ចាប់តាំងពីថ្ងៃទី ៧ ខែមករា ឆ្នាំ១៩៧៩ យួនទទួលបានជោគជ័យ ធំធេងក្នុងការចូលលុកលុយឈ្លានពានទឹកដីខ្មែរដោយប្រើកម្លាំងខ្មែរ គឺយួនបានផ្លាស់ប្តូរនយោបាយថ្មី ដោយទម្លាក់ក្រុមខ្មែរក្រហមកុម្មុយនិស្តនិយមចិនចេញពីអំណាចហើយលើកបន្តុបខ្មែរក្រហមកុម្មុយនិស្តនិយមយួនឲ្យឡើងបន្តអំណាចត្រួតត្រាជិះជាន់សង្កត់សង្កិនខ្មែរដដែល ហើយយួនទទួលបានជោគជ័យធំ ធេងតាមរយៈការបំបែកបំបាក់សាមគ្គីភាពផ្ទៃក្នុងរបស់ខ្មែរ ដើម្បីគ្រប់គ្រងប្រទេសកម្ពុជា តាមមហិច្ឆតានិងឧបាយកលរបស់ពួកគេ។ ពោលគឺឥស្សរជនខ្មែរដែលហ៊ានប្រឆាំងចំពោះយុទ្ធសាស្ត្ររបស់យួន ឬមិនចេះការពារផលប្រយោជន៍យួនត្រូវបានគេទម្លាក់ពីអំណាច ឬនាំទៅរៀនសូត្រនៅក្នុងហាណូយ ដែលឥស្សរជនខ្លះត្រូវស្លាប់មុនអាយុដោយអាថ៌កំបាំងផងដែរ។
ក្រោយថ្ងៃ៧ ខែមករា ឆ្នាំ១៩៧០ ខ្មែរមួយក្រុមដែលយួនលើកបន្តុបឲ្យកាន់អំណាចមានដូចជាលោក ប៉ែន សុវណ្ណ លោក ចាន់ ស៊ី លោក ហេង សំរិន លោក ហ៊ុន សែន លោក ជា ស៊ីម លោក សាយ ភូថង និងខ្មែរមួយចំនួនទៀត ហើយឥស្សរជនអស់ទាំងនេះត្រូវគេមើលឃើញថា គ្រាន់តែជាឧបករណ៍នយោបាយដែលយួនប្រើប្រាស់ដើម្បីរើខ្លួនឲ្យរួចពីចិន ហើយងាកទៅចាប់ដៃជាមួយរុស្ស៊ី ដែលជាមហាអំណាចមានមនោគមវិជ្ជាកុម្មុយនិស្តដូចគ្នា។ នៅពេលដែលចិនមានជម្លោះជាមួយរុស្ស៊ី ចិនក៏បានប្តូរទំនាក់ទំនងទៅកាន់សហរដ្ឋអាមេរិកវិញ ដើម្បីទីផ្សារពាណិជ្ជកម្ម ហើយយួនលើកលោក ប៉ែន សុវណ្ណ និងលោក ចាន់ ស៊ី ឲ្យកាន់អំណាចបម្រើផលប្រយោជន៍ពួកគេ ប៉ុន្តែលោក ប៉ែន សុវណ្ណ និងលោក ចាន់ ស៊ី មិនអនុវត្តន៍តាមនយោបាយដ៏ពិសពុលរបស់យួន ក្រោយមកលោក ចាន់ ស៊ី បានស្លាប់នៅលើយន្តហោះ អំឡុងពេលបញ្ជូនទៅព្យាបាលនៅប្រទេសរុស្ស៊ី ហើយចំណែកលោក ប៉ែន សុវណ្ណ វិញក៏ត្រូវបានខ្មែរមួយក្រុមទៀតឃុបឃិតជាមួយយួន ចាប់យកទៅដាក់គុកងងឹតនៅក្រុងហាណូយ អស់រយៈពេល១០ឆ្នាំ និង៥២ថ្ងៃ ដោយសារតែលោក ប៉ែន សុវណ្ណ មានប្រពន្ធជាជនជាតិយួន និងជាកូនប្រសារបស់លោក ផាម វ៉ាន់ដុង កាលពីសម័យនោះ កុំអីលោក ប៉ែន សុវណ្ណ ត្រូវបានគេសម្លាប់ដើម្បីកុំឲ្យមានហ្មងសៅបាត់ទៅហើយ។
