សមាជជន​ជាតិ​ភាគ​តិច​ចិន​អ៊ុយហ្គ័រ​ពិភព​លោក​ប្រជុំ​នៅ​ប្រទេស​ជប៉ុន

 

ដាក់​បញ្ចូល​ពេល 14 May 2012, 15:39 AEST

ក្រុម​ជន​ភាគតិច​ចិន​អ៊ុយហ្គ័រ​ពី​ជុំវិញ​ពិភព​លោក​បាន​ប្រមូល​ផ្ដុំ​គ្នា​ នៅ​ក្នុង​ប្រទេស​ជប៉ុន​ ដើម្បី​ជំរុញ​ឲ្យ​មាន​ឯករាជ្យ​ភាព​ពី​ការ​គ្រប់​គ្រង​របស់​ចិន។

ភាព​តាន​តឹង​រវាង​ជាតិ​សាសន៍​ចិន និង​ពួក​អ៊ុយហ្គ័រ​បាន​នាំ​ឲ្យ​មាន​ការ​ប៉ះ​ទង្គិច​គ្នា​ហិង្សា​ម្ដង​ហើយ​ម្ដង​ទៀត​នៅ​ក្នុង​តំបន់ Xianjiang នៃ​ប្រទេស​ចិន ដែល​មាន​ជន​ជាតិ​ភាគ​តិច​អ៊ុយហ្គ័រ​៩​លាន​នាក់​រស់​នៅ។
លោកស្រី Rebiya Kadeer ប្រធាន​សមាជអ៊ុយហ្គ័រ​ពិភព​លោក​នៅ​ក្រៅ​ប្រទេស​ចិន នឹង​បើក​អង្គ​ប្រជុំ​លើក​ទី​៤​របស់​ខ្លួន​នៅ​ក្នុង​ក្រុង​តូក្យូ​ប្រទេស​ជប៉ុន។
មាន​ការ​រំពឹង​ថា លោកស្រី Kadeer ដែល​រស់​នៅ​សហរដ្ឋ​អាម៉េរិក​នឹង​និយាយ​ថា ការ​បង្រ្កាប​ធ្វើ​បាប​របស់​រដ្ឋាភិបាល​ចិន​លើ​ពល​រដ្ឋ​អ៊ុយហ្គ័រ​ កំពុង​តែ​មាន​ភាព​ធ្ងន់ធ្ងរជាង​មុន ហើយមានការយល់ឃើញថា​ លោកស្រីនឹង​សំណូម​ពរ​ឲ្យ​សហគមន៍​អន្ដរ​ជាតិ​ឃ្លាំ​មើល​សកម្មភាព​របស់​ចិន៕