ដំណាក់កាលចុងក្រោយនេះគណបក្សកាន់អំណាចមិនអាចយកសារុង ប៊ីចេង ស្ករស ឬប្រាក់១ម៉ឺនរៀល ទៅទិញទឹកចិត្តប្រជារាស្ត្រខ្មែរទូទៅឲ្យបោះឆ្នោតគាំទ្រខ្លួនបានទៀតទេ នៅពេលដែលប្រជាពលរដ្ឋបានភ្ញាក់រលឹកនិងព្យាយាមប្រវេប្រវាឲ្យរួចចាកផុតពីការដឹកនាំមិនត្រឹមត្រូវ ដែលបង្កឲ្យមានវិបត្តិសង្គមរាប់ម៉ឺនជំពូក ហើយនាំគ្នាមកគាំទ្រគណបក្សសង្គ្រោះជាតិ ក្រោមការដឹកនាំរបស់លោកប្រធាន សម រង្ស៊ី កាន់តែច្រើនឡើងៗ បង្កើតបានជាចរន្តនយោបាយប្រវត្តិសាស្ត្រដែលគេមើលឃើញកាន់តែច្បាស់ថា ការបោះឆ្នោតនាពេលខាងមុខនេះក្រុមអ្នកប្រជាធិបតេយ្យ និងអ្នកស្នេហាជាតិ ពិតជាអាចទទួលបានជ័យជំនះយ៉ាងភ្លូកទឹកភ្លូកដី។
ប្រជាពលរដ្ឋខ្មែរបានប្រមូលផ្តុំគ្នាធ្វើបាតុកម្មនៅតាមទីសាធារណៈផ្សេងៗដោយបាននាំគ្នាយកសារុងជាអំណោយរបស់បក្សកាន់អំណាចមកហែកចោលជាចម្រៀកតូចៗយកទៅរៀបជាអក្សរជាសារអំពាវនាវផ្សេងៗ ហើយបាតុកម្មខ្លះទៀត ក៏មានការដុតសារុងដែលជាអំណោយថ្មីៗទើបតែទទួលបានពីគណបក្សកាន់អំណាចយកទៅដុតបំផ្លាញហើយនិយាយថាសារុងថោក ទាប បំផ្លាញសេចក្តីសុខរបស់ប្រជារាស្ត្រក្រីក្រទន់ខ្សោយពួកគាត់លែងប្រាថ្នាចង់បានទៀតហើយ។ មានការបញ្ជាក់ផងដែរថា អំណោយរបស់គណបក្សកាន់អំណាច៥ឆ្នាំ គេយកមកចែកប្រជាពលរដ្ឋបានម្តង មានសារុង១ ប៊ីចេង ក្រមា និងប្រាក់ ១ម៉ឺនរៀលសម្រាប់១អាណត្តិ ហើយ ការចែកអំណោយនេះមិនមែនកើតឡើងដោយទឹកចិត្តស្មោះសរឬការធ្វើទានដោយសទ្ធាជ្រះថ្លានោះទេ គឺជាទានដើម្បីបានផលចំណេញមកវិញ គឺគេចំណាយតិចតួច ដើម្បីចែកអំណោយជូនពលរដ្ឋតាមរបៀបប្រជាភិថុតិ ប៉ុន្តែពួកគេអាចប្រមូលផលប្រយោជន៍មកធ្វើមានធ្វើបានផ្ទាល់ខ្លួនយ៉ាងងាយស្រួលជាទីបំផុត។
ប្រជាពលរដ្ឋបានសម្តែងការមិនពេញចិត្តចំពោះការដឹកនាំមិនត្រឹមត្រូវរបស់លោកហ៊ុន សែន ដែល បង្កើតឲ្យមានវិបត្តិសង្គម រាប់ម៉ឺនជំពូក រួមទាំងភាពក្រីក្ររហេមរហាម រងទុក្ខវេទនា អំពើឆក់ប្លន់ដីធ្លី ការបណ្តេញចេញដោយបង្ខំ កើតមានរាលដាលនៅទូទាំងប្រទេស ហើយមានតែប្រជាពលរដ្ឋក្រីក្រទន់ខ្សោយប៉ុណ្ណោះ ជាជនរងគ្រោះ រងនូវការវាយធ្វើបាបយ៉ាងអយុត្តិធម៌ គេមិនដែលឃើញក្រុមអ្នកកាន់អំណាចចេញមុខមកជួយឈឺឆ្អាលឬរកខុសត្រូវជូនពលរដ្ឋនោះទេ។ ការដឹកនាំរបស់លោក ហ៊ុន សែន រយៈពេល២៨ឆ្នាំកន្លងមកនេះ ធ្វើឲ្យរាស្ត្រខ្មែរលង់ខ្លួនក្នុងភាពក្រីក្រកាន់តែខ្លាំងឡើង រកពាក្យមកនិយាយជំនួសមិនបាន ហើយរឿងសំខាន់បំផុតនោះ លោក ហ៊ុន សែន ខ្វះភាពទទួលខុសត្រូវ និងមិនដែលហ៊ានទទួលស្គាល់ការពិតចំពោះអំពើដែលពួកគេ បានប្រព្រឹត្ត ហើយប្រជាពលរដ្ឋដែលរងគ្រោះតែងតែនាំគ្នាដាក់បណ្តាសាមន្ត្រីខិលខូចពុករលួយដែលធ្វើបាបប្រជារាស្ត្រក្រីក្រទន់ខ្សោយ។
ប្រជាពលរដ្ឋដែលរងគ្រោះដោយ អំពើឆក់ប្លន់ដីធ្លីនៅតំបន់បឹងកក់ និងបុរីកីឡា ដីក្រហមរួមទាំងសហគមន៍ ជាច្រើនទៀតនៅក្នុងរាជធានីភ្នំពេញ បានលើកឡើងថា ការដឹកនាំរបស់លោក ហ៊ុន សែន មិនត្រឹមត្រូវបង្កើតឲ្យមានអំពើរំលោភសិទ្ធិមនុស្ស ហើយការវាយធ្វើបាបប្រជារាស្ត្រ ការបំ ផ្លិចបំផ្លាញផ្ទះសម្បែង ការឆក់ប្លន់ ដីធ្លីដែលគ្មានសំណងត្រឹមត្រូវសុទ្ធតែជាអំពើឧក្រិដ្ឋ។ ប្រជាពលរដ្ឋបាន ព្យាយាមប្រវេប្រវារើខ្លួនឲ្យរួចផុតពី កាដឹកនាំពុករលួយនិងខ្វះការទទួល ខុសត្រូវរបស់លោក ហ៊ុន សែន ហើយបាននាំគ្នាផ្ញើសារប្រាប់ទៅប្រជាពលរដ្ឋដទៃទៀតឲ្យភ្ញាក់រលឹកកុំចាញ់បោកនយោបាយប្រជាភិថុតិលោក ហ៊ុន សែន ហើយរយៈពេល ព្រោះរយៈពេល៥ឆ្នាំគេយកតែសា រុង ក្រមា ប៊ីចេង ឬលុយ១ម៉ឺនរៀល មកចែកឲ្យប្រជាពលរដ្ឋ ហើយធ្វើបាបប្រជាពលរដ្ឋឲ្យរងទុក្ខវេទនារយៈពេល៥ឆ្នាំស្មើ១អាណត្តិ ដូច្នេះពលរដ្ឋលែងចង់បានសារុងបោកប្រាស់ឬប៊ីចេង ដែលក្រុមអ្នកកាន់អំ ណាចយកមកចែកជូនជាអំណោយ ទិញទឹកចិត្តទៀតហើយ ព្រោះអំ ណោយរបស់អ្នកនយោបាយប្រជាភិថុតិរស់បានតែមួយថ្ងៃប៉ុណ្ណោះ ត្រូវរស់នៅវេទនារហេមរហាមវិញរយៈពេលដល់ទៅ៥ឆ្នាំ។
ប្រជាពលរដ្ឋអំឡុងពេលដុតសារុង ដែលជាអំណោយទិញទឹកចិត្តបាននិយាយចំអកថា សារុងស្តើងៗអស់តម្លៃ ហើយប៊ីចេងក៏អស់រសជាតិ ព្រោះយូរឆ្នាំពេកទៅ វាជ្រក់ជ្រិញ ប្រជាពលរដ្ឋមិនត្រូវការទៀតទេ គឺគ្រប់ៗគ្នាចង់បានតែការផ្លាស់ប្តូរមេដឹកនាំថ្មីដែលមានសមត្ថភាពគិតគូរពីសុខទុក្ខរបស់ប្រជារាស្ត្រជួយឲ្យប្រជាពលរដ្ឋមានជីវភាពរស់នៅថ្លៃថ្នូរសុខដុមរមនា ចៀសផុតពីការវាយធ្វើបាប ការបណ្តេញចេញដោយបង្ខំ និងការឆក់ប្លន់ដីធ្លី ផ្ទះសម្បែង ហើយមានតែបក្សសង្គ្រោះជាតិមួយគត់ ដែលពលរដ្ឋជឿទុកចិត្តនិងផ្តល់ក្តីសង្ឃឹមយ៉ាងមុតមាំថា គណបក្សសង្គ្រោះជាតិ អាចជួយឲ្យប្រជារាស្ត្រខ្មែរទូទៅរួចចាកផុតពីទុក្ខវេទនានិងការផ្លាស់ប្តូរជីវភាពថ្មី ឆ្ពោះទៅកាន់ភាពល្អប្រសើរជាងការដឹកនាំរបស់លោក ហ៊ុន សែន ដែលធ្វើឲ្យជាតិខ្មែរជំពាក់បំណុលបរទេសឡើងវ័ណ្ឌកទៅហើយ។
