Print 
PDF
មន្ត្រីរដ្ឋាភិបាល និងអ្នកមានទ្រព្យធននៅក្នុងសង្គមខ្មែរមួយចំនួន កំពុងប្រើប្រាស់អំណាចដែលបានពីថ្នាក់ដឹកនាំជាន់ខ្ពស់ ដើម្បីបង្ហាញពីមុខមាត់ឲ្យគេកោតខ្លាច និងការពារមុខរបរអាជីវកម្មរបស់ខ្លួន។
ក្រុមបុគ្គលិក និងកម្មករ នាំគ្នាធ្វើកូដកម្មដោយកាន់រូបថតលោកនាយករដ្ឋមន្ត្រី ហ៊ុន សែន ស្រែកដាក់មីក្រូទាមទារនៅមុខសណ្ឋាគារអង្គរ វីលេក បូតានិកខល រីសត (Angkor Village Botanical resort) ដើម្បីឱ្យថៅកែទទួលយកពួកគេចូលធ្វើការវិញ កាលពីថ្ងៃទី៧ តុលា ឆ្នាំ២០១១។
ការស្វែងរកប្រភពអំណាចមកដាក់ខ្លួនឲ្យកាន់តែសម្បើមបែបនេះ គេបានព្យាយាមគ្រប់មធ្យោបាយទាំងអស់ រាប់ទាំងការបម្រើគាំទ្រនយោបាយបក្ស និងការមានទំនាក់ទំនងជិតស្និទ្ធជាមួយមេដឹកនាំតាមស្ថាប័នជាតិនានា តាមរយៈការចាយលុយកាក់ដ៏សម្បូរបែបរបស់ពួកគេ។ មានអ្នកខ្លះបានបង្ហាញភាពជិតស្និទ្ធជាមួយអ្នកមានអំណាច តាមរយៈការថតរូបជាមួយថ្នាក់ដឹកនាំកំពូលៗរបស់រដ្ឋាភិបាល មានដូចជានាយករដ្ឋមន្ត្រី ប្រធានព្រឹទ្ធសភា ប្រធានរដ្ឋសភាជាដើម យកមកដាក់តាំងនៅក្រុមហ៊ុន ឬទីតាំងប្រកបរបរអាជីវកម្ម ក៏ជាមធ្យោបាយមួយដើម្បីបង្ហាញឲ្យអ្នកផងដឹងថា ម្ចាស់ គ្រឹះស្ថានមួយនេះមានខ្នងបង្អែករឹងមាំ មានស្គាល់ជិតដិតជាមួយអ្នកធំ និងមានអំណាចគ្រប់គ្រាន់។
សកម្មភាពទាំងនេះចង់មិនចង់ក៏ធ្វើឲ្យមន្ត្រីអនុវត្តច្បាប់តូចតាចនៅថ្នាក់មូលដ្ឋានមានការខ្លាចរអាខ្លះដែរ ឬគេច្រើនតែនិយាយថា ផ្ទះនោះ ឬក្រុមហ៊ុននោះមានខ្សែកថាក្រាស និងមានអ្នកស្គាល់ បក្ខពួក មិត្តភ័ក្ដិ ជាអ្នកធំមិនអាចប៉ះពាល់បាន។ ដូចសុភាសិតមួយបានពោលថា «បើចង់វាយឆ្កែត្រូវឲ្យមើលម្ចាស់»។
ពលរដ្ឋម្នាក់ជាអ្នករត់រ៉ឺម៉កកង់បីដែលកំពុងចតរ៉ឺម៉ករង់ចាំភ្ញៀវនៅជិតរង្វង់មូលគល់ស្ពានជ្រោយចង្វារ មានប្រសាសន៍ពីការកត់សម្គាល់អំពីរឿងនេះថា មន្ត្រីរដ្ឋាភិបាល និងអ្នកមានលុយកាក់មួយចំនួនកំពុងសប្បាយនឹងប្រើអំណាចរបស់ខ្លួនដែលបានពីការរាប់អានជិតស្និទ្ធជាមួយប្រមុខរដ្ឋាភិបាល យកមកគាបសង្កត់អ្នកក្រីក្រ និងយកប្រៀបលើដៃគូអាជីវកម្មរបស់ខ្លួន ដោយមិនបានយកតួនាទីដែលមានទៅធ្វើការបម្រើប្រទេសជាតិឡើយ។
