Print 
PDFដោយ សុខ សេរី
2012-01-16
ប្រទេសកម្ពុជា ដែលធ្វើជាប្រធានអាស៊ាន នៅឆ្នាំ២០១២ កំពុងតែត្រៀមខ្លួនដើម្បីទទួលស្វាគមន៍ប្រធានាធិបតីសហរដ្ឋអាមេរិក លោក បារ៉ាក់ អូបាមា (Barack Obama) ដែលគ្រោងមកទស្សនកិច្ចនៅប្រទេសកម្ពុជា នៅខែវិច្ឆិកា ឆ្នាំ២០១២ ខាងមុខ ដើម្បីចូលរួមក្នុងកិច្ចប្រជុំកំពូលអាស៊ាន។
លោកប្រធានាធិបតីសហរដ្ឋអាមេរិក បារ៉ាក់ អូបាម៉ា (Barack Obama)
នៅឆ្នាំ២០១២ នេះដែរ រដ្ឋមន្រ្តីក្រសួងការបរទេសសហរដ្ឋអាមេរិក អ្នកស្រី ហ៊ីលឡារី គ្លិនតុន (Hillary Clinton) នឹងមកទស្សនកិច្ចនៅប្រទេសកម្ពុជា ជាលើកទី២ នៅខែកក្កដា ខាងមុខនេះ។
ដំណើរទស្សនកិច្ចខាងមុខនេះ គឺត្រូវបានបញ្ជាក់ឲ្យដឹងជាផ្លូវការនៅក្នុងជំនួបទ្វេភាគីរវាងឧបការីរងរដ្ឋមន្រ្តីក្រសួងការបរទេសសហរដ្ឋអាមេរិក លោក ចូសិប យន់ ជាមួយរដ្ឋលេខាធិការក្រសួងការបរទេសកម្ពុជា លោក អ៊ុជ បូរិទ្ធិ នៅថ្ងៃទី១៦ ខែមករា ឆ្នាំ២០១២ នៅឯក្រសួងការបរទេសកម្ពុជា។
រដ្ឋលេខាធិការក្រសួងការបរទេសកម្ពុជា លោក អ៊ុជ បូរិទ្ធិ បានមានប្រសាសន៍ប្រាប់អ្នកកាសែតថា កម្ពុជាមានកិត្តិយសធំធេង និងបញ្ជាក់ថា ទំនាក់ទំនងរវាងកម្ពុជា និងសហរដ្ឋអាមេរិក កាន់តែជិតស្និទ្ធថែមទៀត៖ «ការចូលរួមរបស់ប្រធានាធិបតីអូបាម៉ា នៅក្នុងកិច្ចប្រជុំកំពូលអាស៊ាន នៅខែវិច្ឆិកា ខាងមុខនៅលើទឹកដីកម្ពុជា របស់យើង មាតុភូមិកម្ពុជានេះ គឺជាសញ្ញាបញ្ជាក់ឲ្យឃើញថា ទំនាក់ទំនងរវាងសហរដ្ឋអាមេរិក និងកម្ពុជា មានការល្អប្រសើរខ្លាំងណាស់»។
ឧបការីរងរដ្ឋមន្រ្តីក្រសួងការបរទេសសហរដ្ឋអាមេរិក លោក ចូសិប យន់ បានមានប្រសាសន៍ថា យើងបានពិភាក្សាលើបញ្ហាជាច្រើនអំពីតួនាទីអាស៊ាន ធ្វើឡើងនៅកម្ពុជា៖ «ទិសដៅនៃកម្មវិធីរបស់យើង គឺធ្វើយ៉ាងណាដើម្បីកសាងទំនាក់ទំនងនៅឆ្នាំ២០១២នេះ។ នេះជាពេលវេលាដ៏ល្អ»។
នៅមុនការធ្វើទស្សនកិច្ចរបស់រដ្ឋមន្រ្តីក្រសួងការបរទេសសហរដ្ឋអាមេរិក អ្នកស្រី ហ៊ីលឡារី គ្លិនតុន និងប្រធានាធិបតីសហរដ្ឋអាមេរិក លោក បារ៉ាក់ អូបាម៉ា ខាងមុខនេះ រដ្ឋមន្រ្តីក្រសួងការបរទេសកម្ពុជា លោក ហោ ណាំហុង ជាឧបនាយករដ្ឋមន្រ្តី គ្រោងទៅទស្សនកិច្ចនៅសហរដ្ឋអាមេរិក នៅខែមីនា ឆ្នាំ២០១២ ខាងមុខនេះ។
រដ្ឋមន្រ្តីក្រសួងសេដ្ឋកិច្ច និងហិរញ្ញវត្ថុ លោក គាត ឈន់ ជាឧបនាយករដ្ឋមន្រ្តី បានស្នើសុំឲ្យសហរដ្ឋអាមេរិក តាមរយៈលោក ចូសិប យន់ ឲ្យលុបចោលបំណុលដែលកម្ពុជា បានជំពាក់សហរដ្ឋអាមេរិកចំនួនជិត ៤០០លានដុល្លារអាមេរិក នៅចន្លោះឆ្នាំ១៩៧០ ដល់ឆ្នាំ១៩៧៥ គ្រប់គ្រងដោយសេនាប្រមុខ លន់ នល់។