ក្រោយមកទៀត យួនក៏បានរៀបចំលើកបន្តុបខ្មែរមួយក្រុមទៀតឲ្យឡើងកាន់អំណាចរហូតដល់សព្វថ្ងៃ ហើយយួនចេះតែមានឱកាសចូលលុកលុយឈ្លានពានទឹកដីខ្មែរ រឹបអូសឆក់ប្លន់យកទ្រព្យសម្បត្តិខ្មែរចាប់ពីពេលនោះមក ដោយមានការដេញសម្លាប់ខ្មែរដែលហ៊ានប្រឆាំងយួន ក្រោមលេសចោទប្រកាន់ថា ជាពួក ប៉ុល ពត ដែលសម័យនោះគេចាត់ទុកចលនាតស៊ូត្រីភាគី និងក្រុមខ្មែរក្រហមថាជាខ្មាំង។ នៅពេលយួនចាត់វិធានការ ចាប់លោក ប៉ែន សុវណ្ណ ទៅឃុំឃាំងនៅក្រុងហាណូយ និងរៀបចំឲ្យលោក ចាន់ ស៊ី ស្លាប់យ៉ាងអាថ៌កំបាំង គេមើលឃើញកាន់តែច្បាស់ថា ឥស្សរជនខ្មែរស្នេហាជាតិមួយចំនួនបានសម្ងំយកសុខរៀងខ្លួន មិនហ៊ានតតាំងជា មួយយួន ដោយចំហទេ ហើយចាប់តាំងពីឆ្នាំ១៩៨៥ គឺយួនអាចមានឱកាសអនុវត្តន៍ផែនការ ក៥ ដោយរលូនល្អ គ្មានឧបសគ្គអ្វីទេ។ ការអនុ វត្តន៍យុទ្ធសាស្ត្រដ៏សែនពិសពុលនេះ គេសង្កេតឃើញពលរដ្ឋខ្មែរដែលកំពុងពេញកម្លាំង ជាពិសេសប្រុសៗត្រូវបានរដ្ឋអំណាចខ្មែរក្រោមបញ្ជារបស់យួន ចាប់បង្ខំឲ្យទៅធ្វើជាទាហាន ហើយខ្លះទៀតត្រូវកេណ្ឌឲ្យ ទៅធ្វើជាពលករស្លាប់នៅតំបន់ ក៥ រាប់ម៉ឺន រាប់សែននាក់ ដោយភាគច្រើនស្លាប់ដោយជំងឺគ្រុនចាញ់ជាន់មីនបង្កប់ក្នុងដីជាច្រើន ហើយពេលនោះយួន កុម្មុយនិស្តជាអ្នកកាន់កាប់ប្រទេសកម្ពុជាទាំងស្រុង។
ដោយសារមានអំណាចពេញដៃ យួនបានដេញកាប់សម្លាប់ខ្មែរអ្នកតស៊ូនៅតាមព្រំប្រទល់ដែនជាប់ប្រទេសថៃ ជាពិសេសយុទ្ធនាការធ្វើសង្គ្រាមក្នុងរដូវប្រាំងដើម្បីបោសសម្អាតសម្លាប់ខ្មែរតស៊ូប្រឆាំងយួន តាំងពីចុងឆ្នាំ១៩៨៤ ដែលនៅពេល នោះ ខ្មែរតស៊ូនៅតាមជាយដែនបានសម្រេចចិត្តដកថយចេញពីមូលដ្ឋានតស៊ូរបស់ខ្លួនទៅប្រមូលផ្តុំគ្នានៅតាមជំរំសាយធូ និងជំរំសាយប៊ី ជាដើម។ រហូតដល់ឆ្នាំ១៩៨៥ សហរដ្ឋអាមេរិកនិងអឺរ៉ុប ជាពិសេសនៅបណ្តាប្រទេសលោកសេរី ចាប់ផ្តើមផ្តល់ជំនួយដ៏ច្រើនសន្ធឹកសន្ធាប់ដល់ក្រុមអ្នកតស៊ូដែលយ៉ាងហោចណាស់ មានទឹកប្រាក់ចំនួន ៥លានដុល្លារអាមេរិក អាវុធយុទ្ធភ័ណ្ឌ រួមទាំងរៀបចំហ្វឹកហាត់ទាហាននៅក្លាំងដុងទៀតផង។ ចំណែកយួនត្រូវបានសហគមន៍អន្តរជាតិនិងបណ្តាប្រទេសក្នុងតំបន់ ដូចជា ចិន អាស៊ាន ថ្កោលទោសដោយសារតែអំពើឈ្លានពានលុកលុយរំលោភអធិបតេយ្យភាពប្រទេសកម្ពុជា លើកលែងតែប្រទេសឥណ្ឌូនេស៊ីមួយគត់ ដែលរក្សាខ្លួនជាប្រទេសអព្យាក្រឹត និងមានប្រទេសរុស្ស៊ី រួមទាំងបណ្តារដ្ឋកុម្មុយនិស្តនៅអឺរ៉ុបខាងកើតមួយចំនួនទៀតបានទទួលស្គាល់រដ្ឋាភិបាលខ្មែរដែលស្ថិតក្រោមការគ្រប់គ្រងរបស់យួន។ ចាប់តាំងពីការដួលរលំរបស់សហភាពសូវៀត នៅឆ្នាំ១៩៨៤ សូវៀតក៏ឈប់ផ្តល់ជំនួយឲ្យយួន ព្រោះសូវៀត មានវិបត្តិហិរញ្ញវត្ថុ អស់ថវិកាពីទុនបំរុង ដោយសារតែសូវៀត បានពង្រឹងនិងចំណាយលើផ្នែកយោធាខ្លាំងពេក ជាពិសេសនៅតំបន់ឥណ្ឌូចិន ប៉ុន្តែសូវៀត អាចរកផលចំណេញបានច្រើនលើកការពង្រឹងវិស័យយោធានៅតំបន់អឺរ៉ុបខាងកើត។
ស្ថានភាពនេះធ្វើឲ្យយួនចាញ់ប្រៀបខាងការទូត ហើយក្រុមចលនាតស៊ូកាន់តែមានកម្លាំងចិត្តខ្លាំងឡើង ដោយសារតែមានការជួយឧបត្ថម្ភគ្រប់បែបយ៉ាងពីសហរដ្ឋអាមេរិក ចិន និងបណ្តាប្រទេសអាស៊ាន ប៉ុន្តែបើតាមការសិក្សាស្រាវជ្រាវមួយចំនួនបានបង្ហាញថា កងទ័ពអ្នកតស៊ូខ្មែរតាមព្រំដែនហាក់ដូចជាពុំសូវមានបច្ចេកទេសគ្រប់គ្រាន់ក្នុងការធ្វើសង្គ្រាម ជាពិសេសនយោបាយឈ្លបនៅតាមមូលដ្ឋានរបស់យួនដែលក្តាប់ណែនពេញដៃ ធ្វើឲ្យភាគីអ្នកតស៊ូពិបាកក្នុងការធ្វើសង្គ្រាមផ្តួលរំលំយួនដែលមានការហ្វឹកហាត់ច្បាស់លាស់ និងមានសព្វាវុធគ្រប់ប្រភេទហើយសម័យនោះគេដឹងថា ចលនាតស៊ូខ្លាចបំផុតចំពោះអាវុធប្រតិកម្ម BM21 ចាប់ពី ១២-១៦ និង ៤០កាណុង ដែលបាញ់ទម្លាក់តំបន់ណាមួយ គ្រាប់ធ្លាក់ដូចរន្ធបាយខុម និងឮស្នូរដូចផ្គរលាន់ខែចេត្រ។ ក្រោយមកទៀតកម្លាំងចល នាតស៊ូមួយចំនួនត្រូវបានបញ្ជូនឲ្យទៅរៀនយុទ្ធសាស្ត្រទ័ពនៅប្រទេសម៉ាឡេស៊ី និងប្រទេសថៃ ដែលទាហានចលនាតស៊ូវគ្គថ្មីនេះ មានយុទ្ធសាស្ត្រគ្រប់គ្រាន់បើកការប្រយុទ្ធយ៉ាងមានប្រៀបលើទាហានយួន និងទាហានខ្មែរ ដែលត្រូវបានប្រើប្រាស់ឲ្យជួយការពារសមរភូមិជួរមុខយ៉ាងមានប្រសិទ្ធភាពហើយព្រមជា មួយគ្នានោះ សូវៀតដែលជាសម្ព័ន្ធមិត្តរបស់យួនបានចាញ់អាមេរិក ក្នុងសង្គ្រាមត្រជាក់ ទើបសូវៀតងាកទៅរកអាមេរិកវិញ ក្នុងរដ្ឋាភិបាលលោក ហ្គ័រ វាឆេវ ដើម្បីរក្សាលំនឹងសេដ្ឋកិច្ចរបស់សូវៀតកុំឲ្យដួលរលំ។
នៅពេលដែលយួនអស់ជំនួយពីសូវៀតពេលនោះយួនកាន់តែទន់ដៃហើយបានសម្រេចចិត្តកាត់បន្ថយ ចំនួនកងទ័ពដែលបញ្ជូនមកលុកលុយក្នុងប្រទេសកម្ពុជាមួយចំនួនធំ ហើយក៏ចាប់ផ្តើមផ្តល់សញ្ញាភ្លើងខៀវ ឲ្យរដ្ឋាភិបាលសាធារណរដ្ឋប្រ ជាមានិតកម្ពុជាជួបចរចាជាមួយមេដឹកនាំចលនាតស៊ូត្រីភាគី គឺសម្តេចព្រះនរោត្តម សីហនុ ជាបន្តបន្ទាប់រហូតបង្កើតទៅជាការជួបជុំដ៏ធំមួយ មានសហគមន៍អន្តរជាតិធ្វើជាសា ក្សី។ ក្រោយការចរចាគ្នាយ៉ាងល្អិនល្អន់អំពីទម្រង់ការរៀបចំស្តារសន្តិភាពដើម្បីបញ្ចប់សង្គ្រាមស៊ីវិលដ៏រ៉ាំរ៉ៃ នៅក្នុងប្រទេសកម្ពុជា ចលនាតស៊ូត្រី ភាគីបានដាក់កំហិតឲ្យមានការដកកងទ័ពយួនចេញពីប្រទេសកម្ពុជា នៅក្នុងឆ្នាំ១៩៨៩ ចំនួន២លើក គឺនៅក្នុងខែឧសភា និងខែកញ្ញា ទើបដំណើរការចរចាស្វែងរកសន្តិភាពដែលពេលនោះមានប្រទេសឥណ្ឌូ នេស៊ី និងបារាំង ជាសហប្រធានបង្កើតឲ្យមានការចុះហត្ថលេខាលើកិច្ចព្រមព្រៀងសន្តិភាពក្រុងប៉ារីស នៅថ្ងៃទី២៣ ខែតុលា ឆ្នាំ១៩៩១ ដែលពេលនោះគឺជាឱកាសអាចប្រ មូលកម្លាំងខ្មែរស្នេហាជាតិចូលក្នុងប្រទេសកម្ពុជាវិញ។ ប៉ុន្តែដោយសារក្រុមអ្នកកាន់អំណាចដែលត្រូវបាន លើកបន្តុបតាំងពីថ្ងៃ៧ ខែមករា ឆ្នាំ ១៩៧៩ មិនបានអនុវត្តន៍ឲ្យត្រឹមត្រូវតាមកិច្ចព្រមព្រៀងសន្តិភាពក្រុងប៉ារីស បង្កើតឲ្យមានវិបត្តិកាន់តែធ្ងន់ធ្ងរឡើងរហូតដល់ពេលនេះ។