បុរសរូបនេះយល់ឃើញថា ទង្វើបែបនេះបានធ្វើឲ្យប៉ះពាល់ដល់ការអនុវត្តច្បាប់ និងបង្កើតនូវបរិយាកាសអាប់អួ កើតមានភាពអនាធិបតេយ្យក្នុងសង្គម។
អ្នកស្រី រស់ ទិត្យម៉ាឡៃ ជាសាស្ត្រាចារ្យនៅក្នុងវិទ្យាល័យមួយនាទីក្រុងភ្នំពេញ។ អ្នកស្រីមានប្រសាសន៍ថា បច្ចុប្បន្នវប្បធម៌ប្រើអំណាចគំរាមកំហែងអ្នកទន់ខ្សោយ ប្រព្រឹត្តអំពើទុច្ចរិត ដោយអាងមានខ្សែរយៈមន្ត្រីធំៗនៅពីក្រោយខ្នងនេះ កំពុងពេញនិយម និងកំពុងបង្កឲ្យមានភាពអនាធិបតេយ្យក្នុងសង្គម ដោយសារការប្រើអំណាចគ្មានព្រំដែនកំណត់នេះ។
ទាក់ទិននឹងបញ្ហានេះដែរ នាយប៉ូលិសមួយរូបដែលកំពុងត្រួតពិនិត្យការធ្វើចរាចរណ៍នៅលើដងវិថីម៉ៅសេទុង ក្នុងរាជធានីភ្នំពេញ សុំមិនបញ្ចេញឈ្មោះ បានមានប្រសាសន៍ទទួលស្គាល់ថា មន្ត្រីរដ្ឋាភិបាល និងអ្នកមានលុយកាក់ មុខមាត់នៅក្នុងសង្គម តែងតែប្រើអំណាចរបស់ខ្លួន ឬឈ្មោះមេដឹកនាំជាន់ខ្ពស់របស់រដ្ឋាភិបាល មកគាបសង្កត់មន្ត្រីអនុវត្តច្បាប់ថ្នាក់ក្រោមតូចតាចឲ្យមានភាពស្មុគស្មាញក្នុងពេលបំពេញការងារ។
ពាក់ព័ន្ធបញ្ហាចរាចរណ៍ មន្ត្រីប៉ូលិសរូបនេះបានឲ្យដឹងទៀតថា អ្នកដែលអាងអំណាចច្រើនតែល្មើសនឹងច្បាប់ចរាចរណ៍ ប្រើរថយន្តពុំមានស្លាកលេខ បើកបរពុំមានប័ណ្ណបើកបរ ហើយនៅពេលសមត្ថកិច្ចណែនាំឲ្យគោរពច្បាប់ អ្នកទាំងនោះបានគំរាម និងប្រើពាក្យសម្ដីមើលងាយសមត្ថកិច្ចថែមទៀតផង។
ប្រធានគណបក្សសិទ្ធិមនុស្ស លោក កឹម សុខា មានប្រសាសន៍ថា បញ្ហាអស់ទាំងនេះកើតឡើងដោយសារតែប្រព័ន្ធដឹកនាំសព្វថ្ងៃមិនបានបង្ហាញពីលក្ខណៈដឹកនាំប្រទេសបែបប្រជាធិបតេយ្យពិតប្រាកដ គឺយកច្បាប់ជាធំ។ ផ្ទុយទៅវិញ គេបានបង្ហាញយ៉ាងច្បាស់អំពីការនិយមប្រើអំណាចបុគ្គល បានន័យថា បុគ្គលណាមានតួនាទីខ្ពស់ បុគ្គលនោះមានអំណាចខ្លាំង ដើម្បីធ្វើបាបអ្នកទន់ខ្សោយស្រេចតែចិត្ត ហើយថ្នាក់ដឹកនាំកំពូលបានទុកឱកាសឲ្យអ្នកទាំងអស់នោះយកអំណាចទៅរកលុយកាក់ ដើម្បីបំប៉នអំណាចក្នុងក្រុម ឬបក្សរបស់គេនោះ។
