កម្ពុជា៖ពួកគេក្បត់យើងគ្រប់ជំហាន

ច័ន្ទ 31 តុលា 2011 2:59 PM | ឬទ្ធិពល |

50 Views

ខាងលើនេះគឺជាចំណងជើងនៃ របាយការណ៍មួយរបស់អង្គការឃ្លាំមើលសិទ្ធិមនុស្សអន្តរជាតិHuman rights watch ស្ដីពីស្រ្ដីនិងកុមារកម្ពុជា ដែលត្រូវបានបំពានសិទ្ធនៅប្រទេសម៉ាឡេស៊ី តាមរយៈភ្នាក់ងារបញ្ជូនពលករក្នុងស្រុក ។ របាយការណ៏នេះ Human rights watch គ្រោងធ្វើការផ្សព្វផ្សាយជាសាធារណៈនៅសណ្ឋាគារកាំបូឌីយ៉ាណា នាព្រឹកថ្ងៃទី១វិច្ឆិកាស្អែកនេះហើយ ។

ស្រ្តីវ័យក្មេងកម្ពុជាកំពុងហាត់ការត្រៀមខ្លួនទៅធ្វើជាអ្នកជំនួយ ការមេផ្ទះនៅម៉ាឡេស៊ី

ដោយត្រូវបានភ្ជាប់ជាមួយលិខិតអញ្ជើញ ឲ្យចូលរួមក្នុងសន្និសីទសារព័ត៌មាន ដែលត្រូវបានគេចែកដល់ក្រុមអ្នករាយការណ៏ព័ត៌មាននាព្រឹកមិញ អង្គការនេះ បានពិពណ៌នាថា ចាប់តាំងពីឆ្នាំ២០០៩ គឺនៅក្រោយពេលដែលប្រទេសឥណ្ឌូនេស៊ី បានបញ្ឈប់ការនាំពលកររបស់ខ្លួន ទៅបម្រើការងាតាមផ្ទះ ក្នុងប្រទេសម៉ាឡេស៊ី ពេលនោះភ្នាក់ងារនាំពលករ នៅក្រៅប្រទេស បានងាកមកជួលស្ត្រីកម្ពុជាវិញ។ ពេលនោះហើយ ដែលការធ្វើចំណាកស្រុករបស់ស្ត្រី និងកុមារកម្ពុជា បានកើនឡើងគួរឲ្យកត់សម្គាល់។ ហើយស្ត្រីនិងកុមារកម្ពុជាជាច្រើន បានទទួលរងការរំលោភបំពានយ៉ាងធ្ងន់ធ្ងរ ពីសំណាក់ភ្នាក់ងារនាំពលករក្នុងស្រុក។ បន្ទាប់មក ពួកគេក៏បានទទួលរងការបំពាននៅឯកន្លែងធ្វើការ នៅក្នុងប្រទេសម៉ាឡេស៊ីទៀត។
ការផ្សព្វផ្សាយរបាយការណ៍ ” កម្ពុជា៖គេក្បត់យើងគ្រប់ជំហាន” គឺស្របគ្នាដែលកម្ពុជាបានដាក់ចេញនូវបម្រាមយ៉ាងទន់ជ្រាយមួយ កាលពីពាក់កណ្ដាលខែតុលានេះ ក្នុងការផ្អាកជាបណ្ដោះអាសន្ន ចំពោះការបញ្ជូនពលករទៅធ្វើជាអ្នកជំនួយការមេផ្ទះនៅប្រទេស ម៉ាឡេស៊ី បន្ទាប់ពីមានការបុករុកខ្លាំង ពីអង្គការសង្គមស៊ីវិលនិងបក្សប្រឆាំង ។ប៉ុន្តែយ៉ាងណាក៏ដោយការបញ្ជូនចេញជាមួយការ ការពារ យ៉ាងចេញពីក្រសួងការងារនៅតែត្រូវបានគេរកឃើញ៕

Social Icons

Pages

Monday, October 31, 2011Print PDF