ៥ ទៅ ៦នាក់ រហូត។
នៅព្រឹកថ្ងៃទី២២ ខែកញ្ញានេះ សាច់ញាតិជនរងគ្រោះ លោក ហ៊ាន គារ អាយុ ៤១ឆ្នាំ បានប្រាប់ថា លោក និងសាច់ញាតិមួយចំនួនទៀត នឹងប្តឹងទាមទារសំណង ៥.០០០ ដុល្លារ សម្រាប់ទាំងមនុស្សស្លាប់ ទាំងម៉ូតូ។ លោកបន្តថា ជំហានមួយ គឺប្តឹងនៅប៉ុស្តិ៍ តែបើភាគីខាងរថយន្តមិនព្រមសងទេ គឺប្តឹងបន្តទៅតុលាការ ពីព្រោះស្គាល់អត្តសញ្ញាណអ្នកបើករថយន្តហើយ។
ទាក់ទងនឹងការដឹកជញ្ជូនឈើខុសច្បាប់ របស់ក្រុមទាហានខាងលើ ដែលគេស្គាល់ថា ជាក្រុមទាហាននៅភូមិភាគ៤នេះ ព័ត៌មានបានទម្លាយថា ឡានមួយគ្រឿងនេះ ធ្លាប់បានមេព្រៃសង្កាត់កន្តួតខ្នារក្រៅ ឃាត់ចាប់ម្តងជាពីរដងរួចមកហើយ។ តែរាល់ពេលឃាត់ចាប់ម្តងៗ គឺតែងតែមានទូរស័ព្ទ លោក ទា គឹមសុទ្ធ នាយខណ្ឌរដ្ឋបាលព្រៃឈើខេត្តសៀមរាប តេមកអន្តរាគមន៍ឲ្យធ្វើការដោះលែងរហូត។ ករណីនេះ មិនមាននណាដឹងថា ដោយសារមូលហេតុអ្វីទេ តែគេដឹងថា ឈើដែលដឹកទៅនេះ មិនបានយកទៅបម្រើឲ្យអង្គភាពឡើយ។
លោក ទា គឹមសុទ្ធ នារសៀលថ្ងៃទី២២ ខែកញ្ញានេះ មិនអាចសុំការពន្យល់ជុំវិញព័ត៌មានថា ធ្លាប់អន្តរាគមន៍ឲ្យដោះលែងឡានដឹកឈើខាងលើនេះ នាពេលកន្លងមកបានទេ ដោយទូរស័ព្ទចូល តែគ្មានអ្នកទទួល៕ .
.jpg)
0 comments:
Post a Comment