លោក កឹម សុខា បានបញ្ជាក់ទៀតថា អំពើនេះវាមិនអាចធ្វើឲ្យមានសុវត្ថិភាពសង្គមបានទេ វាជាសង្គមមួយដណ្ដើមគ្នារស់ មិនមែនជាសង្គមដែលចែកគ្នារស់ដូចនៅប្រទេសដែលគេកាន់លទ្ធិប្រជាធិបតេយ្យពិតប្រាកដនោះទេ។
ទាក់ទិននឹងបញ្ហានេះ លោក ជាម យៀប ជាប្រធានគណៈកម្មការសេដ្ឋកិច្ច ហិរញ្ញវត្ថុ ធនាគារ និងសវនកម្មនៃរដ្ឋសភា និងជាមន្ត្រីជាន់ខ្ពស់របស់គណបក្សប្រជាជន។ លោកមានប្រសាសន៍ទទួលស្គាល់ថា សព្វថ្ងៃពិតជាមានជនខិលខូចមួយចំនួនបានប្រើតួនាទី និងឈ្មោះថ្នាក់ដឹកនាំរដ្ឋាភិបាលទៅប្រព្រឹត្តអំពើផ្សេងផ្ទុយពីច្បាប់កំណត់ ប៉ុន្តែលោកបញ្ជាក់ថា សកម្មភាពទាំងនោះមិនមែនជាចេតនា ឬឆ្លុះបញ្ចាំងពីឧត្ដមគតិរបស់ថ្នាក់ដឹកនាំរដ្ឋាភិបាលនោះទេ ហើយរដ្ឋាភិបាលក៏មិនបានគាំទ្រ ឬសមគំនិតជាមួយជនល្មើសទាំងនោះដែរ។
លោកបន្តថា ថ្នាក់ដឹកនាំរដ្ឋាភិបាល ជានិច្ចកាលតែងតែបានអប់រំណែនាំមន្ត្រីក្រោមឱវាទឲ្យមានក្រមសីលធម៌ល្អ ធ្វើការគោរពតាមតួនាទីដែលបានកំណត់ ហើយកុំធ្វើអំពើទាំងឡាយណាជាអំពើល្មើសច្បាប់ ដែលនាំឲ្យប៉ះពាល់ដល់កេរ្តិ៍ឈ្មោះថ្នាក់ដឹកនាំ។ ប៉ុន្តែបើជនទាំងនោះនៅប្រព្រឹត្តបទល្មើស គឺមានតែច្បាប់ទេជាអ្នកតម្រឹម ឬកំណត់វាសនាជនល្មើសទាំងនោះ។
អ្នកស្រី រស់ ទិត្យម៉ាឡៃ ជាសាស្ត្រាចារ្យនៅវិទ្យាល័យនាទីក្រុងភ្នំពេញ។ អ្នកស្រីមិនមានទំនុកចិត្តលើប្រព័ន្ធតុលាការសព្វថ្ងៃនេះឡើយ ដោយសារតែអ្នកមានអំណាច អ្នកមានលុយកាក់ច្រើននៅតែមានឥទ្ធិពលលើប្រព័ន្ធតុលាការ ហើយអ្នកទន់ខ្សោយ មានដូចជាពលរដ្ឋក្រីក្រជាដើម នៅតែបង្ហូរទឹកភ្នែកដោយសារទទួលភាពអយុត្តិធម៌ពីការសម្រេចក្ដីរបស់ចៅក្រមតុលាការពេលមានជម្លោះម្តងៗ។
ការប្រើអំណាចលើសលប់ដែលខ្លួនមានរបស់មនុស្សមួយចំនួនដែលស្គាល់អ្នកធំ អ្នកមានអំណាចក្នុងសង្គម បានបង្ហាញឲ្យឃើញនៅពេលថ្មីៗនេះ។ នាយិកាពិធីការ និងទំនាក់ទំនងអន្តរជាតិរបស់ប្រធានព្រឹទ្ធសភា លោក ជា ស៊ីម និងជាប្រធានគណបក្សប្រជាជន គឺអ្នកស្រី ផេង គន្ធាបូរី និងអតីតទីប្រឹក្សា រួមទាំងជំនួយការចំនួន ៣រូបផ្សេងទៀត ត្រូវបានតុលាការចោទប្រកាន់ពីបទក្លែងលិខិតសាធារណៈ និងបទឆបោកដែលមានស្ថានទម្ងន់ទោសពីបទធ្វើឲ្យប៉ះពាល់ថ្នាក់ដឹកនាំកំពូលរបស់ជាតិ ហើយកំពុងឃុំខ្លួននៅពន្ធនាគារព្រៃស។ មកទល់ពេលនេះតុលាការកំពុងបន្តនីតិវិធីក្នុងសំណុំរឿងនេះនៅឡើយ។
