Print 
PDF
4 1
សេចក្តីរាយការណ៍មួយរបស់កាសែត The Age កាលពីថ្ងៃម្សិលមិញឲ្យដឹងថា ថ្នាក់ដឹកនាំកំពូលរបស់គណបក្សប្រជាជនកម្ពុជាកំពុងកាន់អំណាចបច្ចុប្បន្ន ត្រូវបានគេដាក់ជាគោលដៅក្នុងការស៊ើបអង្កេតនៃសំណុំរឿង០០៣របស់តុលាការខ្មែរក្រហមដែលត្រូវបានប្រឆាំងយ៉ាងខ្លាំងក្លាពីរដ្ឋាភិបាលកម្ពុជានោះ។
កាសែតអូស្រ្តាលីនេះ បានរាយការណ៍ថា សហចៅក្រមស៊ើបអង្កេតបម្រុងអន្តរជាតិ ឡូរ៉ង់ កាស្ពឺ អានសឺម៉េត មុនការលាឈប់បានដាក់ឈ្មោះបុគ្គលចំនួន៤នាក់ គឺលោក ជា ស៊ីម, លោក ហេង សំរិន, លោក ប៉ុល សារឿន និងលោក អ៊ុក ប៊ុនឈឿន ដែលស្ថិតក្នុងជួរថ្នាក់ដឹកនាំគណបក្សប្រជាជនថា ជាអ្នកដឹងព័ត៌មានពីអំពើប្រល័យពូជសាសន៍ដែលធ្វើទៅលើជនជាតិភាគតិចវៀតណាម ដែលរស់នៅតាមបណ្តោយព្រំដែនកម្ពុជា។
កាសែត The Age បានបន្តថា លោក កាស្ពឺ អានសឺមែត បានរកឃើញការវាយប្រហារដោយមានគម្រោងទុកមុនទៅលើភូមិស៊ីវិលជនជាតិវៀតណាមដែលពុំមានអ្វីការពារខ្លួន និងការសន្មតថា ការវាយប្រហារស្រដៀងនេះដទៃទៀតបានកើតឡើងព្រមជាមួយនឹងភស្តុតាងនៃការឈ្លានពានជាច្រើនលើកនៅក្នុងទឹកដីវៀតណាម។ ហើយថា ឯកសារសម្ងាត់របស់តុលាការខ្មែរក្រហមបានអះអាងថា បុគ្គលទាំង៤នាក់នេះ អាចនឹងដឹងព័ត៌មានសំខាន់ៗ ដោយសារតែពួកគេកាន់តំណែងដែលមានអំណាចក្នុងតំបន់ដែលកើតមានការវាយប្រយុទ្ធគ្នាដ៏សាហាវព្រៃផ្សៃ និងខុសច្បាប់នោះ។
ប៉ុន្តែទោះជាយ៉ាងណាក៏ដោយកាលពីឆ្នាំមុន ព្រះរាជអាជ្ញាអន្តរជាតិ ដានឌ្រូ ខាយលី ធ្លាប់បានព្យាយាមបញ្ចេញព័ត៌មានអំពីសំណុំរឿង០០៣នេះទៅដល់សាធារណៈជន ប៉ុន្តែត្រូវបានចៅក្រមភាគីកម្ពុជាបញ្ជាឲ្យបិទមាត់ ដោយលើកឡើងថា សាលាក្តីខ្មែរក្រហមនឹងបញ្ចប់អាណត្តិរបស់ខ្លួនត្រឹមសំណុំរឿង០០២៕
កាសែតអូស្រ្តាលីនេះ បានរាយការណ៍ថា សហចៅក្រមស៊ើបអង្កេតបម្រុងអន្តរជាតិ ឡូរ៉ង់ កាស្ពឺ អានសឺម៉េត មុនការលាឈប់បានដាក់ឈ្មោះបុគ្គលចំនួន៤នាក់ គឺលោក ជា ស៊ីម, លោក ហេង សំរិន, លោក ប៉ុល សារឿន និងលោក អ៊ុក ប៊ុនឈឿន ដែលស្ថិតក្នុងជួរថ្នាក់ដឹកនាំគណបក្សប្រជាជនថា ជាអ្នកដឹងព័ត៌មានពីអំពើប្រល័យពូជសាសន៍ដែលធ្វើទៅលើជនជាតិភាគតិចវៀតណាម ដែលរស់នៅតាមបណ្តោយព្រំដែនកម្ពុជា។
កាសែត The Age បានបន្តថា លោក កាស្ពឺ អានសឺមែត បានរកឃើញការវាយប្រហារដោយមានគម្រោងទុកមុនទៅលើភូមិស៊ីវិលជនជាតិវៀតណាមដែលពុំមានអ្វីការពារខ្លួន និងការសន្មតថា ការវាយប្រហារស្រដៀងនេះដទៃទៀតបានកើតឡើងព្រមជាមួយនឹងភស្តុតាងនៃការឈ្លានពានជាច្រើនលើកនៅក្នុងទឹកដីវៀតណាម។ ហើយថា ឯកសារសម្ងាត់របស់តុលាការខ្មែរក្រហមបានអះអាងថា បុគ្គលទាំង៤នាក់នេះ អាចនឹងដឹងព័ត៌មានសំខាន់ៗ ដោយសារតែពួកគេកាន់តំណែងដែលមានអំណាចក្នុងតំបន់ដែលកើតមានការវាយប្រយុទ្ធគ្នាដ៏សាហាវព្រៃផ្សៃ និងខុសច្បាប់នោះ។
ប៉ុន្តែទោះជាយ៉ាងណាក៏ដោយកាលពីឆ្នាំមុន ព្រះរាជអាជ្ញាអន្តរជាតិ ដានឌ្រូ ខាយលី ធ្លាប់បានព្យាយាមបញ្ចេញព័ត៌មានអំពីសំណុំរឿង០០៣នេះទៅដល់សាធារណៈជន ប៉ុន្តែត្រូវបានចៅក្រមភាគីកម្ពុជាបញ្ជាឲ្យបិទមាត់ ដោយលើកឡើងថា សាលាក្តីខ្មែរក្រហមនឹងបញ្ចប់អាណត្តិរបស់ខ្លួនត្រឹមសំណុំរឿង០០២៕
0 comments:
Post a Comment