Print 
PDFអតីតប្រធានរដ្ឋបាលសាលាខេត្តក្រចេះម្នាក់ត្រូវបានចាប់ខ្លួនកាលពីព្រឹកថ្ងៃអាទិត្យម្សិលមិញ បន្ទាប់ពីគេរកឃើញថា បានធ្វើជាខ្នងបង្អែកការពារដីឲ្យក្រុមហ៊ុនឯកជនមួយ ហើយបានរំខានដល់សកម្មភាពរបស់ក្រុមយុវជនស្ម័គ្រចិត្តចុះវាស់វែងដីធ្លីរបស់នាយករដ្ឋមន្ត្រី ។
ក្រុម យុវជនស្ម័គ្រចិត្ត ដែល តែងតែ ទទួលការយកចិត្តទុកដាក់ យ៉ាងញាក់សាច់ ពីមន្ត្រីរដ្ឋាភិបាល
ប្រភពបានឲ្យដឹងថាលោក ចិន ហុងស្រ៊ី អាយុ៦០ឆ្នាំ ត្រូវបានចាប់ខ្លួនដោយប៉ូលិស នៅពេលដែលរកឃើញថា គាត់បានតវ៉ាការពារដីជួសមុខឲ្យក្រុមហ៊ុន CIV ដែលទទួលបានដីសម្បទានសេដ្ឋកិច្ចពីរដ្ឋ និង បំភិតបំភ័យប្រជាជន ។ជនសង្ស័យត្រូវបានប៉ូលិសរៀបចំសំណុំរឿងបញ្ជូនទៅតុលាការដើម្បីសាកសួរនៅថ្ងៃ ចន្ទ នេះ ។
ក្រុមយុវជនស្ម័គ្រចិត្តដែលបង្កើតឡើងដោយនាយករដ្ឋមន្ត្រី និង គ្រប់គ្រងដោយកូនរបស់នាយករដ្ឋមន្ត្រីរូបនេះផ្ទាល់ ត្រូវបានប្រគល់អាទិភាពបន្ថែមលើស្ថាបនជំនាញដែលមានស្រាប់របស់រដ្ឋាភិបាល មានក្រសួងដែនដី នគរូបនីយកម្ម និង តុលាការ ។ ប៉ុន្តែយ៉ាងណាក៏ដោយបក្សប្រជាឆាំងក៏ដូចជាសង្គមស៊ីវិលបាននិយាយថា ក្រុមនេះបង្កើតឡើងដើម្បីកេងប្រយោជន៏នយោបាយលើបញ្ហាដីធ្លីដែលកំពុងតែកើតមានយ៉ាងក្ដៅគគុកនៅក្នុងប្រទេសកម្ពុជា ហើយបានទុកចោលនូវបញ្ហាដីធ្លីមួយចំនួនដែលទាក់ទងអ្នកមានលុយស្និទ្ធនឹងបក្សប្រជាជនដូចជាករណី បឹងកក់ និង បុរីកីឡាជាដើម ៕
0 comments:
Post a Comment