នៅក្នុងពេលមនុស្សទាំងនោះនៅក្នុងអំណាចនៅឡើយ មិនមានអ្នកណាហ៊ានប៉ះពាល់ពួកគាត់ឡើយ។ តែនៅពេលនេះ ចៅហ្វាយនាយរបស់គាត់បានចោទគាត់ និងប្ដឹងទៅតុលាការថា ពួកគាត់បានក្បត់ការទុកចិត្តរបស់ចៅហ្វាយនាយគាត់។ មនុស្សទាំងអស់ចាំមើលថា តើមនុស្សដែលស្គាល់អ្នកធំទាំងនោះបានទទួលការកាត់ទោសដោយយុត្តិធម៌ ឬទេ? តើការកាត់ទោសមនុស្សទាំងនោះធ្វើឲ្យមនុស្សដែលនិយមប្រើអំណាចអ្នកធំធ្វើបាបអ្នកតូចតាចនោះ មានការខ្លាចរអា ឬទេ?
សកម្មភាពទាំងនេះចង់មិនចង់ក៏ធ្វើឲ្យមន្ត្រីអនុវត្តច្បាប់តូចតាចនៅថ្នាក់មូលដ្ឋានមានការខ្លាចរអាខ្លះដែរ ឬគេច្រើនតែនិយាយថា ផ្ទះនោះ ឬក្រុមហ៊ុននោះមានខ្សែកថាក្រាស និងមានអ្នកស្គាល់ បក្ខពួក មិត្តភ័ក្ដិ ជាអ្នកធំមិនអាចប៉ះពាល់បាន។ ដូចសុភាសិតមួយបានពោលថា «បើចង់វាយឆ្កែត្រូវឲ្យមើលម្ចាស់»។
ពលរដ្ឋម្នាក់ជាអ្នករត់រ៉ឺម៉កកង់បីដែលកំពុងចតរ៉ឺម៉ករង់ចាំភ្ញៀវនៅជិតរង្វង់មូលគល់ស្ពានជ្រោយចង្វារ មានប្រសាសន៍ពីការកត់សម្គាល់អំពីរឿងនេះថា មន្ត្រីរដ្ឋាភិបាល និងអ្នកមានលុយកាក់មួយចំនួនកំពុងសប្បាយនឹងប្រើអំណាចរបស់ខ្លួនដែលបានពីការរាប់អានជិតស្និទ្ធជាមួយប្រមុខរដ្ឋាភិបាល យកមកគាបសង្កត់អ្នកក្រីក្រ និងយកប្រៀបលើដៃគូអាជីវកម្មរបស់ខ្លួន ដោយមិនបានយកតួនាទីដែលមានទៅធ្វើការបម្រើប្រទេសជាតិឡើយ។
បុរសរូបនេះយល់ឃើញថា ទង្វើបែបនេះបានធ្វើឲ្យប៉ះពាល់ដល់ការអនុវត្តច្បាប់ និងបង្កើតនូវបរិយាកាសអាប់អួ កើតមានភាពអនាធិបតេយ្យក្នុងសង្គម។
អ្នកស្រី រស់ ទិត្យម៉ាឡៃ ជាសាស្ត្រាចារ្យនៅក្នុងវិទ្យាល័យមួយនាទីក្រុងភ្នំពេញ។ អ្នកស្រីមានប្រសាសន៍ថា បច្ចុប្បន្នវប្បធម៌ប្រើអំណាចគំរាមកំហែងអ្នកទន់ខ្សោយ ប្រព្រឹត្តអំពើទុច្ចរិត ដោយអាងមានខ្សែរយៈមន្ត្រីធំៗនៅពីក្រោយខ្នងនេះ កំពុងពេញនិយម និងកំពុងបង្កឲ្យមានភាពអនាធិបតេយ្យក្នុងសង្គម ដោយសារការប្រើអំណាចគ្មានព្រំដែនកំណត់នេះ។
