លេចចេញ រណសិរ្យរំដោះជាតិខ្មែរ មួយទៀត ប្រកាសតវ៉ា នៅខាងមុខស្ថានទូតវៀតណាម ប្រចាំក្រុងបាងកក

(បាងកក)៖ ចលនាថ្មីមួយទៀត ឈ្មោះរណសិរ្យរំដោះជាតិខ្មែរ បានចេញសេចក្តីប្រកាសមួយថា ខ្លួននឹងធ្វើការជួបជុំតវ៉ា នៅខាងមុខស្ថានទូតវៀតណាម ប្រចាំនៅទីក្រុងបាងកក ប្រទេសថៃ នៅថ្ងៃទី២៧ ខែកក្កដា ខាងមុខនេះ ដើម្បីទាមទារឱ្យវៀតណាម ឈប់រំលោភបំពាន មកលើកម្ពុជា ជាពិសេសកម្ពុជាក្រោម ។

ក្នុងសេចក្តីប្រកាសនេះ មានដូចជាទាមទារឱ្យវៀតណាម យល់ព្រមទទួល ស្គាល់ប្រវត្តិសាស្រ្តពិត ថាទឹកដី កម្ពុជាក្រោម ជាទឹកដីដើមកំណើតរបស់ខ្មែរ ខណៈដែលការតវ៉ានេះ ដឹកនាំដោយបុរសម្នាក់ ឈ្មោះ សម សេរី ប្រធានរណសិរ្យ រំដោះជាតិខ្មែរ។

លោក ម៉ៅ ពិសេស ប្រធានសហព័ន្ធនិស្សិត បញ្ញវន្តកម្ពុជា ដែលធ្លាប់ដឹកនាំ ការតវ៉ាទាមទារ នៅខាងមុខស្ថានទូតវៀតណាម ប្រចាំនៅកម្ពុជា បានអះអាងថា ចលនាទាមទារនៅក្រុងបាងកក មិនមានការពាក់ព័ន្ធនឹង សហព័ន្ធនិស្សិតបញ្ញវន្ត នៅកម្ពុជានោះទេ ប៉ុន្តែលោកគាំទ្រ បើសិនជាចលនានេះ ទាមទារដើម្បីឱ្យវៀតណាម ទទួលស្គាល់ប្រវត្តិសាស្រ្តពិត ពាក់ព័ន្ធនឹងទឹកដីកម្ពុជាក្រោម រួមទាំងទាមទារឱ្យវៀតណាម ផ្តល់សិទ្ធិសេរីភាព ឱ្យពលរដ្ឋខ្មែរក្រោម មែននោះ៕
សេចក្តីអំពាវនាវៈ KNLF.

បញ្ជាក់ផងដែរៈ កម្មវិធីជូបជុំត្រូវបានដូរទៅថ្ងៃទី២៨ ខែកក្កដា ឆ្នាំ២០១៤ វិញ

ប្រភពដើមៈ ខេមបូឌាផេក