Print 
PDF អង្គារ 03 មករា 2012 12:08 PM | មាស មុន្នី | 
175 Views
ប៉ូលិសបានបាញ់កាំភ្លើង និង ប្រើប្រាស់គ្រាប់បែកពុលជាច្រើនគ្រាប់ អំឡុងការបង្រ្កាប់ទៅលើប្រជាពលរដ្ឋសហគមន៍បុរីកីឡា ដែលខឹងសម្បារចំពោះការប្រើឧបាយ របស់ក្រុមហ៊ុន ផានអ៊ីមេច ក្នុងការប៉ុនប៉ងបណ្ដេញពួកគាត់ ចេញពីផ្ទះសម្បែង នៅព្រឹកថ្ងៃទី៣មករា ឆ្នាំ ២០១២នេះ ។ 175 Views 
ពលរដ្ឋ សហគមន៏ បឹង កក់ អំឡុង ការ ប៉ះទង្គិច គ្នា ជា មួយ ប៉ូលិស ព្រឹក មិញ(រូបៈFPM)
ប្រជាពលរដ្ឋបានធ្វើរនាំងថ្ម រារាំងមិនឲ្យ អេស្កាវាទ័រ និង សមត្ថកិច្ចចូលទៅក្នុងសហគមន៍របស់ពួកគាត់ និងដុតកង់ឡាន ហើយបានយកដុំថ្មគប់ទៅលើប៉ូលិស នៅពេលដែលកម្លាំងប៉ូលិសជាច្រើននាក់បានសម្រុកចូល អមដោយការបាញ់កាំភ្លើង គ្រាប់បែកពុល និងការបាញ់ទឹកដែលមានលាយជាតិគីមី ។ ប៉ូលិសជាច្រើននាក់ផ្សេងទៀត ត្រូវបានគេបញ្ជូន តាមច្រកតូចៗ របស់អគារ ដើម្បីឡោមព័ទ្ធក្រុមអ្នកភូមិ ។ ប៉ុន្តែយ៉ាងណាក៏ដោយ ការប៉ះទង្គិចគ្នាដ៏ស្រួចស្រាវនេះ គ្រាន់តែបង្កឲ្យមានរបួសទៅលើអ្នកភូមិម្នាក់ប៉ុណ្ណោះ មិនបណ្ដាលឲ្យមានអ្នកស្លាប់ឡើយ ។
នេះ ជាការប៉ះទង្គិចគ្នាថ្មីមួយទៀត រវាងប្រជាពលរដ្ឋក្នុងសហគមន៍បុរីកីឡា ប្រមា ណ៣រយគ្រួសារដែលទាមទារឲ្យមានការអភិវឌ្ឍន៍លំនៅដ្ឋាននៅនឹងកន្លែង ជាមួយក្រុមអាជ្ញាធរក្រុងភ្នំពេញ។ប្រជាពលរដ្ឋបាននិយាយថា ក្រុមហ៊ុន មានផែនការបញ្ជូនពួកគាត់ឲ្យទៅនៅតំបន់ជាយក្រុងដោយផ្ដល់ដីឲ្យ ទទឹង៣ម៉េត្របណ្ដោយ៥ម៉ែត្រ ជាមួយលុយ ៤០ម៉ឺនរៀល , តែពួកគាត់បដិសេធ ៕
0 comments:
Post a Comment