ទាក់ទិននឹងបញ្ហានេះដែរ នាយប៉ូលិសមួយរូបដែលកំពុងត្រួតពិនិត្យការធ្វើចរាចរណ៍នៅលើដងវិថីម៉ៅសេទុង ក្នុងរាជធានីភ្នំពេញ សុំមិនបញ្ចេញឈ្មោះ បានមានប្រសាសន៍ទទួលស្គាល់ថា មន្ត្រីរដ្ឋាភិបាល និងអ្នកមានលុយកាក់ មុខមាត់នៅក្នុងសង្គម តែងតែប្រើអំណាចរបស់ខ្លួន ឬឈ្មោះមេដឹកនាំជាន់ខ្ពស់របស់រដ្ឋាភិបាល មកគាបសង្កត់មន្ត្រីអនុវត្តច្បាប់ថ្នាក់ក្រោមតូចតាចឲ្យមានភាពស្មុគស្មាញក្នុងពេលបំពេញការងារ។
ពាក់ព័ន្ធបញ្ហាចរាចរណ៍ មន្ត្រីប៉ូលិសរូបនេះបានឲ្យដឹងទៀតថា អ្នកដែលអាងអំណាចច្រើនតែល្មើសនឹងច្បាប់ចរាចរណ៍ ប្រើរថយន្តពុំមានស្លាកលេខ បើកបរពុំមានប័ណ្ណបើកបរ ហើយនៅពេលសមត្ថកិច្ចណែនាំឲ្យគោរពច្បាប់ អ្នកទាំងនោះបានគំរាម និងប្រើពាក្យសម្ដីមើលងាយសមត្ថកិច្ចថែមទៀតផង។
ប្រធានគណបក្សសិទ្ធិមនុស្ស លោក កឹម សុខា មានប្រសាសន៍ថា បញ្ហាអស់ទាំងនេះកើតឡើងដោយសារតែប្រព័ន្ធដឹកនាំសព្វថ្ងៃមិនបានបង្ហាញពីលក្ខណៈដឹកនាំប្រទេសបែបប្រជាធិបតេយ្យពិតប្រាកដ គឺយកច្បាប់ជាធំ។ ផ្ទុយទៅវិញ គេបានបង្ហាញយ៉ាងច្បាស់អំពីការនិយមប្រើអំណាចបុគ្គល បានន័យថា បុគ្គលណាមានតួនាទីខ្ពស់ បុគ្គលនោះមានអំណាចខ្លាំង ដើម្បីធ្វើបាបអ្នកទន់ខ្សោយស្រេចតែចិត្ត ហើយថ្នាក់ដឹកនាំកំពូលបានទុកឱកាសឲ្យអ្នកទាំងអស់នោះយកអំណាចទៅរកលុយកាក់ ដើម្បីបំប៉នអំណាចក្នុងក្រុម ឬបក្សរបស់គេនោះ។
លោក កឹម សុខា បានបញ្ជាក់ទៀតថា អំពើនេះវាមិនអាចធ្វើឲ្យមានសុវត្ថិភាពសង្គមបានទេ វាជាសង្គមមួយដណ្ដើមគ្នារស់ មិនមែនជាសង្គមដែលចែកគ្នារស់ដូចនៅប្រទេសដែលគេកាន់លទ្ធិប្រជាធិបតេយ្យពិតប្រាកដនោះទេ។
ទាក់ទិននឹងបញ្ហានេះ លោក ជាម យៀប ជាប្រធានគណៈកម្មការសេដ្ឋកិច្ច ហិរញ្ញវត្ថុ ធនាគារ និងសវនកម្មនៃរដ្ឋសភា និងជាមន្ត្រីជាន់ខ្ពស់របស់គណបក្សប្រជាជន។ លោកមានប្រសាសន៍ទទួលស្គាល់ថា សព្វថ្ងៃពិតជាមានជនខិលខូចមួយចំនួនបានប្រើតួនាទី និងឈ្មោះថ្នាក់ដឹកនាំរដ្ឋាភិបាលទៅប្រព្រឹត្តអំពើផ្សេងផ្ទុយពីច្បាប់កំណត់ ប៉ុន្តែលោកបញ្ជាក់ថា សកម្មភាពទាំងនោះមិនមែនជាចេតនា ឬឆ្លុះបញ្ចាំងពីឧត្ដមគតិរបស់ថ្នាក់ដឹកនាំរដ្ឋាភិបាលនោះទេ ហើយរដ្ឋាភិបាលក៏មិនបានគាំទ្រ ឬសមគំនិតជាមួយជនល្មើសទាំងនោះដែរ។
