Print 
PDF
បញ្ហានេះគឺជារឿងធំនិងគ្រោះថ្នាក់បំផុតសម្រាប់ជាតិខ្មែរដូចដែលអ្នកលេងហ្វេសប៊ុកបានលាតត្រដាង ថា ក្នុងបញ្ជីឈ្មោះអ្នកបោះឆ្នោតគេរកឃើញត្រកូល ង្វៀង ដែលសម្គាល់ ថាជាជនជាតិយួនយ៉ាងច្រើនសន្ធឹក សន្ធាប់នៅតាមបញ្ជីឈ្មោះបោះឆ្នោត ដូចជានៅតំបន់អ្នកលឿងចុងឃ្នៀស ច្បារអំពៅ កំពង់ឆ្នាំង កោះសូទិន ជាពិសេសនៅតាមបណ្តាស្ថានីយ៍ជាប់បណ្តោយទន្លេដែលមានផ្ទះជនជាតិយួនតាំងនៅច្រើនស្អេកស្កះ។ បញ្ហា នេះអាចបញ្ជាក់បានថាជនជាតិយួន ភាគច្រើនដែលរស់នៅលើទឹកដីកម្ពុជាដោយខុសច្បាប់មានសិទ្ធិបោះឆ្នោត សម្រេចជោគវាសនាប្រទេសកម្ពុជាច្រើនអាណត្តិមកហើយ គឺជារឿងគ្រោះថ្នាក់បំផុត ហើយនៅតាមស្ថា នីយ៍បោះឆ្នោតមួយចំនួនពេលខ្លះជន ជាតិយួនមិនចេះនិយាយខ្មែរមួយម៉ាត់សោះក៏បាននាំគ្នាទៅបោះឆ្នោត ដោយមានការជួយសម្រួលពីអាជ្ញាធរអ្នកកាន់អំណាចផងដែរ។
បណ្តាញទំនាក់ទំនងសង្គមដែល គេនិយមហៅថា ហ្វេសប៊ុក កំពុងពេញនិយមបំផុតនៅក្នុងប្រទេសកម្ពុជាសម្រាប់ការចែករំលែកព័ត៌មានផ្សេងៗ ដូចជាពេលថ្មីៗនេះ បណ្តាញសង្គមហ្វេសប៊ុក បានលាតត្រដាងពីកំហុសឆ្គងរបស់លោក ហ៊ុន សែន ដែលដឹកនាំប្រទេសជាតិគ្មាន ភាពរីកចម្រើនជឿនលឿនទៅមុខ ហើយក៏មានការចែករំលែករូបភាពពាក់ព័ន្ធនឹងការប្រើអំពើហិង្សាវាយបង្ក្រាបប្រជាពលរដ្ឋក្រីក្រស្លូតត្រង់នៅមុខផ្ទះលោកនាយករដ្ឋមន្ត្រី ហ៊ុន សែន ធ្វើឲ្យពិភពលោកមើលឃើញ ពីភាពអយុត្តិធម៌ក្នុងសង្គមដែលកាន់ តែរីករាលដាលធំឡើង។ បណ្តាញទំនាក់ទំនងសង្គមហ្វេសប៊ុកក៏បានលើកឡើងពីសកម្មភាពបំផ្លិចបំផ្លាញ សម្បត្តិធម្មជាតិការធ្វើឲ្យវិនាសហិន ហោចនៃធនធានរ៉ែ ទាំងក្រោមដីនិងលើដី ជាពិសេសអំពើពុករលួយរបស់នគរបាលចរាចរណ៍ឬបាតុភាព មិនប្រក្រតីផ្សេងៗទៀតរបស់ក្រុម អ្នកកាន់អំណាចព្រោះអ្នកនិយមលេងបណ្តាញសង្គមហ្វេសប៊ុក ភាគច្រើនជាយុវជនសម័យថ្មីមានចំណេះ ដឹងទូលំទូលាយចេះគិតពិចារណាពីបញ្ហាប្រទេសជាតិ គឺពួកគេមានឱកាសស្វែងយល់ពីរបៀបដឹកនាំត្រឹមត្រូវ និងរីកចម្រើនរបស់បណ្តាប្រទេសក្បែរខាងយកមកប្រៀបធៀបជាមួយការដឹកនាំដ៏អន់ថយរបស់លោក ហ៊ុន សែន។
រឿងរ៉ាវដែលគួរឲ្យចាប់អារម្មណ៍ បំផុតនោះ គឺអ្នកលេងបណ្តាញសង្គមហ្វេសប៊ុក បាននាំគ្នាផ្សព្វផ្សាយនិងចែករំលែកបញ្ជីឈ្មោះបោះឆ្នោតដែលមានឈ្មោះជនជាតិយួន ឬត្រកូលដែលមិនមែនជាសូរសៀងសម្គាល់ត្រកូលរបស់ជនជាតិខ្មែរ។ ជាក់ស្តែងបញ្ជីឈ្មោះបោះឆ្នោតមួយផ្ទាំងនៅក្នុងសង្កាត់ចុងឃ្នៀសនៃក្រុងសៀមរាប ជាប់ជាយបឹងទន្លេសាបដែលមានជនជាតិយួនច្រើនសន្ធឹកសន្ធាប់តាំងទីលំនៅដោយខុសច្បាប់ គឺឈ្មោះអ្នកបោះឆ្នោតមានត្រកូលជនជាតិយួនដូចជា ង្វៀង ទ្រឿង យ៉ាំង យឿង និងត្រកូល ឡេ ជាដើម។ ជាមួយនឹងការបង្ហាញ ឈ្មោះសុទ្ធតែផ្តើមចេញពីត្រកូលមិនមែនជាខ្មែរអស់ទាំងនេះ គឺគេលើកជាសំណួរថា ហេតុអ្វីបានជាជនជាតិយួនរស់នៅលើទឹកដីខ្មែរដោយខុសច្បាប់មានសិទ្ធិបោះឆ្នោតសម្រេចជោគវាសនាប្រទេសកម្ពុជា ជំនួសខ្មែរជាម្ចាស់ទឹកដី។
ក្រុមអង្គការក្រៅរដ្ឋាភិបាលដែលឃ្លាំមើលដំណើរការបោះឆ្នោតនៅក្នុងប្រទេសកម្ពុជាបានលើកឡើង ថាករណីនេះជាបញ្ហាមួយខុសច្បាប់ ហើយមន្ត្រី គ.ជ.ប ត្រូវចាត់វិធានការដោះស្រាយបញ្ហានេះឲ្យបាន ទាន់ពេលវេលាមិនគួរកើតមានត ទៅទៀតទេ ហើយអ្នកដែលមាន សញ្ជាតិខ្មែរពិតប្រាកដមួយចំនួនធំ គឺមិនបានចុះឈ្មោះបោះឆ្នោតនោះទេ ដោយសារតែផលលំបាកនិងការរំ ខានផ្សេងៗដែលគណបក្សកាន់អំ ណាចបង្កឡើងធ្វើឲ្យប្រជាពលរដ្ឋខ្មែរពិតប្រាកដបាត់បង់សិទ្ធិបោះឆ្នោត។ ប្រជាពលរដ្ឋបានលើកឡើង ជារឿយៗថា ពួកគាត់មានសញ្ជាតិជាខ្មែរមានទីលំនៅអចិន្ត្រៃយ៍ និងមានឈ្មោះជាខ្មែរ មានអត្តសញ្ញាណប័ណ្ណសញ្ជាតិខ្មែរត្រឹមត្រូវ បែរជាបាត់បង់សិទ្ធិបោះឆ្នោត គឺពួកគាត់មិនសប្បាយចិត្តទាល់តែសោះ ចំពោះបញ្ហាដែលជនជាតិយួនមាន សិទ្ធិទៅបោះឆ្នោតសម្រេចជោគវា សនាប្រទេសកម្ពុជា ជំនួសខ្មែរជាម្ចាស់ទឹកដីបែបនេះ។
ជាគោលការណ៍អ្នកដែលគ្មានសញ្ជាតិខ្មែរ ហើយមានឈ្មោះនិងបានចូលរួមបោះឆ្នោតចាត់ទុកជារឿងខុសច្បាប់ ហើយពាក់ព័ន្ធនឹងបញ្ហាបញ្ជីឈ្មោះបោះឆ្នោត ដែលមានជនជាតិយួនច្រើនសន្ធឹកសន្ធាប់ កន្លងមក គណបក្ស សម រង្ស៊ី ធ្លាប់បានប្តឹងទៅ គ.ជ.ប ឲ្យសម្រេចលុប ឈ្មោះជនជាតិយួនចេញពីបញ្ជីបោះឆ្នោត ហើយភាគច្រើនឈ្មោះដែលបានស្នើសុំឲ្យលុបចេញនោះ ផ្តើមចេញពីត្រកូល ង្វៀង យ៉ាំង ទ្រឿង យឿង និងឡេ ជាដើម ហើយតាមពិតទៅជនជាតិខ្មែរមិនដែលមានប្រើ ត្រកូលបែបនេះទេ។ ពាក្យបណ្តឹង របស់គណបក្ស សម រង្ស៊ី សុំឲ្យលុបឈ្មោះជនជាតិយួនចេញពីបញ្ជីបោះឆ្នោតយ៉ាងច្រើនសន្ធឹកសន្ធាប់គឺជារឿងត្រឹមត្រូវ និងស្របតាមច្បាប់បោះឆ្នោត ប៉ុន្តែគួរឲ្យសោកស្តាយបំ ផុតនៅពេលដែល គ.ជ.ប និងក្រុមប្រឹក្សាធម្មនុញ្ញដែលគេដឹងថារងនូវឥទ្ធិពលនយោបាយពីបក្សកាន់អំ ណាចមិនបានដោះស្រាយបញ្ហានេះ ទេដោយមិនបានលុបឈ្មោះជនជាតិ យួនចេញពីបញ្ជីបោះឆ្នោតក្រោមមូលហេតុថា ជនជាតិយួនទាំងនោះមានឯកសារគ្រប់គ្រាន់នៅពេលពួក គេទៅចុះឈ្មោះបោះឆ្នោត គឺ គ.ជ.ប មិនអនុវត្តន៍តាមច្បាប់ស្តីពីសញ្ជាតិឱ្យបានត្រឹមត្រូវឡើយ៕
0 comments:
Post a Comment