Print 
PDF៧/១២/២០១១ ដោយ វរជ័យ
ប្រធានាធិបតីចិនលោកហ៊ូ ជីនតាវ កាលពីថ្ងៃអង្គារបានទទូចដល់កងនាវាចរឲ្យត្រៀប រៀបចំសំរាប់ការប្រយុទ្ធរបស់យោធានៅចំពេលសភាពតានតឹងក្នុងតំបន់កំពុងកើនឡើង ដោយសាររឿងវិវាទសមុទ្រនិងយុទ្ធនាការរបស់សហរដ្ឋអាមេរិកលោកអះអាងខ្លួនឯងថា ជា មហាអំណាចមួយនៅបាស៊ីហ្វិកនោះ។
លោកនិយាយថា កងនាវាចរត្រូវបានបង្កើនល្បឿនផ្លាស់ប្ដូរនិងធ្វើទំនើបភាវូបនីយកម្មរបស់ខ្លួននៅក្នុងរបៀបរឹងមាំមួយនិងធ្វើការរៀបចំបន្ថែមសំរាប់ការប្រយុទ្ធរបស់យោធាក្នុងគោល បំណងដើម្បីចូលរួមចំណែកឲ្យកាន់តែធំទូលាយនៅក្នុងការការពារសន្តិសុខជាតិ។
ថ្លែងទៅកាន់គណៈកម្មការយោធាមជ្ឈិមដ៏មានឥទ្ធិពលលោកហ៊ូនិយាយថា ការងារ របស់យើងត្រូវតែផ្ដោតសំខាន់ទៅលើការការពារជាតិនិងការកសាងយោធា។
ការអធិប្បាយរបស់លោកដែលត្រូវបានលើកឡើងនៅក្នុងថ្លែងការណ៍មួយតាមគេហទំព័ររបស់រដ្ឋាភិបាលធ្វើឡើងនៅពេលសហរដ្ឋអាមេរិកនិងបណ្ដាប្រទេសជិតខាងរបស់ក្រុង ប៉េកាំងបានសំដែងការព្រួយបារម្ភទៅលើមហិច្ឆតាកងនាវាចររបស់ខ្លួនជាពិសេសនៅក្នុង សមុទ្រចិនខាងត្បូង។
ប្រទេសអាស៊ីជាច្រើនបានប្រកាសទាមទារលើចំណែកខ្លះនៅក្នុងសមុទ្រចិនខាងត្បូង ដែលគេជឿថាហ៊ុមព័ទ្ធទៅដោយអាងប្រេងនិងឧស្ម័នដ៏ច្រើនដោយឡែកប្រទេសចិនបានអះ អាងថា ជារបស់ខ្លួនទាំងអស់។ ពាណិជ្ជកម្មតាមសមុទ្រសកលមួយភាគបីឆ្លងកាត់តំបន់នេះ។
ប្រទេសវៀតណាមនិងប្រទេសហ្វីលីពីនបានចោទប្រកាន់កងកំលាំងចិនថា កំពុង បង្កើនការឈ្លានពាននៅទីនោះ។ នៅក្នុងការបកស្រាយមួយពីការអធិប្បាយរបស់លោកហ៊ូ ជីនតាវ ទីភ្នាក់ងារសារព័ត៌មានស៊ីនហួរបានដកស្រង់សំដីលោកប្រធានាតិបតីនិយាយថា កង នាវាចររបស់ប្រទេសចិនត្រូវបានធ្វើការរៀបចំបន្ថែមទៀតសំរាប់ធ្វើសង្គ្រាម។
ប៉ុន្តែមន្ទីរប៉ង់តាហ្គោនបានចាត់ទុកសេចក្តីថ្លែងការណ៍របស់លោកថា មិនសំខាន់ ដោយនិយាយថា ក្រុងប៉េកាំងមានសិទ្ធិអភិវឌ្ឍន៍យោធារបស់ខ្លួនទោះបីជាគេត្រូវធ្វើឲ្យវាមាន តម្លាភាពក៏ដោយ។
អ្នកនាំពាក្យមន្ទីរប៉ង់តាហ្គោនលោកចច លីតថុល និយាយថា គេមានសិទ្ធិអភិវឌ្ឍន៍ សមត្ថភាពយោធានិងរៀបចំគំរោងដូចយើងធ្វើដែរ។ ប៉ុន្តែលោកបានបន្ថែមទៀតថា យើងបាន អំពាវនាវផ្ទួនៗឲ្យមានតម្លាភាពពីភាគីចិន ហើយគឺជាភាពទំនាក់ទំនងដែលកំពុងបន្តបង្កើតជា មួយយោធាចិន។
អ្នកនាំពាក្យក្រសួងការបរទេសលោកម៉ាក ថូនើនិយាយថា យើងចង់មើលឃើញចំណងទាក់ទងយោធានិងយោធាកាន់តែខ្លាំងជាមួយប្រទេស ហើយយើងចង់មើលឃើញតម្លា ភាពកាន់តែច្បស់។ តម្លាភាពនោះអាចជួយឆ្លើយសំណួរទាំងនោះដែលយើងប្រហែលជាអាច មានអំពីបំណងប្រទេសចិន៕
0 comments:
Post a Comment