លោកបន្តថា ថ្នាក់ដឹកនាំរដ្ឋាភិបាល ជានិច្ចកាលតែងតែបានអប់រំណែនាំមន្ត្រីក្រោមឱវាទឲ្យមានក្រមសីលធម៌ល្អ ធ្វើការគោរពតាមតួនាទីដែលបានកំណត់ ហើយកុំធ្វើអំពើទាំងឡាយណាជាអំពើល្មើសច្បាប់ ដែលនាំឲ្យប៉ះពាល់ដល់កេរ្តិ៍ឈ្មោះថ្នាក់ដឹកនាំ។ ប៉ុន្តែបើជនទាំងនោះនៅប្រព្រឹត្តបទល្មើស គឺមានតែច្បាប់ទេជាអ្នកតម្រឹម ឬកំណត់វាសនាជនល្មើសទាំងនោះ។
អ្នកស្រី រស់ ទិត្យម៉ាឡៃ ជាសាស្ត្រាចារ្យនៅវិទ្យាល័យនាទីក្រុងភ្នំពេញ។ អ្នកស្រីមិនមានទំនុកចិត្តលើប្រព័ន្ធតុលាការសព្វថ្ងៃនេះឡើយ ដោយសារតែអ្នកមានអំណាច អ្នកមានលុយកាក់ច្រើននៅតែមានឥទ្ធិពលលើប្រព័ន្ធតុលាការ ហើយអ្នកទន់ខ្សោយ មានដូចជាពលរដ្ឋក្រីក្រជាដើម នៅតែបង្ហូរទឹកភ្នែកដោយសារទទួលភាពអយុត្តិធម៌ពីការសម្រេចក្ដីរបស់ចៅក្រមតុលាការពេលមានជម្លោះម្តងៗ។
ការប្រើអំណាចលើសលប់ដែលខ្លួនមានរបស់មនុស្សមួយចំនួនដែលស្គាល់អ្នកធំ អ្នកមានអំណាចក្នុងសង្គម បានបង្ហាញឲ្យឃើញនៅពេលថ្មីៗនេះ។ នាយិកាពិធីការ និងទំនាក់ទំនងអន្តរជាតិរបស់ប្រធានព្រឹទ្ធសភា លោក ជា ស៊ីម និងជាប្រធានគណបក្សប្រជាជន គឺអ្នកស្រី ផេង គន្ធាបូរី និងអតីតទីប្រឹក្សា រួមទាំងជំនួយការចំនួន ៣រូបផ្សេងទៀត ត្រូវបានតុលាការចោទប្រកាន់ពីបទក្លែងលិខិតសាធារណៈ និងបទឆបោកដែលមានស្ថានទម្ងន់ទោសពីបទធ្វើឲ្យប៉ះពាល់ថ្នាក់ដឹកនាំកំពូលរបស់ជាតិ ហើយកំពុងឃុំខ្លួននៅពន្ធនាគារព្រៃស។ មកទល់ពេលនេះតុលាការកំពុងបន្តនីតិវិធីក្នុងសំណុំរឿងនេះនៅឡើយ។
នៅក្នុងពេលមនុស្សទាំងនោះនៅក្នុងអំណាចនៅឡើយ មិនមានអ្នកណាហ៊ានប៉ះពាល់ពួកគាត់ឡើយ។ តែនៅពេលនេះ ចៅហ្វាយនាយរបស់គាត់បានចោទគាត់ និងប្ដឹងទៅតុលាការថា ពួកគាត់បានក្បត់ការទុកចិត្តរបស់ចៅហ្វាយនាយគាត់។ មនុស្សទាំងអស់ចាំមើលថា តើមនុស្សដែលស្គាល់អ្នកធំទាំងនោះបានទទួលការកាត់ទោសដោយយុត្តិធម៌ ឬទេ? តើការកាត់ទោសមនុស្សទាំងនោះធ្វើឲ្យមនុស្សដែលនិយមប្រើអំណាចអ្នកធំធ្វើបាបអ្នកតូចតាចនោះ មានការខ្លាចរអា ឬទេ?
0 comments:
Post a Comment