Print 
PDF សៅរ៍ 19 វិច្ឆិការ 2011 10:40 AM | 
195 Views
គណបក្សប្រឆាំងធំទី១ក្នុងប្រទេសកម្ពុជា គឺគណបក្សសមរង្ស៊ីកាលពីថ្ងៃព្រហស្បតិ៍បានធ្វើការថ្កោលទោស និងចោទប្រកាន់ក្រុមហ៊ុនវិនិយោគរបស់យួនមួយនៅក្នុងខេត្តក្រចេះ ថាបានសម្លាប់សកម្មជនខ្លួនដោយប្រើគ្រឿងចក្ររុញផ្តួលដើមឈើសង្កត់ ឲ្យស្លាប់។ 195 Views ក្នុងសេចក្តីថ្លែងការណ៍ចុះថ្ងៃទី១៧ ខែវិច្ឆិកា របស់អគ្គលេខាធិការដ្ឋានគណបក្សសមរង្ស៊ីបានលើកឡើងថា កាលពីព្រឹកថ្ងៃទី១៥ ខែវិច្ឆិកា ឆ្នាំ២០១១ ក្រុមហ៊ុនដាយណាមរបស់ប្រទេសយួន បានបញ្ជាគ្រឿងចក្រចំនួន០៤គ្រឿងមកឈូសឆាយរំលោភយកដីប្រជាពលរដ្ឋ ចំនួន៧៧គ្រួសារ ហើយបានឆ្លៀតឱកាសរុញផ្តួលដើមឈើឲ្យសង្កត់មកលើលោក ឃឹម កាង អាយុ៥៤ឆ្នាំ ជាសកម្មជនរបស់គណបក្សសមរង្ស៊ីនៅភូមិពាមគោ ឃុំឃ្សឹម ស្រុកស្នួល ខេត្តក្រចេះ ខណៈពេលដែលលោកកំពុងនៅក្នុងផ្ទះបណ្តាលឲ្យស្លាប់ភ្លាមៗ។
សេចក្តីថ្លែងការណ៍បានបញ្ជាក់ថា លោក ឃឹម កាន គឺជាសកម្មជនដែលតែងចេញមុខធ្វើការតវ៉ា និងការពារដីធ្លីរបស់ប្រជាពលរដ្ឋចំនួន៧៧គ្រួសារ នៅភូមិពាមគោ ឃុំឃ្សឹម ស្រុកស្នួល ខេត្តក្រចេះ ដែលត្រូវក្រុមហ៊ុនដាយណាមរបស់ប្រទេសយួនរំលោភយកយ៉ាងអយុត្តិធម៌ នោះ។
ចំពោះហេតុការណ៍ខាងលើនេះ គណបក្សសមរង្ស៊ីបានធ្វើការថ្កោលទោសយ៉ាងខ្លាំងក្លាចំពោះក្រុមហ៊ុន ដាយណាម ដែលប្រើមធ្យោបាយដ៏សាហាវព្រៃផ្សៃ ដើម្បីសម្លាប់សកម្មជនខ្លួន ដែលហ៊ានចេញមុខតវ៉ា និងការពារដីធ្លីរបស់ប្រជាពលរដ្ឋរងគ្រោះ និងអំពាវនាវឲ្យអាជ្ញាធរចាត់វិធានការចាប់ខ្លួនឃាតករយកមកផ្តន្ទា ទោសតាមច្បាប់ជាធរមាន៕
0 comments:
Post a Comment