Print 
PDF2012-10-01
សាលាដំបូងរាជធានីភ្នំពេញ ប្រកាសសាលក្រមផ្ដន្ទាទោសលោក ម៉ម សូណង់ដូ ឲ្យជាប់ពន្ធនាគារ ២០ឆ្នាំ ក្នុងរឿងជម្លោះដី និងការចោទប្រកាន់ពីបទបង្កើតតំបន់អបគមន៍ នៅភូមិប្រម៉ា ឃុំកំពង់ដំរី ស្រុកឆ្លូង ខេត្តក្រចេះ។
ប៉ូលិសឈរការពារមិនឲ្យអ្នកគាំទ្រលោក ម៉ម សូណង់ដូ ចូលទៅបរិវេណតុលាការរាជធានីភ្នំពេញ នៅថ្ងៃទី១២ កញ្ញា ឆ្នាំ២០១២។
នៅថ្ងៃនេះដែរ ពលរដ្ឋប្រមាណ ៣០០នាក់ នាំគ្នាលើកបដាទាមទារឲ្យតុលាការដោះលែងលោក ម៉ម សូណង់ដូ ខណៈដែលសាលាដំបូងរាជធានីភ្នំពេញ កំពុងប្រកាសសាលក្រមលោក ម៉ម សូណង់ដូ ប្រធានសមាគមអ្នកប្រជាធិបតេយ្យ និងជាប្រធានវិទ្យុសំបុកឃ្មុំ នៅព្រឹកថ្ងៃទី១ ខែតុលា ឆ្នាំ២០១២។
សមត្ថកិច្ចចម្រុះរាប់រយនាក់ត្រូវបានដាក់ពង្រាយឲ្យការពារនៅ ម្ដុំបរិវេណតុលាការ។ កំណាត់ផ្លូវព្រះមុនីរ៉េត ចាប់ពីភ្លើងស្តុបអាងទឹកអូឡាំពិក រហូតដល់ភ្លើងស្តុបនាងគង្ហីង ត្រូវបានបិទមិនឲ្យមានចរាចរណ៍។
តុលាការបានបើកសវនាការកាត់ទោសលោក ម៉ម សូណង់ដូ និងអ្នកពាក់ព័ន្ធមួយចំនួនទៀត កាលពីថ្ងៃទី១១ ខែកញ្ញា រហូតដល់ព្រឹកថ្ងៃទី១៤ ខែកញ្ញា ឆ្នាំ២០១២។
0 comments:
Post a Comment