ជាយុទ្ធសាស្ត្រដ៏ពិសពុលយួនតែងតែបំបែកបំបាក់កម្លាំងខ្មែរស្នេហា ជាតិឲ្យចុះទន់ខ្សោយ ហើយយួនបានក្លែងភេទជាខ្មែរដើម្បីសម្លាប់ខ្មែរ និងខ្ចីដៃខ្មែរឲ្យសម្លាប់ខ្មែរគ្នាឯងតាមនយោបាយលាបពណ៌ប្រកបដោយគ្រោះថ្នាក់បំផុត ដូចរឿងរ៉ាវក្នុងប្រវត្តិសាស្ត្រយើងមើលឃើញជាក់ច្បាស់ នឹងភ្នែកគ្រប់ៗគ្នាថា យួនតែងតែលើកបន្តុបទំយើខ្មែរមួយក្រុមដែលល្មោភអំណាច និយមយកខ្មែរគ្នាឯងធ្វើជាសត្រូវឲ្យបម្រើនយោបាយយួននិងការពារប្រយោជន៍យួន ដូចកាល ពីឆ្នាំ១៩៧០ យួនបានខ្ចីដៃខ្មែរមួយក្រុមឲ្យបះបោរប្រឆាំងជាមួយរបប លន់ នល់ បង្កើតឲ្យមានសង្គ្រាមស៊ី វិល។ ប៉ុន្តែរឿងពិតសង្គ្រាមនេះបានកើតឡើងដោយសារតែការបញ្ឆេះ របស់យួន ហើយរឿងដែលខ្មែរច្បាំងតទល់ជាមួយរបប លន់ នល់ និងជាមួយទាហានអាមេរិកាំង ចំណេញផលប្រយោជន៍ច្រើនណាស់ដល់យួន។ រហូតដល់ឆ្នាំ១៩៧៩ យួននៅតែប្រើយុទ្ធសាស្ត្រដដែលក្នុងការលើកបន្តុបខ្មែរមួយក្រុមឲ្យជិះជាន់កាប់សម្លាប់ខ្មែរគ្នាឯង គឺយួនបានខ្ចីដៃខ្មែរ ធ្វើសង្គ្រាមជាមួយខ្មែរម្តងទៀត ដូចដែលយួនធ្វើសង្គ្រាមកាល ពីឆ្នាំ១៩៧០ ដែលនោះពេលយួនបានខ្ចីដៃខ្មែរក្រហម ប៉ុល ពត មកច្បាំងជាមួយទាហាន លន់ នល់ ដែលគាំពារដោយអាមេរិក រហូតទទួលបានជោគជ័យ កាលពីថ្ងៃទី៧ មករា ឆ្នាំ១៩៧៩ គឺយួនបានលុកលុយកាន់ កាប់ប្រទេសកម្ពុជាទាំងស្រុង ហើយអនុវត្តន៍នយោបាយយួនូបនីយកម្ម នៅក្នុងប្រទេសកម្ពុជា គឺទាហានយួន បានយកប្រពន្ធខ្មែរចំ ណែកស្រីយួនបានយកប្តីខ្មែរ ហើយខ្មែរចំនួន៥ នាក់នៅទីក្រុង ឬទីប្រជុំ ជនត្រូវមាន យួនម្នាក់ ចំណែកនៅតាមជនបទ មានយួនម្នាក់និងខ្មែរ៥នាក់ ពោលគឺយុទ្ធសាស្ត្រយួនូបនី យកម្មបែបនេះ កំពុងធ្វើឲ្យប្រទេសកម្ពុជាធ្លាក់ក្នុងគ្រោះមហន្តរាយធ្ងន់ធ្ងរ៕
0 comments:
Post a Comment