ជនអន្តោប្រវេសន៍យួនដែលរស់នៅខុសច្បាប់លើទឹកដីខ្មែរកំពុងតែបង្កភាពអនាធិបតេយ្យបំផ្លាញកិត្តិយស និងកេរ្តិ៍ឈ្មោះជនជាតិខ្មែរជាម្ចាស់ប្រទេសយ៉ាងពេញបន្ទុក ហើយអាចធ្វើឱ្យសង្គមជាតិខ្មែរប្រឈមនឹងគ្រោះថ្នាក់ធ្ងន់ធ្ងរនាពេលខាងមុខចៀសមិនផុតឡើយ។ ការនិយាយបែបនេះមិនមែនជាចេតនារើសអើងជាតិសាសន៍ ឬញុះញង់ឱ្យមានការរើសអើងជាតិសាសន៍នោះទេ ប៉ុន្តែជារឿងដែលរដ្ឋាភិបាលលោក ហ៊ុន សែន គួរតែប្រើប្រាស់ច្បាប់អន្តោប្រវេសន៍ដែលរដ្ឋសភាអនុម័តតាំងពីឆ្នាំ១៩៩៤ ដើម្បីដោះស្រាយប្រកបដោយប្រសិទ្ធភាព។ ជាក់ស្តែងជនអន្តោប្រវេសន៍យួន រស់នៅក្នុងសង្កាត់ ចុងឃ្នៀស ក្រុងសៀមរាប ខេត្តសៀមរាប ដែលជាតំបន់ទេសចរណ៍ធម្មជាតិដ៏សំខាន់មួយកំពុងបង្កភាពអនាធិបតេយ្យរំខានភ្ញៀវទេសចរបរទេស និងភ្ញៀវទេសចរខ្មែរស្រេចតែអំពើចិត្តពុំមានមន្ត្រីអាជ្ញាធរ ឬសមត្ថកិច្ចណាទប់ស្កាត់ឡើយ។ មន្ត្រីអាជ្ញាធរ និងសមត្ថកិច្ចក្រុងសៀមរាបហាក់ដូចជាញញើតចំពោះសិទ្ធិដ៏ធំធេងរបស់ជនអន្តោប្រវេសន៍យួន ទើបបណ្តោយឱ្យពួកគេបំផ្លាញកិត្តិយសខ្មែរយ៉ាងគួរឱ្យសោកស្តាយ។
តាមសេចក្តីរាយការណ៍ពីប្រជាពលរដ្ឋខ្មែររស់នៅតំបន់ចុងឃ្នៀស បានឱ្យដឹងថាសកម្មភាពក្រុមនិគមជនយួនជិះទូកតូចៗ និងចានដែកសុំទាននៅតំបន់ចុងឃ្នៀសកំពុងតែបង្កការក្តៅក្រហាយដល់ភ្ញៀវទេសចរអន្តរជាតិដែលទៅកម្សាន្តនៅរមណីយដ្ឋានមាត់បឹងទន្លេសាប ហើយសមត្ថកិច្ចប្រចាំការក្នុងតំបន់នោះបាននិយាយថាពួកគេពុំមានលទ្ធភាពទប់ស្កាត់ប្រកបដោយប្រសិទ្ធ ភាពឡើយ។ ប្រភពបានឱ្យដឹងទៀតថាករណីនិគមជនយួនធ្វើសកម្មភាពសុំទានរំខានអ្នកទេសចរមិនមែនជារៀងថ្មីទេ ប៉ុន្តែអាជ្ញាធរខេត្តសៀមរាប និងអាជ្ញាធរក្រុងសៀមរាប ក៏ដូចជាអាជ្ញាធរសង្កាត់ចុងឃ្នៀសបែរជាធ្វើមិនដឹងមិនឮ ទុកឱ្យភាពអនាធិបតេយ្យរាលដាលកាន់តែខ្លាំង។ សកម្មភាពសុំទានរបស់និគមជនយួនបានកើតឡើងស្ទើរទូទាំងរមណីយដ្ឋានចុងឃ្នៀសច្រើនខែច្រើនឆ្នាំមកហើយពុំមានស្ថាប័នណាទប់ស្កាត់ទាល់តែសោះបង្កឱ្យមានភាពអនាធិបតេយ្យហួសហេតុ ប៉ះពាល់ដល់កិត្តិយស និងសេចក្តីថ្លៃថ្នូររបស់ប្រទេសកម្ពុជា។ បច្ចុប្បន្ននិគមជនយួនបានប្រើទូកម៉ាស៊ីន ទូកអុំតូចៗនិងចានដែកប្រមាណ១៥ទៅ២០គ្រឿងធ្វើសកម្មភាពរំខានភ្ញៀវទេសចរជារៀងរាល់ថ្ងៃ ព្រោះមន្ត្រីអាជ្ញាធរ និងសមត្ថកិច្ចដេកលង់លក់អស់មិនគិតពីផលប៉ះពាល់ដល់កិត្តិយស និងសេចក្តីថ្លៃថ្នូររបស់ខ្មែរឡើយ។
