លោក ហ៊ុន សែន៖ ដីសម្បទានសេដ្ឋកិច្ចត្រូវបង់ពន្ធ៥ដុល្លារក្នុង១ហិកតារ

Home » Veitmese occupy in Cambodia » លោក ហ៊ុន សែន៖ ដីសម្បទានសេដ្ឋកិច្ចត្រូវបង់ពន្ធ៥ដុល្លារក្នុង១ហិកតារ

Saturday, September 29, 2012Print PDF

លោក ហ៊ុន សែន៖ ដីសម្បទានសេដ្ឋកិច្ចត្រូវបង់ពន្ធ៥ដុល្លារក្នុង១ហិកតារ

មួយហិកតាបង់ពន្ឋ័៥ដុល្លារ បើទុកឲ្យរាស្រ្តធ្វើស្រែប្រសើរជាង សែន..

ដៃចោរជោរ សែន

2012-09-29 លោកនាយករដ្ឋមន្ត្រី ហ៊ុន សែន បានសម្រេចកែសម្រួលលើសេចក្តីជូនដំណឹងមួយ ចុះថ្ងៃទី២២ ខែមិថុនា ឆ្នាំ២០១២ កន្លងទៅ ស្ដីពីការបង់ពន្ធថ្លៃឈ្នួលដីសម្បទានសេដ្ឋកិច្ច។ នៅក្នុងកិច្ចប្រជុំពេញអង្គ នៅគណៈរដ្ឋមន្ត្រី នៅថ្ងៃទី២៨ ខែកញ្ញា លោក ហ៊ុន សែន បានសម្រេចឲ្យក្រុមហ៊ុនវិនិយោគ ដែលទទួលបានដីសម្បទានសេដ្ឋកិច្ច ត្រូវបង់ថ្លៃឈ្នួលដីចំនួន ៥ដុល្លារសហរដ្ឋអាមេរិកក្នុងមួយហិកតារ ចាប់ពីឆ្នាំទី៦ នៃការវិនិយោគ ដោយមិនរើសអើងបែងចែកប្រភេទដីដែលត្រូវធ្វើផលិតកម្មក្នុងវិស័យ កសិកម្ម ឬដីប្រភេទផ្សេងឡើយ។ លោកនាយករដ្ឋមន្ត្រី ហ៊ុន សែន បញ្ជាក់ថា ថ្លៃឈ្នួលដីចំនួន ៥ដុល្លារសហរដ្ឋអាមេរិក ក្នុង១ហិកតារនេះ នឹងត្រូវកើនឡើង ១% ជារៀងរាល់ឆ្នាំ។ តែនៅក្នុងកិច្ចប្រជុំគណៈរដ្ឋមន្ត្រីនោះ លោក ហ៊ុន សែន មិនបានបញ្ជាក់ពីកាលបរិច្ឆេទ នៃការអនុវត្តប្រមូលពន្ធនៅពេលណាឲ្យច្បាស់នោះទេ។ អ្នកនាំពាក្យក្រសួងរៀបចំដែនដី នគរូបនីយកម្ម និងសំណង់ លោក បេង ហុងសុជាតិខេមរ៉ូ មានប្រសាសន៍ថា ការយកពន្ធលើដីសម្បទានសេដ្ឋកិច្ច ជារឿងធម្មតាសម្រាប់ប្រទេសជាទូទៅ។ លោកបន្តថា ដំណាក់កាលដំបូង ដីវិនិយោគឲ្យក្រុមហ៊ុន នៅមិនទាន់ផ្តល់ផលចំណេញអ្វីដល់អ្នកវិនិយោគទេ។ ប៉ុន្តែ នៅពេលដំណាក់កាលណាមួយ ដីវិនិយោគទាំងនោះនឹងផ្តល់ផលចំណេញឲ្យអ្នកវិនិយោគវិញ ហើយអ្នកវិនិយោគត្រូវបែងចែកផលចំណេញខ្លះ មកឲ្យរដ្ឋតាមរយៈការបង់ពន្ធដារលើដីវិនិយោគនោះឯង៖ «ថវិកាជាតិ នឹងកើនឡើង ពីព្រោះថារយៈពេលមួយគេឲ្យថា tax break។ តែនៅពេលដែលចាប់ពេលវេលាហ្នឹងទៅ សម្បទាននឹងមានកាតព្វកិច្ចបង់ពន្ធភាគរយ ហើយពន្ធនឹងកើនឡើង។ ហេតុអីក៏កើនឡើង ព្រោះផលិតផលរបស់ដីដើម្បីរកចំណេញមកជូនអ្នកវិនិយោគ ក៏មានកើនឡើងទៅតាមពេលវេលាដែរ ក្រោយពេលដែលដីនោះធ្វើផលិតកម្មពេញកម្លាំង»។ តាមស្ថិតិក្រុមហ៊ុនវិនិយោគដីសម្បទាន ដែលបានចុះកិច្ចសន្យាជាមួយក្រសួងកសិកម្ម រុក្ខាប្រមាញ់ និងនេសាទ គិតត្រឹមថ្ងៃទី៨ ខែមិថុនា ឆ្នាំ២០១២ បង្ហាញថា មានក្រុមហ៊ុនចំនួន១១៧ វិនិយោគលើផ្ទៃដីចំនួន ១.