ដោយ វោហារ ជាតិ 2011-10-09
អាជីវករផ្សារទំនប់ទួលគោកបាននាំគ្នាតវ៉ានៅមុខផ្ទះលោកនាយករដ្ឋមន្ត្រី ហ៊ុន សែន នៅក្រុងតាខ្មៅ មួយសប្ដាហ៍មកហើយ ដើម្បីសុំជួយអន្តរាគមន៍បញ្ចុះតម្លៃតូប។មកទល់នឹងថ្ងៃទី៩តុលានេះ អ្នកលក់ដូរនៅផ្សារទំនប់ទួលគោក នៅតែនាំគ្នាតវ៉ានៅមុខផ្ទះនាយករដ្ឋមន្ត្រី ហ៊ុន សែន ដដែល បើទុកណាការតវ៉ារបស់ពួកគាត់បានធ្វើឡើងអស់ពេលជាច្រើនថ្ងៃមកហើយនោះ មិនទាន់មានលទ្ធផលយ៉ាងណាក្ដី។ ពួកគាត់បានអះអាងថា ក្រុមអាជីវករដែលមានតូបលក់ដូរចំនួន ៣១៥តូប នឹងនៅតវ៉ាបន្តទៅទៀតរហូតមានដំណោះស្រាយមួយសមរម្យ។
ក្រុមអ្នកតវ៉ាថ្លែងថា ថៅកែថ្មីដែលទើបដេញថ្លៃយកផ្សារនេះបាន យកធ្វើអាជីវកម្មជួលតូបបន្តទៅអាជីវករ បានដំឡើងថ្លៃតូបចាប់ពី តម្លៃប្រហែល១ពាន់ដុល្លារដល់ប្រហែល២.៨០០ដុល្លារតាមសណ្ឋានតូប តែត្រូវដាក់លុយតម្កល់ចំនួន៥០០ដុល្លារ បន្ថែមលើនេះ ថៅកែថ្មីតម្រូវឲ្យបង់ប្រាក់ប្រចាំខែ៣៥ដុល្លារថែមទៀត។
សែ គួងដាលិន អ្នកលក់ស្បែកជើងម្នាក់បានត្អូញត្អែរថាបើថៅកែថ្មីមិនចុះថ្លៃទេ អាជីវករពិតជាមិនអាចលក់ដូរបន្តទៀតទេ ៖«លក់អត់បានទេថ្លៃពេក អត់ទប់ទល់ថ្លៃតូបបានទេតម្លៃប៉ុណ្ណឹង ព្រោះអីផ្សារនេះលក់អត់សូវដាច់ទេផ្សាររោងចក្រនឹង មិនដូចផ្សារអូរឡាំពិចណា។
ចំណែកអ្នកស្រី ឃុន សុខុម អាជីវករដូរលុយ និងអ្នកលក់ដូរផ្សេងទៀត បានចោទថា ថៅកែថ្មី ក្រៅពីបានដំឡើងថ្លៃតូបថ្លៃខ្ពស់ឆ្ងាយពីថៅកែចាស់ ក៏មានឫក្សពារ មិនសមរម្យដាក់អាជីវករដែរ ៖ «ថាលើសលុបពេកបានជាអាជីវករគ្នាសុំ។ និយាយឲ្យចំទៅអាជីវករមិនថាដាច់ខាតណាស់ណាទេ។ ប៉ុន្តែ គាត់ប្រើកំហឹងលើអាជីវករខ្លាំងក្លាពេក មិនទាន់ចូលអត្តផងគាត់ច្របូកច្របល់អ៊ីចឹងធ្វើឲ្យអាជីវករមានកំហឹង»។
អាជីវករ ប៉ាវ ត្រួក លក់គ្រឿងក្រអូប ៖ «គាត់ប្រើពាក្យសម្ដីមិនសមរម្យលើអាជីវករ ដូចជាថា អ្នកឯងអត់លុយអ៊ីចឹង ឲ្យអាជីវករទៅធ្វើស្រែ។ អាជីវករណាមានស្រែធ្វើបើនៅភ្នំពេញ។និយាយរួមទៅអាជីវករឈឺចិត្តដែលគាត់ប្រើពាក្យមិនគប្បី»។
ក្រុមអ្នកតវ៉ា បានចោទថៅកែថ្មី បានព្យាយាមព័ទ្ធរបងបិទទ្វារផ្សារមិនឲ្យអាជីវករលក់ដូរបានចាប់តាំងថ្ងៃទី២ តុលាឆ្នាំ២០១១ដែលជាថ្ងៃកំណត់ចាប់ផ្ដើមកិច្ចសន្យាជួលតូបអាណត្តថ្មី ជាមួយថៅកែថ្មី។
ក្រុមអ្នកលក់អះអាងថា កាលពីថៅកែចាស់ថ្លៃជួលតូបមានតម្លៃថោក ហើយមិនមានបង់ថ្លៃផ្សេងៗច្រើនដូច្នេះទេ ពោលគឺអាជីវករ តម្រូវឲ្យបង់ថ្លៃតូបក្នុងមួយឆ្នាំ១០០ ដុល្លារ នឹងបង់ប្រាក់២.០០០រៀលក្នុងមួយថ្ងៃសម្រាប់ថ្លៃសេវា និង២០០ រៀលថ្លៃភាស៊ីនិង២០០រៀលទៀតថ្លៃអនាម័យ។
លោក កុយ សុទ្ធិ ថៅកែផ្សារដែលទើបផុតអាណត្តបញ្ជាក់ថា ការអះអាងនេះជាការពិត ហើយលោកមិនបានដឹងថា ហេតុអ្វីបានជាថៅកែថ្មីដំឡើងថ្លៃតូបរហូតដល់ជាង២.០០០ ដុល្លារ រយៈពេលបីឆ្នាំដូច្នេះទេ។