ប្រជាពលរដ្ឋអំឡុងពេលដុតសារុង ដែលជាអំណោយទិញទឹកចិត្តបាននិយាយចំអកថា សារុងស្តើងៗអស់តម្លៃ ហើយប៊ីចេងក៏អស់រសជាតិ ព្រោះយូរឆ្នាំពេកទៅ វាជ្រក់ជ្រិញ ប្រជាពលរដ្ឋមិនត្រូវការទៀតទេ គឺគ្រប់ៗគ្នាចង់បានតែការផ្លាស់ប្តូរមេដឹកនាំថ្មីដែលមានសមត្ថភាពគិតគូរពីសុខទុក្ខរបស់ប្រជារាស្ត្រជួយឲ្យប្រជាពលរដ្ឋមានជីវភាពរស់នៅថ្លៃថ្នូរសុខដុមរមនា ចៀសផុតពីការវាយធ្វើបាប ការបណ្តេញចេញដោយបង្ខំ និងការឆក់ប្លន់ដីធ្លី ផ្ទះសម្បែង ហើយមានតែបក្សសង្គ្រោះជាតិមួយគត់ ដែលពលរដ្ឋជឿទុកចិត្តនិងផ្តល់ក្តីសង្ឃឹមយ៉ាងមុតមាំថា គណបក្សសង្គ្រោះជាតិ អាចជួយឲ្យប្រជារាស្ត្រខ្មែរទូទៅរួចចាកផុតពីទុក្ខវេទនានិងការផ្លាស់ប្តូរជីវភាពថ្មី ឆ្ពោះទៅកាន់ភាពល្អប្រសើរជាងការដឹកនាំរបស់លោក ហ៊ុន សែន ដែលធ្វើឲ្យជាតិខ្មែរជំពាក់បំណុលបរទេសឡើងវ័ណ្ឌកទៅហើយ។
មិនខុសពីការលើកឡើងរបស់លោក គង់ គាំ នោះទេ អំពីការផ្តល់អំណោយបោកបញ្ឆោតរបស់អ្នកនយោបាយប្រជាភិថុតិធ្វើឲ្យពលរដ្ឋរងទុក្ខវេទនារយៈពេល៥ឆ្នាំ ដូចជាចាស់ៗមួយចំនួនទទួលបានសារុង១ ក្រមា១ និងលុយ១ម៉ឺនរៀលប៉ុន្តែសម្រាប់គណបក្សសង្គ្រោះជាតិវិញ មានគោលនយោបាយច្បាស់លាស់ ជួយដល់ចាស់ៗ ជាប្រាក់ឧបត្ថម្ភប្រចាំខែក្នុងម្នាក់៤ម៉ឺនរៀល ហើយរយៈ ពេល៥ឆ្នាំ ប្រជាពលរដ្ឋអាចទទួលបានប្រាក់ឧបត្ថម្ភតាំងពីគណបក្សសង្គ្រោះជាតិឡើងដឹកនាំរដ្ឋាភិបាលរហូតដល់ពេលបញ្ចប់អាណត្តិ គឺចាស់ៗអាចយកប្រាក់ឧបត្ថម្ភទាំងនេះទៅធ្វើបុណ្យទាន ហើយបើទិញក្រមា ឬសារុងវិញ បានសារុង ឬក្រមាល្អៗ យកមកប្រើប្រាស់វាត្រជាក់ចិត្ត ហើយមិនជំពាក់គុណនរណាទាំងអស់ព្រោះវាជារបស់ខ្លួនឯងបាន មកដោយខ្លួនឯងប្រើប្រាស់សម្រាប់ជាប្រយោជន៍ខ្លួនឯង។ មិនខុសពីសេចក្តីអំពាវនាវរបស់លោកប្រធាន សម រង្ស៊ី ដែលសុំឲ្យប្រជារាស្ត្រខ្មែរ ទូទៅនាំគ្នាទៅបោះឆ្នោតដើម្បីខ្លួនឯង ដើម្បីជោគវាសនាប្រទេសជាតិ និងអនាគតកូនចៅខ្មែរជំនាន់ក្រោយ មិនមែនជាការបោះឆ្នោតដើម្បីអ្នកដទៃដែលគេបោកប្រាស់យើងនោះទេ ព្រោះប៉ុន្មានអាណត្តិកន្លងមកហើយ ការបោះឆ្នោតឲ្យអ្នកដទៃមិន ដែលមានផលប្រយោជន៍អ្វីសោះ ដូច្នេះពលរដ្ឋខ្មែរទូទៅ ត្រូវភ្ញាក់រលឹកធ្វើអ្វីៗដើម្បីប្រយោជន៍ខ្លួនឯង។