សេចក្តីរាយការណ៍ពីប្រជាពលរដ្ឋរស់នៅតំបន់ចុងឃ្នៀសបានឱ្យដឹងទៀតថាក្រុមនិគមជនយួនសុំទានរំខានភ្ញៀវទេសចរបរទេសទាំងនោះបានបែងចែកជាបីមុខសញ្ញាធំៗតាមរូបភាពផ្សេងៗគ្នាធ្វើឱ្យភ្ញៀវទេសចរក្តៅក្រហាយ ហើយយល់ច្រ ឡំថាពួកគេជាជនជាតិខ្មែរទៅវិញ។ ក្នុងនោះក្រុមទី១ មានទូកម៉ាស៊ីនចំនួន៦គ្រឿងជាក្រុមស្ទាត់ជំនាញក្នុងការប្រដេញចាំស្កាត់នៅមុខកំពង់ផែឱ្យតែឃើញកាណូតដឹកភ្ញៀវមកដល់ពួកគេបើកទូកដេញតាមក្នុងល្បឿនលឿនបែកទឹកសម្ពោងរួចលោតតោង ឡើងបង្ខំឱ្យទិញភេសជ្ជៈ ឬទំនិញផ្សេងៗ។ ចំណែកក្រុមទី២ ជាក្រុមស្ត្រីពេញកម្លាំងជិះទូកអុំមានដាក់ក្មេងតូចៗចាប់ពី២ទៅ៣នាក់សំកុកចាំមើលក្បែរភោជនីយដ្ឋានបណ្តែតទឹក ហើយឱ្យតែឃើញមានកាណូតដឹកភ្ញៀវមកដល់ពួកគេធ្វើល្បិចឱ្យក្មេងទាំងនោះយំទ្រហឹងពេញផ្ទៃទឹកបង្កើតជាក្តីអាណិតអាសូរឱ្យដាក់ទានដល់ពួកគេ។
ប្រភពបានឱ្យដឹងទៀតថាចំណែកក្រុមទី៣ គឺជាក្មេងស្រី និងក្មេងប្រុសជិះចានដែក ឬហែលក្នុងទឹកស្រែកជាភាសាយួន និងភាសាអង់គ្លេសវ័នដុល្លារ វ័នដុល្លារ សុំលុយពីភ្ញៀវទេសចរត្រង់ៗតែម្តង។ ក្នុងចំណោមក្រុមនិគមជនយួនក្មេងៗទាំងនេះអ្នកខ្លះមានស្ពាយសត្វពស់នៅជាប់នឹងខ្លួនទៀតផង ហើយខ្លះលោតឡើងកាណូតភ្ញៀវទាំងសម្លៀកបំពាក់ទទឹកជោក ជួនកាលសត្វពស់ទាំងនោះធ្វើឱ្យភ្ញៀវភ័យខ្លាចរហូតដល់ស្រែកយំ ឬលោតចូលទៅក្នុងទឹកក៏មាន។ ភាពអនាធិបតេយ្យបែបនេះបានធ្វើឱ្យប៉ះពាល់យ៉ាងខ្លាំងដល់កិត្តិយស និងសេចក្តីថ្លៃថ្នូររបស់ប្រទេសកម្ពុជា ប៉ុន្តែមន្ត្រីអាជ្ញាធរ និងសមត្ថកិច្ចខេត្តសៀមរាបមិនដែលអើពើចាត់វិធានការទប់ស្កាត់ទាល់តែសោះ។ ហេតុនេះហើយ ទើបនិគមជនយួនកាន់តែបានចិត្តព្រោះពួកគេមានការគាំពារពីរដ្ឋាភិបាល និងអាជ្ញាធរខ្មែរ ហើយមានសមាគមយួនចាំជួយដោះស្រាយគ្រប់បញ្ហាដែលពួកគេជួបប្រទះក្នុងមូលដ្ឋានដែលពួកគេរស់នៅ។ ក្រុមមន្ត្រីអង្គការក្រៅរដ្ឋាភិបាលមួយចំនួនបានរិះគន់ថាភាពធូររលុងនៃការអនុវត្តន៍ច្បាប់អន្តោប្រវេសន៍នៅក្នុងប្រទេសកម្ពុជាទើបបណ្តាលឱ្យនិគមជនយួនអាចធ្វើសកម្មភាពរំខានភ្ញៀវទេសចរបំផ្លាញកិត្តិយសប្រទេសកម្ពុជាយ៉ាងអនាធិបតេយ្យ។
