Print 
PDF សុក្រ 28 តុលា 2011 10:48 AM | ឬទ្ធិពល | 
48 Views
រហូតមកដល់ព្រឹកថ្ងៃទី២៨ខែ តុលានេះ តាមសេចក្ដីរាយការណ៏ថា សិស្សវិទ្យាល័យ ហ៊ុន សែន ក្រគរ ជាច្រើននាក់ទៀតបានបន្តដួលសន្លប់ ដែលធ្វើឲ្យតួលេខអ្នកសន្លប់ រាប់ចាប់ពីថ្ងៃព្រហស្បតិ៏ម្សិលមិញ បានកើនដល់២៧៣នាក់ហើយ ។ ដោយស្ថាប័ននានាមិនទាន់កំណត់បានជាក់លាក់ថា សិស្សដែលដួលសន្លប់នោះបណ្ដាលមកពីមូលហេតុអ្វីឲ្យប្រាកដឡើយ ។ 48 Views កាលពីថ្ងៃព្រហស្បតិ៍ សិស្សវិទ្យាល័យដែលមានទីតាំងស្ថិតនៅក្នុង ភូមិ កណ្ដាល ឃុំ ក្បាលត្រាច ស្រុក ក្រគរ នេះ បានដួលសន្លប់ជាង១រយនាក់ ដែលវាបានក្លាយទៅជាទិដ្ឋភាពគួឲ្យភ្ញាក់ផ្អើលជាលើកដំបូង នៅពេលដែលករណីនេះ គេធ្លាប់ឃើញមានទៅលើតែកម្មការិនីរោងចក្រកាត់ដេរ ដែលត្រូវបានគេសន្និដ្ឋានថា បណ្ដាលមកពីសារធាតុគីមីពុល ដែលប្រើប្រាស សម្រាប់ការពារក្រណាត់នោះ។
ដោយពុំមានឧបករណ៍សម្រាប់ធ្វើការពិសោធន៍ ក្រុមអាជ្ញាធរខេត្ត ពោធិ៍សាត់ ដំបូងឡើយ បានដាក់ការសង្ស័យទៅលើពំនូកភ្លើង ដែលមានដុតនូវឯកសារចាស់ៗ ថ្មពិល កំប៉ុងថ្នាំលាបផ្ទះ និងកម្ទេចសំរាមផ្សេងទៀតថា ជាមូលហេតុផ្ដើមឲ្យមានការពុល , អ្នកខ្លះបាននិយាយថា បណ្ដាលមកពីកង្វះអុកហ្សីហ្សែន ធ្វើឲ្យថប់ដង្ហើម រួមទាំងការភ័យខ្លាចតាមគ្នា…។ ប៉ុន្តែយ៉ាងណាក៏ដោយ ទាំងនេះគ្រាន់តែជាការវាយតម្លៃច្បោលៗ តាមរយៈការឃើញផ្ទាល់ភ្នែកប៉ុណ្ណោះ ដោយពុំទាន់មានការធ្វើពិសោធន៍ត្រឹមត្រូវតាមលក្ខណៈបច្ចេកទេស វិទ្យាសាស្ត្រ ថា ការដួលសន្លប់នោះ បណ្ដាលមកពីមូលហេតុអ្វី ឲ្យប្រាកដឡើយ ៕
0 comments:
Post a Comment