ដំណើរការបោះឆ្នោតកាន់តែខិតជិតមកដល់ហើយ គេសង្កេតឃើញក្រុមមន្ត្រីរបស់គណបក្សកាន់អំណាចចុះទៅតាមមូលដ្ឋាន យកសារុង ប៊ីចេង និងលុយមួយចំនួនយកទៅចែកជូនប្រជាពលរដ្ឋ ហើយថែមទាំងមានការបំភិតបំភ័យប្រជាពលរដ្ឋសព្វគ្រប់បែបយ៉ាងតាមរូបភាពដដែលៗដើម្បីឲ្យប្រជាពលរដ្ឋភ័យខ្លាចហើយទៅបោះឆ្នោតឲ្យពួកគេ ដូចអាណត្តិមុនៗ ប៉ុន្តែក្នុងឆ្នាំ២០១៣នេះ ឆន្ទៈនិងសេចក្តីភ្ញាក់រលឹករបស់ប្រជារាស្ត្រខ្មែរទូទៅ ខុសប្លែកពីពេលមុនៗដោយគេសង្កេតឃើញថា សារុងស្តើងៗ ប៊ីចេងដែលគ្មានរសជាតិ អស់តម្លៃសម្រាប់ប្រជាពលរដ្ឋទៀតហើយ។ ប្រជាពលរដ្ឋបានតាំងចិត្តរួចហើយថា ពួកគាត់នឹងទៅបោះឆ្នោតបញ្ចប់អំណាចលោក ហ៊ុន សែន ក្នុងឆ្នាំ២០១៣ នេះ ដោយសន្តិវិធី ពោលគឺកូនចៅទៅបោះឆ្នោតដើម្បីអនាគតខ្លួនឯងភ្លឺត្រចះត្រចង់មានការងារធ្វើនិងមានប្រាក់ចំណូលត្រឹមត្រូវ ហើយការបោះឆ្នោតនោះក៏បានជាប្រយោជន៍សម្រាប់ចាស់ៗដែលមានអាយុចាប់ពី៦៥ឆ្នាំឡើងទៅ អាចទទួលបានប្រាក់ឧបត្ថម្ភចំនួន៤ម៉ឺនរៀលក្នុង មួយខែ ជាពិសេសទទួលបានការព្យាបាលជំងឺដោយមិនគិតថ្លៃ គឺច្រើនអាណត្តិមកហើយដែលលោក ហ៊ុន សែន ដឹកនាំប្រទេសកម្ពុជា ប៉ុន្តែលោក ហ៊ុន សែន មិនដែលខ្វាយខ្វល់ជួយលើកកម្ពស់ជីវភាពរស់នៅរបស់ពលរដ្ឋនោះទេ។
អាចបញ្ជាក់បានថា នៅពេលដែលសារុងបោកប្រាស់ត្រូវអស់តម្លៃ ហើយប៊ីចេងអស់រសជាតិ ប្រជាពលរដ្ឋមិនត្រូវការ គឺជាសញ្ញាអាសន្នសម្រាប់គណបក្សកាន់អំណាចដែលកំពុងដើរលើផ្លូវមួយឆ្ពោះទៅកាន់ភាពបរាជ័យនៃការស្ពាយបង្វេចចុះចេញពីវិមានរដ្ឋាភិបាល ដើម្បីផ្តល់ឱកាសឲ្យគណបក្សសង្គ្រោះជាតិឡើងកាន់កាប់ប្រទេសជាតិ ហើយលោកប្រធាន សម រង្ស៊ី ឡើងធ្វើជានាយករដ្ឋមន្ត្រី ដើម្បីអនុវត្តន៍គោលនយោបាយសំខាន់ៗចំនួន៧ចំណុច ឲ្យបានជោគជ័យជាផលប្រយោជន៍សម្រាប់ប្រទេសជាតិ ប្រជារាស្ត្រខ្មែរ និងកូនចៅជំនាន់ក្រោយ។ ពោលគឺអនាគតរដ្ឋាភិបាលដែលដឹកនាំដោយ លោកប្រធាន សម រង្ស៊ី អាចជួយស្រាយកិត្យានុភាពប្រទេសជាតិ នៅលើឆាកអន្តរជាតិការពារបូរណភាពទឹកដី និងរំដោះប្រជាពលរដ្ឋឲ្យរួចផុតពីទុក្ខវេទនា ក៏ដូចជាភាពក្រីក្ររហេមរហាម ហើយមានជីវភាពល្អប្រសើរជាងបច្ចុប្បន្ននេះ៕
0 comments:
Post a Comment