ប្រជាពលរដ្ឋខ្មែរដែលរកស៊ីបើកភោជនីយដ្ឋាន និងលក់ដូរនៅតំបន់ចុងឃ្នៀស បានរិះគន់ថាពួកយួនទាំងនោះមានសេរីភាព និងមានសិទ្ធិខ្លាំងជាងខ្មែរម្ចាស់ប្រទេសទៅទៀត ហើយពួកគេមិនខ្លាចសមត្ថកិច្ច និងអាជ្ញាធរខ្មែរបន្តិចណាឡើយព្រោះសកម្មភាពរបស់ពួកគេកើតឡើងជាច្រើនឆ្នាំមកហើយ។ កន្លងមកអាជ្ញាធរខេត្តសៀមរាប និងក្រសួងទេសចរណ៍ធ្លាប់បានទទួលស្គាល់ ពីបញ្ហាប៉ះទង្គិចដល់អារម្មណ៍ភ្ញៀវនិងសេចក្តីថ្លៃថ្នូររបស់ប្រទេសកម្ពុជាដែលបង្កឡើងដោយនិគមជនយួនហើយប្តេជ្ញារួមគ្នាថានឹងលុបបំបាត់ឱ្យអស់រាល់សកម្មភាពសុំទាននៅក្នុងតំបន់ចុងឃ្នៀស។ ក៏ប៉ុន្តែរហូតមកដល់ពេលនេះសកម្មភាពសុំទានរបស់ក្រុមនិគមជនយួននៅតែកើតឡើងយ៉ាងអនាធិបតេយ្យដដែល ហើយនគរបាលប៉ុស្តិ៍រដ្ឋបាលសង្កាត់ចុងឃ្នៀស នគរបាលចរាចរណ៍ផ្លូវទឹក និងកងរាជអាវុធហត្ថប្រចាំតំបន់មិនបានយកចិត្តចាត់វិធានការទប់ស្កាត់ឡើយ។ សកម្មភាពសុំទានរបស់និគមជនយួនទាំងនោះអាចធ្វើឱ្យភ្ញៀវទេសចរបរទេសយល់ច្រឡំថាពួកគេជាជនជាតិខ្មែរ ក៏ប៉ុន្តែការពិតពុំមានជនជាតិខ្មែរណាទៅបង្កសកម្មភាពរំខានដល់ភ្ញៀវទេសចរបរទេសទេ។ ហេតុនេះអាជ្ញាធរខេត្តសៀមរាប និងក្រសួងទេសចរណ៍ ព្រមទាំងមន្ទីរទេសចរណ៍ខេត្តត្រូវពិនិត្យមើលឡើងវិញ ហើយចាត់វិធានការទប់ស្កាត់ជាបន្ទាន់កុំឱ្យមានភាពអនាធិបតេយ្យកើតឡើងយ៉ាងពេញបន្ទុកតទៅទៀត។
ជាពិសេសរដ្ឋាភិបាលលោក ហ៊ុន សែន ត្រូវអនុវត្តន៍ច្បាប់អន្តោប្រវេសន៍ប្រកបដោយប្រសិទ្ធភាព ព្រោះសកម្មភាពមិនប្រក្រតីរបស់និគមជនយួនធ្វើឱ្យប៉ះពាល់ខ្លាំងណាស់ដល់កិត្តិយសប្រទេសកម្ពុជា ព្រោះប្រជាពលរដ្ឋខ្មែរមិនបានធ្វើសកម្មភាពសុំទានរំខានភ្ញៀវទេសចរទេ។ ចំណែកប្រភពពីសមត្ថកិច្ចប្រចាំតំបន់ចុងឃ្នៀសបានត្អួញត្អែរថានិគមជនយួនទាំងនោះមានភាពរឹងរូសខ្លាំងណាស់ ព្រោះនៅពេលសមត្ថកិច្ចទប់ស្កាត់ពួកគេសម្ងំមិនធ្វើសកម្មភាពទេ ប៉ុន្តែនៅពេលសមត្ថកិច្ចចេញផុតពួកគេនឹងធ្វើសកម្មភាពយ៉ាងអនា ធិបតេយ្យដដែល។ ការបង្ក្រាបរបស់សមត្ថកិច្ចនាពេលកន្លងមកមិនបានធ្វើឱ្យនិគមជនយួនទាំងនោះបញ្ឈប់សកម្មភាពឡើយ ព្រោះសមត្ថកិច្ចគ្មានចំណាត់ការច្បាស់លាស់ក្នុងការបង្ក្រាបទាល់តែសោះ៕
0 comments:
Post a Comment