១៨១.៥២២ហិកតារ។ លោក ហ៊ុន សែន ក៏បានរំលឹក និងបញ្ជាក់ជាថ្មីទៀត នៅក្នុងកិច្ចប្រជុំគណៈរដ្ឋមន្ត្រីថា ការផ្អាកជាបណ្ដោះអាសន្ននូវការផ្តល់ដីសម្បទានដីសេដ្ឋកិច្ច ត្រូវបន្តក្នុងរយៈពេលវែង ហើយអាចនឹងឈានទៅដល់ពេលដែលគាត់ចូលនិវត្តន៍ពីឆាកនយោបាយ។ លោកថា ក្រុមហ៊ុនដែលទទួលសិទ្ធិគ្រប់គ្រងសម្បទានសេដ្ឋកិច្ច អាចនឹងរកដៃគូក្រុមហ៊ុនវិនិយោគបាន តែមិនអនុញ្ញាតឲ្យមានការផ្ទេរសិទ្ធិគ្រប់គ្រងទេ។ ក្នុងលក្ខខណ្ឌបើក្រុមហ៊ុនណារំលោភនោះ នឹងត្រូវដកហូតសិទ្ធិគ្រប់គ្រង ហើយដីសម្បទានសេដ្ឋកិច្ចដែលបានពីការដកហូតនោះ ទុកធ្វើជាដីសម្បទានសង្គមកិច្ចជូនប្រជាពលរដ្ឋវិញ។ អ្នករាយការណ៍ពិសេសអង្គការសហប្រជាជាតិ ទទួលបន្ទុកសិទ្ធិមនុស្សប្រចាំនៅកម្ពុជា លោក សុរិយា ស៊ូប៊ែឌី ក្នុងឱកាសថ្លែងការណ៍នៅមុខក្រុមប្រឹក្សាអង្គការសហប្រជាជាតិទទួល បន្ទុកសិទ្ធិមនុស្ស កាលពីថ្ងៃពុធ ទី២៦ កញ្ញា បានទទូចឲ្យរដ្ឋាភិបាលធ្វើកំណែទម្រង់ ដើម្បីបង្កើតឱ្យមានតម្លាភាព និងការអនុវត្តច្បាប់ ចំពោះការផ្តល់ និងរៀបចំដីសម្បទានសេដ្ឋកិច្ច និងសម្បទានផ្សេងៗទៀត។ លោក សុរិយា ស៊ូប៊ែឌី បន្តថា ការផ្តល់ដីសម្បទាននៅប្រទេសកម្ពុជា ធ្វើឡើងដោយគ្មានតម្លាភាព និងមិនផ្អែកតាមច្បាប់។ លោកថា ច្បាប់នៅលើក្រដាសផ្សេង ប៉ុន្តែការអនុវត្តផ្ទុយទៅនឹងច្បាប់៕

0 comments:

Subscribe to: Post Comments (Atom)

សូមស្វាគមន៍មកកាន់គេហទំព័រ សម្លេងខ្មែរជាតិនិយម ។ សម្លេងខ្មែរជាតិនិយម និងផ្សព្វផ្សាយ នូវទស្សនៈនយោបាយពិតនៃសង្គម ដើម្បីជាកញ្ចក់សម្រាប់ប្រជាជាតិខ្មែរ យកទៅសិក្សា ស្វែងយល់អំពីបញ្ហាប្រទេសជាតិ ដែលដឹកនាំដោយជនផ្តាច់ការអាយ៉ងយួន ហ៊ុន សែន និងអាណានិគមយួនឈ្លានពាន ហើយរួបរួមគ្នាដើម្បីរំដោះ ជាតិ សាសនា ប្រជាជាតិខ្មែរ ឱ្យមាន សន្តិភាព ឯករាជ្យភាព និងប្រជាធិបតេយ្យពិតប្រាកដនៅក្នុងប្រទេសកម្ពុជា។

Home Khmer News Video World News Khmer Book Khmer Poems Sitemaps Login Website