លោក អ៊ូ សេដ្ឋានូ ដែលអាជីវករអះអាងថាជាថៅកែថ្មីនោះ បានផ្ដាច់ទូរស័ព្ទនៅពេលដែលវិទ្យុអាស៊ីសេរីទាក់ទងដើម្បីសុំការឆ្លើយតបទៅនឹងការចោទប្រកាន់របស់ក្រុមអាជីវករនេះ៕
ក្រុមអ្នកតវ៉ាថ្លែងថា ថៅកែថ្មីដែលទើបដេញថ្លៃយកផ្សារនេះបាន យកធ្វើអាជីវកម្មជួលតូបបន្តទៅអាជីវករ បានដំឡើងថ្លៃតូបចាប់ពី តម្លៃប្រហែល១ពាន់ដុល្លារដល់ប្រហែល២.៨០០ដុល្លារតាមសណ្ឋានតូប តែត្រូវដាក់លុយតម្កល់ចំនួន៥០០ដុល្លារ បន្ថែមលើនេះ ថៅកែថ្មីតម្រូវឲ្យបង់ប្រាក់ប្រចាំខែ៣៥ដុល្លារថែមទៀត។
សែ គួងដាលិន អ្នកលក់ស្បែកជើងម្នាក់បានត្អូញត្អែរថាបើថៅកែថ្មីមិនចុះថ្លៃទេ អាជីវករពិតជាមិនអាចលក់ដូរបន្តទៀតទេ ៖«លក់អត់បានទេថ្លៃពេក អត់ទប់ទល់ថ្លៃតូបបានទេតម្លៃប៉ុណ្ណឹង ព្រោះអីផ្សារនេះលក់អត់សូវដាច់ទេផ្សាររោងចក្រនឹង មិនដូចផ្សារអូរឡាំពិចណា។
ចំណែកអ្នកស្រី ឃុន សុខុម អាជីវករដូរលុយ និងអ្នកលក់ដូរផ្សេងទៀត បានចោទថា ថៅកែថ្មី ក្រៅពីបានដំឡើងថ្លៃតូបថ្លៃខ្ពស់ឆ្ងាយពីថៅកែចាស់ ក៏មានឫក្សពារ មិនសមរម្យដាក់អាជីវករដែរ ៖ «ថាលើសលុបពេកបានជាអាជីវករគ្នាសុំ។ និយាយឲ្យចំទៅអាជីវករមិនថាដាច់ខាតណាស់ណាទេ។ ប៉ុន្តែ គាត់ប្រើកំហឹងលើអាជីវករខ្លាំងក្លាពេក មិនទាន់ចូលអត្តផងគាត់ច្របូកច្របល់អ៊ីចឹងធ្វើឲ្យអាជីវករមានកំហឹង»។
អាជីវករ ប៉ាវ ត្រួក លក់គ្រឿងក្រអូប ៖ «គាត់ប្រើពាក្យសម្ដីមិនសមរម្យលើអាជីវករ ដូចជាថា អ្នកឯងអត់លុយអ៊ីចឹង ឲ្យអាជីវករទៅធ្វើស្រែ។ អាជីវករណាមានស្រែធ្វើបើនៅភ្នំពេញ។និយាយរួមទៅអាជីវករឈឺចិត្តដែលគាត់ប្រើពាក្យមិនគប្បី»។
ក្រុមអ្នកតវ៉ា បានចោទថៅកែថ្មី បានព្យាយាមព័ទ្ធរបងបិទទ្វារផ្សារមិនឲ្យអាជីវករលក់ដូរបានចាប់តាំងថ្ងៃទី២ តុលាឆ្នាំ២០១១ដែលជាថ្ងៃកំណត់ចាប់ផ្ដើមកិច្ចសន្យាជួលតូបអាណត្តថ្មី ជាមួយថៅកែថ្មី។
ក្រុមអ្នកលក់អះអាងថា កាលពីថៅកែចាស់ថ្លៃជួលតូបមានតម្លៃថោក ហើយមិនមានបង់ថ្លៃផ្សេងៗច្រើនដូច្នេះទេ ពោលគឺអាជីវករ តម្រូវឲ្យបង់ថ្លៃតូបក្នុងមួយឆ្នាំ១០០ ដុល្លារ នឹងបង់ប្រាក់២.០០០រៀលក្នុងមួយថ្ងៃសម្រាប់ថ្លៃសេវា និង២០០ រៀលថ្លៃភាស៊ីនិង២០០រៀលទៀតថ្លៃអនាម័យ។
លោក កុយ សុទ្ធិ ថៅកែផ្សារដែលទើបផុតអាណត្តបញ្ជាក់ថា ការអះអាងនេះជាការពិត ហើយលោកមិនបានដឹងថា ហេតុអ្វីបានជាថៅកែថ្មីដំឡើងថ្លៃតូបរហូតដល់ជាង២.០០០ ដុល្លារ រយៈពេលបីឆ្នាំដូច្នេះទេ។
លោក អ៊ូ សេដ្ឋានូ ដែលអាជីវករអះអាងថាជាថៅកែថ្មីនោះ បានផ្ដាច់ទូរស័ព្ទនៅពេលដែលវិទ្យុអាស៊ីសេរីទាក់ទងដើម្បីសុំការឆ្លើយតបទៅនឹងការចោទប្រកាន់របស់ក្រុមអាជីវករនេះ៕
0 comments:
Post a Comment