ស្ត្រីបឹងកក់ក្តៅក្រហាយនឹងការលើកឡើង​របស់​រដ្ឋមន្ត្រីក្រសួង​កិច្ចការ​នារី​ ដែលបាន​ចោទ​ស្ត្រីបឹងកក់​ថាបាន​ប្រើហឹង្សា​លើ​សមត្ថកិច្ច​ទើប​មានការ​វាយបណ្តាល​ឲ

http://www.cdl-srp.blogspot.no

ក្រសួងកិច្ចការនារីរបស់ខ្មែរ បានចោទស្ត្រីតំបន់បឹងកក់ថាបានប្រើហឹង្សាលើសមត្ថកិច្ច ទើប​សមត្ថកិច្ច ប្រើសិទ្ធិការពារខ្លួនវាយស្ត្រីទាំងនោះ បណ្តាលឲ្យស្ត្រីម្នាក់រលូតកូន។ ការចោទប្រកាន់​ស្ត្រី​ដូចគ្នានៅតំបន់បឹងកក់ របស់ក្រសួងកិច្ចការនារីកម្ពុជា គឺដោយយោងលើការតវ៉ារបស់ស្ត្រីតំបន់​បឹងកក់នាពេលកន្លងមក។ ការតវ៉ាដោយសារតែអជ្ញាធររាជធានីភ្នំពេញ បានឃុបឃិតជាមួយ​ក្រុមហ៊ុនធ្វើការបណ្តេញពួកគាត់ ដែលជាម្ចាស់ដីពិតប្រាកដឲ្យចេញពីដីធ្លី។

ការចោទប្រកាន់បែបខុសទំនងរបស់រដ្ឋមន្ត្រី ក្រសួងកិច្ចការនារីកម្ពុជាដូចនេះ បានធ្វើឲ្យស្ត្រីបឹងកក់​ខឹង​​សម្បារ​ និងនាំគ្នាតវ៉ា មុខក្រសួងនេះកាលពីថ្ងៃចន្ទទី២០សីហាម្សិលមិញ ដោយជំរុញឲ្យ​លោកស្រី អ៊ឹង​ កន្ថាថាវី បង្ហាញភស្តុតាងលើបទចោទប្រកាន់នេះ។ បើគ្មានភស្តុតាង លោកស្រី​រដ្ឋមន្ត្រីត្រូវតែចេញមុខមកសារភាពកំហុសជាសាធារណៈ។ នេះជាការលើកឡើងរបស់ស្ត្រីបឹងកក់ ដែលនាំគ្នាតវ៉ា។

យ៉ាងណាក៏ដោយ លោកហូរវ៉ាន់ សមាជិកព្រឹទ្ធសភា របស់គណបក្ស​សមរង្ស៊ី បាន​បញ្ជាក់​ថា លោក​ពិតជា​មាន​ការសោក​ស្តាយ​ចំពោះ​ការ​លើក​ឡើង​ដោយ​គ្មាន​មូលដ្ឋាន​ និង​មាន​ចេតនា​ការពារ​អំពើ​ហឹង្សា​លើ​ស្ត្រី​តំបន់​បឹងកក់ របស់​លោកស្រី​រដ្ឋមន្ត្រី​ក្រសួង​កិច្ចការ​នារី។ លោក​​ថា​​កន្លង​​មក​​ក្នុង​ការតវ៉ា​​​លោក​​​មិន​​​ដែល​​​សង្គេត​​ឃើញ​ថា​ ពលរដ្ឋ​​អ្នក​តវ៉ា ​ប្រើហឹង្សា​លើសមត្ថ​កិច្ចមុន​ឡើយ គឺមានតែ​សមត្ថកិច្ច​ប៉ុណ្ណោះ ដែលជាអ្នកផ្តើមហឹង្សា ក្នុងបំណងបំបែកការតវ៉ា។ ដូចនេះការលើកឡើងរបស់​លោកស្រីរដ្ឋមន្ត្រី គឺជាការលើកឡើងមិនពិត។

សូមបញ្ជាក់ថាការលើកឡើងរបស់លោកស្រីរដ្ឋមន្ត្រីបែបនេះ គឺធ្វើឡើយតាមរយៈវិទ្យុក្នុងស្រុកមួយ កាលពីពេលកន្លងមក។

ការលើកឡើងបែបនេះ បានបង្ហាញថាតើក្រសួងកិច្ចការនារីរបស់ខ្មែរ ដែលមានភារៈកិច្ច ការពារ​សិទ្ធិសេរីភាព សេចក្តីថ្លៃថ្នូររបស់នារីបានធ្វើសកម្មភាព ឬមានការលើកកំពស់សេចក្តីថ្លៃថ្នូររបស់ស្ត្រី​ខ្មែរពិតប្រាកដរបៀបណា?

ឯណាតម្លៃ និងការទទួលខុសត្រូវរបស់ក្រសួងកិច្ចការនារីលើអំពើហឹង្សានេះ?