លោកនាយករដ្ឋមន្រ្តី ហ៊ុន សែន កាលពីឆ្នាំ២០១០ កន្លងទៅនេះ ធ្លាប់បានប្រកាសសុំឲ្យលោក បារ៉ាក់ អូបាម៉ា លុបចោលបំណុលនេះ ដោយលោកចាត់ទុកថា ជាបំណុលកខ្វក់ ហើយសុំឲ្យបង្វែរបំណុលនេះ មកធ្វើការអភិវឌ្ឍន៍លើវិស័យកសិកម្មវិញ។ ប៉ុន្តែសហរដ្ឋអាមេរិក កំពុងតែពិចារណានៅឡើយ៕
ដំណើរទស្សនកិច្ចខាងមុខនេះ គឺត្រូវបានបញ្ជាក់ឲ្យដឹងជាផ្លូវការនៅក្នុងជំនួបទ្វេភាគីរវាងឧបការីរងរដ្ឋមន្រ្តីក្រសួងការបរទេសសហរដ្ឋអាមេរិក លោក ចូសិប យន់ ជាមួយរដ្ឋលេខាធិការក្រសួងការបរទេសកម្ពុជា លោក អ៊ុជ បូរិទ្ធិ នៅថ្ងៃទី១៦ ខែមករា ឆ្នាំ២០១២ នៅឯក្រសួងការបរទេសកម្ពុជា។
រដ្ឋលេខាធិការក្រសួងការបរទេសកម្ពុជា លោក អ៊ុជ បូរិទ្ធិ បានមានប្រសាសន៍ប្រាប់អ្នកកាសែតថា កម្ពុជាមានកិត្តិយសធំធេង និងបញ្ជាក់ថា ទំនាក់ទំនងរវាងកម្ពុជា និងសហរដ្ឋអាមេរិក កាន់តែជិតស្និទ្ធថែមទៀត៖ «ការចូលរួមរបស់ប្រធានាធិបតីអូបាម៉ា នៅក្នុងកិច្ចប្រជុំកំពូលអាស៊ាន នៅខែវិច្ឆិកា ខាងមុខនៅលើទឹកដីកម្ពុជា របស់យើង មាតុភូមិកម្ពុជានេះ គឺជាសញ្ញាបញ្ជាក់ឲ្យឃើញថា ទំនាក់ទំនងរវាងសហរដ្ឋអាមេរិក និងកម្ពុជា មានការល្អប្រសើរខ្លាំងណាស់»។
ឧបការីរងរដ្ឋមន្រ្តីក្រសួងការបរទេសសហរដ្ឋអាមេរិក លោក ចូសិប យន់ បានមានប្រសាសន៍ថា យើងបានពិភាក្សាលើបញ្ហាជាច្រើនអំពីតួនាទីអាស៊ាន ធ្វើឡើងនៅកម្ពុជា៖ «ទិសដៅនៃកម្មវិធីរបស់យើង គឺធ្វើយ៉ាងណាដើម្បីកសាងទំនាក់ទំនងនៅឆ្នាំ២០១២នេះ។ នេះជាពេលវេលាដ៏ល្អ»។
នៅមុនការធ្វើទស្សនកិច្ចរបស់រដ្ឋមន្រ្តីក្រសួងការបរទេសសហរដ្ឋអាមេរិក អ្នកស្រី ហ៊ីលឡារី គ្លិនតុន និងប្រធានាធិបតីសហរដ្ឋអាមេរិក លោក បារ៉ាក់ អូបាម៉ា ខាងមុខនេះ រដ្ឋមន្រ្តីក្រសួងការបរទេសកម្ពុជា លោក ហោ ណាំហុង ជាឧបនាយករដ្ឋមន្រ្តី គ្រោងទៅទស្សនកិច្ចនៅសហរដ្ឋអាមេរិក នៅខែមីនា ឆ្នាំ២០១២ ខាងមុខនេះ។
រដ្ឋមន្រ្តីក្រសួងសេដ្ឋកិច្ច និងហិរញ្ញវត្ថុ លោក គាត ឈន់ ជាឧបនាយករដ្ឋមន្រ្តី បានស្នើសុំឲ្យសហរដ្ឋអាមេរិក តាមរយៈលោក ចូសិប យន់ ឲ្យលុបចោលបំណុលដែលកម្ពុជា បានជំពាក់សហរដ្ឋអាមេរិកចំនួនជិត ៤០០លានដុល្លារអាមេរិក នៅចន្លោះឆ្នាំ១៩៧០ ដល់ឆ្នាំ១៩៧៥ គ្រប់គ្រងដោយសេនាប្រមុខ លន់ នល់។
លោកនាយករដ្ឋមន្រ្តី ហ៊ុន សែន កាលពីឆ្នាំ២០១០ កន្លងទៅនេះ ធ្លាប់បានប្រកាសសុំឲ្យលោក បារ៉ាក់ អូបាម៉ា លុបចោលបំណុលនេះ ដោយលោកចាត់ទុកថា ជាបំណុលកខ្វក់ ហើយសុំឲ្យបង្វែរបំណុលនេះ មកធ្វើការអភិវឌ្ឍន៍លើវិស័យកសិកម្មវិញ។ ប៉ុន្តែសហរដ្ឋអាមេរិក កំពុងតែពិចារណានៅឡើយ៕
0 comments:
Post a Comment