Print 
PDFដោយ ម៉ៅ សុធានី
2011-05-22
តុលាការ វៀតណាមនឹងបើកការជំនុំជម្រះនៅថ្ងៃទី៣០ ខែឧសភា ខាងមុខនេះ ដើម្បីកាត់សេចក្ដីសកម្មជនសិទ្ធិមនុស្សវៀតណាម ៧នាក់ ពីបទចោទប្រកាន់ថា បានព្យាយាមផ្ដួលរំលំរដ្ឋាភិបាល។ប្រសិនបើតុលាការរកឃើញកំហុសពិតមែន ជនជាប់ចោទទាំងនោះនឹងត្រូវទទួលទោសជាប់ពន្ធនាគារ ឬទោសប្រហារជីវិត។
ប្រភពព័ត៌មាន អាអេហ្វប៉េ ដែលបានដកស្រង់ក្រុមអ្នកប្រឆាំងឈ្មោះ Viet Tan ដែលគេស្គាល់ថាជាគណបក្សគាំទ្រលទ្ធិប្រជាធិបតេយ្យបានឲ្យដឹងថា ក្រុមសកម្មជនសិទ្ធិមនុស្សទាំង ៧នាក់ បានត្រូវចាប់ខ្លួន កាលពីរដូវក្តៅ ឆ្នាំ២០១០ ហើយសុទ្ធតែជាជនដែលហ៊ានចេញមុខតវ៉ាប្រឆាំងនឹងការរឹបអូសដីធ្លី របស់កសិករ និងប្រឆាំងអំពើពុករលួយរបស់មន្ត្រីរដ្ឋាភិបាល។
អង្គការលើកលែងទោសអន្តរជាតិ Amnesty International បានឲ្យដឹងថា ក្រុមអ្នករិះគន់នយោបាយដឹកនាំរបស់រដ្ឋាភិបាលកុម្មុយនិស្តវៀតណាមជា ច្រើននាក់ ត្រូវរងការកាត់ទោសឲ្យជាប់ពន្ធនាគារបន្ទាប់ពីយុទ្ធនាការបង្ក្រាប លើសេរីភាពបញ្ចេញមតិនៅក្នុងប្រទេសវៀតណាម ក្នុងរយៈកាលប្រមាណជាង ១៨ខែកន្លងមកនេះ៕
0 comments:
Post a Comment