ជារឿងមួយគួរឲ្យរំភើបរីករាយយ៉ាងខ្លាំងនៅពេលដែលក្រុមពលករចំណាកស្រុកស្របច្បាប់នៅតាមបណ្តាប្រទេសមួយចំនួនបានបង្ហាញ អំពីទឹកចិត្តគាំទ្រយ៉ាងខ្លាំងក្លាចំពោះគោលនយោបាយការងាររបស់គណ បក្សសង្គ្រោះជាតិ ដែលមានទិសដៅលើកកម្ពស់ជីវភាពរស់នៅរបស់រាស្ត្រខ្មែរបណ្តុះបណ្តាលជំនាញវិជ្ជាជីវៈដល់ពលរដ្ឋ ដើម្បីងាយស្រួលស្វែងរកការងារធ្វើមានប្រាក់ចំណូល រស់នៅសមរម្យដូចពាក្យចាស់ពោល ថាជួញជិតជាជាងជួញឆ្ងាយ ហើយ នៅពេលមានគោលនយោបាយការងារដឹកនាំប្រទេសជាតិដោយត្រឹមត្រូវពលករដែលធ្វើចំណាកស្រុកទៅលក់កម្លាំងពលកម្មនៅក្រៅប្រទ េសទាំងនោះប្រាថ្នាចង់វិលត្រឡប់មករស់នៅស្រុកកំណើតវិញ។
កាលពីដើមខែមីនា ឆ្នាំ២០១៣ កន្លងទៅនេះប្រតិភូបក្សសង្គ្រោះ ជាតិដែលដឹកនាំដោយលោក កឹម សុខា បានធ្វើដំណើរទៅកាន់ប្រទេសកូរ៉េខាងត្បូងដែលនៅទីនោះបានជួបជាមួយពលករខ្មែរដែលកំពុងធ្វើការងារនៅក្រុងស៊េអូល មានចំនួនសរុបប្រមាណ៣ម៉ឺននាក់ ហើយពលករខ្មែរនៅប្រទេសកូរ៉េខាងត្បូង បានធ្វើការងារក្នុងកសិដ្ឋានរោងចក្រ និងនៅតាមផ្ទះ ដែលពួកគេអាចរកប្រាក់ចំណូលក្នុងមួយខែប្រមាណ ២៨០០ដុល្លារអាមេរិក។ ប៉ុន្តែការឃ្លាតឆ្ងាយពីផ្ទះសម្បែងមិនបានធ្វើឲ្យពួកគេស្រណុកចិត្តនោះទេ គឺប្រា ថ្នាចង់ឲ្យគណបក្សសង្គ្រោះជាតិឈ្នះ ឆ្នោត ឡើងដឹកនាំប្រទេសកម្ពុជា ដើម្បីមានឱកាសរៀបចំគោលនយោ បាយការងារឲ្យបានត្រឹមត្រូវដើម្បីផ្តល់ឱកាសឲ្យពួកគេវិលត្រឡប់មកកាន់ស្រុកកំណើតវិញធ្វើការងារដែល មានប្រាក់ខែសមរម្យស្របតាមសមត្ថ ភាពនិងបាននៅជិតក្រុមគ្រួសារ។ ពលករខ្មែរបានបញ្ជាក់ថា ការធ្វើចំណាកស្រុកមកលក់កម្លាំងពលកម្មនៅក្រៅប្រទេសអាចចាត់ទុកជារឿង ប្រថុយប្រថានមួយដែលពលករអស់ទាំងនោះមិនចង់ធ្វើទេ ប៉ុន្តែស្ថានភាពចាំបាច់បានបង្ខំឲ្យពួកគេចេញទៅរកការងារធ្វើនៅក្រៅប្រទេសយ៉ាងលំបាកលំបិនបំផុត។
ប្រជាពលរដ្ឋខ្មែរនៅក្នុងប្រទេស កម្ពុជាជួបផលលំបាកធំធេងដោយសារតែនៅក្នុងប្រទេសកម្ពុជា មិនមានការងារធ្វើគ្រប់គ្រាន់ និងគ្មានប្រាក់ខែសមរម្យដែលពួកគេអាចយកមកទ្រទ្រង់ជីវភាពរស់នៅបាន ទេ។ ក្រោមការដឹកនាំរបស់លោក ហ៊ុន សែន បានធ្វើឲ្យពលរដ្ឋខ្មែរលង់ ខ្លួនក្នុងភាពក្រីក្រយ៉ាងជ្រៅ គ្មានប្រាក់ចំណូល និងការងារធ្វើឲ្យបានត្រឹមត្រូវនោះទេ ទើបគេសង្កេតឃើញ ពលករខ្មែរទាំងខុសច្បាប់ និងស្របច្បាប់បានធ្វើចំណាកស្រុកទៅលក់កម្លាំងពលកម្មនៅក្រៅប្រទេសតាមតែឱកាសដែលពួកគេអាចធ្វើបាន។ កត្តាការងារ គឺជារឿងចាំបាច់ដែលមេ ដឹកនាំត្រូវគិតគូរធ្វើយ៉ាងណាឲ្យពលរដ្ឋខ្មែរគ្រប់រូបមានការងារធ្វើតាមរយៈការបណ្តុះបណ្តាលជំនាញវិជ្ជាជីវៈការអូសទាញអ្នកវិនិយោគទុនឲ្យ មករកស៊ីបង្កើតរោងចក្រ បង្កើតការងារសម្រាប់កូនខ្មែរ ប៉ុន្តែទាមទារឲ្យយើងសម្រិតសម្រាំងជ្រើសរើសយកក្រុមអ្នកវិនិយោគទុនល្អៗទើបអាចទទួលបានផលចំណេញ ពីការបង្កើតការងារនិងមានការអភិវឌ្ឍន៍ត្រឹមត្រូវ មិនបង្កផលប៉ះពាល់ដល់ពលរដ្ឋ។
គណបក្សសង្គ្រោះជាតិបានធ្វើការប្រកាសជាសាធារណៈសម្រាប់គោលនយោបាយដំឡើងប្រាក់ខែជូនកម្មករ កម្មការិនី ប្រមាណ១៥០ដុល្លារអាមេរិកក្នុងមួយខែ បូករួមជាមួយប្រាក់អត្ថប្រយោជន៍និងប្រាក់បន្ទាប់បន្សំផ្សេងៗទៀត ហើយសម្រាប់មន្ត្រីរាជការ កងកម្លាំងប្រដាប់អាវុធគ្រប់ប្រភេទ អាចទទួលបានប្រាក់ខែចំនួន២៥០ដុល្លារ ឬប្រហាក់ប្រហែល១លានរៀល ក្នុងមួយខែហើយក្នុងនោះសូម្បីតែចាស់ជរាចាប់ពីអាយុ ៦៥ឆ្នាំឡើងទៅ ក៏អាចទទួលបានប្រាក់ឧបត្ថម្ភផ្នែកសេវាសង្គមកិច្ចចំនួន ៤ម៉ឺនរៀល សម្រាប់ម្នាក់ៗផងដែរ។ គោលនយោបាយរបស់បក្សសង្គ្រោះជាតិ ដែលមានលោកប្រធាន សម រង្ស៊ី ជាមេដឹកនាំដ៏ឧត្តុង្គឧត្តមបានគិតគូរពីកត្តាសំខាន់ៗជាច្រើន ដើម្បីជួយ ឲ្យពលរដ្ឋខ្មែរមានជីវភាពរស់នៅកាន់តែល្អប្រសើរមានភាពថ្លៃថ្នូរសម រម្យខណៈដែលគេមើលឃើញយ៉ាងច្បាស់ក្រឡែតថា ក្រោមការដឹកនាំរបស់លោក ហ៊ុន សែន មិនបានគិត គូរដល់បញ្ហានេះសូម្បីតែបន្តិច បើទោះ បីជាកម្មករបានធ្វើបាតុកម្ម កូដកម្ម ទាមទារឲ្យមានការដំឡើងប្រាក់ខែសឹងរាប់ភ្លេចទៅហើយក៏ដោយ។
ប្រជាពលរដ្ឋខ្មែរដែលបានធ្វើចំណាកស្រុកដោយខុសច្បាប់រងនូវការវាយធ្វើបាបការជិះជាន់ប្រៀបដូចជាទាសករ ហើយអ្នកទាំងនោះបាត់បង់ឱកាសវិលត្រឡប់មកស្រុកកំណើតត្រូវស្លាប់នៅកណ្តាលសមុទ្រ ឬនៅលើទូកនេសាទ ហើយខ្លះទៀតត្រូវបានគេលក់ដូរដូចសត្វធាតុ មិនដែលទទួលបានប្រាក់ខែនោះទេ។ ពលករខ្មែរជាច្រើនដែលទៅធ្វើការងារតាមផ្ទះនៅប្រទេសម៉ាឡេស៊ី រងនូវការធ្វើបាបទាំងផ្លូវកាយ និងផ្លូវចិត្តរួមទាំងការបំពារបំពានផ្លូវភេទផងដែរ រហូតដល់នាំឲ្យពលករខ្លះស្លាប់បាត់បង់ជីវិតដោយសារការធ្វើទារុណកម្ម ហើយខ្លះទៀតពេលវិលត្រឡប់មកកាន់ស្រុកកំណើតវិញក៏មានបញ្ហាផ្នែកស្មារតី គឺអ្នកកាន់អំណាចនៅស្រុកខ្មែរមិនដែលខ្វល់ខ្វាយជួយដោះស្រាយផលលំបាករបស់ពលករខ្មែរចំណាកស្រុកឲ្យបានសមស្របនោះទេ។
ពលករខ្មែរដែលធ្វើចំណាកស្រុកទៅលក់កម្លាំងពលកម្មនៅក្រៅប្រទេសបានអះអាងប្រាប់លោក កឹម សុខា ថាពួកគេចង់បានការផ្លាស់ប្តូរមេដឹកនាំាថ្មីតាមរយៈការបោះឆ្នោតដោយសេរី និងយុត្តិធម៌នាពេលខាងមុខនេះហើយពួកគេសង្ឃឹមជឿជាក់ ថាបក្សសង្គ្រោះជាតិ នឹងមានឱកាស ឈ្នះឆ្នោតឡើងដឹកនាំរដ្ឋាភិបាលដើម្បី រៀបចំគោលនយោបាយការងារឲ្យបានត្រឹមត្រូវ។ តាមរយៈការប្តេជ្ញា ចិត្តធ្វើឲ្យទំនិញចុះថោក និងលើកកម្ពស់ជីវភាពរស់នៅរបស់ពលរដ្ឋខ្មែរ តាមបទពិសោធន៍សេដ្ឋកិច្ច ដែលអ្នក ជំនាញជាច្រើនធ្លាប់បានផ្តល់អនុសាសន៍ពិតជាអាចធ្វើឲ្យប្រទេសកម្ពុជាមានការរីកចម្រើនជឿនលឿនហើយពលរដ្ឋអាចរស់នៅ ក្នុងភាពសុខដុមរមនា ដែលពេលនោះគឺជាឱកាសដែលពលរដ្ឋធ្វើចំណាកស្រុកនាំគ្នាត្រឡប់មកវិញយក ជំនាញនិងបទពិសោធន៍ការងារមកបណ្តុះបណ្តាល កូនខ្មែរដទៃទៀតឲ្យ ចេះធ្វើការងារនៅតាមរោងចក្រ សហគ្រាស មានប្រាក់ខែរស់នៅសមរម្យ៕
0 comments:
Post a Comment